शम्भु प्रसाद भट्टराई
पत्याउन गाह्रो भयो मानिसको कुरा ।
सानो ठूलो जोसुकै होस् चलाउँछन् छुरा।
मनभित्र यौटा कुरा बाहिर छ अर्को
अभिमत बाझ्नै हुन्न पसिहाल्छन् धुरा।
चरित्रको कुरा छोडौँ पैसा भयो ठूलो
बोटै सके नपुगेर चाट्न थाले पुरा।
राजनीतिले कल्याण बिर्स्यो वैश्विक छ चाला
नेतृत्वको सहारा भो आमोद प्रमोद सुरा।
सम्बन्धले रूप फेर्यो हार्दिकता बिर्स्यो
स्वार्थ मिल्न छाडेपछि बन्छ काँचको चुरा।
बिराटनगर, माेरङ
मकवानपुर । नेपाली कांग्रेस हेटौंडा वडा नम्बर १६ इकाई समितिले विरामीलाई आर्थिक सहयोग गरेको छ । हेटौंडा-१६ का रोहन खतिवडा एपाल्स्टिक एनिमिया भई पाटन अस्पतालमा उपचाररत रहेकोमा उपचारमा मद्धत पुगोस् भन्ने उद्धेश्यले वडा इकाईले एक लाख ८ हजार रूपैयाँ सहयोग गरेको हो ।
पार्टीको तर्फबाट हेटौंडा-१६ का वडा अध्यक्ष रामकृष्ण कोइरालाले १५ हजार, पिताम्बर गौतमले १५ हजार, महेश ढकालले १५ हजार, कृष्ण पनेरुले १५ हजार, शिव फुँयालले १५ हजार, टिकाप्रसाद गौतमले १० हजार, इवनाद दंगालले १० हजार, सोमनाथ दंगालले ५ हजार, कृष्णप्रसाद बस्ताकोटीले १ हजार, रमेश ढकालले २ हजार, सन्तोष कार्कीले १ हजार, श्याम कार्कीले १ हजार, भीमप्रसाद गौतमले १ हजार, कृष्ण दुर्च्याईले १ हजार र बाबुकाजी मिश्रले १ हजार रूपैयाँ सहयोग गरेका छन् ।
संकलित रकम वडा अध्यक्ष कोइरालाले विरामीको आफन्तलाई हस्तान्तरण गरेका छन् । उनले वडा कार्यालयबाट ५० हजार रूपैयाँ सहयोग उपलब्ध गराउने प्रतिबद्धता समेत जनाएका छन् ।
चिकित्सकका अनुसार खतिवडाको बोनम्यारो ट्रान्सप्लान्ट गर्नुपर्ने र यसका लागि करिब ५० लाख रूपैयाँ खर्च हुनेछ । वडा अध्यक्ष कोइरालाले सहयोगका लागि सबैसँग आग्रह समेत गरेका छन् ।
मकवानपुर । मकवानपुरगढीकाे आमभन्ज्याङ युवा क्लबले बिनयबाबु स्मृति भलिबल प्रतियोगिताको उपाधि हाल पारेकाे छ । बिनयबाबु स्मृति प्रतिष्ठानले थाहा नगरपालिकामा आयोजना गरेको जिल्ला स्तरीय बिनयबाबु स्मृति रनिङ शिल्ड पुरुष भलिबल प्रतियोगिताको आमभन्ज्याङ युवा क्लब मकवानपुरगढीले जितेकाे हाे ।
थाहा नगरपालिका वडा न २ मा रहेको खेल मैदानमा शुक्रबार सम्पन्न फाइनल खेलमा आमभन्ज्याङ युवा क्लबले आयोजक बिनयबाबु स्मृति प्रतिष्ठानलाई २५-१८, २६-२४, १५-२५, २७- २५ को सेटमा पराजित गरि उपाधि हात पारेको हो। उपाधि जितेसंगै आमभन्ज्याङले ५१ हजार ५१ रुपैयाँ नगद, शिल्ड, मेडल, प्रमाणपत्र प्राप्त गरेको छ। उपबिजेता आयोजक बिनयबाबु स्मृति प्रतिष्ठानले २६ हजार २६ प्राप्त गर्दै चित्त बुझाएको छ।
जारी प्रतियोगिताको उत्कृष्ट खेलाडी आमभन्ज्याङका बिशाल गोपाली, उत्कृष्ट स्पाइकर आयोजकका सबिन कार्की, उत्कृष्ट सेटर आमभन्ज्याङका अजय माझी, उत्कृष्ट ब्लकर आयोजकका मनिश लामा, उत्कृष्ट डिफेण्डर आमभन्ज्याङका रोशन गोपाली, उत्कृष्ट कोच आमभन्ज्याङका रन्जन अमात्य, उदयमान खेलाडी आमभन्ज्याङका अमृत तिमिल्सिना घोषित भएका थिए ।
कात्तिक १६ देखि भएको भलिबल प्रतियोगितामा १७ टिमको सहभागिता रहेको थियो । प्रतियोगिता समापन समारोहमा शिक्षा तथा खेलकुदको क्षेत्रमा महत्त्वपूर्ण योगदान पुर्याउनु भएका जनकल्याण माबि पालुङका प्रधानध्यापक सानोभाई कार्कीलाई दोसल्ला र सम्मानपत्र सहित सम्मान गरिएको थियो ।
मकवानपुर । राष्ट्रिय फुटबल खेलाडी अन्जन विष्ट र सुनिल बललाई हेटौंडामा सम्मान गरिएको छ । १३ औं दक्षिण एसियाली फुटबल साफमा नेपाली टिमलाई उपबिजेता बनाउन सफल उनीहरूलाई मकवानपुर जिल्ला खेलकुद विकास समितिले नगद २५ हजार रूपैयाँसहित सम्मान गरेको हो ।
बागमती खेलकुद विकास परिषदको सदस्य सचिव सूर्यलाल भण्डारीको प्रमुख आतिथ्यता एवं जिल्ला खेलकुद विकास समितिका अध्यक्ष सानु कुमार लामाको अध्यक्षतामा कार्यक्रम भएको थियो । कार्यक्रममा हेटौंडा-४ का वडा अध्यक्ष नवीन सिग्देल, समितिका पूर्व अध्यक्ष माधव तिमल्सिना, बिभिन्न खेलकुद संघका अध्यक्ष एवं प्रतिनिधि, खेलाडी र खेलप्रेमीहरुको उपस्थित रहेका थिए

