मकवानपुर । हेटौंडामा विहीबारबाट सुरु भएको स्थानीय तह शहीद स्मृति गोल्डकप प्रतियोगिताकाे उद्घाटन खेलमा रिगल हेटाैडा रिसाेर्ट मकवानपुर-११ ले विजयी सुरुवात गरेको छ । नवजनजागृती युवा क्लब सिमरालाई ४-१ गोल अन्तरले हराउँदै मकवानपुर-११ ले विजयी सुरुवात गरेको हो । हेटौंडाको बन बिज्ञान अध्ययन सस्थानको खेलमैदानमा भएको प्रतियोगितामा आयोजकले छिमेकी बारा जिल्लाको नव जनजागृती युवा क्लबलाई ४–१ गोल अन्तरले पराजित गर्दै अन्तिम चारमा स्थान पक्का गरेको हो ।
मकवानपुरको लागि खेलको २८ औं मिनेटमा बिमल रानाले पहिलो गोल गरेका थिए । खेलको ३२ औं मिनेटमा सिमराका मोहित गुरुङ्गले गोल गर्दै खेललाई बराबरमा फर्काएका थिए । यसैगरि खेलको ५७ औं मिनेटमा रन्जन विष्ट,६६ औं मिनेटमा राना र ७७ मिनेटमा मकवानपुर–११ का अमिर श्रेष्ठले गोल गर्दै टोलिलाई ४–१ को जित दिलाए । खेलमा उत्कृष्ट खेल प्रर्दशन गर्दै दुई गोल गरेका बिमल राना मगर म्यानअफ द म्याच घोषित भए । उनले नगद १० हजार प्राप्त गरेका छन् ।

राष्ट्रिय टोली पुर्व सदस्य देखि ‘ए’ डिभिजनका खेलाडीले भरिएको मकवानपुर ११ ले फराकिलो नतिजा ल्याएता पनि सिमराको टोलीले पहिलो हाफको केहि समय मकवानपुर ११ लाई दबाबमा राखेको थियो । गोल्डकपमा नेपाल आर्मि क्लब,नेपाल एपिएफ क्बल, नेपाल पुलिस क्लब, मच्छिन्द्र क्लब, संकटा क्लब, जावलाखेल युथ क्लब काठमाडौंसहित मकवानपुर–११, नव जनजार्गती युवा क्लब सिमरा, बागमती युवा क्लब सर्लाही सहित १० टिम सहभागि रहेका छन् ।
प्रतियोगिताकाे तेस्रो संस्करण उद्घाटन धुर्मुस सुन्तली फाउन्डेसनका अध्यक्ष कलाकार सिताराम कट्टेल (धुर्मुस) ले गरेका थिए । प्रमुख अतिथि रुपमा प्रतियोगिताको उद्घाटन गर्न आएका गौतम बुद्ध अन्तराष्ट्रिय रंगशालाका निर्माणकर्ता तथा हास्यकलाकार धुर्मुसले खेल क्षेत्रलाइ माया गर्नेकाे अझै कमि रहेको बताएका छन् । उनले नेपालले खेल क्षेत्रको विकासका लागि पर्याप्त भौतिक संरचना नभएको कारण समस्या रहेको बताए । प्रतियोगिताका मकवानपुर जिल्ला फुटबल संघका अध्यक्ष टिकाराम लामाको अध्यक्षतामा भएको थियो ।

प्रतियोगिताको विजेता टोलीले ट्रफिसहित नगद १० लाख प्राप्त गर्नेछ भने उपविजेता हुने टोलीले ट्रफिसहित नगद ५ लाख प्राप्त गर्ने आयोजकले जनाएका छ । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोउत्कृष्ट हुने खेलाडीले बुलेट बाईक,नगद ट्रफिसहित नगद ५० हजार प्राप्त गर्नेछन् । प्रत्येक खेलमा एकजनालाई म्यान अफ दी म्याचबाट १० हजार पुरस्कृत गरिने भएको छ। नकआउटका आधारमा हुने प्रतियोगिता चैत ७ गते सम्म चल्नेछ।
