मकवानपुर । भेट्रान्स कप एट ए साइड फुटबल खेलको छैंटौ संस्करण साेमबारबाट हेटाैडामा सुरू भएकाे छ। प्रतियाेगिताकाे सुरूवाती खेलमा साेमबार ४ स्पर्धा भएका छन् ।
साेमबारकाे प्रतियाेगिताकाे पहिलो खेलमा साेमबार आयोजक हेटौंडा भेन्ट्रान्सले कोल्वी भेन्ट्रान्सलाई ६— १ गोलको अन्तरले पराजित गर्दै विजयी शुरूवात गरेकाे छ । हेटौडा भेन्ट्रान्सको तर्फबाट कृष्ण मालाकारले ४ गोल बालकुमार गुरुग र निमा लामाले १/१गोल गरेका थिए । कोल्बीको तर्फबाट परदेशी चौधरीले सान्तवना गोल गरेका थिए । पहिलाे खेलकाे म्यान अफ दी म्याच हेटौडा भेन्ट्रान्सका कृष्ण मालाकार घोषित भएका छन् ।
यस्तै साेमबार भएकाे दोस्रो खेलमा पशुपत्ति भेट्रान्स हेटौडा लाई डिल्लिबजार भेट्रान्स काठमाडाैंले १–० गोलले पराजित गरेको छ । डिल्लिबजारका लागि उज्वल श्रेष्ठले गरेकाे गोल गरेको नै जितका लागि निर्णायक बनेकाे थियाे। यस खेलको म्यान अफ दी म्याच पनि डिल्लिबजार भेट्रान्स उज्ज्वल श्रेष्ठ नै घोषित भएका थिए ।
त्यस्तै साेमबार नै भएकाे तेस्रो खेलमा जोरपाटी भेट्रान्सले चितवन भेट्रान्सलाई १–० गोल अन्तरले पराजीत गरेको छ । जोरपाटीका लागि एकमात्र गोल दिपक लामाले गरेका थिए । प्रतियोगिताको म्यान अफ द म्याच जोरपाटिका दिपक लामा भएका छन् ।
प्रतियाेगिता अन्तर्गत भएकाे साेमबार भएकाे चौथो तथा अन्तिम खेलमा फुटसल भेट्रान्स हेटौडाले र बीरगञ्ज युथ एकेडेमी लाई १–० गोलले पराजित गरेको छ । फुटसल हेटौंडाका लागि सन्तोष श्रेष्ठले एकमात्रै निर्णायक गोल गरेका थिए । खेलको म्यान अफ द म्याच वीरगन्ज युथका रितु शाक्य भएका छन ।
छैटौ संस्करणको प्रतियोगिताको विजेताले प्रमाण पत्र, शिल्ड र नगद १ लाख १ हजार १ सय ११ रुपैया, उपविजेताले नगद ५१ हजार १ सय ११ रुपैया प्राप्त गर्ने छन । खेल २०/२० मिनेट गरी ४० मिनेट खेलाईएको हाे ।
यस अघी खेलको हेटौडा उपमहानगरपालीकाकामेयर हरिबहादुर महतले उदघाटन गरेका थिए । उदघाटन गर्दै मेयर महतले खेल क्षेत्र चलयमान गर्न भेट्रान्स क्लबले गरेका यस किसिमकाे गतिविधिले खेल क्षेत्रमा ठुलो भूमिका रहने बताए ।
कल्बका उपाध्यक्ष नबराज बज्रचार्यको सभाअध्यक्षतामा उद्घाटन भएकाे प्रतियाेगितामा कार्यक्रम संयोजक कबिन सांगामीले प्रतियोगिता १० गते फाईनल खेल हुने बताए । यो वर्ष २० वटा टिमले प्रतियोगीतामा सहभागिता जनाएकाे अायाेजकले जानकारी दिएकाे छ ।
