मकवानपुर । आफू र पार्टीलाई राष्ट्रवादी बताउँदै आएका राप्रपा नेपालका अध्यक्ष कमल थापाले मुलुकमा विदेशी दबाब र प्रभाव बढ्दै गएकाे बताएका छन् । नेकपा एमालेकाे चुनाव चिन्हबाट मकवानपुर क्षेत्र नम्बर १ का उम्मेदवार रहेका थापाले विदेशीको दवाव र प्रभाव रोक्न राष्ट्रवादी शक्ति एकजुट हुनुपर्ने बताए ।
सवै राष्ट्रवादी शक्ति एकजुट हुनु पर्ने अवस्था आएकोले एमालेको चुनाव चिन्ह सुर्यबाट आफूले निर्वाचन लडेको उनले बताए । एमाले पनि राष्ट्रवादी शक्ति रहेका बताउँदै मंगलबार मकवानपुरको हेटौंडामा भएको चुनावी सभामा थापाले मुलुकको स्वाधीनता र स्वाभिमानको रक्षा, राष्ट्रियताको संरक्षण, प्रजातन्त्रको सुदृढीकरण र आर्थिक समृद्धि, भ्रष्टाचार अन्त्यको निमित्त राष्ट्रवादी शक्तिको सरकार बन्नुपर्ने आवश्यकता रहेकाे बताए ।
मुलुकमा बेथिति र कुशासन ल्याउने शक्ति जनताले चिन्नुपर्ने भन्दै थापाले भ्रष्टाचारलाई अन्त्य गर्न एमाले अध्यक्ष के पी ओलीको नेतृत्वमा सरकार बन्न जरुरी रहेको समेत बताए । मकवानपुरको अपुरो बिकासको काम सम्पन्न गर्न पनि आफू चुनाबमा होमिएको उनकाे दावी रहेकाे छ । थापाले एमाले अध्यक्ष ओली नेतृत्वमा सरकारमा सँगै रहँदा धेरै राष्ट्रवादी र देशहितमा काम गरेको भन्दै गठबन्धनको नाममा ब्रम्हलुट र कुशासनको अन्त्य गर्नको निमित्त राष्ट्रवादी शक्तिलाई आगामी निर्वाचनमा विजयी गराउनु पर्नेमा उनले जाेड दिएका छन् ।

अन्य पार्टीका मतादाले पनि एमालेलाई मत दिन्छन्–– एकालाल श्रेष्ठ
नेकपा एमाले मकवानपुर अध्यक्ष एकलाल श्रेष्ठले अन्य पार्टीका मतदाताले पनि एमालेलाई मत दिने बताएका छन् । मकवानपुर क्षेत्र नम्बर १ प्रदेश सभा ख का उम्मेदवार श्रेष्ठले मंगलबार हेटौंडामा भएको चुनावी सभालाई सम्बोधन गर्दै मुलुक जोगाउने एकमात्र पार्टी नेकपा एमाले भएकोले एमालेका मतदातासहित अन्य पार्टीकाले पनि एमालेमा मत दिने बिश्वास ब्यक्त गरेका हुन् ।
एमालेले सुरु गरेको समृद्ध नेपाल, सुखी नेपालीको नारालाई सार्थक पार्न एमाले सधैं लागिरहेको उनले बताए । श्रेष्ठले आर्थिक वृद्धिका संवाहकका रुपमा रहेका कृषि र वन, उद्योग, पर्यटन, ऊर्जा, यातायात तथा सूचना प्रविधि तथा भौतिक पूर्वाधारको तीव्र विकास नेकपा एमालेको प्राथामिकतामा रहेको समेत बताए । केपी ओली नेतृत्वको सरकारले नाकाबन्दीको सामना, चीनसँग पारवहन सम्झौता, गुमेको भूभागलाई नक्समा समाहित गर्दै नागरिकका मुर्छित सपनालाई जगाउने काम गरेको उनले बताए ।

गठबन्धनले जनताको मताधिकारमा कुठाराघात गर्यो–डोरमणि पौडेल
