मकवानपुर । २१ फागुनकाे लागि ताेकिएकाे निर्वाचनमा मकवानपुर जिल्लाबाट ४४ जनाले उम्मेदवारी दर्ता गराएका छन् । निर्वाचन आयोगले मंगलबारकाे लागि ताेकेकाे उम्मेदवार मनोनयनकाे कार्यताललिका अनुसार जिल्लामा क्रियाशील दल तथा स्वतन्त्र गरी ४४ जनाले उम्मेदवारी दर्ता गराएका हुन् ।
मुख्य निर्वाचन अधिकृतकाे कार्यालयका अनुसार दलहरुकाे तर्फबाट २९ जना तथा स्वतन्त्र तर्फ १५ जनाले उम्मेदवारी दिएका हुन् । २ वटा संघीय निर्वाचन रहेकाे जिल्लाकाे क्षेत्र नम्बर १ मा २३ जनाकाे उम्मेदवारी दर्ता भएकाे छ । जसमा १३ जना दलहरुकाे प्रतिनिधित्व गर्दै चुनावी प्रतिष्पर्धाकाे लागि मनोनयन दर्ता गराएका हुन भने १० जनाले स्वतन्त्र तर्फ उम्मेदवारी दर्ता गराएका छन् । यस्तै क्षेत्र नम्बर २ मा १६ जनाले पार्टीकाे प्रतिनिधित्व गर्दै मनोनयन दर्ता गराउँदा ५ जनाले स्वतन्त्र तर्फ उम्मेदवारी दर्ता गराएकाे मुख्य निर्वाचन अधिकृतकाे कार्यालयले जनाएकाे छ ।
कार्यालयका अनुसार नेकपा एमाले, नेपाली काँग्रेस, नेपाली कम्युनिष्ट पार्टी (नेकपा), राष्ट्रिय स्वतन्त्र पार्टी (रास्वपा), राष्ट्रिय प्रजातन्त्र पार्टी (राप्रपा), प्रगतिशील लोकतान्त्रिक पार्टी (प्रलोपा), श्रम संस्कृति पार्टी, नेपाल मजदुर किसान पार्टी, राष्ट्रिय जनमोर्चा, नेपाल कम्युनिष्ट पार्टी (माओवादी) मंगोल नेशनल अर्गनाइजेशन जनता समाजवादी पार्टी संयुक्त नागरिक पार्टी आम जनता पार्टी नेशनल रिपब्लिक पार्टी जिल्लाकाे दुवै क्षेत्रमा उम्मेदवारी दिएका छन् ।
ककस्ले गराए उम्मेदवारी
नेकपा एमालेबाट मकवानपुर क्षेत्र नम्बर १ मा रामेश्वर रानाले मनोनयन दर्ता गराएका छन् । एमालेबाटै जिल्लाकाे क्षेत्र नम्बर २ मा पुर्व सांसद महेश बर्तौलाले उम्मेदवारी दर्ता गराए । यस्तै नेपाली काँग्रेसबाट जिल्लाकाे क्षेत्र नम्बर १ मा नेपाली कांग्रेसकी पूर्व सह–महामन्त्री महालक्ष्मी उपाध्याय ‘डिना’ ले उम्मेदवारी दर्ता गराएकी छन्। यस्तै क्षेत्र नम्बर २ मा कांग्रेस मकवानपुरका सभापति बुद्ध लामाले उम्मेदवारी दर्ता गराएका छन्।
नेपाली कम्युनिष्ट पार्टी(नेकपा) काे तर्फबाट क्षेत्र नम्बर १ मा विजय गौतमले उम्मेदवारी दर्ता गराएका छन् । यस्तै क्षेत्र नम्बर २ मा लवशेर विष्टले उम्मेदवारी दिएका छन् । यसैगरी राष्ट्रिय प्रजातन्त्र पार्टीे राप्रपाका दिपक बहादुर सिंहले क्षेत्र नम्बर १ मा उम्मेदवारी दर्ता गराउँदा साेही पार्टीका राम बहादुर थोकर ले क्षेत्र नम्बर २ बाट उम्मेदवारी दिएका छन् ।
