मकवानपुर । अहिले नेपालमा पश्चिमी वायुको साथै पश्चिमी न्यून चापीय प्रणालीको समेत प्रभाव रहेको छ । जसको प्रभावले हिमाली क्षेत्रमा आंशिक देखि साधरणतया बदली रही एक–दुई स्थानमा हल्का वर्षाकाे सम्मभावना रहेकाे छ । साथै केही हिमाली क्षेत्रमा हिमपातको सम्भावना समेत रहेको जल तथा मौसम विज्ञान विभागकाे मौसम पूर्वानुमान महाशाखाले जनाएकाे छ ।
महाशाखाका अनुसार पहाडी क्षेत्रमा आंशिक देखि साधरणतया बदली रहने सम्भावना रहेको छ भने तराई क्षेत्रमा आंशिक बदली देखि मुख्यतया सफा रहने सम्भावना छ । आइतबार रातिदेखि सुदूरपश्चिम क्षेत्रबाट सुरु भएको मौसम बदलीले मंगलबार देशका धेरै जसो स्थानमा प्रभाव पारेको महाशाखाले जनाएकाे छ । काठमाडौं उपत्यकालगायत केही स्थानमा मंगलबासर साँझ सामान्य वर्षा समेत भएको थियो ।
पश्चिम न्यूनचापीय प्रणालीका कारण आकाशमा बादल टम्म लागे पनि वर्षा भने न्यून भयो । अहिले पनि आकाशमा बादल लागेकाे छ । पश्चिमका डडेलधुरा तथा दिपायल क्षेत्रमा पानी परेको छ भने उच्च पहाडी र हिमाली क्षेत्रमा हिमपात र कतैकतै हल्का वर्षा भएको छ । बुधबारबाट मौसममा क्रमिक सुधार भए पनि शुक्रबार रातिदेखि फेरि अर्को प्रणाली आउने सम्भावना देखिएको मौसम पूर्वानुमान महाशाखाले जनाएकाे छ । उक्त प्रणालीको मुख्य असर पश्चिम नेपालमा पर्ने र काठमाडौं उपत्यकासम्म वर्षा गराउने सम्भावना रहेकाे छ ।
बिहानको समयमा तराई तथा उपत्यका केही स्थानहरूमा हुस्सु तथा कुहिरोको सम्भावना रहेकाले दैनिक जनजीवन, स्वास्थ्य, यातायात तथा हवाई उड्डयनमा आंशिक असर पर्नसक्ने हुनाले आवश्यक सतर्कता अपनाउन महाशाखाले अनुरोध गरेको छ ।
मकवानपुर । देशमा अहिले पश्चिमी वायुको आंशिक प्रभाव रहेकोले आंशिक बदलीको अवस्था रहेको छ ।
पश्चिमी वायुको प्रभावले कोशी, बागमती, गण्डकी तथा कर्णाली प्रदेशका उच्च पहाडी तथा हिमाली भागमा आंशिक बदलीको अवस्था रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ । बाँकी भूभागमा सामान्यतया मौसम सफा रहेको छ । कर्णाली र सुदूरपश्चिम प्रदेशको हिमाली क्षेत्रमा आंशिक बदली रही एक–दुई स्थानमा हल्का हिमपातको सम्भावना रहेको छ ।
यसैगरी बिहानको समयमा तराई तथा उपत्यकाका केही स्थानमा हुस्सु लाग्नुका साथै अन्य स्थानमा कुहिरो लाग्ने सम्भावना रहेकाले दैनिक जनजीवन असर पर्न सक्ने हुनाले आवश्यक सतर्कता अपनाउनु महाशाखाले अनुरोध गरेको छ ।
यस्तै नेपालको पश्चिमी भूभागमा अबको केही दिन पुनः चिसो बढ्ने भएको छ । पश्चिमी न्यूनचापीय प्रणालीका कारण नेपालको पश्चिमी क्षेत्रमा बदलीको अवस्था रहने, हल्का वर्षा तथा हिमपातसँगै चिसो बढ्ने सम्भावना रहेको महाशाखाले जनाएको छ ।
महशाखाका अनुसार पश्चिमी न्यूनचापीय प्रणालीको असर आइतबारदेखि पश्चिम नेपाल विशेषगरी कर्णाली क्षेत्रमा देखिने छ । उक्त असर लुम्बिनी प्रदेशसम्म नै पर्ने र केही असर काठमाडौसम्म आइपुग्ने मौसमविद् बताउँछनन् । “पश्चिमबाट पूर्वतर्फ आउँदा प्रणाली कमजोर हुँदै आउने र काठमाडौमा पनि थोरै बदली भई छिटपुटसम्म वर्षा हुनसक्ने छ, चिसो पनि केही बढ्ने छ ” मौसमविद शान्ति कंडेलले भनिन् ।
प्रणाली लुम्बिनीमा आइपुग्दा भने कमजोर हुने र त्यसको सामान्य असरमात्रै पूर्व तथा मध्यतिर पर्ने जनाइएको छ । यसले पश्चिम नेपालका हिमाली क्षेत्रमा बढी हिउँ पर्ने र पश्चिम नेपालका तराईका क्षेत्रमा चिसो बढ्ने देखिन्छ ।
मकवानपुर । मकवानपुर जिल्लाको १० वटा स्थानीय तह मध्ये स्थानीय तह वित्तिय सुशासन जोखिम मुल्यांकन (लिजा) मा थाहा र मनहरी समान अंकसहित उत्कृष्ठ भएका हुन् ।
लिजामा थाहा नगरपालिका र मनहरी गाउँपालिकाले समान ७३.०५ अंक प्राप्तगरि प्रथम स्थान हासिल गरि उत्कृष्ट भएका हुन्। त्यसैगरी हेटौडा उपमहानगरपालिकाले ७१.०५ अंक प्राप्त गरि द्वितीय स्थान हासिल गरेको छ । मकवानपुरगढी गाउँपालिका र कैलाश गाउँपालिकाले समान ७०.०५ अंक प्राप्त गरि तृतिय स्थान प्राप्त गरे छन् ।
जिल्ला समन्वय समिति मकवानपुरको वार्षीक समीक्षा कार्यक्रममा बुधबार प्रथम द्वितीय र तृतीय स्थान हासिल गर्ने पालिकालाई सम्मान
गरिएको छ । सबै स्थानीय तहले निश्चित सूचकका आधारमा आफ्नो मूल्यांकन आफैं गरी आफैंबाट सुधार गर्न संघीय मामिला तथा सामन्य प्रशासन मन्त्रालयले स्वमूल्यांकन प्रणाली ‘लिजा’सञ्चालनमा ल्याएको हो ।
स्थानीय तहले गरेको स्वमूल्यांकनका आधारमा केन्द्रीय सरकारले सम्बन्धित स्थानीय तहलाई अनुदान पठाउनेलगायतका सुविधासमेत प्रदान गर्ने गरेको छ ।
स्थानीय तहले संस्थागत संरचना र क्षमता विकासको अवस्था, पारदर्शिता, जवाफदेहिता, बेरुजुको अवस्था र सुशासनको अवस्थालगतयका आधारमा आफ्नो मूल्यांकन गर्ने गरी १०० सूचकको निर्धारण गरिएको छ । स्थानीय तहले गरेको स्वमूल्यांकनलाई अन्तिम जाँच गर्ने जिम्मेवारी भने जिल्ला समन्वय समितिलाई दिएको छ ।