मकवानपुर । नेकपा एमाले मकवानपुर अध्यक्ष एकलाल श्रेष्ठले गठवन्धन सरकारका कारण मुलुकमा आर्थिक संकटमा परेको बताए ।
एमालेबाट मकवानपुर क्षेत्र नम्बर–१ प्रदेशसभा (ख) का उम्मेदवार श्रेष्ठले शनिबार हेटौंडामा आयोजित प्रचार प्रसार कार्यक्रममा गठवन्धनले मुलुकलाई तहसनहस बनाएको बताए । अहिले मुलुक चिन्तजनक अवस्थामा रहेकोले नेपालीले स्वाभिमान पूर्वक बाच्न पाउने अधिकार सुनिश्चित हुनुपर्ने उनले बताए ।
हेटौंडा उपमहानगरपालिकाका १९ वडा मध्य १२ वटा वडा उनको क्षेत्रमा पर्छ । पूर्व पश्चिम राजमार्ग तथा त्रिभुवन राजपथले जोडिएको हेटौंडा बजार क्षेत्रको सडक फाराकिलो बनाउने बिषय बेला बेलामा चर्चामा आउने गरेको छ । सोहि सन्दर्भमा हेटौंडाको सडकलाई फराकिलो बनाउन सबै लाग्नुपर्ने श्रेष्ठको भनाई छ । हेटौंडाको बाइपास सडक निर्माण पनि गर्दै मुल सडक पनि फराकिलो बनाउनु आफूले पहल गर्ने उनले बताए ।
मकवानपुर । पञ्चायतकालमा मकवानपुरको तत्कालिन धियाँल बरबोटमा करिब ७ सय घरमा आगजनी भएको थियो । वन क्षेत्रमा बस्ती बसेको भन्दै पञ्चायत सरकारले उक्त वस्तीमा आगजनी गरी हटाइएको थियो ।
पञ्चायतकालको २०४४ सालले दिएको स्थानीयवासीको पीडामा मलम लगाउने गरी मकवानपुरका प्रतिनिधि सभा क्षेत्र १ तथा प्रदेश सभा १ क का उम्मेदवारले प्रतिवद्धता व्यक्त गरेका छन् । चुनावी प्रचारप्रसारको क्रममा हालको बकैया गाउपालिका १ धियाँलको बरबोट चिसापानी सभामा गठबन्धनका तर्फबाट प्रतिनिधिसभा उम्मेदवार नेपाली काँग्रेसका महालक्ष्मी उपाध्याय डिना तथा प्रदेश सभा १ क का उम्मेवार प्रेम बहादुर पुलामी छिन्तुले आफुहरु बस्तीको संरक्षण र विकासको लागि आएको बताएका थिए । ‘हामी यो बस्तीलाई बचाउन आएका छौं यहाँको लालपूर्जा र सीमाको समस्या हामी समाधान गर्छौ’ उम्मेदवारद्वयले भने ‘हामीलाई जिताउनुस् यस ठाउँको विकास गर्ने जिम्मा हाम्रो भयो ।’
के भएको थियो २०४४ सालमा?
२०४४ सालमा बस्ती हटाउने हल्ला चलेपछि तत्कालिन धियाँल गाउँ पञ्चायतमा पर्ने हाल बकैया गाउँपालिका १ स्थित बरबोटका स्थानीय त्रसित थिए । बर्षौदेखि बसोबास गर्दै आएको थातथलो छाड्नुपर्ने पीडाले स्थानीयलाई चिन्तित बनाएको थियो ।
वन क्षेत्रमा वस्ती बसेकोले हटाउनु पर्ने विषयमा छलफल गर्न यस क्षेत्रबाट निर्वाचित सांसद कमल थापाले स्थानीयलाई हेटौंडा बोलाए । गाउँघरका भद्रभलादमी र युवाहरु सबैलाई छलफलको लागि भन्दै हेटौंडा बोलाईयो । २०४४ सालको त्यो घटनाले दिएको पीडा अझै पनि बकैया गाउँपालिका १ स्थानीयले भुलेका छैनन् ।
