आयोजक बागमतीसँग शेर्पा पराजित
Tags: No Comments
मकवानपुर । मकवानपुरकाे बागमती गाउँपालिकामा जारी छैठौं बागमती गोल्डकप राष्ट्रिय फुटबल प्रतियोगिताकाे दोस्राे खेलमा आयोजक बागमती खेलकुद विकास समिति विजयी भएको छ । हिमालय शेर्पालाई ट्राइबेकरमा ५–४ गाेल अन्तरले हराउदै बागमती विजयी भएकाे हाे ।
प्रतियाेगिताकाे दोस्राे दिनकाे खेलकाे निर्धारित समयमा बराबरी भएपछि खेल ट्राइबेकरमा धकेलिएकाे थियाे । खेलकाे पहिलाे हाफमा कुनै पनि गोल हुन सकेन । दोस्राे हाफकाे सुरुवाती मिनेटमा बागमतीका लतिल चौलागाईले गोल गर्दै अग्रता कायम गरेकाे थियाे । दोस्राे हाफकाे अतिरिक्त समयकाे ९२ औं मिनेटमा शेर्पाले प्राप्त गरेका पेनाल्टीलाई सुदीप श्रेष्ठले गोल गर्दै खेलमा बराबरीमा ल्याएका थिए ।
ट्राइबेकरमा हिमालयन शेर्पाकाे तर्फबाट दिवस उराउ, सत्यम शर्मा, धिरज र फाकुलेनेले गोल गर्दा सुदिप श्रेष्ठकाे प्रहार बागमीतका गोल रक्षक पवन आले मगरले बचाएका थिए । यस्तै बागमतीका लागि लतिल चौलागाई, प्रितम स्याङ्गबो, सामेल सुनार, रोशन दोङ्ग र अमर पाख्रिनकाे प्रहार गोलमा परिणत भएकाे थियाे ।
बागमती खेलकुद विकास समितिकाे आयोजनामा भएकाे प्रतियाेगितामा आजकाे खेलका म्यान अफ द म्याच बागमतीका ललित चौलागाईं भए । उनले नगर १० हजार प्राप्त गरे । बागमती गाउँपालिका फापरबारी स्थित जनता माविको खेल मैदानमा भइरहेकाे प्रतियाेगिता अन्तर्गत विहीबार न्युरोड टिम (एनआरटी) र नव जन जागृती क्लव सिमरा बारा बीच खेल हुनेछ । फागुन १० गतेसम्म संचालन हुने प्रतियोगिताको विजेता टिमले नगद १० लाख रुपैंया तथा उपविजेताले नगद ५ लाख रुपैंया प्राप्त गर्ने आयोजकले जनाएको छ ।
प्रतियोगितामा ७ वटा ए डिभिजन र तिन वटा मोफसलका गरी १० टिमको सहभागिता जनाएको बागमती गाउँपालिका खेलकुद विकास समितिले जनाएकाे छ । जावलाखेल युथ क्लव ललितपुर, बागमती युथ क्लब सर्लाही, मच्छिन्द्र फुटबल क्लब काठमाडौं, नव जन जागृती क्लव सिमरा बारा, एनआरटी फुटबल क्लव काठमाडौं, नेपाल आर्मीकाे त्रिभुवन क्लब काठमाडाैं, हिमालयन शेर्पा क्लब काठमाडाैं, आयोजक बागमती खेलकुद विकास समिति, शसस्त्र प्रहरीकाे एपिएफ फुटबल क्लब काठमाडाैं, चर्च ब्वाईज युनाईटेड क्लव काठमाडौंकाे सहभागिता रहेकाे छ । पाचौं संस्करणको उपाधीकाे विजेता भुट्निज युथ स्पोर्ट्स क्लवले भने याे प्रतियाेगितामा सहभागिता जनाएको छैन ।
