मकवानपुर । नेपालमा पहिलो पटक टाइफाइड विरुद्धको खोप अभियान आजबाट सुरु हुदैछ । १५ महिनादेखि १५ वर्षसम्म उमेर समूहका बालबालिकाहरुलाई टाइफाइड रोग विरुद्धको खोप लगाउन लागिएको हो । राष्ट्रिय खोप अभियानअन्तर्गत बागमती प्रदेशमा आज शुक्रबारदेखि खोप लगाउन सुरु गरिने स्वास्थ्य निर्देशनालय बागमती प्रदेशले जनाएकाे छ ।
निर्देशनालयले टाइफाइडविरुद्धको खोप अभियान आगामी वैशाख १८ गतेसम्म सञ्चालन गरिने निर्देशक महेश्वर श्रेष्ठले जानकारी दिए । उक्त अवधिमा प्रदेशभरका १२ लाख ५२ हजार ५ सय ३९ जना बालबालिकालाई खोप लगाइने लक्ष्य छ ।
खोप अभियान सञ्चालनको लागि प्रदेशभर ६ हजार पाँच सय २० वटा केन्द्र निर्धारण गरिएको छ । ८० प्रतिशतभन्दा बढी केन्द्र विद्यालयमा राखिएको निर्देशक श्रेष्ठले बताए । प्रदेशमा खोप लगाउनको लागि ८ हजार ८ सय ५८ जना स्वास्थ्यकर्मी, १७ हजार ९ सय ६३ जना स्वयंसेवक परिचालन हुने छन् । खोपको रोग प्रतिरोधात्मक क्षमता ९६ दशमलव ९५ प्रतिशत रहेको जनाइएको छ । ५ वर्षभन्दा मुनिका बालबालिकामा टाइफाइडको संक्रमणदर बढी देखिएको पाइएकाले सरकारले १५ वर्षमुनिका बालबालिकालाई खोप अभियानमा समेटिएका छन् ।
यसैगरी मकवानपुरमा खोप अभियानको संघीय सरकारका स्वास्थ्य मन्त्री बिरोध खतिवडाले आज मनहरी गाउँपालिकास्थित भोजसिद्ध माविबाट सुरु गर्ने छनन् । खाेप अभियानलाई सफल बनाउन अभिमुखीकरण, खोप केन्द्र, प्रचारप्रसार, खोपको उपलब्धतालगायत तयारी पूरा भएको स्वास्थ्य कार्यालयका खाेप कार्यक्रम फाेकल पर्सन बासुदेव रिमालले बताए । सरकारले देशभरका १५ महिनादेखि १५ वर्ष उमेर समूहलाई ७५ लाख बालबालिकालाई लक्षित गरेर सुरु गर्न लागेको उनले बताए ।
मकवानपुरमा संचालन हुने खोप अभियानमा १ लाख ८ हजार ४ सय ८६ जना बालबालिका लाभान्वित हुने स्वास्थ्य कार्यालय मकवानपुरका निमित्त प्रमुख भीमसागर गुरागाईंले बताए । गुरागाईका अनुसार जिल्लामा कुल ६ सय ८ वटा खोप केन्द्रबाट खोप अभियान संचालन हुनेछ । साथै जिल्लामा अभियानमा ८ सय ७० जना खोपकर्ता र १ हजार ३ सय ९० जना स्यमसेवक परिचालित हुने छन् ।
जिल्लाको हेटौंडा उपमहानगरपालिकाका ५० हजार १ सए ६३, थाहा नगरपालिकाका ८ हजार ६ सय १६, बागमती गाउँपालिकाका ६ हजार ६ सय २८, बकैयाका ८ हजार ९ सय ४८, मनहरीका १० हजार ३ सय ७२, राक्सिराङका ५ हजार ६ सय ९२, कैलाशका ४ हजार ८ सय ३८, भीमफेदीका ४ हजार ७ सय ५८, मकवानपुरगढीका ५ हजार ३ सय ३५ र ईन्द्रसरोवरका ३ हजार २७ जना बालबालिकालाई खोप लगाउने लक्ष्य रहेको गुरागाईले जानकारी दिए । लक्षित समूहको ८० प्रतिशत बालबालिकालाई विद्यालयमै खोप लगाइने समेत उनले बताए ।
