मकवानपुर । मकवानपुर बहुमुखी क्याम्पसको क्याम्पस सभा भएको छ । हेटाैडा उपमहानगरपालिका २ नम्बर वडामा रहेकाे क्याम्पसकाे शनिबार १६ औं क्याम्पस सभा भएकाे हाे ।
मकवानपुरकाे पुरानाे शैक्षिक संस्था मकवानपुर क्याम्पसकाे संचालक समितिका अध्यक्ष अनन्तप्रसाद पौडेलले क्याम्पसको पृष्ठभूमि र अहिलेको अवस्थाबारे जानकारी गराएका थिए । सभामा पाैडेलले क्याम्पसको शैक्षिक अवस्था, भौतिक अवस्था, आर्थिक तथा प्रशासनिक अवस्था लगायतको प्रगति प्रतिवेन प्रस्तुत गरेका थिए । क्याम्पसका सवल र दुर्वल पक्षहरु पेश गरेका उनले क्याम्पसलाई थप सुधारका लागि शैक्षिक कार्य योजनाहरु, दीर्घकालीन कार्ययोजना, प्रशासनिक सुधार कार्य योजनाहरु, छात्रवृति कोष, मानव संसाधनको विकासका विषयको प्रतिवेदन पेश गरेका थिए ।
सभामा कोषाध्यक्ष हिरालाल श्रेष्ठले क्याम्पसका आर्थिक गतिविधि समेटिएको प्रतिवेदन प्रस्तुत गरेका थिए । उनले कोरोनाका कारण पठन पाठन र भर्ना संस्थाका केहि समस्या उत्पन्न भएता पनि क्रमिक रुपमा सहज हुदैं गएको बताए । सभामा श्रेष्ठले क्याम्पसले गत आर्थिक वर्ष २०७८।७९ मा २० करोड ४० लाख ४८ हजार ६ सय ७९ को कारोबार गरेको जानकारी दिए । उनले चालु आर्थिक वर्ष २०७९।८० मा २४ करोड ११ लाख ९० हजार १ सय ७० रुपैयाकाे आयव्यव अनुमानित बजेट प्रस्तुत गरेका थिए । सभामा क्याम्पस सेवा समितिका अध्यक्ष बद्रीप्रसाद लम्सालले सेवा समितिले गरेका वार्षिक प्रगति प्रतिवेदन पेश गरेका थिए ।
सभामा विभिन्न तहमा उत्कृष्ट हुने विद्यार्थीलाई सम्मान गरिएको थियो भने क्याम्पस प्राध्यापक लोकराज शर्माले पिएचडी गरिएकाले सम्मान समेत गरिएको थियो । जेष्ठ सदस्य नवराज अर्यालको अध्यक्षतामा भएकाे क्याम्पस सभामा क्याम्पसका पुर्व अध्यक्षहरु डोरमणि पौडेल, माइकल रामचन्द्र अर्याल लगायत सभाका सभासदहरुको उपस्थिती रहेको थियो ।
मकवानपुर । हेटौंडा जेसिआईकाे आयोजनमा भएकाे अपहिल साईक्लिङ च्यालेन्जमा मान बहादुर थापा मगर प्रथम भएका छन् । हेटौडा जेसिजकाे सप्ताहव्यापी कार्यक्रम अन्तर्गत शनिबार हेटाैडा ५ सिचाईटाेलबाट मनकामना मन्दिरसम्म भएकोमा अपहिल साईक्लिङ च्यालेन्ज प्रतियाेगितामा थापा मगरले १७ मिनेट ३९ सेकेन्डमा निर्धारित दुरी पुरा गर्दै प्रथम भएका हुन् ।
मकवानपुरगढी वडा नम्बर ४ स्थित धार्मिक स्थल मनकामना मन्दिरसम्म भएकाे प्रतियोगितामा शुशिम चित्रकारले १९ मिनेट ४० सेकेन्डमा निर्धारित दुरी पार गर्दै द्वितीय र प्रेम राजवंशीले २१ मिनेट २६ सेकेन्डमा दूरी पार गर्दै तृतीय भएका थिए। प्रतियाेगितामा प्रथम, द्वितीय र तृतीय क्रमशः नगद क्रमश ९ हजार ६ हजार र ३ हजार तथा मेडल र प्रमाण पत्र प्रदान गरिएको थियो। प्रतियाेगितामा १७ जना साईक्लिस्टहरुले सहभागिता जनाएका थिए।