बागमती प्रदेशका प्रथम मुख्यमन्त्री डोरमणि पौडेलले गठबन्धनले जनताको मत हाल्न पाउने अधिकारलाई कुठाराघात गरेको बताएका छन् । आफ्नो पार्टीमा भोट हाल्न पाउने अधिकारलाई रोकेर गठबन्धनको नाममा उम्मेदवारी नै नदिएको उनले बताए । उनले चुनावी सभामा भने ‘नेकपा एमालेको सरकार बन्नु बाहेकको विकल्प छैन् ।’
बहुमत आउन सक्ने भन्दा कम क्षेत्रमा उम्मेदवार खडा गरेर बहुमत ल्याउने सबै पार्टीले अस्तित्व गुमाएको उनले बताए । ‘बहुमत ल्याउन नसक्ने गरि उम्मेदवारी दिने पार्टीले देशको भलो गर्न सक्दैन’ पाैडेलले भने ‘गठबन्धनका मान्छे पूर्व जानुपर्ने पश्चिम जान्छन् पश्चिम जाने पुर्व जान्छ्न, यस्ताले देशलाई समृद्ध बनाउन सक्दैनन् ।’ गठबन्धनको अहिलेको योजना लुट्ने र खाने मात्र भएको भन्दै यस्तो प्रवृत्तिलाई निर्वाचन बाट बढार्नु पर्ने उनकाे भनाइ थियाे । बिकास चाहने हो भने एमालेको सरकार बन्नुपर्ने भन्दै छोटै समयमा धेरै काम गरेपनी बिकास एमालेको पालामा भएको उनले जानकारी दिए ।
बर्तमान सरकार बिदेशीको लागि कम्फर्टेबल सरकार बनाउन लागि परेको छ उनले भने ‘अहिले हामीले बिदेशीको लागि नभई नेपालीको लागि सरकार निर्माण गर्नुपर्छ त्याे सरकार एमालेले मात्र बनाउने छ ।’ जनताको काम गर्न के पी ओलि अझै पनि जनताको काममा रातदिन खटिरहेको पनि उनले बताए । यस्तै मकवानपुरकाे अर्काे औधाेगिक क्षेत्र मयुरधाप औद्योगिक क्षेत्रको सुरुवात भएपछि हेटौडा उपमहानगरपालिका क्षेत्र र १४ नम्बर वडाबासीले प्रत्यक्ष लाभ लिने उनले बताए ।
मकवानपुर । नेपाली काँग्रेस मकवानपुरले १६ जनालाई कारवाही गरेकाे छ । आसन्न प्रदेश सभा तथा प्रतिनिधि सभा सदस्य निर्वाचनमा उम्मेदवार तथा उनीहरुलाई सहयाेग गरेका १६ जना कारबाहीमा परेकाे काँग्रेस मकवानपुरले जनाएकाे छ ।
विगतमा काँग्रेसका विभिन्न जिम्मेवारीमा रहँदै निर्वाचनकाे समयमा राष्ट्रिय स्वतन्त्र पार्टी, स्वतन्त्र राजनैतिक शक्ति पार्टीका उम्मेदवारसहित कारवाही गरिएकाे काङ्ग्रेस मकवानपुरको जिल्ला अनुशासन समितिले मंगलबार पार्टी कार्यालयमा पत्रकार सम्मेलनको आयोजना गरी जनाएको हो ।
कारबाहीमा पर्नेमा राष्ट्रिय स्वतन्त्र पार्टीबाट प्रतिनिधि सभातर्फ मकवानपुर क्षेत्र २ का उम्मेदवार भरत पराजुलीलाई कारवाही गरिएको जनाएको छ । पराजुली नेपाली काङ्ग्रेसको पूर्व महासचिव सदस्य हुन् । यस्तै स्वतन्त्र राजनैतिक शक्ति पार्टीबाट प्रतिनिधि सभा सदस्यतर्फ मकवानपुर क्षेत्र नम्बर २ का अर्का उम्मेदवार धिरज विक्रम न्यौपानेलाई पनि कारवाही गरिएको काङ्ग्रेस मकवानपुरका सभापति बुद्ध लामाले जानकारी दिए । न्यौपाने काङ्ग्रेसको क्रियाशील सदस्य रहेको बताइएको छ । यस्तै पूर्व महासमिति सदस्य रिता खनाल पनि कारवाहीमा परेकी छिन् । उनी पछिल्लाे समय काँग्रेस विपिमा आबद्ध रहेकी छिन् ।