मकवानपुर । आगामी माघ महिनामा हेटाैडामा भेट्रान्स कप र हेटाैडा गाेल्डकप फुटबल प्रतियाेगिता हुने भएकाे छ । हेटौंडा भेट्रान्स क्लबले हेटौंडा भेट्रान्स कप फुटबल खेलको छैटौं संस्करण आगामी माघ ६ देखि आयाेजना गर्ने भएको छ भने विजय युथ क्लब हेटौंडाले माघ २२ गतेबाट फागुन १ गतेसम्मको पहिलो संस्करणको हेटौंडा गोल्डकप फुटबल प्रतियोगिता आयोजना गर्न लागेको हो ।
हेटौंडा भेट्रान्स कप फुटबल खेलको छैटौं प्रतियोगितामा १६ वटा टिमको सहभागिता रहने प्रतियोगिताका संयोजक तथा हेटौंडा भेट्रान्स क्लबका सदस्य कविन सांगामीले जानकारी दिए। प्रतियोगितामा हेटौंडासहित वीरगञ्ज, चितवन, पोखरा, काठमाडौं, विराटनर, कोल्बी, जितपुरलगायतका स्थानबाट सहभागिता हुनेछ। प्रतियोगितामा फुटबलमा राष्ट्रिय टिमबाट खेलिसकेकाहरु पनि सहभागी हुने सांगामीले बताए। प्रतियोगिता हेटौंडा उपमहानगरपालिका–४ को लोकतान्त्रिक खेल मैदान हुप्रचौरमा सञ्चालन हुनेछ।
प्रतियोगिताका प्रथम हुने समूहले एक लाख एक हजार १११ रुपैयाँ, दोस्रोले ५१ हजार १११ रुपैयाँ र उत्कृष्ट खेलाडीले १० हजार रुपैयाँ पुरस्कार प्राप्त गर्ने क्लबका अध्यक्ष दीपक बज्राचार्यले जानकारी दिए। यस्तै, उत्कृष्ट मिडफिल्डर, फरवार्ड, डिफेन्डर, गोलकिपर र समूह कोचलाई समेत जनही पाँच हजार रुपैयाँका दरले पुरस्कार प्रदान गरिने छ। पाँचौं संस्करणको उपाधि वगरभाई खेल भेट्रान पोखराले जितेको थियो।
यसैगरी एफ.सि विजय युथ क्लवले हेटौंडामा ‘एफ.सि विजय युथ हेटौंडा गोल्डकप’ आयोजना गर्ने क्लबले जानकारी दिएको छ । विजय युथ क्लब हेटौंडाले माघ २२ गतेबाट फागुन १ गतेसम्मको पहिलो संस्करणको हेटौंडा गोल्डकप फुटबल प्रतियोगिता आयोजना गर्न लागेको हो ।

हेटौंडा १० स्थित वनविज्ञान अध्ययन संस्थानको खेल मैदानमा हुने प्रतियोगितामा मोफासलका दश टोलीको सहभागिता रहने आयोजक क्लबका अध्यक्ष सुदीप राजबाहकले बताए । प्रतियोगितामा आयोजक एफसी विजय युथ, वीरगञ्ज युनाइटेड, सर्लाही– ११, दुधौली स्पोर्टस् क्लब सिन्धुली, हर्दी युवा समाज चितवन,नवजनजागृती युवा क्बल सिमरा, वीरगञ्ज युथ एकेडेमी,सेन्ट्रल कलेज चितवन, एफसी रियाले काठमाडौं सहभागी हुने प्रतियोगिता संयोजक राजेश भेटवालले जानकारी दिए ।
प्रतियोगितामा विजेताले नगद ३ लाख र उपविजेताले १ लाख ५० हजार रुपैयाँ प्राप्त गर्ने छन् भने विधागतरुपमा उत्कृष्ट हुने गोलरक्षक, डिफेन्डर, मिडफिल्डर, फरवार्ड तथा प्रशिक्षकलाई जनही नगद पाँच–पाँच हजार रुपैयाँ प्रदान गरिनेछ ।
