मकवानपुर । आगामी मंसिर ४ गते हुने प्रतिनिधिसभा र प्रदेशसभा सदस्यको चुनावकाे लागि मकवानपुरमा ६९ जनाले उम्मेदवारी दर्ता गरेका छन् । निर्वाचन तालिका अनुसार असाेज २३ गते आइतबार उम्मेदवारी दर्ता गर्ने कार्यतालिका रहेकामा उम्मेदवारहरुले उम्मेदवारी दर्ता गरेका हुन् ।
निर्वाचन आयोगले सोमबार बिहान १० बजेदेखि दिउँसो ३ बजेसम्म मनोनयन दर्ता भएका कुनै पनि उम्मेदवारविरुद्ध सम्बन्धित निर्वाचन अधिकृतको कार्यालयमा उजुरी दिन सकिने व्यवस्था गरेको थियो । निर्वाचन तालिका अनुसार सोमबार उम्मेदवारविरुद्ध उजुरी दिन सकिने भए पनि मकवानपुरमा कुनै उजुरी नपरेकाे मुख्य निर्वाचन अधिकृतकाे कार्यालयले जनाएकाे छ ।
आयोगले उम्मेदवारलाई नाम फिर्ता लिनको लागि बुधबार २६ गते तोकेको छ । यस्तै २६ गते नै उम्मेदवारको अन्तिम नामावली प्रकाशन गर्ने र चुनाव चिह्न दिने आयोगले जनाएको छ ।
मकवानपुर । मकवानपुरमा डेंगु संक्रमितको संख्या ३ हजार ३ सय ५८ जना पुगेको छ । पछिल्लो २४ घण्टामा थप ४७ जनामा संक्रमण पुष्टि भएको छ । योसँगै मकवानपुरमा डेंगु संक्रमितको संख्या ३ हजार ३ सय ५८ जना पुगेको स्वास्थ्य कार्यालय मकवानपुरले जनाएको छ ।
स्वास्थ्य कार्यालयका अनुसार, जिल्लामा १ हजार ८ सय ८२ जना पुरुष र १ हजार ४ सय ७६ जना महिलामा डेंगु संक्रमण पुष्टि भएको हो । जसमध्ये सबैभन्दा धेरै हेटौंडा उपमहानगरपालिकामा रहेका छन् । आइतबार थप १७ जना संक्रमित हेटौंडामा थपिएसँगै संक्रमितको कूल संख्या २ हजार ७ सय ९५ जना पुगेको छ ।
यस्तै, आइतबार नै थाहानगरपालिकामा थप २५ जना संक्रमित थपिएसँगै कूल संक्रमित १ सय पुगेको छ । यसैगरी, हालसम्म मकवानपुरगढीमा ५४ जना, बागमती र कैलाश गाउँपालिकामा ६/६ जना, मनहरी गाउँपालिकामा ३ सय १२ जना, इन्द्रसरोवर गाउँपालिकामा १ जना, भीमफेदी गाउँपालिकामा २८ जना, बकैया गाउँपालिकामा २३ जना, राक्सिराङ गाउँपालिकामा ९ जना, हाल ठेगाना नखुलेका २० जना र अन्य जिल्लाका ४ जनामा डेंगु संक्रमण पुष्टि भएको छ । ती पालिकाहरुमा भने आज संक्रमित थपिएका छैनन् ।
जिल्लामा हालसम्म डेंगु संक्रमणका कारण हेटौंडा उपमहानगरपालिका १ का एक जनाको मृत्युु भएको स्वास्थ कार्यलयले जनाएको छ ।
मकवानपुर । नेपाली कांग्रेसले मकवानपुरमा आसन्न निर्वाचनको लागि महालक्ष्मी उपाध्याय डिना, इन्द्रबहादुर बानियाँ र आनन्दराम पराजुलीले टिकट पाएका छन ।
शनिबार कांग्रेसबाट मकवानपुरमा उम्मेदवार बन्नेको नाम टुंगो लागे संगै कांग्रेसकी सहमहामन्त्री डिनालाई प्रतिनिधि सभा तर्फ मकवानपुर क्षेत्र नंबर १ को टिकट दिएको छ ।
यसैगरी प्रदेश सभा तर्फ मकवानपुरको प्रतिनिधिसभा १ को ‘ख’ मा आनन्दराम पराजुलीले उम्मेदवारको टिकट पाएका छन ।