राष्ट्रिय स्वतन्त्र पार्टी (रास्वपा) बाट मकवानपुर क्षेत्र नम्बर–१ मा प्रकाश गौतमले उम्मेदवारी दर्ता गराए भने साेही पार्टीबाट क्षेत्र नम्बर २ मा प्रशान्त उप्रेतीले उम्मेदवारी दर्ता गराएका छन् । यस्तै प्रगतिशील लोकतान्त्रिक पार्टी (प्रलोपा) बाट मकवानपुर क्षेत्र नम्बर १ मा तेज प्रसाद उप्रेती (रमेश) ले उम्मेदवारी दर्ता गराएका छन् । साेही पार्टीले क्षेत्र नम्बर २ मा सन्तोष विष्टले उम्मेदवारी दर्ता गराएका छन् ।
यसैगरी श्रम संस्कृति पार्टीबाट जिल्लाकाे निर्वाचन क्षेत्र नम्बर १ मा विद्या श्रेष्ठले उम्मेदवारी दर्ता गरेकी छिन् । कुलमान घिसिङकाे उज्यालो नेपाल पार्टीको केन्द्रीय सदस्य त्यागेर श्रेष्ठले हर्क साम्पाङ नेतृत्वको श्रम संस्कृति पार्टीबाट उम्मेदवारी दिएकी हुन् । साेही पार्टीबाट मकवानपुरकाे क्षेत्र नम्बर २ बाट युनिश लामाले उम्मेदवारी दर्ता गराएका छन् ।
यस्तै क्षेत्र नम्बर १ बाट जसपाका दीपक सिन्तान, नेकपा माओवादीका महेश नेपाली, मंगोल नेशनल अर्गनाइजेशनका युवराज लामा, नेमकिपाकी रञ्जना सुवाल मगजु, जसपा नेपालका रुपक लामाले उम्मेदवारी दर्ता गराएका छन् । क्षेत्र नम्बर २ बाट मंगोल नेशनल अर्गनाइजेशनका हिरालाल स्याङतान, नेशनल रिपब्लिक नेपालका सुर्य तामाङ बल, आम जनता पार्टीका सुर्य राई, नेमकीपाका सरोज तामाङ, संयुक्त नागरिक पार्टी शुभराज प्रजा, नेकपा माओवादीका राम घलान, जसपाका छविलाल वाइवा, जनमोर्चाका निरबहादुर सिन्तानले उम्मेदवारी दर्ता गराएका छन् ।
स्वतन्त्रमा १५ जनाकाे उम्मेदवारी
यसैगरी स्वतन्त्र तर्फ २ वटै क्षेत्रमा गरी १५ जनाले उम्मेदवारी दर्ता गराएका छन् । क्षेत्र नम्बर १ मा स्वतन्त्र तर्फ अमर दंगाल (बकैया), अमिक परियार (हेटौंडा), टिका प्रसाद चौलागाईं (हेटौंडा), सुशीला सुवेदी (हेटौंडा आलदमार), ज्ञान सागर लामा (बागमती), राजाराम बाेगटी (हेटौंंडा), राकेश कुमार शर्मा (हेटौंडा), मठु पुलामी मगर (बागमती), प्रमिला कुमारी खतिवडा (हेटौंडा) र राजकुमार खड्का (मकवानपुरगढी) ले उम्मेदवारी दिएका हुन् ।
यस्तै क्षेत्र नम्बर २ मा स्वतन्त्रबाट अमृत बल (भीमफेदी), कृष्णराम श्रेष्ट (मनहरी), प्रतिक्षा बानिया (हेटौंडा), सिता माया बल (राक्सिराङ), रमेश आचार्य (भीमफेदी) ले उम्मेदवारी दिएका छन् ।
सबै उम्मेदवारकाे सूची यहाँबाट हेर्न सक्नु हुनेछः
