मकवानपुर । नेपालमा वित्तीय संघीयता सम्बन्धी पहिलो किताब प्रकाशन हुने भएकाे छ । शिखा बुक्सले उक्त किताबको प्रकाशक गर्ने भएकाे हाे । वित्तीय संघीयता सम्बन्धी पहिलो किताब कानुनका विधार्थी मकवानपुरका बिशभ अधिकारीका साथै सागर बराल र सम्पुर्ण बस्नेतले लेखेका हुन।
नेपालमा राजनीतिक संरचना सम्बन्धी संघीयताको बिभिन्न किताबहरू लेखियता पनि आर्थिक पाटोलाई फिल्डमै (स्थलगत अध्ययन) गरेर पहिलो चोटी अनुसन्धानमूलक किताब लेखिएको बताइएकाे छ। मुलुक भर्खरै संघीयतामा प्रवेश गरेकाले यसको आर्थिक पक्षको बिषयमा कम चर्चा भएको र संघीय सरकारले आफ्नो आर्थिक गतिविधि कसरी सन्चालन गरेका विषय किताबका विषयवस्तु रहेकाे लेखक बिशभ अधिकारीले बताए।
संघीयताको महत्वपूर्ण सम्बन्धी आधारभूत सिद्धान्तको बिषयमा किताबले जानकारी दिने अर्को लेखक सागर बरालले जनाए। किताबमा प्रक्कथन (शुभकामना) पुर्व अर्थमन्त्री तथा अर्थविद डा. प्रकाश चन्द्र लोहनी र राष्ट्रपतिको पुर्व प्रेस सल्लाहकार राजेन्द्र दाहालले दिएको लेखक सम्पुर्ण बस्नेतले बताए।
मकवानपुर । बागमती प्रदेश सभाको बैठक आउँदो पुस ७ गते बुधबार दिउँसो १ बजे बस्ने भएको छ । प्रदेश सभा सचिवालयका सचिव कृष्णहरि खड्काले पुस ७ गतेलाई प्रदेश सभा बैठक बोलाइएको जानकारी दिए ।
यसअघि बागमती प्रदेशको मुख्यमन्त्री राजेन्द्र पाण्डेले विश्वासको मत पाएसँगै प्रदेश सभा बैठक स्थगित भएका थियो ।
मकवानपुर । नेकपा माओवादी केन्द्र मकवानपुरका नेता एवम् जिल्ला सचिव बलराम वल नेकपा एमालेमा प्रवेश गरेका छन् । बलसँगै प्रतिनिधि सभा २ को प्रदेश सभा (ख) संयोजक नरेन्द्र रिजाल सहित १२ जना शुक्रबार नेकपा एमालेमा प्रवेश गरेका हुन् ।
शुक्रबार नेकपा एमालेका केन्द्रीय अध्यक्ष केपी शर्मा ओलीसँगको भेटमा उनीहरुलाई एमाले पार्टी प्रवेश गरेकाे हुन् । एमाले अध्यक्ष ओलीले खादा ओढाएर बल सहितका नेतालाई स्वागत गरेका थिए । मकवानपुरको कम्युनिष्ट आन्दोलनका प्रभावशाली नेताको रुपमा रहेका वल जनमोर्चा र माओवादीको एकिकरणसँगै माओवादीमा रहेका थिए । माओवादी केन्द्रको तर्फबाट स्थानीय तहको निर्वाचनमा हेटौँडा उपमहानगरपालिकाको उपमेयरको उम्मेद्वार समेत रहेका वललाई मकवानपुरे कम्युनिष्ट आन्दोलनको प्रखर वक्ताको रुपमा समेत चिनिदै आएका छन् ।
बल सहित राधाकृष्ण रिजाल,बसुन्धारा सुरेन्द्र रिजाल, राज वाइवा, नविन रिजाल, केसर भुजेल, रञ्जन सापकोटा, राधा भुजेल र समिर विष्ट लगायत नेकपा एमालेमा प्रवेश गरेका हुन् । उनीहरुले देश र जनताका लागि काम गर्ने केपी ओलि जस्तो नेता अर्को सय वर्ष नपाइने भन्दै ओली नेतृत्वको पार्टीमा समाहित हुन पाउँदा एकदमै खुशी लागेको बताएका छन् ।
प्रीति आत्रेय ज्ञवाली
आ-आफ्नै कर्ममा व्यस्त सबै जनहरू यहाँ ।
हुँदा फुर्सदमा बल्ल झुल्किन्छन् सब नै जहाँ ॥१॥
बसी चुपै नियाल्ने छन् कता के पो भयो भनी ।
कतै फेरि भए केही पोस्टिने जन छन् यहीँ ॥२॥
अरूको बाल नै दिन्नन् सर्वोपरि छु झैँ गरी ।
आफूले जो गरेको छ त्यही राम्रो भने सरी ॥३॥
कतै छन् सबका वार्ता बुझ्छन् र हाल हेर्दछन् ।
एकार्काको बुझी भाव टिप्पणी अनि गर्दछन् ॥४॥
कोही ता मौन नै हुन्छन् बोल्ने लेख्ने हुँदैन है ।
देखिइन्नन् बुझी बस्छन् अदृश्य नै भई सधैँ ॥५॥
कोही फेरि कुरा मिल्ने सखासँगै त बोल्दछन् ।
अन्यथा जति जे राम्रो देखिए चुप बस्दछन् ॥६॥
सञ्जालको छ यो चाला बुझेरै चल्नुपर्दछ ।
जो व्यक्ति जसरी बोल्छ उसरी बोल्नुपर्दछ ॥७॥
बात सञ्जालमा जे छ सञ्जालै छोड्नुपर्दछ ।
घरायसी कुरालाई घरमै राख्नुपर्दछ ॥८॥
