मकवानपुर । हेटौंडामा जारी स्थानीय तह शहीद स्मृती राष्ट्रिय गोल्डकप तेस्रो संस्करण’ को विहिबार भएको दोस्रो सेमिफाइनलमा त्रिभुवन आर्मी क्लबले विदेशी टोली क्यामरुनको अफ्रिकन रुट्स एशोसिएसन (अरास) लाई हराउँदै फाइनलमा पुगेको छ ।
रक्षात्मक खेलेको आर्मीको लागि खेलको ६८ औं मिनेटमा आशिष शाक्यले गाेल गरेका थिए । शाक्यले गरेको गोल नै निर्णायक गोल बनेको हो । आर्मीको तुलनामा विदेशी टोली अरासले बलियो प्रदर्शन गरेता पनि फिनिसिङमा चुक्दा अरासले फाईनलको यात्रा गुमाउन पुगेको हो ।
यस अघी बुधबारकाे सेमिफाइनलमा लिग विजेता मछिन्द्रलाई हराउँदै आयोजक रिगल रिर्सोट मकवानपुर ११ फाईनलमा पुगेको छ । खेलमा ४–३ को गोल अन्तरले मछिन्द्रलाई हराउँदै मकवानपुर ११ ले घरेलु मैदानमा फाईनल खेल्ने पक्का भएको हो । चैत ७ गते शनिबार हुने फाइनलमा मकवानपुर ११ र त्रिभुवन अार्मी क्लब बीच स्पर्धा हुनेछ ।
प्रतियोगिताको विजेताले उपाधिसहित १० लाख तथा उपविजेताले ५ लाख पाउनेछ । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोत्कृष्ट हुने खेलाडी बुलेट बाईक प्राप्त गर्नेछन् । सर्वोत्कृष्ट खेलाडीको लागि नेपालमा गरिएको प्रतियोगिताहरुमा सबैभन्दा ठुलो राशीको पुरस्कार रुपमा बुलेट बाईक भएको आयोजकले दाबी गरेको छ ।
मकवानपुर/ हेटौंडामा जारी स्थानीय तह शहीद स्मृती राष्ट्रिय गोल्डकप तेस्रो संस्करणमा आयोजक रिगल रिर्सोट मकवानपुर ११ फाईनलमा पुगेको छ ।
बागमती प्रदेशको राजधानी हेटौंडामा जारी स्थानीय तह शहीद स्मृती राष्ट्रिय गोल्डकप तेस्रो संस्करणको खेलमा पहिलो सेमिफाइनलमा लिग विजेता मछिन्द्रलाई स्तब्ध बनाउँदै आयोजक रिगल रिर्सोट मकवानपुर ११ फाईनलमा पुगेको हो । रोमाञ्चक खेलमा ४-३ को गोल अन्तरले मछिन्द्रलाई हराउँदै मकवानपुर ११ ले घरेलु मैदानमा फाईनल खेल्ने पक्का भएको हो ।
डिफेण्डिङ च्याम्पिएन मकवानपुर ११ को जीतको लागि म्यान अफ दी म्याच भएका अमिर श्रेष्ठले उत्कृष्ट प्रदर्शनसँगै दुई गोल गरेका थिए । श्रेष्ठले खेलको ४७ औं मिनेट र ६८ मिनेटमा गोल गरेका हुन् । सुरुवाती अग्रता लिएको मन्छिन्द्रको लागि पुजन उपरकोट पासमा ९ औं मिनेटमा गोल गरेर खाता खोलेका थिए । मकवानपुर ११ को लागि रुपेश केसीले २० मिनेटमा गोल गर्दै खेल बराबरीमा ल्याएका थिए ।

राष्ट्रिय फुटबल टोलीका पुुर्व सदस्य समेत रहेको रन्जन विष्टले ३४ औं मिनेटमा गोल गरे अग्रता बनाएका थिए भने अमिर श्रेष्ठले ४७ औं मिनेटमा गोल गर्दै अग्रता दोब्बर बढाएता पनि मछिन्द्रका अशोक थापाको ५० मिनेटमा र राजेश परियारले ५९ मिनेटमा गोल गरेर खेल फेरी बराबरीमा ल्याएका थिए । तर मकवानपुर ११ को तर्फबाट अमिर श्रेष्ठले व्यक्तिगत दुई गोल गर्दै ६८ मिनेटमा गोल गरेपछि खेलको नतिजा आयोजकको पक्षमा आएको हो ।