मकवानपुर । हेटाैंडा उपमहानगरपालिका १५ नं वडाले वडा स्तरीय खेलकुद विकास समितिका पदाधिकारीलाई सपथ तथा सम्मान गरेकाे छ ।
वडा कार्यालयले समितिका अध्यक्षलगायत १५ जना पदाधिकारीहरुलाई पद तथा गाेपनियताकाे सपथ गराउँदै सम्मान समेत गरेकाे वडा अध्यक्ष सुनिल माेक्तानले बताए । गोबिन्द नेगीकाे अध्यक्षतामा गठित १९ मध्ये १५ सदस्यलाई वडा अध्यक्ष माेक्ताने सपथ ग्रहण गराउँदै सम्मान गरेका हुन् । समितिकाे सदस्यहरूमा महेश दोङ, कर्ण सिं लामा, करण श्रेष्ठ, रेश्मि मोक्तान, विशाल थिङ, सन्तोष कुमार भोम्जन, श्याम थिङ, आईजित कुमार भम्जन, युवराज लो, मंगल बहादुर थिङ, उज्वल वाइबा, ऋषि मोक्तान, पुकार मोक्तान, सदस्य सचिव शान्ति लामालाई सपथ सहित सम्मान गरिएकाे हाे । सपथ ग्रहण कार्यक्रममा सदस्यहरु बिकल भोलन, मिठु पाख्रीन, बिरोध थिङ, उमेश स्याङ्बो अनुपस्थित भए ।
२०८० पुस २० गते बसेकाे वडा समितिको बैठकले उक्त समितिकाे निर्माण गर्ने निर्णय गरेकाे सदस्य सचिव शान्ति लामाले बताइन् । कार्यक्रममा वडा अध्यक्ष माेक्तानले वडामा गठित खेलकुद विकास समितिले समन्वयात्मक रुपमा अघि बढ्ने र खेलकुद क्षेत्रकाे समग्र विकासमा अग्रसर हुने बताए ।

‘अब यही समितिले वडालाई खेलमय बनाउनुपर्छ, राष्ट्रिय स्तरको खेलाडी उत्पादन गर्नुपर्छ’ उनले भने ‘यहाँ संभावना धेरै छन् चुनौती पनि होलान् तर हातेमालाे गरेर सफलतामा पुग्न सकिन्छ ।’ वडा स्तरीय याे समितिले सबै खेललाई समान महत्त्वका साथ लिएर अघि बढ्न उनले निर्देशन दिएका छन् ।’ ‘विधिवत ढंगले सबै खेललाई वडा र टोलटोलमा जिवित राखौ, अन्तर वडा स्तरीय अध्यक्ष कप फुटबलकाे तयारी आजैबाट थाल्नुस्’ उनले भने । खेलकाे पाटाेमा उत्कृष्ट वडा बनाउन निर्देशन दिंदै उनले भने ‘मिलेर सबै खेललाई जगेर्ना गरौं, बजेटको व्यवस्था हुन्छ,खेल र पारदर्शीतालाई ध्यान दिनुस्, विश्वमा मकवानपुर र बागमती प्रदेश जिताउनहाेस् शुभकामना ।’
यसैगरी पुर्व गाबिस अध्यक्ष प्रेम बहादुर भोम्जनले याे समितिबाट खेलक्षत्रको विधिवत विकास हुनेछ अपेक्षा गरेकाे बताए ।कार्यक्रममा वडा सदस्यहरू पातली माया गोंवा, मिनु बिश्वकर्मा, वडा सचिव कृष्णबहादुर क्षेत्री, टोल विकास संस्थाका सिंहबहादुर बिश्वकर्मा,वनदेबी आधारभुत विद्यालय प्रअ जयप्रसाद पोखरेल, जनजागृती माध्यामिक विद्यालयका प्रअ केशव संजेललगायतकाे उपस्थिति रहेकाे थियाे ।

