जुनु खड्का
जाडो छल्न हिमाली भेगबाट
आउने सुगाको हुल जस्तो
जमात देखिएको छ
फेरिएको मुखमुद्रामा,
भिखका कागजी झोलीहरू
भिरेर आफ्ना ताण्डव
नृत्यहरूको साक्षी नभए झैँ गरी
वचनको लेपन लगाउँछन्
तर विडम्बनापूर्ण कुरा
निष्पक्ष देशभक्त भएको उनीहरूको
विश्लेषण त एकोहोरो जोगीकै
आवाजको अलख अलख
जत्तिकै सुनाएको छ
भिक्षाको आशमा विपरीत ध्रुवलाई
जोड्ने,भाँचिएकै मनहरूबाट पनि
नयाँ पलुवा अङ्कुरण गराउने
होडबाजीमा कठै!
सक्षम वा असक्षम कसको हातमा
यो देशको भविष्यलाई कुन
तार जालीको घेराउभित्र
बाजि मार्ने हुन् पत्तो छैन्
उनीहरूलाई आफ्ना असफल
परीक्षाको कुनै गम छैन्
आफ्नै हारमा जितको शंखघोष
गर्दै हिँड्ने जमातको
पनि यहाँ कमी छैन्
खै कुन विपक्ष मिलेर पक्ष हुने हो
निश्चितता छैन
कुहिरोका काग झैँ नेपाली जनता
यी जमात देखेर कहिलेसम्म कसरी
हराइरहने? उफ!!
शुक्लागण्डकी नगरपालिका तनहुँ
मकवानपुर । हेटौंडा उपमहानगरपालिकाले महिला नेतृत्व पाउने अवसर रहेको नेपाली कांग्रेस बागमती प्रदेश सभापति एवं संसदीय दलका नेता ईन्द्रबहादुर बानिँयाले बताएका छन् ।
हेटौंडा–१८ मा चुनावी घरदैलो कार्यक्रममा बोल्दै बानिँयाले उपमहानगरपालिकामा जनताको मतले पहिलो पटक महिला नेतृत्व आउने अवसर रहेको बताएका हुन् । गठबन्धनबाट मेयर पदकी उम्मेदवार यसअघि उपमेयर भई जनताको मन जितेकाले मेयरको नेतृत्व दिईएको बताउँदै पहिलो पटक महिला र जनजातिको छोरीले उपमहानगरपालिकामा जनताको सेवा गर्ने अवसर रहेकाले सबैलाई मतदानका लागि आग्रह गरे ।
उपमहानगरपालिकामा काम गरेकी सशक्त र पढेलेखेकी नेतृ लामालाई गठबन्धनले अघि सारेको उनले बताए । उनले उपमेयर हुँदा निस्कलंक जनप्रतिनिधिको रुपमा चिनिएकी र लोकप्रिय भएर वडामा जितेर कामबाट आफुलाई चिनाएका राजेश बानियाँलाई उपमेयरको जिम्मेवारी दिएको बताए । गठबन्धनले निस्कलंक उम्मेदवार उठाएकाले हेटौंडामा गठबन्धनको विजय सुनिश्चित रहेको उनले दावी गरे ।
घरदैलो कार्यक्रममा मेयरकी उम्मेदवार मिनाकुमारी लामा, उपमेयरका उम्मेदवार राजेश बानियाँ, वडा अध्यक्षका उम्मेदवार रामबाबु बानियाँ, नेकपा एकिकृत समाजवादीकी जिल्ला अध्यक्ष मुनु सिग्देल लगायतको उपस्थिति रहेको थियो ।
मकवानपुर । गजल मञ्च मकवानपुरको अध्यक्षमा केशव समर्पण चयन भएको छ । आइतबार भएको गजल मञ्चको तेस्रो अधिवेशनले मकवानपुरका पत्रकार तथा गजलकार समपर्णलाई अध्यक्षमा चयन गरेकाे हाे ।
यसैगरी मञ्चको उपाध्यक्षमा सञ्जित श्रेष्ठ, सचिवमा हरिप्रसाद पौड्याल, सहसचिवमा अर्चना दाहाल, कोषाध्यक्षमा विशाल अधिकारी आशुतोषलाई चयन गरिएको छ । सदस्यहरुमा किशन पौडेल, स्वस्तिका दाहाल, भोला शिवाकोटी, रोशनी चौलागाई रहेका छन् । उक्त कार्यसमितिले १ जना सदस्य पछि मनोनयन गर्ने गरी ९ सदस्यीय कार्यसमिति चयन गरेको हो ।
यसैगरी मकवानपुरका गजलकार विश्वनाथ सञ्जेललाई स्रष्टा सम्मान,२०७८ बाट सम्मानित गरिएको छ । गजल मञ्चकाे १ सय ९० औं विशेष यात्रामा सम्मान पत्रसहित सञ्जेल सम्मानित गरिएको हो । कार्यक्रममा सञ्जेलको परिचयबारे झरना साहित्यिक परिवार मकवानपुरका अध्यक्ष चिरञ्जीवी लामिछानेले चर्चा गरेका थिए ।