प्रत्येक खेलमा म्यान अफ दी म्याच समेत प्रदान गरिनेछ । प्रतियोगिताका लागि करिब २५ लाख रुपैयाँ खर्च हुने आयोजकले अनुमान गरेको छ । कोरोनाका डर भएपनि टिकट लिएर दर्शक राख्ने आयोजकले जानकारी दिएको छ ।
इंग्लिस प्रिमियर लिग फुटबलमा चेल्सीले आज राति लिड्स युनाईटेडसँग प्रतिस्पर्धा गर्दैछ। चेल्सीले घरेलु मैदानमा लिड्ससँग खेल्नेछ।
घरेलु मैदानमा चेल्सी लिड्सलाई हराउने लक्ष्यमा हुनेछ। तर, बलियो टिम लिड्सविरुद्ध चेल्सीलाई जित निकाल्न सहज भने हुने छैन। चेल्सी १९ अंक जोडेर तालिकाको तेस्रो रहेको छ। घरेलु मैदानमा लिड्सलाई हराएर चेल्सी शीर्ष स्थानमा उक्लन चाहन्छ। लिड्स भने १४ अंक जोडेर १२ औं स्थानमा रहेको छ।
लिड्स चेल्सीलाई हराएर अंक तालिका सुधारको लक्ष्यमा हुनेछ। चेल्सी र लिड्सबीचको खेल नेपाली समय अनुसार पौने २ बजे सुरु हुनेछ। अर्को खेलमा एभर्टनले बर्नलीसँग उसैको मैदानमा खेल्नेछ। दुई टिमबीचको खेल साँझ सवा ६ बजे सुरु हुनेछ। एभर्टन १६ अंक जोडेर आठौं स्थानमा रहेको छ। ५ अंक जोडेको बर्नली रेलिगेसन क्षेत्रमा रहेको छ। एजेन्सी
मकवानपुर । बारा जिल्लाको जितपुरमा भएकाे भेट्रान्स फुटबल प्रतियोगिताको उपाधी हेटौंडा भेट्रान्सले जीतेको छ ।
सिमरामा विहीबार भएको प्रतियोगिताको फाइनल खेलमा जीतपुर भेट्रान्सलाई ४–१ को गोल अन्तरले हराउँदै हेटौंडाले जीत हाँसिल गरेको हो । जीतका लागि हेटौंडाका खेलाडी कबिन साँगामी, नबराज बज्राचार्य, बिजयलाल श्रेष्ठ र निमा लामाले एक/एक गोल गरे ।
प्रतियोगिताको उपाधीसंगै हेटौंडाले नगद ४० हजार रुपैंया हात पारेको छ । प्रतियोगितामा हेटौंडाका निमा लामाले म्यान अफ दी म्याच र म्यान अफ दी सिरिजको उपाधीसंगै नगद ७ हजार ५ सय रुपैंया प्राप्त गरेका छन् । बाराको जितपुरमा सोमबारदेखि सुरु भएको प्रतियोगितामा ८ ओटा टिमको सहभागीता रहेको थियो ।
इन्डियन प्रिमियर लिग (आईपीएल) क्रिकेटको क्वालिफायरमा दिल्ली क्यापिटल्स प्रवेश गरेको छ ।यूएईको शेख जायद स्टेडियममा राति भएको खेलमा रोयल च्यालेन्जर्स बेङ्ग्लोरलाई ६ विकेटले पराजित गर्दै दिल्ली १६ अंक सहित क्वालिफायर पुगेको हो । बेङ्ग्लोरले दिएको १ सय ५३ रनको लक्ष्य दिल्लीले १९ ओभरमा मात्र ४ विकेट गुमाएर पूरा गर्यो ।