मकवानपुर । आसन्न निर्वाचनकाे प्रचार प्रसार गर्ने अवधी सकिनै लाग्दा मकवानपुरमा उम्मेदवारहरु मत आकर्षित गर्ने गरी प्रचार प्रसारमा व्यस्त छन् । चुनावी सभाहरुमा उनीहरुकाे भाषण आश्वासनले भरिएकाे हुन थालेकाे छ । प्रचार प्रसारमा जुन क्षेत्रमा पुग्याे त्यहीकाे मत आकर्षित हुने गरी उम्मेदवारहरु जनतालाई आश्वस्त पार्न खाेजिरहेका छन् ।
मकवानपुर क्षेत्र नम्बर १ प्रदेशसभा क का उम्मेदवार प्रेम बहादुर पुलामी छिन्तु ले गठबन्धन सरकार बन्ने वित्तिकै पहिलो प्राथमिकतामा लालपुर्जा वितरण प्रक्रियामा सुरु गरिने बताएका छन् । मंगलबार बकैया गाउँपालिका वडा नम्बर २ तिनभंगालेमा आयोजित चुनाबीसभामा नेकपा माओवादी केन्द्र बागमती प्रदेश उपाध्यक्ष छिन्तुले यस क्षेत्रमा अधिकांश जनता भूमिहिन भएकाले गठबन्धन सरकार बन्ने वित्तिक्कै आफुले लालपुर्जा वितरण प्रक्रियामा पहल गर्ने दाबी गरेका छन् ।
‘अहिले विभिन्न प्रलोभन देखाएर जनताको अधिकार लुट्न प्रतिगामीहरु सल्बलाएकोले बेलैमा चिनेर परास्त गर्नु पर्छ’ उम्मेदवार छिन्तु भने । अहिले सडक, कृषि , स्वास्थ्य , शिक्षा, रोजगारी लगायत क्षेत्रमा समस्या रहेको बताउँदै प्रदेश सरकारको पहलमा विकासको मूल फुटाउने प्रतिबद्धता समेत व्यक्त गरे । उनले मंसिर ४ गते हुने निर्वाचनमा मतदाता र बुथ सुरक्षाका लागि तयारी अवस्थामा रहन गठबन्धनका युवाहरुलाई निर्देशन समेत दिएका छन् । उम्मेदवार छिन्तुले मुलुकको विकास र समृद्धि गर्ने जिम्मेवारी लोकतान्त्रिक बाम गठबन्धनकै भएकाले भ्रममा नपरी गठबन्धनका उम्मेदवारलाई मतदान गर्न मतदातालाई आग्रह समेत गरेका छन् ।
गठबन्धनका बकैया वडा नम्बर २ का प्रचारप्रसार संयोजक अशोक जिम्बाको अध्यक्षतामा भएको कार्यक्रममा माओवादी बागमती प्रदेश सदस्य सुमन पाख्रिन, जिवन गोले र लक्ष्मी पाख्रिन, गठबन्धनका क्षेत्र नम्बर १ का प्रचारप्रसार संयोजक दामोदर खनाल र नेकपा एकिकृत समाजवादीका नारायण तिमल्सिना लगायतको सहभागिता रहेको थियो ।
प्रीति आत्रेय ज्ञवाली
मनकारी मनले
अनपेक्षित ढङ्गले
सम्झिन्छ है आफ्नै रङ्गले ।
सन्तोषी होस् है मन
सुस्वस्थ रहोस् है तन
सधैँ सुखी होऊन् है जन ।
प्रकट गर्नैपर्छ
मुखले नै भन्नै पर्छ
“साइनो” नै काफी छैन र !
भावना नै काफी छ
मेरो यो मन साफी छ
यत्ति कुरा बुझे हुन्न र !
मन यो निःस्वार्थी छ
सबैको भलो चाहन्छ
समयले कता लैजान्छ ?