२०६२/०६३ को जनआन्दोलनका शहीदहरुको सम्झनामा २०६४ सालमा राष्ट्रिय फुटबल प्रतियोगिताको पहिलो संस्करण आयोजना गरिएको थियो । पहिलो संस्करणको उपाधि थ्रिस्टार क्लबले जितेको थियो भने २०७५ सालमा भएको दोस्रो संस्करणको उपाधि घरेलु टोली मकवानपुर–११ ले जितेको थियो । हेटौंडामा जारी गोल्डकपको तेश्रो संस्करण विभिन्न प्रायोजकहरुको नाम राखेर सञ्चालन हुँदै आएको प्रतियोगिताका लागि यस वर्षबाट जिल्लाका १० वटा स्थानीय निकायले सहयोग गरेका छन् ।
मकवानपुर । नेपाल स्वास्थ्य सेवाका पारामेडिक्स र नर्सिङ समूहतर्फका गरी २ सय ७४ जनाकाे स्तरवृद्धि भएकाे छ । स्वास्थ्य सेवा विभागले उनीहरू कार्यसम्पादन मुल्याङ्कनको आधारमा स्तरवृद्धि गरेको हाे । विभागले पारामेडिक्स तथा नर्सिङतर्फका स्वास्थ्यकर्मीको स्तरवृद्धि भएको जानकारी दिएकाे छ ।
विभागले २०७७ साल असार र पुषा महिनामा स्तरवृद्धीका लागि फाइल दर्ता प्राप्त कागजातहरूका आधारमा पारामेडिक्स तथा नर्सिङतर्फका स्वास्थ्यकर्मीको स्तरवृद्धि गरेको जनाएकाे छ । पारामेडिक्स समूह तर्फ सहायक चौथो तहका १ सय १३ जनाको पाचौं तहमा स्तरवृद्धि भएकाे छ भने पाँचौ तहबाट १ सय ७ जनालाई छठौं तहमा स्तरबृद्धि गरेको विभागले जनाएको छ । नर्सिङ समूह तर्फका पाचौं तहका ५४ जनाको छैठौं तहका स्तरबृद्धि विभागले गरेको हो ।
- मिना चौलागाईं
१.
कहिले नाग जस्तै बनी आफ्नै मनलाई डस्नुपर्ने ।
भावनाको हत्यारा भइ आफैलाई छुरी धस्नुपर्ने ।
जब उड्छन् रहरहरू माथि माथि बादलमाथि-
फेरि मनलाई गाँठो पारी असिना भइ खस्नुपर्ने ।
२.
गन्तव्यमा लम्किएका तिमीलाई अलमलाउन सक्दिनँ ।
निर्जीव जस्तै भएकी छु आफै चलमलाउन सक्दिनँ ।
आशा नराख्नु तिमीले औँसीको रातसँग पूर्ण चन्द्रको-
अन्धकार छ जिन्दगी घाम झै झलमलाउन सक्दिनँ ।
३.
नारी उन्मुक्तिका मिठा नारा राष्ट्रपति भवनदेखि छाउपडीसम्म पुगोस् ।
शहरका ठूलाठूला महलदेखि गाउँमा खरका गरीब झुपडीसम्म पुगोस् ।
पुगोस् सुनको दाम्लोमा सजिएर सुनकै हतकडी र नेल लाउनेलाई सम्म-
पतिको कमाइमा रवाफ देखाएर महिलाकै खुट्टा तान्ने खोपडीसम्म पुगोस ।
४.
आँखाले एउटा मुखले अर्कै बोलेर ढाँटेको सम्झन्छु ।
एउटै गाँठोको लागि बाह्र हाते डोरी बाटेको सम्झन्छु ।
लाजले झुकेको शिर थोरै उठेर चार आँखा हुँदा भने-
घरीघरी तिम्रा ती नजरले सिमाना काटेको सम्झन्छु ।
५.
न त फुर्सद छ मनलाई न त कहिल्यै पालो हुन्छ ।
जीवनका हरेक कदम घनघस्याको उकालो हुन्छ ।
साँच्चै किन यस्तो हुन्छ भनिदेऊ न प्रिय मान्छे-
तिमी हरियो थोप्लोमा देखिदा रात नै उज्यालो हुन्छ ।
६.
नैतिक हरामहरूको लाज कसरी छोपिन्छ र नानाबाट ।
आफूलाई ठूला भन्नेहरूले केही सिक हामी सानाबाट ।
अरुले घोडा चढेको देखेर आफू धुरी चढ्नेले बुझ्नु-
मुरी हुनलाई पनि जम्मा गरिनुपर्छ मुठ्ठी हुँदै मानाबाट ।
७.