जेसिआई हेटौडा वर्ष २०२२ का अध्यक्ष पवन कुमार कंसाकारको सभाध्यक्षतामा भएकाे कार्यक्रममा बागमती प्रदेशका युवा तथा खेलकुद मन्त्री रत्न ढकालको प्रमुख आतिथ्यता रहेकाे थियाे । मकवानपुरगढी वडा नम्बर-४ का वडाध्यक्ष अर्जुन प्रसाद तिमल्सिनाको आतिथ्यता रहेकाे थियाे ।
कार्यक्रममा जेसिआई हेटौडा पुर्व अध्यक्ष रवि नेपाल, राजदेव वानिया, मकवानपुर जिल्ला साईक्लिङ संघका अध्यक्ष संगीत श्रेष्ठ लगायतको उपस्थिति रहेको थियो। कार्यक्रमलाई हेटौंडा जेसिजका महासचिव विकेश लाल श्रेष्ठले सहजिकरण गरेका थिए।
यसैगरी, सप्ताहव्यापी कार्यक्रम अन्तर्गत भदौं १९ गते आइतबार लागु औषध सचेना कार्यक्रम र सीप विकास तालिम कार्यक्रम गरिने, २० गते रक्तदान कार्यक्रम र हेटौंडा अस्पतालमा फलफुल वितरण ,भदौं २१ गते जेसीज र बैंकर्सहरु बीच मैत्रीपूर्ण फुटसल कार्यक्रम, खुला पौडी प्रतियोगिता र सरसफाई कार्यक्रम रहेको अध्यक्ष कंसाकारले जानकारी दिए ।
यस्तै भदाै २२ गते वृक्षारोपण कार्यक्रम र अन्तर जेसीज वक्तृत्वकला प्रतियोगिता, २३ गते अम्बिकादेवी स्मृती हाजिरीजवाफ प्रतियोगिता कार्यक्रम गरिने जनाइएको छ। भदौं २४ गते मधेश प्रदेश र बागमती प्रदेश छुट्याउने चुरियामाई मन्दिर नजिक स्वागत बोर्ड राखिने र हेटौंडा ९ मा ट्राफिक सचेतना कार्यक्रम गरिने हेटौडा जेसिजले जनाएको छ। भदाै २५ गते जेसीज सप्ताह कार्यक्रम समापन तथा पुरस्कार वितरण कार्यक्रम रहेको कसांकारले बताए ।
मकवानपुर । मकवानपुरकाे प्रतिनिधसभा क्षेत्र नम्बर १ काे लागि राप्रपा नेपालले पार्टी केन्द्रीय अध्यक्ष कमल थापालाई उम्मेदवार सिफारिस गरेकाे छ । आगामी मंशिर ४ गते हुने प्रतिनिधिसधा निर्वाचनकाे लागि पार्टी केन्द्रीय अध्यक्ष थापालाई उम्मेद्वार बनाउने सिफारिस गरिएकाे हाे ।
थापालाई उनको गृह क्षेत्र मकवानपुरको क्षेत्र नंबर १ बाट सर्वसम्मत उम्मेद्वार सिफारिस गरिएको राप्रपा नेपाल मकवानपुरले जनाएको छ । राप्रपा मकवानपुरको शनिबार हेटौँडामा भएको जिल्ला संयुक्त बैठकले पूर्व उपप्रधानमन्त्री समेत रहेका थापालाई सर्वसम्वत उम्मेद्वार बनाउने निर्णय गरेको राप्रपा नेपाल मकवानपुरका प्रवक्ता आयुष डाेटेलले बताए ।
राप्रपा नेपाल जिल्ला अध्यक्ष गुरुप्रसाद सापकोटाका अनुसार जिल्लाको प्रतिनिधि क्षेत्र नम्बर २ प्रदेशसभा क्षेत्रहरुमा अर्को बैठकबाट नाम सिफारिस गर्ने तय भएकाे छ ।