जसले जे गरे लेखे बोलिहाल्ने नगर्नु है ।
खाएन मनले भन्दै कुनै बात नलेख्नु है ॥९॥
भन्नुपरे कसैलाई राम्रो सन्देशमा हुने ।
व्यक्तिको क्यै कुरालाई किन छर्लङ्ग पार्दिने ॥१०॥
इच्छाविना कसैलाई नगर्नू ट्याग है कुनै ।
इच्छाए यदि आफैँले गर्छन् सन्देश जोड्न नै ॥११॥
बुझेकी यति ता मैले यो सञ्जाल चलाउँदा ।
अरू पनि भए केही टिप्पणी गर्नु है यता ॥१२॥
बुटवल हाल न्होम पेन्ह, कम्बोडिया
मकवानपुर । पत्रकार गिरिजा अधिकारीद्वारा लिखित ‘मकवानपुरमा मिडिया’ नामक पुस्तक विहीवार हेटौंडामा एक कार्यक्रमका बिच विमोचन भएको छ ।
मकवानपुरको पत्रकारितालाई पृष्ठभूमिकाल, साप्ताहिक पत्रिकाको विकासकाल, दैनिक पत्रिकाको विकासकाल, रेडियोको विकासकाल, टेलिभिजनको विकासकाल र अनलाइनको विकासकालमा विभाजन गरी पत्रकारिताको इतिहास लेखिएको उक्त पुस्तकको बागमती प्रदेश प्रमुख यादवचन्द्र शर्माले विमोचन गरेका हुन् ।
पुस्तक विमाेचन गर्दै प्रदेश प्रमुख शर्माले पत्रकारिता राजनीतिक दलको छायाँ बन्न नहुने बताए । सत्यतथ्य र निश्पक्षतामा आधारित पत्रकारिता हुनुपर्छ पुस्तक विमोचन समारोहलाई सम्बोधन गर्दै उनले भने ‘पत्रकारहरुले पेशाप्रति प्रतिवद्ध भई देश र जनताप्रति जवाफदेही बन्नुपर्छ ।’
पत्रकारिता क्षेत्रलाई दलगत स्वार्थभन्दा माथि उठाउनुपर्ने बताउँदै प्रेस स्वतन्त्रताको लागि पत्रकारहरुले आफ्नो व्यक्तिगत स्वार्थलाई पनि त्यागेर प्रजातन्त्रको सम्बद्र्धन र राष्ट्रियताको जगेर्ना गर्न पत्रकारिता क्षेत्रको विश्वसनीयतालाई जनतासामु पुर्याउन उनले आग्रह गरे । प्रदेश प्रमुख शर्माले प्रजातन्त्रमा प्रेस स्वतन्त्रताको महत्वपूर्ण भूमिका रहेको उल्लेख गर्दै नयाँ युवा पुस्तालाई पत्रकारिता क्षेत्रको विकासको लागि अग्रसर रहनुपर्ने आवश्यकता रहेको बताए ।
त्यसैगरी कार्यक्रमका विशेष अतिथि बागमती प्रदेश सामाजिक विकासमन्त्री कुमारी मोक्तानले अधिकारीद्वारा लिखित मकवानपुरमा मिडिया पुस्तक देशमै संग्रहणीय हुने र अग्रज पत्रकारहरुको योगदानको कदर पुस्तकले गरेको बताइन् ।
पुस्तकमा हालसम्म पत्रकार महासंघ मकवानपुरको नेतृत्व सम्हालेका अध्यक्षहरुको अनुभव, अग्रज पत्रकारहरुको अनुभव, मकवानपुरबाट पत्रकारिता सुरु गरी हाल मकवानपुरबाहिर रही पत्रकारिता गरिरहेका व्यक्तित्वहरुको विषय पुस्तकमा समेटिएको लेखक अधिकारीले बताए ।
उक्त पुस्तकको समिक्षक रामचन्द्र आचार्य फुर्सती, नेपाल पत्रकार महासंघ बागमती प्रदेश उपाध्यक्ष रुपेश दुलाल र पुस्तक प्रकाशक संस्था राइनिसी मिडिया एण्ड रिसर्च सेन्टरका अध्यक्ष नवराज न्यौपानेले उक्त पुस्तक सार्वजनिकीकरण गरिएबाट मकवानपुरका युवा जगतलाई पत्रकारिता क्षेत्रको माध्ययमबाट मुलुकमा देखिएको भ्रष्टाचार विसंगती र हिंसालाई न्यूनिकरण गर्न सहयोग पुग्ने बताए ।
कार्यक्रममा बागमती प्रदेशसभा सदस्य मुनु सिग्देल, बकैया गाउँपालिकाका अध्यक्ष दामोदर खनाल, नेकपा एमाले मकवानपुरका अध्यक्ष बद्रीप्रसाद लम्साल, नेकपा एकीकृत समाजवादी पार्टी मकवानपुरका अध्यक्ष श्रीधर पोखरेल, नेपाली कांग्रेस मकवानपुरका प्रवक्ता प्रदिप कोइराला, प्रदेश युवा परिषद् बागमती प्रदेशका कार्यकारी उपाध्यक्ष सन्तोष चौँलागाई, ब्रोडकास्टिङ एशोसिएसन अफ नेपालका केन्द्रीय उपाध्यक्ष उज्ज्वल चौँलागाई, नेपाल पत्रकार महासंघ बागमती प्रदेश उपाध्यक्ष रुपेश दुलाल, नेकपा माओवादी केन्द्रका प्रचार विभाग प्रमुख कमानसिं पाख्रिनलगायत मकवानपुरका संचारकर्मी र विभिन्न संघसंस्थाका प्रतिनिधिहरुको सहभागिता रहेको थियो ।