मकवानपुर । नेपाली कांग्रेस बागमती प्रदेश संसदीय दलका नेता एवम् मकवानपुर सभापति ईन्द्रबहादुर बानियाँले मकवानपुरगढी गाउँपालिका वडा नम्वर ८, बुढीचौरका ४ सय घरपरिवारलाई खाद्यान्न सहयोग गरेका छन् ।
नेता बानियाँले शुभ दिपावली, छठ पर्वको अवसरमा कांग्रेस मकवानपुरगढी गाउँपालिकाले आज (बुधबार) आयोजना गरेको शुभकामना आदानप्रदान तथा चियापान कार्यक्रममा स्थानीय ४ सय घरपरिवारलाई खाद्यान्न वितरण गरेका हुन् । उनले प्रतिपरिवारलाई २५ किलो चामल, नुनु, दाललगायत खाद्य सामाग्री सहयोग गरेका हुन् ।
कांग्रेस मकवानपुरगढी गाउँपालिका ८ का वडा सभापति बेदनाथ न्यौपानेको सभाध्यक्ष तथा नेता बानियाँको प्रमुख आतिथ्यतामा भएको हो । कार्यक्रममा प्रतिनिधिसभा १ का संघीय सभापति यतिराज सापकोटा, क्षेत्रीय सभापति लोक मुक्तान, हेटौंडा उपमहानगरपालिकाका निवर्तमान सभापति आनन्दराम पराजुली, वडा अध्यक्ष कुमार सिं घिसिङलगायतको उपस्थिति रहेको थियो ।
मकवानपुर । प्रधान सेनापति प्रभुराम शर्माले भीमफेदी गाउँपालिका स्थित चिसापानीगढी क्षेत्रको संरक्षण तथा पूर्वाधार निर्माण आयोजनाको शिलान्यास गरेका छन् । बुधबार एक समाराेहका बिच शर्माले भीमफेदी ६ मा रहेकाे चिसापानीगढी क्षेत्रको संरक्षण तथा पूर्वाधार निर्माण आयोजनाको शिलान्यास तथा गढी परिसरमा राष्ट्रिय झण्डोतोलन समेत गरेका छन् ।
समारोहलाई सम्बोधन गर्दै प्रधानसेनापति शर्माले चिसापानी गढी पहिले पनि सामरिक (युद्धको) रुपमा महत्वपूर्ण रहेको र अहिले पनि महत्वपूर्ण भएको बताए । ‘चिसापानी गढीसहित देशभरका गढीहरुले देशको सिमा रक्षाको लागि महत्वपूर्ण भूमिका निर्वाह गरेको छ प्रधान सेनापति शर्माले भने यस्ता गढीहरुकाे संरक्षण गर्न अती आवश्यक छ ।’ गढीको संरक्षणमा अहिले भीमफेदी गाउँपालिकाले सक्रियता देखाएको भन्दै उनले खुशी व्यक्त गरे ।
नेपालको अन्य गढी, किल्ला, गणहरुमध्ये मकवानपुरको चिसापानी गढीलाई महत्वपूर्ण मानिएको छ । मल्ल राजा, शाहवंश, राणाकालिन अवस्थामा चिसानपानी गढीको प्रमुख भूमिका रहेको थियो । वैद्य–अवैद्य रुपमा नेपाल छिर्नेहरुको लागि भिसा चेक गर्ने ठाउँ भएकोले यो अन्य गढीहरुको भन्दा महत्वपूर्ण मानिन्थ्यो । देशको अहिलेको गृह मन्त्रालय, अर्थमन्त्रालय र रक्षा मन्त्रालयको काम यही ठाउँबाट हुने गरेको थियो ।
मकवानपुरको चिसापानी गढीको संरक्षण आधुनिक समयमा आधुनिक तरिकाले हुनुपर्नेमा शर्माले जोड दिए । पर्यटकीय क्षेत्रका रुपमा चिसापानी गढीलाई लिइने भएकाले यसको फाइदा सबैले लिन सक्ने उनले बताए ।
भीमफेदी गाउँपालिकाका अध्यक्ष हिदम लामाको अध्यक्षतामा भएको कार्यक्रममा जिल्ला समन्वय समिति मकवानपुरका प्रमुख रघुनाथ खुलाल, मकवानपुरका प्रमुख जिल्ला अधिकारी भरतमणि पाण्डे, गाउँपालिका उपाध्यक्ष पावर्ती राना, सुरक्षा निकायका उच्च पदस्थ अधिकारीहरु लगायतको उपस्थिति रहेको थियो ।
मकवानपुर । हेटौंडामा नेपाली कथानक चलचित्र ‘चोरपुलिस’ प्रर्दशन हुने भएको छ । चलचित्र ‘चोरपुलिस’ आउँदाे कार्तिक २५ गते हेटौंडाको ओम्याक्स हलमा पहिलाे पटक विशेष प्रदर्शन शुरु गरिने भएकाे हाे ।
बुधबार हेटौैैंडामा पत्रकार सम्मेलन गर्दै चलचित्र दिउँसो १२ बजे देखि ३ बजेसम्म र ३ बजेदेखि ६ बजेसम्म गरी दुई सो प्रदर्शन हुने बताइएकाे छ । चलचित्रमा बुद्धि तामाङ (हैट) जयकिशन बस्नेत, सोभित बस्नेत, राजेन्द्र खड्की, जयनन्द लामा, जयन्ति बस्नेत, सुलेमान शंकर (इकु) लगायतका कलाकारहरुको मुख्य अभिनय रहेको बताइएको छ ।
हेटौडाबाट बिशेष प्रदर्शन शुरु गरि चलचित्रलाई चाडै नै नियमित प्रदर्शनमा ल्याउने निर्माण युनिटले जनाएको छ । आर सोनाम मुक्तान, लंका माया मुक्तानको निर्माणमा बनेको चलचित्रलाई आर एल लामाले निर्देशन गरेका हुन् । चलचित्रमा आर एल लामाको कथा तथा पटकथा, रामेश्वर हुमागाईको छायांकन, बिकास चौधरीको संगीत, राजु किरातीको द्वन्द, अजय स्याङ्तानको नृत्य निर्देशन, तारा थापा किम्मेको सम्पादन रहेको छ ।
मकवानपुर । मकवानपुरमा कार्तिक १७ गते बुधबारबाट अन्डर–१९ क्रिकेट खेलाडी छनोट सुरु भएको छ । मकवानपुर जिल्ला क्रिकेट संघको आयोजनामा क्रिकेटका खेलाडी छनोट सुरु गरिएको हो ।
नेपाल क्रिकेट संघले आगामी मंसिर पहिलो साताबाट यू–१९ राष्ट्रिय क्रिकेट प्रतियोगिता आयोजना गर्दैछ । साेही प्रतियाेगिताकाे लागि प्रदेश छनोटमा सहभागि हुन जिल्ला छनोट सुरु गरिएको बागमती प्रादेशिक क्रिकेट संघले जनाएकाे छ । प्रतियोगिताअघि बागमती प्रदेशका जिल्लाका यू–१९ क्रिकेट टिम बिच प्रतियोगिता भई त्यसबाट पनि खलाडी छनोट भएर बागमती प्रदेश क्रिकेट टिमले राष्ट्रिय प्रतियोगितामा सहभागिता जनाउने छ ।
प्रदशेमा १३ जिल्ला मध्ये हालसम्म ६ जिल्लाकाे क्रिकेट टिम मात्र छनाैटमा आउने भएकाे छ। जिल्ला छनोटमा १९ वर्ष मुनिका ४० जना खेलाडीहरु उपस्थित रहेका छन् । सहभागी खेलाडीहरुबाट प्रदर्शनको आधारमा १४ जना खेलाडी छनोट गरिने भएकाे छ । यस्तै ४ जना बैकल्पिक खेलाडी पनि छनोट हुने छन् ।
खेलडी छनोट कार्यक्रमको उद्धाटनमा हेटौंडा–४ का वडा अध्यक्ष नवीन सिग्देल, मकवानपुर जिल्ला खेलकुद विकास समितिका कार्यालय प्रमुख राजन दाहाल खुसराज, मदन भण्डारी स्पोर्टस् एकेडेमी मकवानपुरका अध्यक्ष प्रकाश सुवेदी लगायतकाको आतिथ्यता रहेको थियो ।