२०४४ सालमा पञ्चायत सरकारका बन मन्त्री हेमबहादुर मल्ल र त्यस समयमा मकवानपुरको यसै क्षेत्रबाट निर्वाचित हालका राप्रपा नेपालका अध्यक्ष थापाले बन क्षेत्रमा बस्ती बसेको भन्दै करिब सातसय घरमा आगजनी गरेका थिए । त्यसबेला आगजनीसँगै हात्ती लगाएर घरहरु भत्काइएको थियो । हाल बकैया १ नम्बर वडाको धियाँल डाँडा, माहादेव डाँडा, रजुवाई, इपिलघारी, हिलेखोला लगायत बस्ती आगजनी गरेर हटाएको तत्कालिन धियाँल गाउँ पञ्चालय प्रमुख शेर बहादुर भ्लोनले बताए ।
भागदौडको समयमा कोक्रोमा रहेको बच्चा सहित महिला र बालवालिकाहरुले ज्यान गुमाएका थिए । बस्तीको बारेमा छलफल गर्न भन्दै यस क्षेत्रका सांसद थापाले गाउँका जान्नेसुन्ने र युवाहरुलाई हेटौंडा बोलाएर गाउँमा महिला, बालवालिका मात्र भएको मौका छोपेर आगो लगाएको स्थानीय ८१ वर्षीय कान्छीमाया हिमडुङले बताइन् । ‘हाम्रो गाउँ खरानी भएको, बालबच्चा मरेको अझै बिर्सेको छैन हामीले’, उनले भनिन् ।
बि.सं. १९९३ सालको नम्बरी जग्गा समेत बस्ती उठाएर एलानी बनाएपछि यहाँका करिब सातसय परिवार सुकुम्बासी बनेका थिए । बिस्ताथित यो गाउँमा नेकपा माओवादीको पहलमा जनयुद्धको समयमा पुनः बस्ती बसालिएको स्थानीय बताउँछन् । बारा र रौतहटको सीमानामा पर्ने यो गाउँमा हाल करिब पच्चिससय परिवार बसोबास गर्दै आएका छन् ।

यसै क्षेत्रबाट फेरि कमल थापा यो पटक नेकपा एमालेबाट प्रतिनिधिसभा सदस्यका लागि उम्मेदवार छन् । यसै गाउँमा पुगेर बाम लोकतान्त्रिक गठबन्धनका उम्मेदवारहरुले बस्ती संरक्षणको बाचा गरेका छन् । सभालाई सम्बोधन गर्दै मकवानपुर १(क) प्रदेशसभाका उम्मेदवार नेकपा माओवादी केन्द्र बागमती प्रदेश समितिका उपाध्यक्ष प्रेम बहादुर पुलामीले मतदातालाई सचेत भएर जनताको पक्षमा काम गर्नेहरुलाई विजयी गराउन अनुरोध गरे ।
यस क्षेत्रको विकासमा आफूले लामो समयदेखि काम गर्दै आएको बताउँदै उनले जग्गाधनी पूर्जा बितरणको काम अघि बढेको बताए । साथै उनले छिमेकी जिल्लासँगको सीमा बिवादबारे पनि केन्द्र सरकारसँग पहल गरेर छिट्टै समाधान गरिने प्रतिबद्धता ब्यक्त गरे ।
पार्बती भट्ट
१.
सुख पाहुना जस्तै, दु:ख मीत रहेछ
जिन्दगी , पात माथिको शीत रहेछ
फुल्नु, ओइलाउनु ,झर्नु अनि सकिनु
आखिर ! यही त दुनियाँकाे रीत रहेछ ।
२.
हारें भनेर जिन्दगीमा, रुनु बेकार हुने रहेछ
एउटाकाे जितमा पाे!अर्कोकाे हार हुने रहेछ
सत्य स्विकार्न नसकेर मात्रै हाे मन दुखिरहने
हुन त, यसरी नै चलिरहेकाे संसार हुने रहेछ ।
३.
