म तिमीलाई बचाउँछु तिमी मलाई बचाउँः विश्व वातावरण दिवस रूख राेपी मनाइदै । ‘नयाँ सोच र सिर्जना, प्राकृतिक प्रणालीको पुनः स्थापना’ नाराका यस वर्षकाे दिवस मनाएको छ। हरेक वर्ष जुन ५ मा वातावरण दिवस मनाउने संयुक्त राष्ट्र संघले घाेषणा गरे पछी नेपालमा पनि यो दिवस मनाइन्छ लागिएको हो। तर, कोरोना महामारीका कारण यस वर्ष सार्वजनिक कार्यक्रम राखिएको छैन। तस्विरः श्रुती राइ बस्नेतकाे फेसबुकबाट
फिलिपिन्समा आयोजना हुने एसियन भलिबल च्याम्पियनसिपको लागि शुक्रबारदेखि सुरु हुने भनिएको नेपाली राष्ट्रिय महिला भलिबल टोलीको प्रशिक्षण सरेको छ । नेपाल भलिबल संघका सचिव मनवीर छन्त्यालले नेपाली टोलीको प्रशिक्षण जेठ महिनाभरका लागि स्थगित गरिएको र १ असारबाट प्रशिक्षण सुरु गरिने तयारी भइरहेको जानकारी गराए ।
उनका अनुसार राष्ट्रिय टोलीको प्रारम्भिक चरणमा स्थान बनाएका १५ भन्दा बढी खेलाडी उपत्यकाबाहिर रहँदा आउन समस्या भएपछि तत्कालका लागि स्थगति गर्नुपरेको हो । प्रशिक्षण अघि खेलाडीको पीसीआर परीक्षण गरिनेछ । नेपाल भलिबल संघ (एनभीए)ले गत १४ जेठमा एसियन च्याम्पियनसिपको तयारीलाई लक्षित गर्दै ३० सदस्यीय प्रारम्भिक टोली घोषणा गर्दै २१ जेठबाट प्रशिक्षण सुरु गरिने बताएको थियो ।
संघले चैत्र तेस्रो आयोजना भएको पाँचांै आरबीबी एनभीए राष्ट्रिय महिला तथा पुरुष क्लब भलिबल च्याम्पियनसिपको प्रदर्शनलाई आधार मान्दै संघकी उपाध्यक्ष निरोज मास्के संयोजक तथा राखेप मुख्य प्रशिक्षक प्रज्ज्वलबहादुर सिंह र महिला टोलीका मुख्य प्रशिक्षक जगदीश भट्ट सदस्य रहेको तीन सदस्यीय समितिले खेलाडी छनोट गरेको थियो । यसपटक घोषणा गरिएको टोलीमा ९ खेलाडीले पहिलोपटक राष्ट्रिय टोलीको बन्द प्रशिक्षणमा सहभागी हुने अवसर पाएका छन् ।
जगदीश भट्ट नै टोलीको मुख्य प्रशिक्षक रहनेछ । ट्रेनरमा महिला भलिबलका पूर्व कप्तान अन्जु श्रेष्ठ तथा व्यवस्थापकका निरोज मास्के रहनेछिन् । प्रशिक्षक भट्टकै नेतृत्वमा नेपालले विसं २०७६ मा एभिसी सेन्ट्रल जोनमा स्वर्ण तथा १३औं सागमा रजत पदक जितेको थियो । राजधानीबाट
मकवानपुर । जनता समाजवादी पार्टी (जसपा)को महन्थ ठाकुर पक्षलाई सरकारमा सहभागी गराएर
प्रधानमन्त्री केपी शर्मा ओलीले मन्त्रीपरिषद् विस्तार गरेका छन् । जसपाका वरिष्ठ नेता राजेन्द्र महतोको नेतृत्वमा सरकारमा सहभागी भएसँगै महताे उपप्रधानमन्त्री भएका छन् ।
यसै गरी शरदसिंह भण्डारी, अनिल झा, लक्ष्मणलाल कर्ण, विमल श्रीवास्तव, उमाशंकर अरगरिया, चन्दा चौधरी र एकबाल मिया मन्त्री बनेका छन् । महतो उपप्रधान सहित शहरी विकास मन्त्रीमा नियुक्त भएका छन् भने भण्डारीले उर्जा, जलस्रोत तथा सिचाई मन्त्रालयको जिम्मेवारी पाएका छन् । झा खानेपानी र कर्ण भूमि व्यवस्था, सहकारी तथा गरिबी निवारण मन्त्री बन्दा श्रीवास्तवलाई श्रम, रोजगार तथा सामाजिक सुरक्षा र अरगरियालाई युवा तथा खेलकुद मन्त्रालय परेको छ ।