खेल पछि प्रतिक्रिया दिँदै मछिन्द्रका क्लबका प्रशिक्षक प्रवेश कटुवालले खेलाडीहरुले सोचे अनुसार खेल्न नसकेको बताए । क्लबका अनुभवी खेलाडीहरु मैदानमा नहुँदा सोचे अनुसार खेल्न नसकेको भन्दै खेलाडीहरु मार्किङमा लगातार गल्ति गरेको बताए । यस्तै फाईनल पुगेको टिम मकवानपुर ११ का प्रशिक्षक विजयलाल श्रेष्ठले टिममा रहेका खेलाडीहरु निरन्तर विभिन्न प्रतियोगिता खेलिरहेकोले अपेक्षित प्रदर्शन नगरेता पनि स्कोर आफ्नो पक्षमा ल्याएको बताए । उनले फाईनल खेलमा अभै शसक्त रणनीति र तयारी गर्ने बताए ।
भाेलि विहीबार विभागीय टिम त्रिभुवन आर्मी क्लब र विदेशी टोली क्यामरुनको अफ्रिकन रुट्स एशोसिएसन (अरास) बीच दोस्रो सेमिफाईनल हुनेछ । प्रतियोगिताको विजेताले उपाधिसहित १० लाख तथा उपविजेताले ५ लाख पाउनेछ । त्यस्तै विधागत उत्कृट हुने खेलाडी टूफिसहित नगद २५-२५ हजार प्राप्त गर्नेछन् । प्रतियोगिताका सर्वोत्कृष्ट हुने खेलाडी बुलेट बाईक प्राप्त गर्नेछन् । सर्वोत्कृष्ट खेलाडीको लागि नेपालमा गरिएको प्रतियोगिताहरुमा सबैभन्दा ठुलो राशीको पुरस्कार रुपमा बुलेट बाईक भएको आयोजकले दाबी गरेको छ ।
मकवानपुर । हेटौंडामा जारी स्थानीय तह सहिद स्मृति गोल्डकप फुटबल प्रतियोगितामा आज बुधबारबाट सेमिफाइनलको खेल सुरु हुँदैछ । प्रतियोगिताको पहिलो सेमिफाइनलमा साबिक विजेता रिगल हेटौंडा रिसोर्ट मकवानपुर–११ र ए डिभिजन लिग विजेता मछिन्द्र क्लबबिच फाइनल प्रबेशका लागि खेल हुँदैछ ।
यसअघिको खेलमा मकवानपुर–११ले नवजनजागृती युवा क्लबलाई ४–१ गोल अन्तरले पराजित गरेको थियो भने मछिन्द्रले संकटा क्लबलाई १–० ले पराजित गर्दै सेमिफाइनल प्रवेश गरेको थियो । आजको खेलको विजेताले फाइनलमा भाेली चैत ५ गते हुने सेमिफाइनलकाे दाेस्राे खेल विभागीय टोलि त्रिभुवन आर्मी क्लब र अफ्रिकन रुट्स एशोसिएसन (अरास) डुवल क्यामरुनबिचको विजेतासंग उपाधिको लागि भिड्ने छन् ।

जिल्ला फुटबल संघ मकवानपुरको आयोजना भएको प्रतियोगिताको बिजेता टोलीले ट्रफिसहित नगद १० लाख प्राप्त गर्नेछ भने उपविजेता हुने टोलीले ट्रफिसहित नगद ५ लाख प्राप्त गर्नेछ ।प्रतियोगिताको सर्बोउत्कृट खेलाडीले रोयल इन्फिल्ड बुलेट बाईक हात पार्नेछन् । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताको फाइनल खेल चैत ७ गते हुने आयोजकले जनाएको छ ।
मकवानपुर । हेटौंडामा जारी स्थानीय तह शहीद स्मृती राष्ट्रिय गोल्डकप तेस्रो संस्करण’ को खेलमा मंगलबार भएको अन्तिम क्वार्टरफाईनलमा विदेशी टोली अफ्रिकन रुट्स एशोसिएसन क्यामरुन(अरास) ले र बागमती युवा क्लब सर्लाहीलाई २–१ ले हराउँदै समिफाईनल प्रवेश गरेकाे छ ।
खेलको पहिलो हाफमा बागमती युवा क्लबले १–०को अग्रता सहित औषत प्रदर्शन गरेता पनि दोस्रो हाफमा क्यामरून (अरास)ले पुरै दबाबमा राखेको थियो । सर्लाहीका लागि विदेशी खेलाडी स्टेफन समिरले खेलको २५ औं मिनेटमा गोल गर्दै अग्रता दिलाएका थिए । दोस्रो हाफमा रक्षात्मक खेलेको बागमतीले खेलको ८९ औं मिनेटमा क्यामरुनका लागि बेससेकले जाली चुमाएपछि अग्रात गुमाएको थियो । अन्तिम समय लगातार गोलपोष्टमा प्रहार गरेको क्यामरुनले ९२ मिनेटमा लोइसले गर्दै जीत पक्का गरेका थिए ।