निखारेर आफ्नै आँखा, पिउन पनि नपराेस्
नच्यातियाेस् खुशी सधैं, सिउन पनि नपराेस्
सम्हाल्दा सम्हाल्दै कति दुख्छस् ए ! जिन्दगी
यति धेरै तड्पितड्पी, बरु जिउन पनि नपराेस् ।
डडेल्धुरा हाल इमाडाेल, ललितपुर
मकवानपुर । सत्ता गठबन्धनकाे तर्फबाट मकवानपुर क्षेत्र नं. १ प्रदेश सभा ख का उम्मेदवार आनन्दराम पराजुली मकवानपुरमा सान्त्वना खाेज्दै घरदैलाे कार्यक्रममा व्यस्त छन् । नेपाली काँग्रेस हेटौडाका पूर्व नगर सभापती आगामी निर्वाचनमा प्रदेश सभा ख सदस्यमा विजयी हुने उत्साहका साथ चुनावी प्रचारप्रसारमा घरघर पुगेर मतदातकाे आशिर्वाद लिन व्यस्त छन् ।
मतदाता शिक्षा दिन नसकेकै कारण २०७४ सालकाे स्थानीय तह निर्वाचनमा हेटाैडा उपमहानगरपालिकाकाे मेयरमा थोरै मतले पराजित भएका कांग्रेस नेता पराजुली यस पटक जनताकाे प्रतिनिधि चुनिनेमा विश्वस्त रहेका छन् । अघिल्लाे स्थानीय तहकाे निर्वाचनमा हेटाैडा उपमहनागरपालिकामा नेकपा माओवादी केन्द्रसँगकाे चुनावी तालमेल भएकाेमा मतदाता शिक्षाकाे कमीले उनी परानीत भएका थिए । मकवानपुरे जनतामा परिचित उनी अहिले हेटौडा उपमहानगरकाे १२ वडाकाे प्रतिनिधित्व रहने प्रदेश सभामा उम्मेदवार भएर प्रचार प्रसारमा व्यस्त छन् ।
गत स्थानीय निर्वाचनमा हेटौंडा उपमहानगरपालिकाको मेयरकै टिकट पाउनसक्ने नेताको रुपमा गनिएका उनी गठबन्धनका कारण नेकपा (एस) को भागमा परेपछि चित्त बुझाउँदै गठबन्धनलाई जिताउने अभियानमा सक्रिय रहेका थिए । अहिले कांग्रेसले प्रदेशसभा सदस्य पदको टिकट दिएपछि उनीमाथि ‘न्याय’ भएको र ‘जित सुनिश्चित’ रहेको भन्ने मतदाताहरु पनि रहेका छन् । ‘अघिल्लो पटक हेटौंडा उपमहानगरपालिकाको मेयर पदमा चुनाव लडेकोले पनि मलाई यो पटक धेरै सहज भएको छ’, उनी भन्छन्, ‘मतदाताको साथ, सहयोग, सद्भाव र हौसलाले थप उर्जा मिलेको छ । माहौल निकै राम्रो छ, गठबन्धनको जित सुनिश्चित भैसकेको छ ।’ उनलाई अहिले कांग्रेससहित गठबन्धनमा रहेका दल नेकपा माओवादी केन्द्र, नेकपा (एस), जनमोर्चा लगायतको दलको पनि साथ रहेको छ ।
उनी गठबन्धन बाहिर रहेका पार्टीका नेता कार्यकर्ताको पनि रोजाई बनिरहेका छन् । ‘म कांग्रेसको कार्यकर्ता हुँ । म निरन्तर पार्टीलाई मजबुत बनाउन र यहाँका जनताको सुखदुःखमा साथै रहेको छु । पराजुलीले शुक्रबार हेटौंडा ५ र २ नम्बर वडाको घरदैलाे अभियानको क्रममा पनि मतदाताको धेरै साथ र सहयोग पाएको बताए । पटक पटक चुनाव जितेको एमालेका उम्मेदवारहरुले कुनै एजेण्डा नै नभएपछि अनेक अफवाह र भ्रम फैलाइरहेका उनले बताए । हामी त्यसलाई चिर्दै अघि बढेका छौं ।’
कांग्रेसकै पनि एउटा समूह तपाईंको विरुद्धमा छ भनिन्छ नि ? भन्ने प्रश्नमा उनले यो सब विरोधीले चलाएको अनावश्यक झुटो हल्ला मात्र भएको बताए । ‘कांग्रेस ठूलो पार्टी हो, यहाँ एकसेएक नेताहरु रहेका छन् । टिकटका लागि मसहित अन्य नेताहरुको पनि दावेदारी थियो । दावेदारी हुनु स्वभाविक पनि हो’, उनले भने, ‘टिकट मेरो नाममा आयो । अहिले सबै नेताहरु मकवानपुरमा गठबन्धनका उम्मेदवारलाई जिताउने अभियानमा लागेका छौं ।
‘एकजनाले मात्रै हार्दा पनि गठबन्धनप्रति विश्वास नहुने, पार्टीमै समस्या आउने हुनसक्छ भन्ने बिषयमा हामी क्लियर छौ ।’ पराजुलीले भने ‘गठबन्धन र कांग्रेसभित्र कुनै समस्या रहेकाे छैन ।’