एउटा तस्वीर हेरी मुस्कुराउँछु ।
मनको धोको फेरी मुस्कुराउँछु ।
बिर्सनेलाई सम्झिनु भन्दिनँ तर-
म बिर्सेको पल केरी मुस्कुराउँछु ।
८.
न त दुखाइ नसम्झेरै टार्नलाई मान्छ यो मन ।
न जित्न सकियो न त हार्नलाई मान्छ यो मन ।
मनको झिनो भरोसामा कहिलेसम्म चल्ला मुटु-
न दु:खको अन्त्य वर सार्नलाई मान्छ यो मन ।
९.
विश्वासलाई कुल्चिएर घातको पुल तरेपछि ।
अलिअलि गर्दागर्दै अन्तै बसाइँ सरेपछि ।
दागबत्तीले हतार गर्छ सम्बन्धको मुहार हेर्न –
मन डढेर खरानी हुन्छ आफ्नोपन् मरेपछि ।
१०.
आफ्नै ठान हक जमाऊ, रिसाऊ अलिकति ।
मनमा केही शंका होलान् पिसाऊ अलिकति ।
छैनन् धेरै ठूला सपना थोरै आशा अवश्य छ-
मात्र प्रेमको सागरमा प्रेम नै मिसाऊ अलिकति ।
मकवानपुर । हेटौंडामा मिस मकवानपुर सिजन –३ प्रतियोगिता हुने भएको छ । कलिउड सुपर डान्स एण्ड फिटनेस प्रालि एवम् स्पाक्लिङ्ग सिज प्रालिको सहकार्यमा मिस मकवानपुर सिजन –३ हुने बुधबार पत्रकार सम्मेलन मार्फत आयोजकले जनाएको छ । प्रतियोगिता आगामी जेष्ठबाट अडिसन सुरु भई भदौमा ग्राण्ड फिनाले गरिने आयोजकले जनाएको छ ।
मिस मकवानपुर सिजन –३ संयुक्त आयोजनामा हुन लागेको कलिउड सुपर डान्स एन्ड फिट्नेस प्रालिका संचालक सुजन श्रेष्ठले जानकारी दिए । पत्रकार सममेलनमा शिक्षाविद् तथा समाजसेवी पुरन बहादुर जोशीले मिस मकवानपुर सिजन –३ प्रतियोगिताको भिडियो जिङ्गल सार्वजानिक गरेका थिए । कार्यक्रममा बोल्दै शिक्षाविद् जोशीले विजेता हुनेले हेटौंडा स्कुल अफ म्यानेजमेन्टको ब्रान्ड एम्बेसडरको रुपमा एक वर्ष रहने गरी नियुक्ती गरिने समेत बताए ।
मिस मकवानपुर सिजन–३ सहभागि हुन कुनै शुल्क नलाग्ने र प्रतियोगिता सुरु हुनु भन्दा दुई महिना अघिबाट हुने तालिममा नि:शुल्क खाजाको व्यवस्था समेत रहेको आयोजकले जनाएको छ ।प्रतियोगिताको उपाधि विजेताले चादीँको ताज र नगद एक लाख रुपँया तथा विभिन्न पुरस्कार प्राप्त गर्नेछन् भने उपविजेताले नगद ५० हजार सहित आकर्षक पुरस्कार प्राप्त गर्नेछन् । यस्तै तृतीय हुनेले नगद २५ हजार सहित आकर्षक पुरस्कार प्राप्त गर्नेछन भने भ्युवर्स च्वाईसले नगद २० हजार रुपँया प्राप्त गर्नेछन् ।
प्रतियोगितामा सहभागिता जनाउन १६ वर्ष पूरा भई २४ वर्ष ननाघेको अविवाहित नेपाली नागरिक हुनुपर्ने बताईएको छ । यस्तै सहभागीको उचाई ५ फिट हुनुपर्ने छ भने शैक्षिक योग्यता एसईई उत्तिण हुनुपर्ने प्रावधान रहेको आयोजकले जनाएको छ । प्रतियोगितामा करिब २८ लाख रुपैया खर्च हुने जनाएको छ ।
यसअघि स्पाक्लिङ्ग सिजले मिस मकवानपुर-२०१८ र कलिउड सुपर डान्स एन्ड फिटनेसले मिस कलिउड-२०१९ गरिसकेको छ । पत्रकार सम्मेलनमा यसअघि मिस मकवानपुर-२०१८ र मिस कलिउड-२०१९का विजेताहरुको पनि सहभागिता रहेको थियो ।