मकवानपुर । हेटौडा उपमहानगरपालिका वडा नम्बर ८ कमानेमा जारी ८ ए साइड फुटबल प्रतियोगितामा फायरलाइन, मर्निङ स्टार र राम नगर बिजयी भएका छन् ।
कर्णावती युवा क्लबको आयोजनामा सुरु ६० केजी मुनि तौल समूह नकआउट प्रतियोगिता अन्तरगत सोमबारको खेलबाट फायरलाइन, मर्निङ स्टार र राम नगर बिजयी भएको हो ।
सोमबार भएको तितेपनी एफसी र फायरलाइन एफसी बिचको पहिलो खेलमा पेनाल्टी मार्फत फायरलाइन बिजयी भएको हो । निर्धारित समयमा दुबै समूहले २/२ गोलको बराबरी खेलेपछि पेनाल्टी सुटआउटमा फायरलाइनले एफसीले तितेपानी एफसी ३-२ गोल अन्तरले हराएको हो ।
यसैगरी प्रतियोगिता अन्तरगत सोमबारनै भएको दोश्रो खेलमा मर्निङ स्टार र नागस्वती युवा क्लबले निर्धारित समयमा १-१ गोल गर्दै बराबरी खेलेका थिए । निर्धारित समय बराबरी हुँदा खेल पेनाल्टीमा धकेलियो । पेनाल्टी सुटआउटमा मर्निङ स्टारले नागस्वती युवा क्लबलाई ३-२ गोल अन्तरले पराजित गरेको थियो।
त्यस्तै सोमबारको तेस्रो खेलमा राम नगर युवा क्लबले मनकामनालाई २-० ले पराजित भएको थियो। माघ २ गते मङ्गलबारबाट क्वाटरफाइनलका खेल हुने आयोजकले जनाएको छ । मंगलबार दिउँसो १ बजे पहिलो क्वाटरफाइनल खेल देवनगर एफसी र हुप्रा सिटी बीच हुनेछ । यस्तै दोस्रो क्वाटरफाइनल खेल दिउँसो ३ बजे कालिकामाई टोल र आयोजक कर्णावती युवा क्लब बिच हुनेछ।
कर्णावती युवा क्लबको आयोजना भएको प्रतियोगितामा १५ वटा टोलीको सहभागी रहेको छ । प्रतियोगिता उपाधि विजेता टिमले नगद ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन भने उपविजेता हुने टिमले नगद १५ हजारसहित शिल्ड, मेडल र प्रमाणपत्र प्राप्त गर्ने आयोजकले जानकारी दिएको छ ।
मकवानपुर । मकवानपुरकाे हेटौंडामा माघ १ गते छैठौं माघी महोत्सव हुने भएको छ । शनिबार महोत्सव सम्बन्धी जानकरी पत्रकार भेटघाट गरी गराइएकाे हाे ।
थारु जातिको साँस्कृतिक, लोक कला, भाषा दर्शन, साहित्य, रितिरिवाज, र थारु परिकारहरुको व्यवसायिकरण गर्न राष्ट्रिय तथा अन्तर्राष्ट्रिय स्तरमा प्रचार गर्ने उद्देश्यले महोत्सवको आयोजना गर्न लागिएको माघी महोत्सव मूल आयोजक समिति मकवानपुर सचिव चन्द्रकान्त चौधरीले जानकारी दिए ।
हेटौंडा उपमहानगरपालिकाकी प्रमुख मिना कुमारी लामाले उद्घाटन गर्ने महाे्सव सोमबार विहानबाट हेटौडा ४ स्थित भुटनदेवी माध्यामिक विद्यालयकाे प्राङ्गणमा हुनेछ । उद्घाटन अघि थारु जातिको पहिचान भल्किने भेषभुषा र साँस्कृतिक झाँकीसहित सिमाचोक, बुद्धचोक, कान्तिलोकपथ हुदै पुनः भुटनदेवी विद्यालयको चौरमा पुगी मूल समारोह सभामा परिणत हुने कार्यक्रम रहेको चौधरीले बताए ।