यसै गरी हेटौंडा उपमहानगरपालिकामा खोप अभियान चैत २५ देखि बैशाख ५ गतेसम्म चल्ने हेटौडा उपमहानगरपालिकाका जनस्वास्थ्य निरीक्षक भोलानाथ चौंलागाईले बताए । अभियानको अन्तिम दिन भने खोप सेवा सञ्चालन गर्ने सबै स्वास्थ्य संस्थामा टाइफाइडविरुद्धको खोप दिइनेछ । देशव्यापी खोप अभियानमार्फत टाइफाइड संक्रमण र यसबाट हुने जटिलतालाई न्यूनीकरण गर्न खोप अभियानले सहयाेग पुग्ने बताइएकाे छ ।
मुलुकमा टाइफाइड रोगको संक्रमण र जोखिमको दर उच्च छ । ३ वर्षयताको तथ्यांकअनुसार टाइफाइड प्रदूषित पानी र खानेकुराले हुने संक्रामक रोगमध्ये तेस्रो र अस्पताल भर्ना हुने बिरामीमा चौथोमा पर्छ । विगत ५ वर्षको तथाङ्क हेर्दा हरेका वर्ष ४ लाख ५० हजार जनामा टाइफाइडको संक्रमण देखिने गरेको छ ।
‘हेटौंडा उपमहानगरपालिकामा ३ वर्षभन्दा कम उमेरका बालबालिकालाई घरमै निमन्त्रणा कार्ड पठाइएकाे छ’ चौलागाईले भने, ‘उपमहानगरपालिकामा १ सय १५ विद्यालय केन्द्र र २० वटा स्वास्थ्य संस्था केन्द्र निर्धारण गरेका छौ ।’ कोभिड-१९ विरुद्धको खोप लगाएको १४ दिन कटेपछि मात्र टाइफाइडविरुद्धको खोप लगाउन मिल्ने बताइएकाे छ । यस खोप लगाए पस्चात सामान्य ज्वरो आउने,सुई लगाएको ठाउँमा रातो हुने, सुन्निने र दुख्ने जस्ता सामान्य असर देखिने सक्ने बताइएकाे छ ।
सामान्यतया दूषित खाना वा पानीबाट सर्ने टाइफाइड ज्वरो ‘साल्मोनेला टाइफी’ भनेर चिनिने ब्याक्टेरियाले गर्दा हुने संक्रमण हो । टाइफाइडको संक्रमण भए लामो समयसम्म चर्को ज्वरो आउने, थकाइ लाग्ने, टाउको र पेट दुख्ने, वाकवाकी वा पखाला लाग्ने हुन्छ । कतिपय बिरामीको शरीरमा डाबर देखिन सक्ने स्वास्थ्य विशेषज्ञ बताउँछन् ।
मकवानपुर । मकवानपुर जिल्लामा म्यादी प्रहरीमा १ हजार ४ सय ७३ जना छनौट भएका छन् । आसन्न स्थानीय तहको निर्वाचनका लागि मकवानपुर उक्त संख्यामा म्यादी प्रहरी भर्नाको लागि छनौट गरिएको हो ।
जिल्ला प्रहरी कार्यालय मकवानपुरले गत चैत १५ गतेदेखि २१ गतेसम्म संचालित शारीरिक तन्दुरुस्ती, स्वास्थ्य परीक्षण, लिखित परीक्षा तथा अन्तर्वार्ताबाट सफल भएका १ हजार ४ सय ७३ जना परिक्षार्थीहरुको नामावली सार्वजनिक गरेको हो । म्यादी प्रहरीको लागि ३ हजार ७ सय ३७ जनाले जिल्ला प्रहरी कार्यालय मकवानपुरमा आवेदन दिएका थिए । आवेदक मध्ये २ हजार ५ सय ९६ जना पुरुष तथा १ हजार १ सय ४१ जना महिलाले आवेदन दिएको जिल्ला प्रहरी कार्यालय मकवानपुरले जनाएको छ ।