मकवानपुर । मकवानपुरकाे हेटौंडामा नवौं राष्ट्रिय हेटौंडा भेट्रान्स कप एट ए साईड फुटबल प्रतियोगिता हुने भएको छ । आयोजक हेटौंडा भेट्रान्स क्लबले मंगलबार पत्रकार भेटघाट गरी प्रतियाेगिताकाे जानकारी दिएकाे हाे ।
भेट्रान्स कप रनिङ्ग शिल्ड फुटबल प्रतियोगिता आगामी फागुन २२ गतेबाट हेटौंडा ४ स्थित हुप्रचौर खेल मैदानमा हुने आयोजकले जनाएको छ । प्रतियाेगिताकाे विजेता टोलीले १ लाख ११ हजार १ सय ११ रुपैयाँ प्राप्त गर्ने छन् भने उपविजेताले ५५ हजार ५ सय ५५ रुपैयाँ प्राप्त गर्ने आयोजकले जनाएकाे छ । प्रतियोगितामा २२ वटा क्लबले सहभागिता रहने छन् ।
४५ वर्ष पुरा भएका खेलाडीहरुले सहभागिता जनाउन पाउने समूहमा २ जना खेलाडी भने ५० वर्ष माथिकाे हुन् पर्ने खेल संयोजक प्रशान्त पाख्रीनले जनाकारी दिए । प्रतियोगिताको आठौँ संस्करणकाे उपाधी एवीसी भेट्रान्स क्लब पोखराले जितेकाे थियो ।
मकवानपुर । मकवानपुरकाे बागमती गाउँपालिकामा मंगलबारबाट सुरु छैठौं बागमती गोल्डकप राष्ट्रिय फुटबल प्रतियोगितामा मच्छिन्द्र क्लबले विजयी सुरुवात गरेकाे छ । बागमती गाउँपालिका फापरबारी स्थित जनता माविको खेल मैदानमा भएकाे उद्घाटन खेलमा मच्छिन्द्रले राइटलेन बागमती क्लब सर्लाहीलाई ५–२ गोल अन्तरले हराएकाे हाे ।
मच्छिन्द्रले खेलकाे पहिलाे हाफमा २ र दाेस्राे हाफमा ३ गाेल गर्याे । यसैगरी बागमतीले खेलकाे दाेस्राे हाफमा २ सान्त्वना गोल गरेकाे थियाे । खेलकाे म्यान अफ दि म्याच मच्छिन्द्रका विमल घर्ती मगर घाेषित हुँदै १० हजार हात पारे । प्रतियाेगिता अन्तर्गत बुधबार आयोजक बागमती खेलकुद विकास समिति र हिमालयन शेर्पा क्लब बीच खेल हुनेछ ।
खेलकुद विकास समिति बागमतीकाे आयोजनामा संचालन भएकाे प्रतियोगिताकाे बागमती गाउँपालिका मुख्य प्रायोजक रहेकाे छ । प्रतियोगितामा ७ वटा ए डिभिजन र तिन वटा मोफसलका गरी १० टिमको सहभागिता जनाएको बागमती गाउँपालिका खेलकुद विकास समितिका अध्यक्ष टिकालाल श्रेष्ठले जानकारी दिए ।
जावलाखेल युथ क्लव ललितपुर, बागमती युथ क्लब सर्लाही, मच्छिन्द्र फुटबल क्लब काठमाडौं, नव जन जागृती क्लव सिमरा बारा, एनआरटी फुटबल क्लव काठमाडौँ समुह “क” मा रहेका छन् । यस्तै नेपाल आर्मीकाे त्रिभुवन क्लब काठमाडाैं, हिमालयन शेर्पा क्लब काठमाडाैं, आयोजक बागमती खेलकुद विकास समिति, शसस्त्र प्रहरीकाे एपिएफ फुटबल क्लब काठमाडाैं, चर्च ब्वाईज युनाईटेड क्लव काठमाडौं समुह “ख” मा छन् ।
