मकवानपुर । नेकपा एमाले सचिव एवं प्रतिनिधिसभा सदस्य योगेश भट्टराईले अहिलेकाे गठबन्धनकाे सरकारले काम गर्न नसकेकाे बताएका छन् । गठबन्धनकाे सरकारले काम नसकेकाले जतिसक्दाे छिटाे ताजा जनादेश जनादेशमा जानुपर्ने उनले विहीबार हेटौंडामा प्रेस चौतारी नेपाल,मकवानपुरले गरेको पत्रकार सम्मेलनमा बताएका हुन् ।
‘अहिलेको यो गठबन्धन सरकाले चार पाँच महिनामा राज्यको सबै निकायहरुलाई ध्वस्त बनाएकाे छ’ भट्टराईले भने ‘कार्यपालिका भागबन्डामा छ, आचारसंहिता पालना भको छैन्, बेतिथिहरु बढिरहेको छ ।’ उनले भने– ‘संसदलाई बन्धक बनाईरहेका छन् र न्यायपालिकालाई सरकारले नांगैझार बनाएका छन् ।’ राज्यका सबै अंगमा नकरात्मक परिस्थिति सृजना भएकाेले छिटाे ताजा जनादेशमा जानुपर्छ । नयाँ जनादेश प्राप्त गरेर लोकतान्त्रिक स्थायीत्व निर्माण गर्नुपर्छ ।’ उनले छिटो भन्दा छिटो निर्वाचन गर्नुपर्ने पार्टीको धारणा रहेको स्पष्ट पारे । सचिव भट्टराईले एमाले अब स्थानीय एवं संघीय चुनावको तयारीमा अघि बढेको समेत बताए ।
यसैगरि सचिव भट्टराईले नेपाली कांग्रेस लामो इतिहास बोकेको तर भविष्य नभएको पार्टी रहेको टिप्पणी गरेका छन् । चितवनमा सम्पन्न एमालेको १० औँ राष्ट्रिय महाधिवेशनको सन्दर्भमा कांग्रेस नेताहरुले गरेका टिप्पणी अनावश्यक भएको भन्दै उनले कांग्रेस आफैमा भविष्य नभएको पार्टी रहेको दाबी गरे ।
केही दिनअघि हेटौंडामा कांग्रेस नेता गगन थापाले एमालेले आफ्नो विचार नारायणी नदीमा सेलाएको अभिव्यक्ति दिएका थिए । त्यसको जवाफ स्वरुप सचिव भट्टराईले कांग्रेससँग कुनै विचार नभएको दाबी गरे । कांग्रेससँग विचारको डकुमेन्ट समेत नभएको उनले बताए । ‘कांग्रेससँग अहिले कुनै विचार छैन, कांग्रेसको विचारको डकुमेन्ट कहाँ छ ? ’ उनले भने । उनले फरक पार्टीको महाधिवेशनलाई लिएर अरु दलका नेताले टिप्पणी गर्न आवश्यक नरहेको बताए ।
प्रेस चौतारी नेपाल मकवानपुरका अध्यक्ष धर्मेन्द्र दाहालको अध्यक्षतामा भएको पत्रकार सम्मेलनमा एमाले मकवानपुरका अध्यक्ष बद्री लम्साल, प्रदेश कमिटी सदस्यहरु भोजराज ढकाल,दिलबहादुर घिसिङ (फुर्वा),प्रेस चौतारी बागमती प्रदेश सह–संयोजक प्रकाश दाहाल, ब्रोडकास्टिङ एशोसिएसन अफ नेपाल (बान) का केन्द्रीय उपाध्यक्ष उज्ज्वल चौलागाईँ लगायतको आतिथ्यता रहेको थियो ।
यसैगरी, सचिव योगेश भट्टराईले नेपालका दुईवटा राजनीतिक दलहरु लोप हुने खतरामा रहेको बताएका छन् । अनेरास्ववियु बन विज्ञान अध्ययन सस्थान हेटौँडाको आयोजनामा भएको कार्यक्रममा भट्राईले नेपालमा अब एमाले र कांग्रेसको मात्र ‘पोल’ रहने बताए ।