यसैगरी ५ जना गजल संग्रह प्रकाशन गर्ने स्रष्टालाई कृति प्रकाशन सम्मानबाट सम्मानित गरिएको छ । कहर गजल संग्रहका किसन पौडेल, संयुक्त गजल संग्रह गोधुली चिन्तनका एसआर मञ्जरी ओली र भोला शिवाकोटी, अक्षर आराधनका गजल संग्रहका मसान उपासक र फर्कियौ किनारबाट गजल संग्रहका विश्वनाथ सञ्जेललाई सम्मान गरिएको हो । २०७४ सालदेखि हालसम्म गजल संग्रह प्रकाशनमा ल्याएका गजलकारलाई सम्मानित गरिएकाे छ।
सम्मानित भएका कृतिकारहरुले २/२ वटा गजल वाचन समेत गरेकाे कार्यक्रममा गजल यात्रा-३ गजल मञ्च मकवानपुले प्रकाशनमा ल्याइएकाे छ । झरना साहित्यिक परिवार मकवानपुरका अध्यक्ष दीपक गौतमले विगत वर्षमा गजल यात्रा नियमित हुन नसक्दा संस्था बन्द हुने अवस्था सिर्जना भएको बताए ।
गजल मञ्च मकवानपुरका अध्यक्ष देवराज तिवारीको सभाध्यक्ष तथा हास्यव्यङ्ग्यकार आरसी रिजालको प्रमूख आतिथ्यमा भएको कार्यक्रममा गजलकार रमेशमोहन अधिकारी, मातृभूमि साहित्य समाजका अध्यक्ष माधव पोखरेल, साहित्य संगम मकवानपुरका अध्यक्ष अनिता न्यौपाने, गजलमञ्च मकवानपुरका संरक्षक मुक्तिगोविन्द वैद्य लगायतको उपस्थिति रहेको थियो ।
प्रीति आत्रेय ज्ञवाली
आमा भएर यो देह भएको छ हराभरा ।
आमाले ममता पोख्छिन् यिनी हाम्री वसुन्धरा ॥१॥
सिकाइन् यिनले ज्ञान मान संस्कार संस्कृति ।
दिनरात सधैँ खट्दै बनाइन् सभ्य सन्तति ॥२॥
सन्तानले मिठो माने आफ्नो भाग दिने यिनी ।
नपाऊन् दुःख है भन्दै पूजा गर्छिन् सधैँ यिनी ॥३॥
आमा साथ भए चाड सबै लाग्छन् रमाइलो ।
दूर छु अहिले आमा मन भो तम्तमाइलो ॥४॥
मन यो जहिले हुन्छ दुःखी एवं अशान्त नै ।
आमाको शब्द नै सुन्दा प्रशान्त मन हुन्छ है ॥५॥
के गरी म भनूँ बात आमाको म यसै भनी ।
भनेर जति नै बात पूर्ण हुन्न कसैगरी ॥६॥
आमाको दूधको भारा तिर्ने लायक मै बनूँ ।
गरूँ म कर्म है त्यस्तो मातृऋण तिरी मरूँ ॥७॥
छन्दः अनुष्टुप्
बुटवल हाल कम्बाेडिया
मकवानपुर । मकवानपुर ट्राफिकले सवारी चालकले लागु पदार्थ सेवन गरे नगरेकाे चेक गर्ने भएकाे छ । ट्राफिक प्रहरीले लागुपदार्थ सेवन (लापसे) गरि सवारी चलाउने चालकहरु पहिचान गर्न लापसे चेक गर्ने भएको हाे।
लागुपदार्थ सेवन चेकका लागि मकवानपुर ट्राफिक प्रहरीले सडकमै ड्रग-युरिन टेस्ट गरेर चालकले लागुपदार्थ सेवन गरे नगरेको पत्ता लगाउने अभियानको थालनी गरेको छ । सवारी चालकले लागु पदार्थ सेवन गरी सवारी चलाउने गरेकाे गुनासो आएकाेले कार्यालयले पिसाबको माध्यमबाट ड्रग-युरिन टेस्ट जाँच सुरु गरेको मकवानपुरका ट्राफिक प्रहरी प्रमुख प्रहरी निरीक्षक मुनेन्द्र थापाले बताए । लागु पदार्थ सेवन गरी सवारी चलाउँदा दुर्घटना समेत बढ्ने भएकाेले त्यसको नियन्त्रणका लागि पनि ड्रग-युरिन टेस्ट जाँच सुरु गरेको थापाले जानकारी दिए । उक्त अभियानको थालनी बैशाख १६ गते शुक्रबारबाट गरिएकाे छ ।
राजमार्गम हुइकिने सवारी दुर्घटना न्यूनिकरण गर्न सवारी चालकहरुले लागु पदार्थ सेवन गरे नगरेको बारे जानकारी लिन ट्राफिक प्रहरीले लापसे चेकजाँच अभियानको थालनी गरेकाे हाे । ठूला, साना सबै सवारी साधनका चालकहरुले लापसे गरे नगरेकाे परीक्षण गरिने बताइएकाे छ । शुक्रबारकाे अभियानमा २२ सवारी चालकको लापसे चेक गर्दा ३ जनामा पेजेटिभ भेटिएको थियाे । पेजेटिभ भेटिएका चालकलाई आवश्यक कारवाही गरिएको ट्राफिक कार्यालयले जनाएकाे छ ।