फागुन १० गतेसम्म संचालन हुने प्रतियोगिताको विजेता टिमले नगद १० लाख रुपैंया तथा उपविजेताले नगद ५ लाख रुपैंया प्राप्त गर्ने आयोजकले जनाएको छ । पाचौं संस्करणको उपाधीकाे विजेता भुट्निज युथ स्पोर्ट्स क्लवले भने याे प्रतियाेगितामा सहभागिता जनाएको छैन ।
मकवानपुर । आजबाट छैठौं बागमती गोल्डकप राष्ट्रिय फुटबल प्रतियोगिताको हुदैछ । मकवानपुरकाे बागमती गाउँपालिका फापरबारी स्थित जनता माविको खेल मैदानमा हुने प्रतियोगिताको उद्घाटन खेलमा मोफसलको बागमती युथ क्लब सर्लाही र ए डिभिजनको मच्छिन्द्र फुटबल क्लब काठमाडौ भिड्ने भएका छन् ।
बागमती गाँउपालिकाकाे सहयोगमा खेलकुद विकास समिति बागमतीले प्रतियोगिताको आयोजना गर्नेछ । प्रतियाेगिताकाे सबै तयारी पूरा भएको आयोजकले जनाएको छ । प्रतियोगितामा ७ वटा ए डिभिजन र तिन वटा मोफसलका गरी १० टिमको सहभागिता जनाएको बागमती गाउँपालिका खेलकुद विकास समितिका अध्यक्ष टिकालाल श्रेष्ठले जानकारी दिए ।
जावलाखेल युथ क्लव ललितपुर, बागमती युथ क्लब सर्लाही, मच्छिन्द्र फुटबल क्लब काठमाडौं, नव जन जागृती क्लव सिमरा बारा, एनआरटी फुटबल क्लव काठमाडौँ समुह “क” मा रहेका छन् । यस्तै नेपाल आर्मीकाे त्रिभुवन क्लब काठमाडाैं, हिमालयन शेर्पा क्लब काठमाडाैं, आयोजक बागमती खेलकुद विकास समिति, शसस्त्र प्रहरीकाे एपिएफ फुटबल क्लब काठमाडाैं, चर्च ब्वाईज युनाईटेड क्लव काठमाडौं समुह “ख” मा छन् ।
आज फागुन १ गतेबाट १० दिनसम्म संचालन हुने प्रतियोगिताको विजेता टिमले नगद १० लाख रुपैंया हात प्राप्त गर्नेछ भने उपविजेताले नगद ५ लाख रुपैंया प्राप्त गर्ने आयोजकले जनाएको छ । प्रतियोगितामा करिब ६९ लाख ६० हजार खर्च हुने अनुमान गरिएको छ । बागमती गाउँपालिकाले ३० लाख र प्रदेश खेलकुद परिषदबाट १५ लाख, राष्ट्रिय खेलकुद परिषदबाट ५ लाख प्राप्त हुने तथा अन्य खर्च प्रायोजक, विभिन्न व्यक्ति तथा संस्थाहरूबाट प्राप्त हुने अनुमान आयोजकले गरेकाे छ ।
बागमती गोल्डकपको पहिलाे संस्करणकाे उपाधि हरिहरपुरगढी सिन्धुलीले हात पारेकाे थियाे । दोस्रो संस्करणकाे उपाधि सरस्वती युवा क्लब काठमाडौंले जितेकाे थियो भने तेस्रो गोल्डकपको उपाधि जावलाखेल युवा क्लब ललितपुरले प्राप्त गरेको थियो । प्रतियोगिताको चौथो संस्करण उपाधि थ्री स्टार क्लबले हात पार्दा पाचौं संस्करणको उपाधीकाे विजेता भुट्निज युथ स्पोर्ट्स क्लव अमेरिका भएकाे थियो । यस संस्करणमा भने उक्त क्लबले सहभागिता जनाएको छैन ।