बुटवल हाल कम्बोडिया
मकवानपुर । राष्ट्रिय प्रजातन्त्र पार्टी (राप्रपा)का केन्द्रीय अध्यक्ष राजेन्द्र केही समयकाे अन्तरालमा मकवानपुर २ पटक आएका छन् । लिङ्देनकाे मकवानपुर आगमन निर्वाचन कार्यक्रमकाे लागि भएकाेले मकवानपुरकाे चुनावी रौनक थपिएकाे छ ।
कात्तिक २४ गते बकैया गाउँपालिकामा आएर पार्टीका उम्मेदवार दिपक बहादुर सिंहलाई संसदमा पठाइदिन आग्रह गरेकाे ५ दिन पछी अभिनेत्री तथा काेइराला परिवारकी सदस्य मनिषा काेइरालाका साथ लिङ्देन मकवानपुरकाे कार्यक्रममा आएका हुन् । मकवानपुरको दुईवटा प्रतिनिधिसभा क्षेत्रमै पार्टीले उम्मेदवार उठाएकाे छ तर राप्रपाले १ नम्बर क्षेत्रमा दीपकबहादुर सिंहलाई प्राथमिकतामा राखेको छ । लिङ्देन पुनः मकवानपुर आउनु सिंह जिताउने अभियानकाे हाे भनेर बुझ्न सकिन्छ ।
साेमबार हेटौडा उपमहानगरपालिका १३ मा पार्टीकाे आमसभामा अध्यक्ष लिङ्देनले भने ‘देशमा भएको गलत राजनीतिकाे विरुद्ध आगामी निर्वाचन हाे ।’ निर्वाचन हाम्रो भविष्य कस्तो बनाउने भन्ने निर्णय गर्ने दिन रहेको उनले बताए । लिङ्देनले अहिलेको निर्वाचन देशमा भइरहेको दशकौँदेखिको राजनीतिक अभ्यास, भ्रष्टाचारलाई संस्कृती बनाउने, सत्ताका लागि जे पनि गर्ने विरुद्धको निर्वाचन रहेको बताए ।
अहिले पटक–पटक सत्तामा पुगेका र जनताका लागि केही नगरेका नेताहरु फेरी पनि सत्तामा पुग्न अनेक उपाय लगाएर मत माग्न आइरहेको बताउँदै उनले अब जनताले यस कुराको मुल्याङ्कन गर्नुपर्ने बताए । लिङ्देनले भोट दिने कुरा छोरी दिने भन्दा ठुलोे कुरा रहेको समेत बताए ।
कात्तिक २४ मा लिङ्देन जिल्लाको पूर्वी क्षेत्रस्थित बकैया गाउँपालिका आउँदा मनिषा काेइराला आउने चर्चा भए पनि उनी उपस्थित भएकी थिइनन् । मनिषाले सोमबार भने राप्रपाकाे हेटौँडाको कार्यक्रमलाई छाेटाे समय सम्बोधन गरिन् ।
काेइरालाले लिङ्देनलाई संकेत गर्दै नेपाल आमाले बल्ल सही नेतृत्व पाएको आफूलाई लागेको बताइन् । लिङ्देनप्रति आफूलाई विश्वास लागेर यहाँसम्म आइपुगेको उनले बताइन् । ‘म त्यो विश्वास खोज्न यहाँ उभिएको छु’ उनले भनिन् ‘आफ्नो अमूल्य मत सही, अलस र समक्ष मान्छे राजेर दिनुहाेस ।
काँग्रेस परिवारमा जन्मिएर भारतीय फिल्म क्षेत्रमा सफल अभिनय गरेका काेइरालाले वीपीको विचारलाई पनि लिङ्देनले आत्मासात गरेकोमा आफूलाई गर्वबोध भएको बताइन् । गत शुक्रबार काठमाडाैकाे चुनावी सभामा राजेन्द्र लिङ्देनको नेतृत्वबाट आफू प्रभावित भएकाले आफूले राप्रपाका उम्मेदवारलाई रोजेको पनि स्पष्ट पारेकी थिइन् । भ्रष्टाचार गर्नु आमाको रगत खानु सरह रहेको कुरा लिङ्देनले भनेपछि आफू त्यसको पक्षमा मनैदेखि उभिएको उनको भनाइ थियो ।