मकवानपुर । हेटौंडा नगरका ३ नेतालाई नेकपा माओवादी केन्द्रले कारवाही गरेकाे छ । नेकपा (माओवादी केन्द्र) हेटौंडा उपमहानगरपालिका समितिले ३ जना नगर सचिलाय सदस्यलाई कारबाही गरेको हाे ।
जेठ २० र २१ गते बसेको नगर समिति बैठकले पार्टीको बिधान बिपरित दोस्रो स्थानीय तह निर्वाचनमा गतिबिधि गरेको भन्दै नेकपा माओवादी केन्द्र हेटौंडा उपमहानगर कमिटि सचिवालय सदस्य तथा हेटौंडा वडा नम्बर १७ वडा समितिका इन्चार्ज शंकर बहादुर राउत र सचिवालय सदस्य तथा वडा नम्बर १० समितिका इन्चार्ज सन्तोष न्यौपानेलाई पार्टीको सबै जिम्मेवारीबाट मुक्त गर्दै साधरण सदस्य नरहने गरी कारबाही गरेको पार्टीले जनाएकाे छ ।
साथै नगर सचिवालय सदस्य गिता कार्कीले पार्टी परित्याग गरेकोले साधरण सदस्य नरहने गरी हटाइएको नगर कमिटि अध्यक्ष तिर्थ थापा मगरले जानकारी दिए । बैठकले नगर समिति सचिवालय सदस्य ३ जना, नगर सदस्य २ जना र वडा समितिका अध्यक्ष १ जनालाई लिखित तथा मौखिक स्पष्टिकरण सोध्ने निर्णय गरेको मगरले बताए । यस्तै हेटौंडा १७ नम्बर वडा समितिको इन्चार्ज प्रदिप अर्याल र १० नम्बर वडा समितिको इन्चार्जमा ज्ञानेन्द्र बहादुर कार्कीलाई जिम्मेवारी दिइएको समेत उनले बताए ।
बैठकमा स्थानीय तह दोस्रो निर्वाचनकाे समिक्षा गरिएको थियो । नेकपा माओवादी केन्द्र हेटौंडा उपमहानगर समितिका सदस्यहरु, वडा समितिका इन्चार्ज, सह इन्चार्ज, वडा अध्यक्ष तथा सचिवहरुले २०७९ वैशाख ३० गते सम्पन्न स्थानीय तह दोस्रो निर्वाचनमा नगर भित्रको अ–आफ्नो कार्यक्षेत्रको संगठनात्मक गतिबिधि, चुनावी गतिबिधि, गठबन्धनको नीति, समस्या, चुनौती लगायत सवल र दुर्वल पक्षको विषयमा समिक्षात्मक रिपोर्ट प्रस्तुत गरेका थिए ।
बैठकले सबै वडा समितिको समिक्षात्मक बैठक मिति २०७९ जेठ २७ गतेसम्म बसिसक्ने निर्णय गरेको छ । स्थानीय तह दोस्रो निर्वाचन हेटौंडा उपमहानगरपालिकामा गठबन्धनबाट निर्वाचित प्रमुख, उपप्रमुख, वडा अध्यक्ष लगायत सम्पूर्ण जनप्रतिनिधिहरुलाई हार्दिक बधाई तथा सफल कार्यकालको शुभकामना समेत दिइएकाे अध्यक्ष मगरले बताए ।
नगर समितिका अध्यक्ष मगरको अध्यक्षता तथा नेकपा माओवादी केन्द्रका केन्द्रीय सदस्य प्रमिला पुलामीको प्रमुख आतिथ्यतामा बसेकाे बैठकमा जिल्ला समन्वय समितिका संयोजक सर्केस घलान मधु, सचिव भीम पाख्रिन, हेटौंडा उपमहानगरपालिका इन्चार्ज विवके राई, जिल्ला समन्वय समितिका सदस्यहरु लगायतको उपस्थिती रहेको थियो ।
मकवानपुर । जनआन्दोलन २०६२/०६३ पछि मकवानपुरबाट संघीय सरकारमा पहिलो पटक मन्त्रीको प्रतिनित्व गरेका बिरोध खतिवडाले पद छाड्नु परेको छ ।