मखमली फुल ओईलिन्छ भाई,घर फर्की चाँडो आउ
गरिब दिदीको कमजोर मनलाई,कहिले नि नदुखाउ
घरको धन्दाले बाँधिएको हुन्छु सधैं,उम्किनै पाउदिन
अघिपछि भन्ने उस्तै हुन्छ बाबू! तिहारमा भेट्ने दाउ।
खोटाङ

सबैतिर खुसियाली छाएको समाचार होस
आहा! दशैं भन्दा पनि रमाइलो तिहार होस
सकिँदैन कसैले केही लिन र दिन पनि कहिले
केवल दिदीबैनीको हात,दाजुभाइको निधार होस ।
भरतपुर चितवन

सधैं भरी ऋणको भार परदेशी लाई
छैनकेही रमाउने आधार परदेशी लाई
गाउँ घर छोडेर परदेशी हुनु परेको छ
बिरानो ठाउँमा दशैं न तिहार परदेशी लाई ।।
धनगढी कैलाली

दाइ आउछा भन्दै दिन गुनी बसेकी होउली
देउसी भैलोका गीत सुनी बसेकी होउली
एस्तै हुदो रहिछ अर्कको नुन पानी खाए पछि
यो साल नि आइन मख्मली फुलबुनी बसेकी होउली ।
सिरानचोक ३ गोरखा

सबको मन झिलिमिली बत्ति झैँ बनोस् शुभकामना
माइती चेलीको सम्बन्ध प्रगाढ होस् शुभकामना
धनकी देवी लक्ष्मीमाताको कृपाले यो तिहारमा
सबले आँटे अनि सोचेको सबै पुगोस् शुभकामना ।
सोलुखुम्बु

माइती जाँदा मैले लगाएका फूलले पनि मलाइ भुले होलान्
आजसम्म त ती फूलहरू पक्कै ढकमक्क भएर फुले होलान्
भनेको बेला फ्याट्ट निस्कन नपाई घरमै अलमलमा परे म !
उता माइतमा सङ्गी देउसी भैलो खेल्न गाउँमा डुले होलान् ।
चन्द्रागिरि, काठमाडौँ