यस्तै चौधरीलाई महिला, बालबालिका तथा जेष्ठ नागरिक र एकबाल मिया वन तथा वातावरण् मन्त्रालयको जिम्मेवारी दिइने जसपाका एक नेताले बताए ।
जसपाबाट २ राज्यमन्त्री पनि नियुक्त भएका छन । चन्द्रकान्त चौधरी उर्जा र रेनुका गुरुङ महिला बालबालिका राज्यमन्त्रीमा नियुक्त भएका छन् ।
प्रधानमन्त्री केपी शर्मा ओलीले चुनावी सरकार पुनर्गठन गरेका हुन् । नयाँ गठन भएको मन्त्रिपरिषदमा वर्तमान अर्थमन्त्री विष्णु पौडेल उपप्रधानसहितको अर्थमन्त्री बनेका छन् । प्रधानमन्त्री ओलीले मौजुदा मन्त्रिपरिषद पुनर्गठन गरी १७ सदस्यीय नयाँ मन्त्रिपरिषद बनाएका हुन्। उनले नयाँ बनाएको मन्त्रिपरिषदको तेस्रो बरियतामा राजेन्द्र महतो उपप्रधानमन्त्री बनेका छन् । त्यसैगरी, रघुविर महासेठ पनि उपप्रधानमन्त्री सहित परराष्ट्र मन्त्रालय दिइएको छ । नव नियुक्त मन्त्रीहरुको सपथ लिएका छन् ।
आज गठन भएको मन्त्रिपरिषदको कार्य विभाजन यसप्रकार छः
१. प्रधानमन्त्री केपी शर्मा ओली: रक्षा, गृह,सञ्चार, पर्यटन, कृषि, उद्योग वाणिज्य र सामान्य प्रशासन।
२. विष्णु पौडेल: उपप्रधानमन्त्री, अर्थ
३. राजेन्द्र महतो: उपप्रधानमन्त्री, शहरी विकास
४. रघुवीर महासेठ: उपप्रधानमन्त्री, परराष्ट्र
५. शेरबहादुर तामाङ: स्वास्थ्यमन्त्री
६. कृष्णगोपाल श्रेष्ठ: मन्त्री, शिक्षा
७. बसन्तकुमार नेम्वाङ: मन्त्री, भौतिक पूर्वाधार तथा यातायात
८. लीलानाथ श्रेष्ठ: मन्त्री, कानून न्याय तथा संसदीय मामिला
९. शरतसिंह भण्डारी: मन्त्री, ऊर्जा
१०. अनिल झा: मन्त्री, खानेपानी तथा सरसफाई
११. विमल श्रीवास्तव: श्रम तथा रोजगार
१२. उमाशंकर अरगरिया: मन्त्री, वन तथा वातावरण
१३. लक्ष्मणलाल कर्ण: मन्त्री, भूमि व्यवस्था
१४. चन्दा चौधरी: मन्त्री, महिला,बालबालिका तथा ज्येष्ठ नागरिक
१५. एकवाल मियाँ: मन्त्री, युवा तथा खेलकुद
१६. चन्द्रकान्त चौधरी: राज्यमन्त्री, ऊर्जा
१७. रेणुका गुरुङ: राज्यमन्त्री, महिला, बालबालिका तथा ज्येष्ठ नागरिक
को को बाहिरिए ?
मन्त्रिपरिषदबाट एमाले महासचिव ईश्वर पोखरेलसहित ९ मन्त्री र ३ राज्यमन्त्री बाहिरिएका छन् । परराष्ट्रमन्त्री प्रदीप ज्ञवाली, स्वास्थ्य तथा जनसंख्यामन्त्री हृदयेश त्रिपाठी, संस्कृति पर्यटन तथा नागरिकमन्त्री भानुभक्त ढकाल, कृषि तथा पशुपक्षी विकासमन्त्री पद्माकुमारी अर्याल, सञ्चारमन्त्री र्पावत गुरुङ र भूमि व्यवस्था, सहकारी तथा गरिबी निवारणमन्त्री डा. शिवमाया तुम्बाहाम्फे विदा भएका छन् ।
यस्तै संघीय मामिला तथा सामान्य प्रशासनमन्त्री गणेश गठुन्ना, वन तथा वातावरणमन्त्री प्रेमबहादुर आले र महिला बालबालिका तथा ज्येष्ठ नागरिकमन्त्री जुलीकुमारी महतो पनि विदा भएका छन् । स्वास्थ्य राज्यमन्त्री नवराज राउत, सहरी विकास राज्यमन्त्री रामवीर मानन्धर र उद्योग राज्यमन्त्री विमला विक पनि सरकारबाट विदा भएका छन् ।
को–को यथाबत ?