नेकपा एमालेमा रहदा मन्त्रीको दाबि नपुगेको भन्दै ‘ब्याक’ गराइदै आएका खतिवडा नेकपा फुटेर नेकपा एकीकृत समाजवादी बनेपछि संघीय सरकारको स्वास्थ्य तथा जनसंख्या मन्त्री बनेका थिए । गत २२ असोजमा खतिवडा मन्त्री बनेका खतिवडा ठ्याक्कै ८ महिनापछि पदबाट हाट्नु परेको छ । शेरबहादुर देउवा नेतृत्वको मन्त्रीमण्डलमा खतिवडा छैटौं नम्बरको वरीयतामा थिए ।
उनकै नेतृत्वमा एकीकृत समाजवादी पार्टी सरकारमा सहभागी भएको हो। खतिवडाले एमालेमा रहँदा मन्त्री बन्ने अवसर पाएका थिएनन्। २०४८ सालमा पहिलोपटक निर्वाचित बनेका उनी त्यसयता चारपटकसम्म सांसद बने तर, मन्त्री बन्न सकेका थिएनन्। एमालेबाट छुट्टिएर माधवकुमार नेपाल नेतृत्वमा एकीकृत समाजवादी पार्टी निर्माण भएको डेढ महिनामै खतिवडाले मन्त्री बन्ने अवसर पाएका थिए ।
कोरोना महामारी चलिरहेको चुनौतीपूर्ण स्थितिमा स्वास्थ्य मन्त्रालयको जिम्मेवारी पाएका खतिवडा आफ्नो कार्यकालमा धेरै राम्रो काम गरेको बताए ।खतिवडाले ३० वर्षपछि मन्त्री बन्ने अवसर पाएका थिए तर पार्टीले फिर्ता बेलाउने निर्णय गरेसँगै संघीय सरकारको स्वास्थ्य तथा जनसंख्या मन्त्री रहेका खतिवडाको मन्त्री पद गुमेको छ ।
आइतबार नेकपा एकीकृत समाजवादी पार्टीले संघीय सरकारमा पार्टीबाट प्रतिनिधित्व गर्ने खतिवडासहित सबै मन्त्रीलाई फिर्ता बोलाउने निर्णय गरेर नयाँ नाम पठाएको छ । पार्टीले भवानी खापुङलाई स्वास्थ्य तथा जनसंख्याको जिम्मेवारी दिने निर्णय गरेर प्रधानमन्त्रीलाई नाम सिफारिस गरेको छ ।
मकवानपुर । हेटौंडा उपमहानगरपालिकाका नगर प्रमुख मीनाकुमारी लामाले ‘औद्योगिक क्षेत्रभित्र र बाहिर रहेका रुग्ण उद्योगलाई चलायमान बनाउनु पर्ने’ बताएकी छिन् ।
उद्योग संघ मकवानपुरले स्थानीय तह निर्वाचनमा हेटौंडा उपमहानगरमा निर्वाचित जनप्रतिनिधिलाई गरेकाे स्वागत कार्यक्रममा लामाले हेटौंडा औद्योगिक क्षेत्रभित्र र बाहिर रहेका रुग्ण उद्योगलाई उकास्ने गरी काम गर्न जरुरी रहेको बताएकी हुन् । ‘समुन्नत हेटौंडा निर्माणको लागि सबैसँग सहकार्य गरेरै अघि बढ्नु पर्छ उनले भनिन् –‘ उद्योगहरु थलिँदै गएको अवस्था रहेकाले उद्योग संघसंगको सहकार्यमा त्यस्ता उद्योग र व्यवसायलाई चलायमान बनाउन आवश्यक छ ।’