यस्तै कांग्रेसबाट मकवानपुर २ को ‘ख’ मा इन्द्रबहादुर बानियाँले टिकट पाएका छन् । यसअघि २०७४ मा भएको निर्वाचनमा पनि बानियाँ सोही क्षेत्रबाट प्रदेश सभा सदस्यमा निर्वाचित भएका थिए ।
यसअघि गठबन्धनबाट मकवानपुर क्षेत्र नंबर २ मा प्रतिनिधि सभा सदस्य तर्फ नेकपा एकीकृत समाजवादीका विरोध खतिवडाले टिकट पाइसकेका छन् । मकवानपुर-१ को ‘क’ मा माओवादीका प्रेमबहादुर पुलामी छिन्तु र २ को ‘क’ मा कुमारी मोक्तानले टिकट पाएका छन् ।
मकवानपुर । मकवानपुरको राक्सिराङमा भिरबाट लडेर जनाकाे मृत्यु भएको छ ।
मृत्युु हुनेमा मनहरी गाउँपालिका-६ घर भई हाल राक्सिराङ गाउँपालिका-९ धुरु बस्दै आएका ४० वर्षीय मनोज राई रहेको मकवानपुर प्रहरीले जनाएको छ ।
जिल्ला प्रहरी कार्यालय मकवानपुरका अनुसार राईको भिरबाट लडेर मृत्यु भएको हो । शुक्रवार साँझ राक्सिराङ ९ ससुराली घरबाट मादक पदार्थ सेवन गरी आफुखुसी निस्किएका राई अबेरसम्म नफर्किएपछि आफन्तले खोजतलास गरेका थिए ।
राई शनिवार विहान ससुराली घरदेखि करिब २ किलोमिटर दक्षिण धुरु भिरबाट लडेर मृत अवस्थामा भेटिएको प्रहरीले बताएको छ । घटनास्थलमा प्रहरीको टोली पुगेर अनुसन्धान तथा मुचुल्का उठाउने कार्य भई रहेको छ ।
मकवानपुर । नेपाल कम्युनिस्ट पार्टी एमालेले मकवानपुरबाट आगामी मंसिर ४ गते हुने प्रतिनिधि तथा प्रदेशसभा निर्वाचनको लागि उम्मेदवारको अन्तिम टुङ्गो लगाएको छ ।
राप्रपा नेपालसंग गठबन्धन गरेर सूर्य चिन्हमा कमल थापाको उम्मेदवारी पक्का भएको बहस चल्दै गर्दा एमाले मकवानपुरले निर्वाचनमा उम्मेदवार हुनेकाे आधिकारिक नाम सार्वजनिक गरेको हो । एमाले मकवानपुरका अनुसार मकवानपुरबाट प्रतिनिधिसभा क्षेत्र नंबर १ मा रामेश्वर राना नाममा टिकट टुंङ्गिएकाे छ । प्रतिनिधिसभा क्षेत्र नंबर १ अन्तरगत प्रदेश ‘क’ मा कमल विष्ट तथा ‘ख’ मा एकालाल श्रेष्ठकाे नाम टुंङ्गाे लागेकाे हाे ।
यसैगरी प्रतिनिधि सभा क्षेत्र नम्बर २ मा महेश बर्तौलाको नाममा टिकट पक्का भएकाे एमाले मकवानपुरले जनाएकाे छ । प्रतिनिधिसभा क्षेत्र नंबर २ अन्तरगत प्रदेश सभा ‘क’ मा विष्णु प्रसाद ढकाल तथा प्रदेश सभामा ‘ख’मा लालबहादुर थापाकाे उम्मेदवारीकाे लागि नाम टुंङ्गिएकाे हाे । एमालेबाट टिकटको फाईनल लिष्ट आएको बताउँदै एमाले मकवानपुरका अध्यक्ष एकालाल श्रेष्ठले पार्टी अब चुनावी अभियानमा लाग्ने बताए ।
बडादशै मनाउंदै गर्दै पार्टीले उम्मेदवारको अन्तिम टुङ्गो लगाएको हो । यसैबीच पर्व मनाउने सन्दर्भमा गाउँघर पुगेका नेताहरूले मतदाता घरभेट कार्यक्रमलाई तिव्रता दिएका छन् । दशै सकिना साथ २३ असोज अर्थात् कोजाग्रत पुर्णिामा कै दिन उम्मेदवारी दर्ता भएकोले पनि नेताहरू चुनावीको चटारोले छोएको छ ।