मकवानपुर । स्वतन्त्र विद्यार्थी युनियनको निर्वाचनका लागि आज शुक्रबार उम्मेदवारको मनोनयन पत्र वितरण हुने भएको छ ।
भोलि अर्थात फागुन २७ गते प्रत्यक्षतर्फको उम्मेदवार नामावली प्रकाशन हुनेछ । गत फागुन १९ गतेबाट सुरु भएको निर्वाचन कार्यक्रम अनुसार आज मनोनयन पत्र वितरण कार्यक्रम हुन लागेको हो ।
त्रिभुवन विश्वविद्यालय, स्ववियु निर्वाचन केन्द्रीय अनुगमन तथा समितिका अनुसार बिहान ११ बजेदेखि २ बजेसम्म प्रत्यक्ष तथा समानुपातिक दुवैतर्फका उम्मेदवारका लागि मनोनय पत्र वितरण गर्ने कार्यक्रम तय भएको हो ।
काठमाडौँ- राष्ट्रपतिमा नेपाली कांग्रेसका उम्मेदवार रामचन्द्र पौडेल निर्वाचित भएका छन् । बिहीबार संघीय संसद्मा भएको निर्वाचनमा पौडेलले ३३ हजार ८०२ मतभारसहित निर्वाचित भएका हुन् ।
उनी सँगै नेकपा एमालेका सुवासचन्द्र नेम्वाङ राष्ट्रपति पदका लागि प्रतिस्पर्धामा रहेका थिए । निर्वाचित भएको आधिकारिक घोषणा हुन भने बाँकी छ ।
प्रतिस्पर्धी नेम्बाङले १५ हजार ५ सय १८ मतभार प्राप्त गरे । राष्ट्रपति चुनावमा संघीय संसद्तर्फ ३१३ सांसद (२४ हजार ७ सय २७ मतभार) ले मतदान गरेका थिए भने प्रदेशतर्फ ५१८ (२४ हजार ८ सय ६४ मतभार ) सांसदले मत दिएका थिए ।
चुनावी प्रक्रियामा सहभागी भएका सांसदहरूको कूल मतभार ४९ हजार ५ सय ९१ थियो । राष्ट्रपति निर्वाचित हुनका लागि २६ हजार ३ सय १५ आवश्यक पर्छ । राष्ट्रपति र उपराष्ट्रपति निर्वाचनमा संघीय सांसद र प्रदेश सभा सदस्यहरूको हाल कायम रहेको मतभार ५२ हजार ६ सय २८ थियो ।
नेपाली कांग्रेस, नेकपा (माओवादी केन्द्र), जनता समाजवादी पार्टी, नेकपा (एकीकृत समाजवादी), राष्ट्रिय स्वतन्त्र पार्टी, जनमत पार्टी, नागरिक उन्मुक्ति पार्टी, राष्ट्रिय जनमोर्चाले पौडेलकाे पक्षमा मतदान गरेका थिए ।
प्रतिनिधिसभाका २७५ र राष्ट्रिय सभाका ५९ गरी कुल ३३४ सदस्य छन् । यसमध्ये बिरामीद्वय कांग्रेसका डा. चन्द्र भण्डारी र माओवादीका वर्षमान पुन र मुद्दा विचाराधीन अवस्थामा रहेकाले एमालेका लक्ष्मी महतो कोइरीको अनुपस्थित रहे भने सांसद सहनाज रहमानको मृत्यु भइसकेको छ।
यसैगरी राप्रपा १४ जना सांसदहरू राजेन्द्र लिङ्देन, दीपक बोहरा, ज्ञानबहादुर शाही (ज्ञानेन्द्र), दीपक सिंह, विक्रम पाण्डे, ध्रुवबहादुर प्रधान, धवलशमशेर राणा, पशुपतिशमशेर जबरा, बुद्धिमान तामाङ, रोशन कार्की, गीता बस्नेत, बिना लामा, बिना जयसवाल र अनिशाले राष्ट्रपति निर्वाचनलाई बहिस्कार गरे । उनीहरूले पार्टीको निर्णयअनुसार बहिस्कार गरे ।