उम्मेदवारी मनोनयन सम्बन्धीमकवानपुर । मकवानपुर क्षेत्र नम्बर २ मा नेकपा एमालेका तर्फबाट उम्मेदवारी दर्ता गराएका महेश बर्तौलाले आफ्नो जित निश्चित भएको बताएका छन् । निर्वाचन अधिकृतको कार्यालय पुगेर प्रतिनिधिसभा सदस्यका लागि उम्मेदवारी दर्ता गराएपछि उनले आफ्नो जीत निश्चित भएकाे दाबी गरेका हुन् ।
सञ्चारकर्मीसँग संक्षिप्त कुरा गर्दै उनले २०७९ सालको निर्वाचनमा जनताले पाँच वर्षका लागि म्यान्डेट दिएर पठाएको भए पनि पूरा कार्यकाल काम गर्न नपाएको गुनासो समेत गरे। जनताको काम गर्न नपाउँदै संसद विघटन भइ ताजा जनादेशकाे लागि निर्वाचन हुन लागेकाेले आफू जनताको घरदैलोमा जान लागेको उनले जनाकारी दिए ।
‘विधि र प्रक्रिया अनुसार निर्वाचन घोषणा भएको छ, यसलाई लोकतान्त्रिक अभ्यासका रूपमा लिनु पर्छ’ उनले भने ‘लोकतन्त्रलाई जीवन्त बनाउन स्वच्छ र मर्यादित प्रतिस्पर्धाको पक्षमा रहेकाे छु।’ बर्तौलाले चुनावी प्रतिस्पर्धीमा मनोनयन गराएका अरु उम्मेदवारलाई शुभकामना समेत दिएका छन् । एमालेको तर्फबाट आफूले गरेको प्रस्तुति र विगतको भूमिकाका आधारमा जनताले भरोसा गर्दै कानून निर्माण गर्ने थलोमा पुर्याउनेमा विश्वश्त रहेकाे उनकाे भनाई छ ।
मकवानपुर । बागमती प्रदेश सभाका ६ जना सांसदहरुले पदबाट राजिनामा दिएका छन् । फागुन २१ गतेकाे लागि ताेकिएकाे प्रतिनिधि सभा निर्वाचनमा भाग लिन उनीहरुले सांसद पदबाट राजीनामा दिएका हुन्।
राजीनामा दिनेमा नेपाली काँग्रेसका सांसद कुन्दनराज काफ्ले, नेकपा एमालेका प्रकाश श्रेष्ठ र अमन कुमार मास्के, नेपाली कम्युनिस्ट पार्टी (नेकपा) (तत्कालीन नेकपा एकीकृत समाजवादी) का वसन्त मानन्धर र युवराज दुलाल (तत्कालीन नेकपा माओवादी केन्द्र) तथा राष्ट्रिय प्रजातन्त्र पार्टी (राप्रपा) का सुनिल केसी रहेका छन्।
बहादुर सिं लामा मुख्यमन्त्री हुँदा आर्थिक मामिला तथा योजनामन्त्री समेत रहेका दोलखाका काफ्लेले सोमबार हेटौंडा-१० स्थित प्रदेशसभाकाे सचिवालयमा उपसभामुख अप्सरा चापागाईंलाई राजीनामा बुझाएका छन् । अरु ५ जनाले इमेल मार्फत राजीनामा पठाएकाे बताइएकाे छ ।
दुलाललाई नेपाली कम्युनिष्ट पार्टी (नेकपा)ले सिन्धुपाल्चोक–२ बाट उम्मेदवार बनाएको छ । दुलाल २०७४ देखि २०७७ सम्म प्रदेशको सामाजिक विकास मन्त्री र २०७९ देखि २०८१ सम्म भौतिक पूर्वाधार विकास मन्त्री भएका थिए । यसैगरी काठमाडौं ७ (२)बाट निर्वाचित २०७४ र २०७९ मा प्रदेश सांसद निर्वाचित भएका श्रेष्ठ आसन्न निर्वाचनमा काठमाडौं–७ मा प्रतिनिधिसभा सदस्य पदको लागि उम्मेदवार निश्चित भएको हो । उनी २०८१ देखि २०८२ सम्म प्रदेशको मन्त्री बनेका थिए ।