हिक्क हिक्क गरी बाटो हेर्ने यी परेली सम्झेर
बारीको मखमली,सयपत्री र बेली ~ सम्झेर
धेरै वर्ष भयो निधार अनि गला नसजाएको
यो तिहारमा त आऊ है दाजु चेली सम्झेर ।
काठमाडौं

गाउँ सहर जताततै झिलीमिली बत्ती बलेको छ
तिहारको रमझम छ खुशीको प्रहर चलेको छ
तिहारको यो रमाइलो बेला,फूलैफूलको छ मेला,
घरघरमा उत्सव छ, मनमा हर्ष र उमङ्ग फलेको छ।

तिहारको सन्देश छर्दै कौवा डुल्या छ
मिठो मिठो खानपाई कुकुर भुल्या छ
गाईको पूजा ,लक्ष्मीपूजा ,भाइटीकालाई
आँगन डिलमा नानाथरी फूल फुल्या छ।
लक्ष्मीपुर इलाम

खुशी लाग्थ्यो एक कल फोन सुन्न पाए त
दाजुभाईको ममता नै उत्कृष्ट चुन्न पाए त
दाजुभाई दिदीबहिनी सबै भेला भई
तिहार आउँदा मखमली फुल उन्न पाए त ।
राम्दी पाल्पा हाल पाेर्चुगल

मखमली फूलको माला , उन्दै हौली बहिनी
दाई आउने मैना दिन , गुन्दै हौली बहिनी
विन्ती छ प्यारी बैनी , मुर्छा परी नरुनु
छुट्टि पाईन खबरमा , सुन्दै हौली बहिनी ।
सिरानचोक ३ गोरखा

सवाल
यसपालीको तिहारमा घर आउने कि कसो
रमाइलो गर्दै देउसी गित गाउने कि कसो
दिदिबहिनीहरु बाटो हेरेर बसेका छ्न
आशिर्वाद सङ्गै सप्तरङ्गी टीका लाउने कि कसो ।
जवाफ
हे मेरी आमा चिन्ता नगर्नु एक दिन अवश्य आउनेछु
साथीभाइ सङ्ग रमाइलो गर्दै देउसी गित गाउनेछु
पीर चिन्ता नगर्नु भनी सम्झाउनु मेरि दिदिबहिनी हरुलाई
अर्को बर्ष आएर आशिर्वाद संगै सप्तरङ्गी टीका लाउनेछु ।

१.
पूर्व क्षितिजमा लाली छर्दै सूर्यको किरण छरिन थाल्यो
तिहारको रमझम सम्झदै खुसीले मन भरिन थाल्यो
सुख शान्ति समृद्धि सबैमा शुभेच्क्षाको कामना गर्दै
ओखर कटुस बिमिरो टीका मालाको जोहो गरिन थाल्यो ।
२.
आउन आइहाल्यो तिहार सम्झिएर रून्छु
खाली हुन लाग्यो यो निधार सम्झिएर रुन्छु
परदेशको जिन्दगी यसरी बिताउन पर्दा
भाइ दिदीसँगको मधुर पियार सम्झिएर रून्छु ।
काठमाडौं हाल मिजौरी अमेरिका