महोत्सवमा थारु जातिको विशेष परिकारहरु घुगी, तिलको लड्डु, बरी, अदौरी, गँगटो, अमादीके, आदिको सःशूल्क स्टल रहने छ । साथै थारु जातिको साँस्कृतिक नाचँगानको साथै आन्तरिक तथा बाह्य कलाकारहरुको गीत र नृत्यबाट दर्शकहरुलाई मनोरञ्जन दिने आयोजकले जनाएको छ ।

महोत्सवमा करिब ७ लाख ५० हजार खर्च हुने अनुमान गरिएकोे छ । साथै महोत्सवलाई करिब ५ हजार दर्शकले अवलोकन गर्ने अनुमान गरिएको सहसचिव रामानन्द चौधरीले बताए । सरकारले हरेक वर्ष माघी पर्व माघ १ गतेका दिनमा सार्वजनिक विदा दिने गरेको छ ।
महोत्सवकाे जानकारी दिन आयोजित पत्रकार सम्मेलनमा माघी महोत्सव मूल आयोजक समिति मकवानपुरका सभापति सचिदानन्द चौधरी, उपसभापति शिला चौधरी, सचिव चन्द्रकान्त चौधरी, सहसचिव रामानन्द चोधरी, कोषाध्यक्ष उमा चौधरी, साथै सदस्यहरु रिना चौधरी, सिया चौधरी, रञ्जु चौधरी, ललित चौधरी, सन्दिप चौधरी र सरोज चौधरी लगायतको उपस्थिति रहेको थियो ।
मकवानपुर। नेपाल मुस्लिम इत्तेहाद संगठनका केन्द्रीय अध्यक्ष तथा प्रतिनिधिसभा सदस्य सिराज फारुकीले मुस्लिम समूदायले देशहितलाई पहिलो प्राथमिकतामा राख्ने गरेको बताएका छन् ।
शनिबारबाट हेटौँडामा सुरु भएको नेपाल मुस्लिम इत्तेहाद संगठनको प्रथम बागमती प्रदेश अधिवेशनको उद्घाटन गर्दै फारुकीले मुस्लिम समूदाय देशप्रति बफादार हुने गरेको बताए ।
नेकपा एमाले निकट संगठनकाे अधिवेशनमा एमाले केन्द्रीय सदस्य समेत रहेका उनको गठवन्धन रहेसम्म देशले विकासको गति नलिने समेत बताए । गठवन्धनले देशका जनतालाई धोका दिईरहेको भन्दै आफ्नो अधिकार स्थापित गर्दा मुस्लिम समूदाय एक हुनुपर्ने बताए । अहिले गठवन्धनले विकासको गतिलाई रोकेर भागवण्डामा देशलाई अराजकता तर्फ लगिरहेको बताए ।
अध्यक्ष फारुकीले देश विकासको लागि एमालेको सरकार आवश्यक रहेको र त्यसको लागि मुस्लिम समूदायको भूमिका महत्वपूर्ण रहेको बताए । देशमा संविधान जारी भएको ८ वर्ष वितिसक्दा समेत मुस्लिम अधिकारको पक्षमा ऐन, कानून निर्माण हुन नसक्नु दुःखद विषय भएको भन्दै उनले आफूहरुले सदन मार्फत मुस्लिम समूदायको अधिकार स्थापनाको लागि आवाज बुलन्द गरेको बताए ।
शनिबारबाट सुरु बागमती प्रदेश प्रथम अधिवेशनले ३३ सदस्यीय कमिटि निर्माण गर्ने नेपाल मुस्लिम इत्तेहाद संगठनका केन्द्रीय उपमहासचिव एवम् संगठन विभाग प्रमुख जगुल मियाले बताए । अधिवेशनले एक अध्यक्ष, दुई उपाध्यक्ष, एक सचिव र एक उपसचिव सहितको कमिटि चयन गर्ने छ । अधिवेशनमा बागमती प्रदेशका १३ जिल्लाका करिब १ सय जना प्रतिनिधिहरु रहेका छन् ।