राष्ट्रपति चयन प्रक्रियामा नेपाल मजदुर किसान पार्टीका एकल सांसद प्रेम सुवाल तटस्थ रहे । प्रदेशसभातर्फ राप्रपाका २८, नेमकिपाका ३ र जसपाका १ जना सांसद राष्ट्रपति निर्वाचनमा अनुपस्थित रहे । इकागजबाट
मकवानपुर । राष्ट्रपति चयनको निर्वाचन अन्तर्गत मतदानको कार्य सकिएको छ । बिहान १० देखि सुरु भएको मतदान दिउँसो ३ बजेसम्म सकिएको हाे । निर्वाचनको मतगणना ४ बजेपछि हुने भएको छ । राष्ट्रपति उमेदवारका प्रतिनिधिहरुसँग निर्वाचन आयोगले गरेको मतगणना सम्बन्धि बैठकमा दिउँसो ४ बजेदेखि मतगणना सुरु गर्ने सहमति भएको हो ।
बैठकले मतपेटिका खोल्दा पत्रकारको उपस्थिति खुल्ला गर्ने निर्णय पनि गरेको छ । सम्बन्धित उम्मेद्बारको नाम लेखिएको कोठामा स्वस्तिक छाप लगाउनु पर्ने र त्यस बाहेकको मत संकेत प्रयोग भएकोमा बदर हुने निर्णय बैठकमा भएको छ ।
संघीय संसद र प्रदेश सभाको अलगअलग मतगणना हुने छ भने मतगणनामा उम्मेदवारका निर्वाचन प्रतिनिधि र एकएक जना गणना प्रतिनिधि रहनेछन् । मतगणना पश्चात विजयी उम्मेदवारलाई आजै प्रमाणपत्र बितरण गरिने छ ।
निर्वाचन कार्यालयका अनुसार संघीय संसद र प्रदेशसभा सदस्य गरी ५१ जनाले मतदान गरेनन् । संघीय संसद र प्रदेशसभा सदस्य मतदाता रहने निर्वाचनमा राप्रपा र नेपाल मजदुर किसान पार्टीका सांसदहरुले मतदान गरेनन् ।
राष्ट्रपति पदका लागि पूर्व सभामुखद्वय नेपाली कांग्रेसका रामचन्द्र पौडेल र नेकपा (एमाले)का सुवासचन्द्र नेम्वाङ प्रतिस्पर्धामा छन् । पौडेल कांग्रेससहित नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी नेपाल, लोकतान्त्रिक समाजवादी पार्टी नेपाल, जनमत पार्टी, नागरिक उन्मुक्ति पार्टी, राष्ट्रिय जनमोर्चा र नेपाल समाजवादी पार्टीको साझा उम्मेदवार हुन् । नेम्वाङलाई एमालेको साथ छ ।
राष्ट्रपतिको निर्वाचन सङ्घीय संसद् (प्रतिनिधिसभा र राष्ट्रियसभा) र प्रदेशसभाका सदस्य मतदाता रहेको निर्वाचकमण्डलबाट हुन्छ । राष्ट्रपति निर्वाचनमा सङ्घीय संसद्तर्फ ३ सय ३२ र प्रदेशसभा सदस्य ५ सय ५० गरी कूल ८ सय ८२ मतदाता थिए । सङ्घीय सांसदको मतभार ७९ र प्रदेशसभा सदस्यको मतभार ४८ छ ।
मतदानमा ३ सय १३ सङ्घीय सांसद र ५ सय १८ गरी ८ सय ३१ जनाले मतदान गरे । संघीय संसदका ३ सय ३४ जनामध्ये ३ सय १३ जनाले मतदान गरेका छन् । प्रदेशसभाका ५ सय ५० जनामध्ये ५ सय १८ जनाले मतदान गरेका छन् ।