हेटौंडा । मकवानपुरकाे प्रतिनिधिसभा क्षेत्र नम्बर १ र २ बाट नेपाल कम्युनिष्ट पार्टी (एमाले) ले ८ जनाको नाम सिफारिस गरेको छ । आगामी मंसिर ४ गते हुने प्रतिनिधीसभा निर्वाचनकाे लागि शनिबार एमालेकाे २ वटै क्षेत्रिय कमिटीले ८ जनाको नाम सिफारिस गरेको हो ।
एमाले मकवानपुर क्षेत्र नम्बर–१ कमिटीले प्रतिनिधिसभा निर्वाचनकाे लागि ५ जनाको नाम सिफारिस गरेको छ । क्षेत्रिय कमिटीको हेटौंडामा सम्पन्न बैठकले नेकपा एमालेका केन्द्रीय सदस्य तथा मकवानपुर इन्चार्ज रामेश्वर राना, केन्द्रीय सदस्य तथा अर्थ समितिका सभापति कृष्णप्रसाद दाहाल, जिल्ला सचिवालय सदस्य अधिवक्ता मदन कुमार दाहाल, एमाले मकवानपुरका सदस्यहरु नरहरी महत र रमिला सापकोटालाई उम्मेदवारका लागि जिल्ला कमिटीलाई सिफारिस गरेको हो ।
यसैगरी मकवानपुर प्रतिनिधिसभा क्षेत्र नम्बर–२ कमिटीले नेकपा एमाले बागमती प्रदेश कमिटीका उपसचिव तथा प्रचार बिभागका प्रमुख महेश कुमार बर्तौला, एमाले नेता सुवासचन्द्र ठकुरी र बुद्धरत्न मानन्धरलाई उम्मेदवारमा सिफारिस गरेकाे हाे । दुबै तर्फको कार्यक्रममा नेकपा एमालेका केन्द्रीय नेताहरु डोरमणि पौडेल, जुनेली श्रेष्ठ, भारती पाठक, अनन्त पौडेल, रामचन्द्र राई, नेकपा एमाले मकवानपुरका अध्यक्ष एकालाल श्रेष्ठ, एमालेका प्रदेश कमिटी, जिल्ला कमिटी, क्षेत्रिय कमिटीका नेताहरुको आतिथ्यता रहेको थियो ।
जुनु खड्का
समाज भाँड्ने र बिगार्नेहरूको
जमातभित्र पर्ने नाम हो `जलन´
यसको दुश्मनी अरूको खुशी
अरूको हाँसो र प्रगतिसित हुन्छ
अरूको प्रगतिमा जल्नेहरूले
न इमानदारीताको कदर गर्छन्
न मिहिनेतको फल देख्छन्
बस जलनको आगो फुकेर
अरूको वचन रुपी घिउ खोज्दै गाउँ डुल्ने
दुरुस्त भुस्याहा जस्तै हुन्छन्
कपोलकल्पित भनाइका तिखा नङ्ग्राले
चिथोरि रहन्छन्
यस्ता जलनहरूले आफू जल्दै
अरूलाई जलाउन खोज्छन्
मिलेसम्म प्रगतिलाई काँडेतारले रोक्ने
खुशीलाई तहसनहस परिदिने
हाँसोलाई लुट्ने
हिँड्ने गरोटोमा पहिरो खन्याउने
चढ्ने सिँढी भत्काउने
कोसिस गरिरहन्छन्
ए समाजभित्रका जलनहरू हो
निच पनि कति बन्छौ
कसैको इमान बेचेर
बेइमानीको कठघरामा
किन उतार्छौ ?
तिमीहरूलाई हेक्का नहोला सायद
समयले घुमाउँदै एक दिन त्यही
कठघरामा बयान दिन तिमीलाई
उभ्याउन सक्छ
अरूको बेइमानीको प्रमाण जुटाउन
आफैँ लिलाम हुन सक्छौ
लुटेर पहिरिएको शीरताज
आफ्नो खुट्टामा आफैँले हानेको
बञ्चरो पनि बन्न सक्छ,
विचार गर्नु ।
शुक्लागण्डकी तनहुँ