उनले भने ‘माओवादी र समाजवादीले खाली कांग्रेससँग किन मिल्न जोड गरेका छन भने उनीहरु लोप हुने खतरामा छन्, उनीहरुलाई लोप हुनबाट जोगाउने एमाले मात्र हो, उनीहरु कि लोप हुनुपर्छ कि एमालेसँग समाहित बन्नुपर्छ ।’
पाँच दलीय गठवन्धन अप्राकृतिक रहेको भन्दै उनले यो गठवन्धन राष्ट्रियसभा निर्वाचनपछि टुटने बताए । कांग्रेसले पनि माओवादी र समाजवादीसँग मिल्दा हुने बेफाईदाको महशुस गरिसकेको भन्दै उनले अबको लडाई एमाले र कांग्रेसबिच हुनुपर्ने बताए ।
मकवानपुर । थाहा नगरपालिका हुप्रचौरमा जारी अन्तरपालिका जिल्लास्तरीय पुरुष फुटबल प्रतियोगिताको फाइनलमा प्रवेश गरेको छ । प्रतियोगिता अन्तर्गत बुधबार भएको सेमिफाइनल खेलमा थाहा नगरले भीमफेदी गाउँपालिकालाई २–१ गोलअन्तरले पराजित गर्दै फाइनल प्रवेश गरेको हो । जिल्ला समन्वय समिति मकवानपुरको आयोजनामा अन्तरपालिका जिल्लास्तरीय पुरुष फुटबल प्रतियोगिता भएकाे हाे ।
थाहानगरलाई जीत दिलाउन खेलको ३५ औँ मिनेटमा रोशन बलले सुरुवाती गोल गरेको थिए । यस्तै दोस्रो हाफको पहिलो मिनेटमै सन्देश बलले गोल गर्दै थाहालाई २–० गोलको अग्रता दिलाएका थिए । भीमफेदीका सबिन गोलेले खेलको दोस्रो हाफमा गोल गरे पनि टिमलाई हारबाट जोगाउन भने सकेनन् । म्यान अफ द म्याच थाहाका गोलरक्षक निशान थापा घोषित भए ।
प्रतियोगिताको शनिबार हुने फाइनलमा हेटौंडा उपमहानगरपालिका र बागमती गाउँपालिका बीचको विजेतासँग थाहानगरले प्रतिस्पर्धा गर्नेछ । दोस्रो सेमिफाइनल खेल मंशिर २३ गते बिहिबार हुनेछ ।
प्रतियोगिताको उपाधि विजेताले २ लाख रुपैयाँ र उपविजेताले १ लाख रुपैयाँ प्राप्त गर्ने छ । प्रतियोगितामा विधागत रुपमा उत्कृष्ट खेलाडीले ५ हजार रुपैयाँ तथा अन्य विधागत खेलाडीले ३ हजार रुपैयाँको दरले पुरस्कार प्राप्त गर्ने आयोजकले जनाएको छ ।
सरिता न्यौपाने पाैडेल
१.
दिलमै बास दिन्छु भनी,बोलाएकी छु
उनकै बाटो कुर्दै आज, टोलाएकी छु
मैले गर्या बिस्वास कतै तोडीनेपो होकी
डर बोकी आँखा भित्र , लोलाएकी छु।
२.
आफू बाहेक जीवनमा कसैको, भर लाग्न छोड्यो
पिडा दिने धेरै भएपनि कसैको, डर लाग्न छोड्यो
आफ्नो मान्छे अर्कै भइ, पराइको कांध थाप्दा
एक्लो भयो जीवन बाच्ने ,रहर लाग्न छोड्यो ।
३.
मनको भाव बुझ्ने भए, सुन्न आउ तिमी
अश्रुधारा बगेकै छन, थुन्न आउ तिमी
आफ्नैलाइ पराइ सम्झि बैरी भाव किन
टालेको मन फाटे फेरी, बुन्न आउ तिमी ।
४.