यस्तै, जिल्ला प्रहरी कार्यालय मकवानपुरले २ सय ९५ जनाको नाम बैकल्पिकमा निकालेको छ । छनौट भएका उम्मेदवारहरुले नियुक्ति पत्रको लागि सक्कल नागरिकता र सक्कल प्रवेश पत्रसहित जिल्ला प्रहरी कार्यालय मकवानपुरमा सम्पर्ककाे लागि सूचना गरिएको छ । म्यादी प्रहरीमा छनौट भएकाहरुलाई चैत २४ गते र २५ गते बिहान ७ बजेदेखि साँझ ५ बजेसम्म नियुक्ति दिइने भएकाे छ ।
यस्तै, म्यादी प्रहरीको तालिमको लागि पुरुषलाई ट्रयाक सुट वा गेम ड्रेस र महिलाको हकमा कुर्ता सुरुवाल वा गेम ड्रेस अनिवार्य गरिएको छ । म्यादी प्रहरीहरुको चैत २८ गतेबाट तालिम सुरु हुनेछ ।
सरस्वती पाैडेल
म आफैं पनि सक्षम छु यो दरबार बनाउन
र पनि भोट फाल्दै छु फेरि सरकार बनाउन
दिनहुुँ विदेशिने हरुको तथ्यांक हेरि हेरि पनि
भोक मर्ने,लाज छोप्ने एउटा रोजगार बनाउन
तिम्रो झुटो आश्वासनको गन्ध गाउँ सम्म आयो
बलियो एजेन्डा खोजिरहन्छौ हतियार बनाउन
सत्यतामा यसरी चुकिरहेछ यो सारा दुनियाँ
कलम डराउछ तिनीहरुको समाचार बनाउन
आयोग बाटै प्रश्नपत्र बाहिरिदियो त म के गरुँ
बा´आमाले सपना देखेका हुन खरिदार बनाउन।
भरतपुर चितवन
मकवानपुर । राष्ट्रिय प्रजातन्त्र पार्टी (राप्रपा) मकवानपुरले चैत्र २७ गते हेटाैडामा आाभसभा आयाेजना गर्ने भएकाे छ । पार्टी केन्द्रीय अध्यक्ष राजेन्द्र लिङ्देनले सम्वाेधन गर्ने गरी आमसभा तथा पार्टी प्रवेश कार्यक्रम हुने राप्रपा मकवानपुरले जनाएकाे छ ।
आसन्न स्थानीय तहकाे निर्वाचन लक्षित गरी आमसभाको कार्यक्रम राखिएकाेले साेही अनुसार समितिहरु बनाएर तयारी सुरु गरिएकाे राप्रपा मकवानपुर प्रवक्ता बिशभ अधिकारीले जानकारी दिए । साेमबार पार्टी कार्यालय हेटाैडामा केन्द्रीय नेता, प्रदेश नेता र जिल्ला पधाधिकारीकाे वेठक बसी आमसभा तयारीकाे लागि विभिन्न समितिहरु गठन गरिएकाे हाे । अध्यक्ष लिङदेनकाे प्रमुख आतिथ्यतामा हुने आमसभा एवंम पार्टी प्रवेश कार्यक्रमको लागि आर्थिक समिति, तयारी समिति, प्रचार प्रसार समिति, मन्च व्यवस्थापन समिति, स्वयंम सेवक समिति, यातायात व्यवस्थापन समिति र समारोह स्वागत समिति गठन गरिएकाे प्रवक्ता अधिकारीले बताए ।