भोली बुधबार लिग विजेता मछिन्द्रले फाईनल प्रवेशको लागि आयोजक रिगल रिसोर्ट मकवानपुर ११ सँग खेल्नेछ । त्यस्तै चैत ५ गते दाेस्राे सेमिपफाइनलमा क्यामरून र नेपाल अार्मीसँग भिड्ने छ । चैत ७ गते प्रतियाेगिताकाे फाइनल खेल हुनेछ ।
प्रतियोगिताको विजेताले उपाधिसहित १० लाख तथा उपविजेताले ५ लाख पाउनेछ । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोत्कृष्ट हुने खेलाडी बुलेट बाईक प्राप्त गर्नेछन् । सर्वोत्कृष्ट खेलाडीको लागि नेपालमा गरिएको प्रतियोगिताहरुमा सबैभन्दा ठुलो राशीको पुरस्कार रुपमा बुलेट बाईक भएको आयोजकले दाबी गरेको छ । प्रतियाेिगतामा ए िडिभजनका टिम सहित १ विदेशी टाेली सहित १० टिमकाे सहभागिता रहेकाे छ ।
।
मकवानपुर । भक्तपुर नगरपालिकाद्वारा आयोजित अन्तर नगरपालिका बुद्धिचाल प्रतियोगिताको उपाधि हेटौडा उप महानगरपालिका टिमले जितेकाे छ। त्यसैगरी समान ११ अंक प्राप्त गरे पनि म्याच प्वाइन्टका आधारमा ललितपुर महानगरपालिका दोश्रो र काठमाण्डौं महानगरपालिका तेश्रो स्थानमा रहे ।
हेटाैडाले सातौं तथा अन्तिम चरणको खेलमा २.५—१.५ अंकले पराजित गरी कुल १३ अंक सहित उपाधि हासिल गरे । उपाधिसँगै हेटौडाले आकषर्क ट्रफि र नगद एक लाख पचास हजार पाए ।फाइनल खेलमा भिमेश्वर नपाका लागि सुमित पन्तले बर्तमान नेपाल च्याम्पियन पुरुषोत्तम चौलागाईंलाई माथ गरे । तर हेटौडाका सुरबीर लामाले भिमेश्वर नपाका आशिष फूयाँल, रुपेश जैसवालले सुदिप तामाङलाई हराए भने मनिष हमाल र क्षितिज भण्डारीबीच बराबरी भयो ।
भक्तपुरको जगातिस्थित महेश्वरी बैंक्वेटमा संचालित खेलमा ललितपुरका सजिन महर्जनले केशव श्रेष्ठ, बद्रिलाल नेपालीले रिजेन्द्र राजभण्डारी, सरोज महर्जनले नबिन तण्डुकार र सुमन राईले राजेन्द्र बज्राचार्यसित बराबरी खेलेका थिए । ललितपुरले आकषर्क ट्रफि र नगद एक लाख र काठमाण्डौंले आकषर्क ट्रफि र नगद पचार हजार पाए ।
स्वीस लिग ७ राउण्डको खेल भएको प्रतियोगितामा ब्यक्तिगत प्रदर्शनमा बोर्ड नं १ मा टोखा नपाका मिलन लामा, बोर्ड नं २ मा भक्तपुर नपाका निकेन कुसाथा, बोर्ड नं ३ मा दमक नपाका चन्द्रप्रकाश नेपाल, बोर्ड नं ४ मा हेटौडा उपमनपाका रुपेश जैसवाल र बोर्ड नं ५ मा भक्तपुर नपाका केशब मानन्धर उत्कृष्ठ घोषित भए । उनीहरुले जनही नगद पाँच हजार प्राप्त गरे ।
चारदिने प्रतियोगिताका बिजयी तथा सहभागीहरुलाई एक समारोहबीच प्रमुख अतिथि एव संघीय सांसद प्रेम सुवालले ट्रफि, मेडल, प्रमाणपत्र एवं नगद पुरस्कार वितरण गरेका थिए । आयोजक भक्तपुर नपाका मेयर सुनिल प्रजापतिका सभापतित्व समापन समाराेह भएकाे हाे । प्रतियोगितामा देशभरबाट २२ वटा नगरपालिकाहरु सहभागी थिए ।