यस्तै काठमाडौं–६ (२)बाट निर्वाचित भएका मास्के आगामी निर्वाचनमा काठमाडौं–६ मा एमाले प्रतिनिधि सभाको निर्वाचनको उम्मेदवार बन्ने छन् । उनी २०८० देखि २०८१ सम्म प्रदेशको भौतिक पूर्वाधार विकास मन्त्री रहेका थिए । दोलखा १ (१)बाट प्रदेशसभा सदस्य निर्वाचित काफ्ले आगामी निर्वाचनमा दोलखाबाट उम्मेदवार बन्ने तयारीमा छन् । काफ्ले बागमती प्रदेशको २०८० देखि २०८१ सम्म आर्थिक मामिला तथा योजना मन्त्री रहेका थिए ।
यसैगरी २०७४ र २०७९ मा प्रदेशसभा सदस्य मानन्धर २०७४ मा एमाले र २०७९ मा नेकपा एकीकृत समाजवादीबाट काठमाडौं–७ (२) बाट प्रदेशसभा निर्वाचित भएका थिए । हाल नेकपामा आवद्ध उनी काठमाडौं–७ बाट चुनाव लड्ने भएका छन् । उनी प्रदेशसभाको पहिलो कार्यकालको २०७८ देखि २०७९ सम्म खानेपानी उर्जा तथा सिंचाई मन्त्री रहेका थिए ।
राप्रपाबाट काठामडौं–२ (१) बाट निर्वाचित केसी रास्वपाबाट काठमाडौं–२ बाट प्रतिनिधिसभा सदस्य पदको उम्मेदवार बन्ने तय भएको छ । पूर्व मेयर बालेनको टिमबाट रास्वपाले उनलाई काठमाडौं–२ मा टिकट दिएको हो । पछिल्ला समय उनी राप्रपा भन्दा पनि बालेन टिममा सक्रिय रहदै आएका थिए ।
मकवानपुर । नेपाली कांग्रेसले एकता र सद्भाव कायम राख्दै पार्टीलाई नयाँ उचाइमा पुराउन देशभरका नेता तथा कार्यकर्तालाई अपिल गर्ने निर्णय गरेको छ ।
नेपाली कांग्रेसको शनिबार बसेको केन्द्रीय कार्यसमिति बैठकले गरेका ६ बुँदे निर्णय सार्वजनिक गरिएको छ।
बैठकपछि पार्टी प्रवक्ता देवराज चालिसेले बैठकका निर्णय सार्वजनिक गरेको गरेका छन् ।
नेपाली कांग्रेसको केन्द्रीय कार्यसमितिको २०८२ माघ ३ गते नयाँ बानेश्वरमा बसेको बैठकले गरेका निर्णयहरू –
१ निर्वाचन आयोगले नेपाली काग्रेसको दोश्रो विशेष महाधिवेशनका निर्णयहरूलाई संविधान, कानून र पार्टी विधानअनुसार मान्यता दिई अद्यावधिक गरिसकेको छ। यो कसैको जित-हार होइन— यो विधान र लोकतन्त्रको विजय हो । यस ऐतिहासिक परिवर्तनमा साथ दिने हरेक सदस्य, शुभेच्छुक र सहयोगीप्रति हृदयदेखि केन्द्रिय समितिको यो वैठक हार्दिक आभार व्यक्त गर्दछ ।
२ . यो समय एकता, सद्भाव र सहकार्यको समय हो । देश-विदेशमा रहेका सवै काग्रेसजन, सवै तहका समितिहरू र सबै भातृ तथा सूभेच्छुक सस्थाका साथिहरूलाई नवीन ऊर्जा, अटुट विश्वास र पूर्ण एकताका साथ फागुन २१ को निर्वाचनमा शसक्त रूपमा सहभागि हुन हार्दिक आह्वान गरिन्छ ।