आर्थिक समिति पार्टीका केन्द्रीय नेता मधु अधिकारीको संयोजकत्वमा गठन गरिएको छ । समिति सदस्यमा रामहरि न्यौपाने, धुर्व सन्जेल, राम बहादुर थोकर, गुज्न बहादुर न्यौपाने र गोपि न्यौपाने रहेका छन्। यस्तै तयारी समिति तथा अनुगमन समिति पार्टी मकवानपुर जिल्ला अध्यक्ष शिव राम थापाको संयोजकत्वमा गठन गरिएको छ। त्यसै गरी प्रचार प्रसार समिति जिल्ला प्रवक्ता बिशभ अधिकारीकाको संयोजकत्वमा गठन गरिएको छ । प्रचार प्रसार समिति सदस्यमा उमेश थापा, कविन्द्र भट्टराई, प्रकाश चौलागाई, सन्दिप सापकोटा, लक्ष्मण सापकोटा, आयुस डोटेल र कृष्ण प्रसाद धिमिरे रहेका छन् ।
यसैगरी मन्च व्यवस्थापन समिति शंकर सिंह ठकुरीको संयोजकत्वमा गठन गरिएको छ । उक्त समितिकाे सदस्यमा सागर थापा, राजु सन्जेल, बाल कुमारी डल्लाकोटी र भरत तिमल्सिना रहेका छन्। यातयात व्यवस्थापन समिति ऋषिलाल श्रेष्ठको संयोजकत्वमा गठन गरिएको छ भने साे समितिमा निरध्वज खड्का र बिष्णु अधिकारी सदस्य रहेका छन्। स्वगत समारोह समिति सुन्दर शाहको संयोजकत्वमा गठन गरिएको छ । सो समितिमा ईन्दिरा न्यौपाने, माया न्यौपाने, नीरु गौतम, खुसी कार्की र तुल्सी थिङ सदस्य रहेका छन्। त्यसै गरी स्वयं सेवक समिति युवक संगठनको अध्यक्ष बिकास बोम्जन तथा सम्पूर्ण युवा मोर्चालाई जिम्मेवारी दिएको प्रवक्ता अधिकारीकाले जानकारी दिए ।
मकवानपुर। कांग्रेस हेटौंडा नगरको वृहत नगर भेला साेमबार भएको छ। आसन्न स्थानीय तह निर्वाचनकाे सन्दर्भमा ‘घर घर जाऔ कांग्रेस जिताऔ’ अभियान अन्तर्गत वृहत हेटौंडा नगर भेलाको आयोजना गरिएको हो।
नगर भेलाका प्रमुख अतिथि कांग्रेस सह महामन्त्री महालक्ष्मी उपाध्याय डिनाले स्थानीय तहकाे निर्वाचनमा गठबन्धन आवश्यकता रहेको तर व्यवस्थित गरेर जानु पर्ने बताइन। पार्टी सभापति शेरबहादुर देउवाले गठबन्धन लाद्न नखोजेको तर व्यवस्थित गर्नु पर्नेमा चितिन्ति रहेको समेत बताइन। ‘स्थानीय तहको निर्वाचनमा उम्मेदवार चयन गर्न वडातहबाट सर्वसम्मत चयन गर्न इकाइ समितिलाई जिम्मा दिनुपर्छ’-डिनाले भनिन्।
त्यसैगरी कांग्रेस पुर्व सदस्य तथा मकवानपुर प्रतिनिधि गुरुराज घिमिरेले कार्यक्रम घरघर जाऔ कांग्रेस जिताऔ अभियान स्थानीय तहको निर्वाचनमा जनताको निरासलाई भगाउदै कांग्रेसलाई विजयी गराउन जनतासंग जोड्ने आधारशिला रहेको बताए। ‘कम्युनिष्टबाट जनता चरम निरास बनेकोले साे अन्त्य गर्न आवश्यक रहेको छ’ घिमिरेले बताए ।
निर्वाचनमा गठबन्धन भएपनि उनीहरुको सत्यता बुझाउनु यस अभियानको मुख्य उद्देश्य हो”-घिमिरेले भने।