मकवानपुर । नेविसंघ मकवानपुरमा सुवास सापकोटा नै आधिकारिक अध्यक्ष रहेको नेपाली कांग्रेस मकवानपुर सभापति बुद्ध लामाले बताएका छन । नेपाली कांग्रेस मकवानपुरले नेविसंघ अध्यक्ष दुजाङ शेर्पालाई बर्खास्त गर्न माग गरेको छ। सभापति लामाले बुधबार सभापति शेरबहादुर देउवालाई पत्र पठाउँदै नेपाली कांग्रेस मकवानपुरले सर्वसम्मत सिफारिस गरेको नेविसंघ मकवानपुरका अध्यक्ष सुवास सापकोटा नै आधिकारिक अध्यक्ष रहेको स्मरण गराएका हुन ।
पत्रमा लामाले नेविसंघ मकवानपुरलाई कमजोर बनाउने भूमिकामा लागेका केन्द्रीय अध्यक्ष दुजाङ शेर्पालाई तत्काल बर्खास्त गर्न समेत माग गरेका छन। नेविसंघ मकवानपुरले सभापति अध्यक्ष सुवास सापकोटाको नेतृत्वमा स्ववियु निर्वाचनसम्बन्धी गतिविधि सञ्चालन गरिरहेको र पार्टीका तर्फबाट सहसचिव इन्दिरा न्यौपानेको संयोजकत्वमा ५ सदस्यीय स्ववियु परिचालन समितिसमेत गठन गरिएको सभापति लामाले बताए । ‘हाल आएर नेविसंघ केन्द्रीय अध्यक्ष शेर्पाले कांग्रेस कार्यसमितिले सिफारिस गरेको अध्यक्षसहित कार्यसमितिलाई बर्खिलाप गरी स्ववियु चुनावमा नेविसंघलाई असफल बनाउने भूमिका साथ मकवानपुरमा नेविसंघ साधारण सदस्यसमेत नरहेका व्यक्तिलाई अध्यक्ष बनाइएको देखिएकोले गम्भीर ध्यानाकर्षण भएको छ,’ पत्रमा भनिएको छ।
नेविसंघ अध्यक्ष शेर्पाले बुधबार विज्ञप्ति जारी गर्दै मकवानपुरमा भिषण ठकुरी नेतृत्वको जिल्ला कार्यसमितिबाहेक अरू कुनै पनि कार्यसमिति अस्तित्वमा नरहेको उल्लेख गरेका छन्।


मकवानपुर । बागमती प्रदेशका श्रम, रोजगार तथा यातायात मन्त्री एकालाल श्रेष्ठले मकवानपुरलाई बागमती प्रदेशको शैक्षिक हबको रुपमा विकास गर्न सकिने बताएका छन् ।
संस्थागत विद्यालय शिक्षक युनियन बागमती प्रदेश मकवानपुर जिल्ला तथा हेटौँडाको नगर अधिवेशनलाई सम्बोधन गर्दै मन्त्री श्रेष्ठले मकवानपुर र हेटौँडालाई शैक्षिक हब बनाउने विषयमा शिक्षासँग सम्वन्धित ब्यक्तित्वहरुसँग सहकार्य गरेर प्रदेश सरकार अघि बढन तयार बताए । मन्त्री श्रेष्ठले मकवानपुर बागमती प्रदेशको सबैभन्दा ठुलो शिक्षाको हबको रुपमा विकशित हुँदै गैरहेकोले शिक्षाको गुणस्तर बढाउने विषयमा प्रदेश सरकारले ध्यान दिएको बताए ।
मकवानपुरमा तराईका जिल्लाहरुबाट आउने विद्यार्थीको संख्यामा बृद्धि हुनु, मकवानपुर आसपासका जिल्लाबाट समेत विद्यार्थीहरुको रोजाईमा पर्नुले यहाँको शिक्षाको अवस्था राम्रो रहेको सन्देश दिएको भन्दै मन्त्री श्रेष्ठले प्रदेशको राजधानी हेटौँडामा प्रदेश विश्वविद्यालय बनाउने विषयमा सरकारले काम गरिरहेको बताए ।