अंक तालिकाको शीर्षस्थानमा रहेको मुम्बई इन्डियन्स र दिल्लीबीच आगामी बिहीबार दुबई अन्तराष्ट्रिय क्रिकेट मैदानमा क्वालिफायर–१ मा प्रतिस्पर्धा हुनेछ । विजेता फाइनल प्रवेश गर्नेछ भने पराजित टीमले इलिमिनिटर विजेताबीच खेल्नेछ ।
दिल्लीसँग पराजित भएको बैंगलौरको पनि प्लेअफको स्थान सुरक्षित भएको छ । कोलकाता नाइट राइडर्ससँग समान १४ अंक भए पनि नेट रन रेटको आधारमा बैंगलोर तेस्रो स्थानमा छ ।
बैंगलौरले शुक्रबार कोलकाता र सनराइजर्स हैदरावाद मध्ये एक टीमसँग अबुधाबीमा इलिमिनिटरमा खेल्नेछ । दिल्लीको जितमा अजिन्का रहाणे र शिखर धवनले अर्धशतकीय पारी खेले । रहाणे ६० रन बनाएर आउट हुँदा धवनले ५४ रन बनाए । यस्तै कप्तान श्रेयस एयरले ७ रन जोड्दा पृथ्वी ९ रनमा आउट भए ।
मार्कुस स्टोनिस १० र ऋषव पन्त ८ रनमा अविजित रहे । तर, नेपाली राष्ट्रिय टोलीका लेग स्पिनर सन्दीप लामिछाने भने प्लेइङ सेटमा परेनन् । बेङ्ग्लोरका शाहबाज अहमेदले २ विकेट लिए । वासिङ्गटन सुन्दर र मोहमद सिराजले १/१ विकेट लिए ।
यसअघि टस हारेर पहिले ब्याटिङ गरेको बेङ्ग्लोरले २० ओभरमा ७ विकेट गुमाएर १ सय ५२ रन बनाएको थियो । बेङ्ग्लोरका लागि देवदूत पडीकलले ५० रनको अर्धशतकीय पारी खेले । एबी डी भिलियर्सले ३५ रन र कप्तान विराट कोहलीले २९ रन बनाए । यस्तै शिवम् दुबेले १७ रन जोड्दा जोस फिलिपेले १२ रन जोडे । दिल्लीका एनरिच नोर्टजेले ३ विकेट लिए ।

कागिसो राबाडाले २ तथा रविचन्द्र आश्विनले १ विकेट लिए । जितसँगै दिल्लीले १४ खेलमा १६ अंक जोडेको छ । दिल्ली अंक तालिकाको दोस्रो स्थानमा रहदै क्वालिफायरमा पुगेको हो । दिल्लीले अब पहिलो क्वालिफायरमा शीर्ष स्थानमा रहदै प्ले अफ पुगेको मुम्बई इण्डियन्ससँग खेल्नेछ ।
पहिलो क्वालिफायरको विजेता फाइनलमा पुग्नेछ । पराजित हुने टिमले दोस्रो क्वालिफायर खेल्नेछ । दिल्लीसँग पराजित बेङ्ग्लोर पनि प्ले अफमा पुगेको छ । चौंथो स्थानको कोलकता नाइट राइडर्स भन्दा नेट रन रेटले अघि रहेपछि बेङ्ग्लोरले प्ले अफमा स्थान बनाएको हो ।
बेङ्ग्लोरले १४ खेलमा १४ अंक जोडेको छ । अब बेङ्ग्लोरले दोस्रो क्वालिफायरमा कोलकाता र सनराइजर्स हैदराबादमध्ये एक टिमसँग खेल्नेछ । क्वालिफायरमा पुग्ने अन्तिम टिमको टुंगो लिग चरणको अन्तिम खेलले तय हुनेछ । लिग चरणको अन्तिम खेलमा मुम्बई र हैदराबादबीच खेल हुनेछ ।
मुम्बईले जित निकालेमा कोलकाता प्ले अफ पुग्नेछ । हैदराबादले जित निकालेमा कोलकता प्ले अफबाट बाहिरिनेछ ।