३ . विभिन्न कारणले पार्टीवाट निष्कृय रहनु भएका, विभिन्न कारणले पार्टी छाड्नु भएका सवै साथिहरूलाई पार्टीमा पुन : जोडिन यो वैठक हार्दिकतापूर्वक आव्हान गर्दछ ।
४ . यतिवेला हामी निवर्तमान सभापति शेरबहादुर देउवा लगायतका नेताहरूले नेपाली काग्रेसको नेतृत्वमा रहि लामो समयदेखि पुर्याउनु भएको योगदानको उच्च कदर गर्दै हार्दिक धन्यवाद प्रकट गर्दछ । यो वैठकले श्रद्देय नेताको अभिभावकिय भूमिका प्राप्त हुने विश्वास राख्दछ ।
५, नेपाली काग्रेस आम नेपाली नागरिक प्रति आफ्नो अटल प्रतिबद्धता पून दोहर्याउन चाहन्छ, अब कुनै अप्राकृतिक गठबन्धन वा सत्ताकेन्द्रित सम्झौता हुँनेछैन । हामि सदैव मूल्य र सिद्धान्तमा अडिग रहने छौ । संविधानको रक्षा गर्दै समृद्ध नेपालको नेतृत्व गर्ने छौ । नवयुवाको आकांक्षा र जनताको अपेक्षालाई साकार पार्ने छौ ।
६ . यो नयाँ अध्याय हो – रुपान्तरणको, एकताको, विजयको ।
सवैमा अनुरोध छ, समुन्नत नेपाल निर्माणको महाअभियानमा जोडिनुहोस्। थप स्नेह, विश्वास र साथ दिन सवैमा अनुरोध छ ।
जय नेपाल
देवराज चालिसे
प्रवक्ता
नेपाली कांग्रेस
मकवानपुर । बागमती प्रदेश सरकारले बैठकले ३२ वटा ‘प्रदेश गौरवका आयोजना’ छनोट गर्ने निर्णय गरेको छ ।
प्रदेश सरकार मन्त्रिपरिषद्को बुधबार बसेको बैठकले विभिन्न मन्त्रालयहरूले प्रस्ताव गरेका प्रदेश गौरवका आयोजना तथा बहुवर्षीय आयोजनालाई पारित गरेको हो । सरकारले प्रदेशमा ३२ वटा आयोजनाहरूलाई गौरवको आयोजनाका रूपमा अघि बढाउने निर्णय गरेको सरकारका प्रवक्ता एवम् आर्थिक मामिला तथा योजना मन्त्री प्रभात तामाङले जानकारी दिए ।
‘बुधबारको बैठकले गौरवका आयोजनाको शीर्षक मात्र स्वीकृत गरेको छ’ मन्त्री तामाङले भने ‘बजेटको हकमा आर्थिक मामिला मन्त्रालयले वित्तीय व्यवस्थापनको क्षमता हेरेर तय गर्नेछ ।’
अरु के के भए निर्णय:
• केही समयदेखि रोकिएको प्रदेश सचिवहरूको तलबका विषयमा प्रदेश ऐनले तोके बमोजिम प्रक्रिया अगाडि बढाउने ।
• प्रदेश निजामती सेवा नियमावलीको मस्यौदा तयार गरी परामर्शका लागि लोक सेवा आयोगमा पठाउने। निजामती सेवा ऐनले निदृष्ट गरे बमोजिमका विषयमा थप प्रस्ट पार्न र ऐनले नसमेटेका विषयहरूलाई तोकिएको ढाँचामा प्रस्तुत गर्न नियमावली तयारी गरिएको ।
• ‘विज्ञान प्रविधि नवप्रवर्तन तथा विकास कोष नियमावली २०८२’ स्वीकृत । उक्त नियमावली सामाजिक विकास मन्त्रालयको प्रस्तावमा पेश गरिएको हो ।
• कृषि तथा पशुपन्छी विकास मन्त्रालयको प्रस्तावमा ‘प्रादेशिक कृषि थोक बजार सञ्चालन निर्देशिका २०८२’ को मस्यौदा स्वीकृत ।