लामाले भनिन् ‘बागमती प्रदेशको राजधानी एकमात्र उपमहानगरपालिकालाई अव्बल बनाउँदै उपमहानगर मध्ये पहिलो बन्ने अभियानमा उद्योगी व्यवसायीको साथ र सहयोग आवश्यक रहेको छ ।’ कार्यक्रममा सुन्दर उपामहानगर बनाउने अभियान थालिएको जानकारी दिंदै उनले भनिन् ‘कर्रा र कुखरेनी क्षेत्रमा सुन्दर पर्यटकीय गन्तव्य बनाउने अभियान थालिएको छ ।’ अभियानमा प्रदेश सरकारसहितको सहभागिता रहने भन्दै उद्योग व्यवसायीसँग थप सल्लाह गरेर अघि बढ्ने बताइन् ।
यसैगरी हेटौंडा उपमहानगरपालिकाका उपप्रमुख राजेश बानियाँले उद्योगी व्यवसायीको समस्यामा उपमहानगर हातेमालाे गर्न तयार रहेकाे बताए । सबै समस्यालाई चिर्दै उपमहानगरभित्र रहेको उद्योगमा औद्योगिक वाताबरण बनाउँन उपमहानगरले सधै सहकार्य गर्ने बानियाँले बताए । उनले स्वदेशी उत्पादनलाई प्राथमिकता राख्दै अघि बढ्न उद्योगी व्यवसायीलाई आग्रह समेत गरे ।
कार्यक्रममा उद्योग संघका अध्यक्ष स्वागतराज प्याकुरेलले नवनिर्वाचित सबैलाई स्वागत गर्दै स्थानीय तह सुदृढ र सबल भए बिकासको अनुभव हुने बताए । उनले औधोगिक वातावरण निर्माणका लागि उपमहानगरको भुमिका आवश्यक रहेको बताउँदै औद्योगिक क्षेत्रको फोहर व्यवस्थापनमा ध्यान दिन आग्रह गरे । अहिले औद्योगिक क्षेत्रमा फोहर व्यवस्थापन स्थल नभएको र प्रशोधनका लागि उपयुक्त उपकरण नभएका कारण समस्या भएको औल्याए । उनले स्थानिय उत्पादनमा जोद दिन आग्रह गर्दै औद्योगिक क्षेत्रमा कामदारको रुपमा महिलाहरुको अभाब रहेको बताए । उनले महिला कामदारको उपस्थिती बलियो बनाउँने काममा उपमहानगरको भूमिका आवश्यक रहेको बताए ।
संघका अध्यक्ष प्याकुरेलको अध्यक्षतामा भएको कार्यक्रममा संघका निवर्तमान अध्यक्ष लेखराज पोखरेल, पुर्व अध्यक्षद्धय माधव अधिकारी, ऋषिराम घिमिरे र हेटौंडा औद्योगिक क्षेत्र व्यवस्थापन कार्यालयका अधिकृत दिपक आचार्य सहित उपमहानगरमा बिजयी भएका १९ वडाका अध्यक्षहरुको आतिथ्यता रहेको थियो ।
मकवानपुर । आज जेठ १९ गते । राजा वीरेन्द्रको वंशनाश हुने गरी भएको दरबार हत्याकाण्डको २१ पूरा भएको छ । २०५८ जेठ १९ गते राति भएको हत्याकाण्डमा राजा वीरेन्द्रको वंशनाश भएको थियो । नारायणहिटी दरबारको त्रिभुवन सदनमा भएको हत्याकाण्डमा तत्कालीन राजा वीरेन्द्र, रानी ऐश्वर्य, अधिराजकुमार निराजन,अधिराजकुमारीहरु श्रुतिलगायत राजपरिवारका नौ जनाको एकै प्रकरणमा हत्या गरिएको थियो ।
हत्याकाण्डका विषयमा तात्कालीन प्रधानन्यायाधीश र संसद्का सभामुख सदस्य रहेको छानबिन समितिले छानबिन गरे पनि त्यसले सही तथ्य बाहिर ल्याउन नसकेको भन्दै आम असन्तुष्टी अझै छ । तत्कालीन सभामुख तारानाथ रानाभाटको संयोजकत्वमा गठित दरबार हत्याकाण्ड छानबिन आयोगले युवराज दीपेन्द्रले सबैलाई गोली चलाएर हत्या गरी आफूलाई पनि गोली हानेर आत्महत्या गरेको प्रतिवेदन सार्वजनिक गरेको थियो ।