मौजुदा मन्त्रिपरिषद्का चार मन्त्रीलाई भने प्रधानमन्त्री ओलीले कायमै राखेका छन् । अर्थमन्त्री पौडेलसँगै भौतिक पूर्वाधारमन्त्री वसन्त नेम्वाङ, शिक्षामन्त्री कृष्णगोपाल श्रेष्ठ र कानूनमन्त्री लीलानाथ श्रेष्ठलाई भने निरन्तरता दिइएको छ ।
- गंगा खड्का
“हेर है बहिनी ! बेलैमा अस्पताल गएर उपचार गर ।अहिले त निसन्तान केन्द्रहरु कति खुलेका छन् कति ।” अनुलाई धेरैले भन्थे ।”
आ! भए सय शोक ,नभए एकै शोक! सन्तान हुनेहरूका पनि देखेको छु ।” अनुले सबैका कुरालाई यसरी नै टारिदिन्थी । धेरै वर्षसम्म काख रित्तो हुँदा नि अनुले सन्तानप्राप्तिको रहरलाई मनको कुनाभित्रै तुहाएर राख्थी ।
एक दिन उसको लोग्नेले भन्यो , बूढी दाजुभाइ ,दिदीबहिनीको छोराछोरीले हेर्लान् जस्तो छैन ।अब ४० कटेपछि अस्पताल गएर के गर्नु । तिम्रो जीउ पनि रोगी छ ।अस्पताल गएर ज्यानलाई प्रयोगशाला बनाएर के गर्नु । तिमीलाई म कहिले पनि दु: खमा राख्ने छैन । बरु म अर्को बिहे गरुँ कि क्या हो?
“घरलाई स्वर्ग र श्रीमानलाई भगवान मान्ने उसले आफ्नै हातले सौता भित्राई । दोस्रो बिहेको ५ वर्षपछि पनि सन्तान भएनन् ।अब भने अस्पतालको धोका धकधकाउन उनीहरू बाध्य भए।अस्पतालमा उसका श्रीमान् र सौताका सबै जाँच गरियो ।
हस्पिटलको रिपोर्ट हातमा थमाइदिँदै उसका लोग्नेले भने,” बूढी तिमीजस्ती देवीको अवतारले म दैँत्यको छाया परेको राक्षसलाई किन ब्युँताइदिनौ ? अर्को बिहे गर्ने मेरो प्रस्तावलाई किन अस्वीकार गरिनौ? आज फेरि अर्को जिन्दगी बिग्रेको छ ।सन्तान प्राप्तिको लागि म पो असक्षम रहेछु त !”
मकवानपुर । हरेक साताकाे शुक्रबार र शनिबार बेलुकी ८ बजेबाट हिमालय टीभी एचडीमा प्रशारण हुँदै आएको ‘द भ्वाइस अफ नेपाल’आजबाट सुरु हुने भएकाे छ ।
२ सातासम्म रोकिएको नेपालकै नम्बर १ रियालिटी शो ‘द भ्वाइस अफ नेपाल ३’ काे शो प्रशारण निर्धारित समयमा नै सुरु हुने शोका निर्देशक लक्ष्मण पौडेलले बताए ।
२ साताअघि कोरोना संक्रमणको जोखिम बढेको भन्दै शोका नयाँ भागहरु छायांकन गर्न नसकेकाले प्रशारण रोकिएको जानकारी यसको टिमले गराएको थियो । यो शोका ३ जना निर्णायक प्रमोद खरेल, तृष्णा गुरुङ र दीप श्रेष्ठलाई कोरोना संक्रमण पुष्टी भएको थियो । जसमध्ये, प्रमोद र तृष्णा कोरोनामुक्त भैसकेका छन् । दीप श्रेष्ठको भने अस्पतालमा उपचार भैरहेको छ । साथै केही प्रतिस्पर्धीहरुलाई कोरोना संक्रमण भएपछि शो नै प्रभावित भएको थियो ।
आज बेलुकी प्रशारण हुने भागमा नकआउट चरण अन्तरगत प्रतिस्पर्धीहरुले प्रतिस्पर्धा गर्नेछन् ।