भित्र ब्यथा लुकाएर , बाहिर हाँस्ने धेरै छन् यहाँ
मनमा लाखौं स्वार्थ बोकी,माया गाँस्ने धेरै छन् यहाँ
स्वार्थी यो दुनियाँमा कस्को के कुरामा भर पर्नु छ र ?
क्षणिक सुखका लागि चोखो माया मास्ने धेरै छन् यहाँ ।
५.
दुखिरहन्छ जिवन यो, सधैं यसैगरी
ढुकढुकि नै रोकिन्छ झैं, हुन्छ घरिघरी
ओइलिएर कोपिला नफक्रिए जस्तै,
उजाड उजाड फूलबारी, लाग्छ वरिपरी ।
चन्द्रागिरी ६ काठमाडौं
मकवानपुर । दोश्रो राष्ट्रिय माझी गोल्डकप पुरुष फुटबल प्रतियोगितामा उपाधीको लागि मकवानपुर र रामेछाप ‘ए’ भिड्ने भएका छन् ।
रामेछाप जिल्लाको मन्थली नगरपालिकाको कुनौरी खेल मैदानमा जारी नकआउट फुटबल प्रतियोगितामा सोमबार भएको सेमिफाईनल खेलमा रामेछाप ‘बी’ लाई हराउँदै मकवानपुर फाईनलमा प्रवेश गरेको छ । ओखलढुङ्गालाई हराउँदै रामेछाप ‘ए’ फाईनलमा प्रवेश गरेको हो । आज मंगलबार फाईनल खेल दिउँसो १ बजे हुनेछ ।
नेपाल माझी उत्थान संघ, रामेछापको आयोजनामा भईरहेको प्रतियोगिताको विजेता टिमले २ लाख रुपैयाँ नगद साथै शिल्ड र मेडल प्राप्त गर्नेछन् । यसैगरि,प्रतियोगिताको उपविजनेताले एक लाख र क्रमशः तृतिय र चौथो हुनेले ५० हजार र २५ हजार रुपैयाँ सहित शिल्ड र मेडल प्राप्त गनेछन् ।
यसअघि,मकवानपुरको बकैया-४ को जुरेलि खेलमैदानमा भएको प्रथम राष्ट्रिय माझी गोल्डकप प्रतियोगितामा रामेछापले उपाधी हात पारेको थियो । रामेछापले सिन्धुलीलाई ट्राइब्रेकरमा ३-० गोलअन्तरले पराजित गर्दै उपाधी हात पारेको थियो ।
मकवानपुर । हेटौंडामा जारी जिल्ला स्तरीय प्रथम अन्तरपालिका फुटबल प्रतियोगितामा बकैयाले कैलाश गाउँपालिकालाई पराजित गरेको छ । जिल्ला समन्वय समिति मकवानपुरको आयोजनामा हेटाैडा-४ को हुप्रचौरमा भईरहेको नकआउट फुटबल प्रतियोगितामा बकैयाले कैलाशलाई २-० गोलअन्तरले पराजित गरेको हो ।
बकैयाले दुबै गोल दोस्रो हाफमा गरेको थियो । निर्धारित ८० मिनेटको खेलमा ७४ औं मिनेटमा बकैयाका नवराज घलानले गोल गर्दै टिमलाई अग्रता दिलाएका थिए । खेलको अतिरिक्त समयमा बकैयाका अभिषेक भ्लोनले गोल गरेपछि बकैया विजयी भएको हो । खेलको म्यान अफ दि म्याच भने बकैयाका नवराज घलान भएका छन् ।
प्रतियोगिताको उपाधि विजेताले २ लाख रुपैयाँ र उपविजेताले १ लाख रुपैयाँ प्राप्त गर्ने छ । प्रतियोगितामा विधागत रुपमा उत्कृष्ट खेलाडीले ५ हजार रुपैयाँ तथा अन्य विधागत खेलाडीले ३ हजार रुपैयाँको दरले पुरस्कार प्राप्त गर्ने आयोजकले जनाएको छ ।