हत्याकाण्डको ७ वर्षपछि २०६५ जेठ १५ गते मुलुकबाट राजतन्त्र समाप्तिको घोषणा गरियो । यो बिचमा धेरै सरकार फेरिए तर हत्याकाण्ड रहस्यमय नै छ । राजसंस्था अन्त्य भएर गणतन्त्रात्मक व्यवस्था आएको यतिका वर्ष हुँदा पनि हत्याकाण्डको छानबिन भएको छैन । राजधानीबाट
पद तथा गोपनीयताको शपथपछि सोमबार साँझ बसेको काठमाडौं महानगर कार्यपालिकाको पहिलो बैठकले फोहोर व्यवस्थापनको समस्या समाधान गर्ने विषयमा अध्ययन गर्न मेयर र उपमेयरको नेतृत्वमा कार्यदल बनाएको छ ।
बैठकले सडकका खाल्टाखुल्टी पुर्ने, ढल निकास नियमित गर्नेजस्ता काम गर्नेगरी दुईवटा भौतिक पूर्वाधार एम्बुलेन्स सञ्चालन गर्ने निर्णयसमेत गरेको छ । बैठकमा नवनिर्वाचित मेयर बालेन्द्र साह (बालेन)ले सोसम्बन्धी प्रस्ताव गरेका थिए भने उनको प्रस्तावलाई कार्यपालिका बैठकले अनुमोदन गरेको हो ।
शपथदेखि कार्यपालिका बैठकसम्म
यसैगरी, कार्यपालिका बैठकले नगरवासीको गुनासो सुन्न कल सेन्टर स्थापना गर्ने निर्णयसमेत गरेको छ । सो कल सेन्टर सात दिनभित्र स्थापना गरिनेछ ।
बैठकमा मेयर साहले निजी रेस्टुरेन्ट, होटल तथा पेटोल पम्पका शौचालयलाई सरोकारवाला पक्षसँगको सहकार्यबाट निःशुल्क रूपमा सञ्ञ्चालनमा ल्याउने विषयलाईसमेत प्रस्तावका रूपमा अघि सारेकोमा त्यसलाईसमेत बैठकले अनुमोदन गरेको छ ।
बैठकका क्रममा मेयर साहले केही ठूला रेस्टुरेन्टहरूसँग सार्वजनिक उत्तरदायित्वअन्तर्गत निःशुल्क शौचालय सञ्चालन गर्ने विषयमा कुराकानी भएको भन्दै बैठकमा सो’bout प्रस्ताव राखेका थिए ।
उनले फोहोर मैला व्यवस्थापन नभएसम्म आफूले माला खादा नलगाउने घोषणासमेत गरेका थिए ।
काठमाडौं महानगरपालिकाको नगरसभाको पहिलो बैठक प्रत्यक्ष प्रसारण गरिएको थियो । यसअघि काठमाडौं महानगरपालिका नवनिर्वाचित मेयरसहित नवनिर्वाचित सबै जनप्रतिनिधिले पद तथा गोपनीयताको शपथ लिएका थिए ।
मेयर साहले मुख्य निर्वाचन अधिकृत राजुकुमार खतिवडाबाट पथ तथा गोपनीयताको शपथ लिएका थिए । यस्तै, साहले शपथ लिएपछि उपमेयर सुनिता डंगोलसहित वडाध्यक्ष तथा सदस्यलाई शपथ गराएका थिए ।
राष्ट्रिय सभा गृहमा आयोजित समारोहमा मेयर साहले नेपाली र नेपाल भाषामा शपथ लिएका थिए । गत ३० वैशाखमा सम्पन्न स्थानीय तह निर्वाचनमा नेपाली कांग्रेसकी उम्मेदवार सिर्जना सिंह र नेकपा एमालेका उम्मेदवार केशव स्थापितलाई हराउँदै ३२ वर्षीय स्वतन्त्र उम्मेदवार साह काठमाडौंको मेयरमा निर्वाचित भएका थिए । राजधानी दैनिकबाट