भेलामा सम्बोधन गर्दै कांग्रेस बागमती प्रदेश सभापति इन्द्रबहादुर बानियाँले कांग्रेस पद्दतीमा चल्ने पार्टी भएकोले स्थानीय तहको निर्वाचनमा पदकालागि प्रतिस्पर्धाको हावी भएको स्वीकार गर्दै मिलेर लैजानुको विकल्प नरहेको बताए । पार्टी निर्णय विरुद्ध जिम्मेवार कांग्रेसी हिड्न नहुने भन्दै स्थानीय तहको निर्वाचनमा गठबन्धन अपरिहार्य भएको बाँनियाले बताए। ‘भारतमा सरकारको नेतृत्व गरिरहेको भाजपा कुनै समय २१ वटा दलसँग गठबन्धन गरेर निर्वाचनमा होमिएको थियो,स्मरण रहोस अप्ठेरो परेको अवस्थामा सहकार्य गर्नेलाई कांग्रेस धोका दिदैन’-नेता बानियाँले भने।
कांग्रेस हेटौंडानगर सभापति उत्सव इटेनीको सभाध्यक्षतामा भएकाे भेलामा कांग्रेस सह महामन्त्री महालक्ष्मी डिनाको प्रमुख आतिथ्यता रहेको थियो भने कांग्रेस निवर्तमान केन्द्रीय सदस्य घिमिरे र कांग्रेस बागमती प्रदेश सभापति इन्द्रबहादुर बानियाँको विशिष्ट आतिथ्यता रहेको थियो।
कार्यक्रमलाई हेटौंडा-१ का सभापति रामकृष्ण महर्जन प्रतिनिधिसभा १ प्रदेश ख का सभापति राजेश बानियाँ,संघिय सभापति दामोदर खनाल,कांग्रेस मकवानपुरका पुर्व सचिव आनन्दराम पराजुलीले, बागमती प्रदेश सदस्य तथा मकवानपुर प्रदेश प्रतिनिधि प्रज्वल दवाडी,बागमती प्रदेश सदस्य तथा हेटौंडानगर प्रतिनिधि तारा गुरुङ, कांग्रेस दैलेखका महासमिति सदस्य खगेन्द्र सुनार,कांग्रेस मकवानपुर सभापति बुद्ध लामा लगायतले मन्तव्य व्यक्त गरेका थिए।
कार्यक्रममा मकवानपुर सभापति बुद्ध लामा,उप सभापति आनन्द कठायत,सचिव भिमसेन महत,इश्वर पाठक, सहसचिव इन्दिरा न्यौपाने,निसान्त बजगाई,कांग्रेस मकवानपुरका संघिय सभापति दामोदर खनाल,लोक मुक्तान,प्रदेश(क्षेत्रीय) सभापतिहरू सुशान्त श्रेष्ठ,राजेश बानियाँ,खड्ग गोपाली,रञ्जन कालाखेती कांग्रेस मकवानपुरका पुर्व सभापति माइकल रामचन्द्र अर्याल,पुर्व कार्यवाहक सभापति विष्णुप्रसाद लामिछाने,पुर्व मकवानपुर सचिव आनन्दराम पराजुली, कांग्रेस मकवानपुरका संगठन विभाग प्रमुख सैलेन्द्र बानियाँ सहित हेटौंडाका १९ वडा सभापति,महाधिवेशन प्रतिनिधि,महासमिति सदस्य क्षेत्रीय प्रतिनिधि लगायत विभिन्न भातृसंगठनका प्रतिनिधि नेता कार्यकर्ताको उपस्थिती रहेको थियो।
अन्य पार्टी परित्याग गरेर कांग्रेसमा प्रवेश
नेपाली कांग्रेस हेटौंडा उपमहानगरको आयोजनामा भएकाे नगर भेलामा एमाले सहित अन्य पार्टी परित्याग गरेर नेपाली कांग्रेसमा प्रवेश गरेका छन्। नवप्रवेसीलाई प्रमुख अतिथि महालक्ष्मी उपाध्याय डिना, कांग्रेस बागमती प्रदेश सभापति बानियाँ र केन्द्रीय प्रतिनिधि घिमिरेले खादा र टिका लगाएर स्वागत गरेका थिए।