‘मकवानपुरमा प्राविधिक शिक्षाको क्षेत्रमा समेत विकास हुँदै गएको छ’ उनले भने ‘मदन भण्डारी स्वास्थ्य विज्ञान प्रतिष्ठान, मदन भण्डारी साइन्स एण्ड टेक्नोलोजी विश्वविद्यालयको काम अघि बढिसकेको छ ।’ यहाँका सामुदायिक विद्यालयमा प्राविधिक शिक्षालाई जोड दिईएको र अब उच्च माध्यामिक मात्र नभएर क्याम्पस लेभलमा पनि प्राविधिक विषय अध्ययन हुने वातावरण बनाउन प्रदेश सरकार तयार रहेकोको उनले बताए ।
इस्टु बागमतीमा बर्तौला, मकवानपुरमा रिजाल र हेटौंडामा मिश्र
संस्थागत विद्यालय शिक्षक युनियन (इस्टु) को प्रदेश, जिल्ला र हेटौंडा नगरको अधिवेशनले क्रमश सुदीप बर्तौला, रामशरण रिजाल र नविन मिश्रलाई अध्यक्षमा सर्वसम्मत चयन गरेको छ ।
बागमती प्रदेशको राजधानी हेटौंडामा सम्पन्न हेटौंडामा बागमती मकवानपुर र नगर तीन तहको अधिवेशनबाट बर्तौला, रिजाल र मिश्र अध्यक्ष चयन भएका हुन् ।

बर्तौलाको अध्यक्षतामा गठन प्रदेश समिति उपाध्यक्ष शोभा बास्तोला पंगेनी (चितवन), शंकर पौडेल (काठमाडौं), नारायण चालिसे (काठमाडौं), विष्णु आले (ललितपुर), सचिव सिएम रिमाल (मकवानपुर), सहसचिवमा कृष्णप्रसाद गौतम (काठमाडौं), कोषाध्यक्षमा शिक्षाराज अधिकारी (चितवन) चयन भएका छन् ।
यस्तै प्रदेश समितिको सदस्यहरुमा स्वर्णलाल गुरुङ, सुचित कुमार ठाकुर, सरोज श्रेष्ठ, नारायण चापागाई, महेश कुमार श्रेष्ठ, नवराज धरेल, पुरुषोत्तम खनाल, विमला शाह, प्रल्हाद गिरी, पूण्यशिला श्रेष्ठ, बुद्ध सापकोटा, शोभा न्यौपाने र धनन्जय जोशी चयन भएका छन् ।
यस्तै रामशरण रिजालको अध्यक्षतामा गठित इस्टु मकवानपुरमाको वरिष्ठ उपाध्यक्षमा समीर ढकाल, उपाध्यक्षमा शुभद्रा सापकोटा, निर्माण गजुरेल, सचिवमा दिपेश लामिछाने, सहसचिवमा विनोद श्रेष्ठ र कोषाध्यक्षमा दिप्ती महत चयन भएका छन् भने सदस्यहरुमा प्रदीप धिताल, मनोज कुमार मिश्र, राकेश ठाकुर लोहार, समता विडारी र विशाल घिमिरे चयन भएका छन् ।
यसैगरी नवीन मिश्र अध्यक्ष रहेको हेटौंडा नगर इस्टुको उपाध्यक्षमा विधान आचार्य र उमाकुमारी जर्गा, सचिवमा विकेश तामाङ, सहसचिवमा गोपाल घिमिरे र कोषाध्यक्षमा धिरज लामा चयन भएका छन् । यस्तै सदस्यहरुमा युवराज बिश्वकर्मा, नवीन परियार, श्रीराम तिमल्सिना र दिपेश अधिकारी चयन भएको छन।