मकवानपुर । प्रतिनिधि सभा र प्रदेश सभा निर्वाचनकाे मिति नजिकिएसँगै मकवानपुरमा उम्मेदवारहरु घरदैलाे तथा काेणसभा तथा भेटघाटमा व्यस्त हुन थालेका छन् । कार्तिक १७ गतेबाट उम्मेदवार तथा राजनैतिक दलहरुले चुनाव प्रसार प्रचार गर्न पाउने भएपछि प्रचार प्रसार कार्यक्रम समेत तिव्र गर्दै लगेका छन् ।
२ प्रतिनिधि सभा तथा ४ प्रदेश सभा क्षेत्र रहेकाे मकवानपुरमा सत्तागठबन्धन तथा नेकपा एमालेकाे बीच प्रतिस्पर्दा हुने आँकलन गरिरहँदा दवै पक्षले प्रचार प्रसार व्यापक गर्दै गरेका छन् । चुनावी घरदैलाेमा स्थानीय मतदाताले उम्मेदवारसँग आफ्नाे क्षेत्रमा विकास निर्माण शिक्षा स्वास्थ्य लगायतका आधारभूत कुरामा सुलभ पहुँचकाे माग गरेका छन् भने उम्मेदवारहरुले समेत विभिन्न आश्वासन दिन थालेका छन् ।
प्रचार प्रसारकै क्रममा नेकपा एमालेबाट मकवानपुर निर्वाचन क्षेत्र नम्बर–२ का उम्मेदवार महेश बर्तौलाले मनहरीको रजैया बस्ती बचाउन बाइपास सडक निर्माण गर्ने प्रतिवद्धता गरेका छन् । बर्ताैलाले आफू निर्वाचित भएमा रजैया बस्ती बचाउँदै बाइपास सडक निर्माणमा जोड दिने बताएका हुन् । मनहरीको रजैयामा नेकपा एमालेद्वारा आयोजित कोणसभा तथा भेटघाट कार्यक्रममा बर्तौलाले परजैया बस्तिलाई राप्तिखोलाबाट बचाउदै रजैयादेखि आश्रम क्षेत्रसम्म बाइपास सडक निर्नाणमा आफूले काम गर्ने प्रतिवद्धता व्यक्त गरेका हुन् ।
यसैगरी नेकपा एमालेको निर्वाचन केन्द्रित कार्यक्रममै मनहरी ८, सिम्पानी स्थित टासी फुन्छ्योक छोइलीङ्ग गुम्बामा ६५ फिट अग्लो बुद्दको मुर्ति निर्माण गर्ने बताएका छन् । मनहरी गाउँपालिका अध्यक्ष एकराज उप्रेती हुँदा सुरुवात गरिएको गुम्बामा पर्यटन क्षेत्र बिकास गरि पर्यटन भित्र्याउने, तामाङ भाषा, संस्कृति बिकासमा आफूले महत्त्वपूर्ण भूमिका खेल्ने बर्ताैलाले बताए । उम्मेदवार बर्तौलाले आफूले मनहरी राक्सिराङ्ग र कैलाश भेगमा अशिक्षा, गरिबी र बेरोजगारी रहेको बताउँदै शिक्षा, स्वास्थ्यको बिकास, युवा श्रम शक्तिलाई रोजगारीसँग जोड्ने, स्वरोजगार सिर्जना, सार्बजनिक सेवा प्रवाहलाई चुस्त दुरुस्त बनाउने आफ्नो योजना रहेको प्रष्ट पारे ।
कार्यक्रमपछि रजैया आसपास र ज्यामिरेको केही क्षेत्रका स्थानीयसँग बर्ताैलाले भेटघाट समेत गरेका थिए । कार्यक्रममा क्षेत्र नम्बर–२ को प्रदेश सभा (ख) का उम्मेदवार लालबहादुर थापाले अन्य दलका उम्मेदवारलाई लक्षित गर्दै फिरन्ते उम्मेदवार भएर पाहुना बन्दै भोट मागेको बताए । थापाले आफू चेपाङ्ग र तामाङ्ग समुदायको बिचमा खाई, खेली हुर्केर जनताको सेवा गर्दै आइरहेको तथा तामाङ्ग र चेपाङ्गको जात्रा, संस्कार र संस्कृतिमा सहभागी भई संस्कृति जगेर्नामा लागेकाे समेत बताए । यसैले यस क्षेत्रबाट नेकपा एमालेले जीत हासिल गर्ने बताए ।
कार्यक्रममा एमाले मकवानपुरको नेता श्रीधर पोखरेलले एमालेको उम्मेदवार ३२ लक्षणले युक्त रहेको दावी गरेका थिए । पोखरेलले गठबन्धनका उम्मेदवारलाई इंगित गर्दै भोटे कुकुर पालेर गेटमा ठुला ताल्चा झुंड्याउने काजी साप जसरी बोरामा लुटेको धन बोकेर गाउँ पसेको आरोप लगाए । उनले मंसिर ४ गते जनताले सुर्य ध्वजाबाहक उम्मेदवारलाई जिताएर न्याय गर्ने र एमालेको सरकार निर्माण भइ पाँच बर्ष जनमुखी काम गरिने दावी गरे ।