मकवानपुर । नेकपा (एमाले) मनहरी गाउँपालिका कमिटीले ३ महिने कार्ययोजना बनाएको छ ।
शुक्रबार मनहरी गाउँपालिका २, भुन्द्रुङटाँडीमा भएको पूर्ण बैठकले नेता तथा कार्यकर्तालाई पार्टी उपमहासचिव प्रदिप ज्ञावालीद्वारा प्रशिक्षण गर्ने निर्णय गरेको छ । यस्तै मातहतको वडा कमिटी एवम् जनसंगठनको बैठक नियमित गर्ने पनि निर्णय गरेको छ ।
यसैगरी जनसरोकारका बिषयहरुमा दरिलो ढंगले उपस्थिति जनाउने लगायतका निर्णय बैठकले गरेको छ । मनहरी कमिटिको प्रशिक्षण माघ १३ गते मनहरी ३ भुन्द्रुङमा आयोजना गर्ने एमाले मनहरी अध्यक्ष नवीन सुवेदिले बताए ।
बैठकमा प्रमुख अतिथि रहेका पार्टी पोलिटब्युरो सदस्य एवम मकवानपुर इन्चार्ज देवी प्रसाद ज्ञवालीले एमाले पार्टीले बनाएको कार्ययोजनामा रहेर पार्टी निर्माणमा लाग्न एमाले मनहरीका नेता/कार्यकर्ताहरुलाई निर्देशन दिए । यस्तै नेकपा (एमाले) संसदीय दलका सचेतक महेश वर्तौलाले आफू संसदमा मध्यवर्ती क्षेत्रका समस्या समाधानका लागि निकुञ्ज ऐनमा बसेर काम गरिरहेको बताए ।
बैठकमा एमाले प्रदेश कमिटी सदस्य एवम् मनहरी गाउँपालिकाका पुर्व अध्यक्ष एकाराज उप्रेती, पार्टी मकवानपुर जिल्ला कमिटी सदस्यहरु हेमलाल उप्रेतीलगायतका नेताहरुको उपस्थिति रहेको थियो ।
मकवानपुर । मकवानपुरकाे हेटौडामा भएकाे सवारी दुर्घटनामा ८ जना घाइते भएका छन् । जिल्लाकाे हेटौडा उपमहानगरपालिका १९ स्थित सान्नानिटारमा बुधबार भएको सवारी दुर्घटनामा उनीहरु घाइते भएका हुन् ।
बुधबार बिहान हेटौडा १९ सान्नानिटार स्थित पूर्व पश्चिम सडकखण्डमा मनहरीबाट हेटौडा आउँदै गरेको ना ७ ख ४२३८ नम्बरकाेको ट्यांकर र बिपरित दिशाबाट जादै गरेको बागमती प्रदेश ०१-०२७ च १०६३ नम्बरको ईसुजी पिकप गाडी एकआपसमा ठक्कर सादाँ पिकअपमा सवार व्यक्तिहरु घाइते भएकाे जिल्ला प्रहरी कार्यालय मकवानपुरले जनाएकाे छ ।
दुर्घटनामा भक्तपुर चागुनारायण ९ बस्ने ३२ वर्षीय निरु त्यात, साेही ठाउँ बस्ने ३३ वर्षीयको आरयान त्यात ११ वर्षीय रियान त्यात ५ वर्षीय रिवस त्यात, भक्तपुर नगरपालिका ५ वस्ने ३२ वर्षीय प्रकाश मठ्या,सोही ठाउँ बस्ने ३१ वर्षीय नबिना मठ्या ६ वर्षीय प्रसुन मठ्या तथा २२ महिनाकाे बालक प्रसुन मठ्या रहेकाे मकवानपुर प्रहरीले जनाएकाे छ ।
घाइते मध्ये आरयान आँखा हस्पिटल हेटौडामा उपचारकाे लागि पठाइएकाे छ भने प्रसुनलाई निगरानीमा राखिएकाे छ । अन्य घाइतेकाे हेटौडा अस्पतालमा उपचार पछि डिस्चार्ज भएका छन् भने ट्यांकर चालकलाई नियन्त्रण लिएकाे प्रहरीले जनाएकाे छ ।