मकवानपुर । हेटाैंडा उपमहानगरपालिका वडा ९ काे कार्यालय भवन उद्घाटन गरिएकाे छ ।
६७ लाख बजेटमा निर्माण गरिएकाे कार्यालयबाट अब सहज सेवा प्रवह गर्न सकिने वडा अध्यक्ष सुकराम केसीले बताए । बुधबार नगर प्रमुख मिना कुमारी लामा र उपप्रमुख राजेश बाँनियाले भवनकाे उद्घाटन गरेका हुन् । कार्यक्रममा नगर कार्याकारी प्रमुख रामबाबु पुरी, वडा अध्यक्षहरु सविन न्योैपाने, जुना दहाल, पेम्वा लामा, सुनिल मोक्तान, फुर्वा दोर्जे लामालगायतकाे उपस्थिति रहेकाे थियाे ।

भवन जति सुन्दर छ त्यसैगरि सेवा प्रवाह पनि सहज र सुन्दर तरिकाले गर्न लामाले निर्देशन दिइन् । ९ नम्बर वडावासीलाई स्वास्थ्य सेवा प्रदान गर्नकाे लागि अझै स्वास्थ्यकेन्द्रकाे आवश्यकता परेकाे अध्यक्ष केसीले बताए । भवन निर्माणकाे लागि करीव ३५ लाख रुपैया आवश्यक परेकाे केसीले बताए । बजेट प्राप्त हुन सकेमा यही आर्थिक वर्षमा भवन निर्माण सक्ने उनले बताए । वडा कार्यालयले आयाेजना गरेकाे कार्यक्रममा विभिन्न निर्माण कम्पनी तथा उपभाेत्ता समितिहरुलाई सम्मान गरिएकाे थियाे ।
चितवन। चितवन राष्ट्रिय निकुञ्ज क्षेत्रमा मंगलबारदेखि विक्रम बाबा पूजा एवम् मेला सुरु भएको छ ।
प्रत्येक वर्ष चैत कृष्ण औँशीको दिनदेखि शुरु भएर वैशाख पूर्णिमासम्म मेला सञ्चालन हुने गर्दछ । यस वर्ष पनि चैत कृष्ण औँशीको दिनदेखि शुरु भएर वैशाख ११ गते पूर्णिमाको दिनसम्म मेला सञ्चालन हुनेछ ।
मंगलबार भरतपुर महानगरपालिका उप प्रमुख एवम् मेला आयोजना मुल समारोह समितिका संयोजक चित्रसेन अधिकारीले एक कार्यक्रमका बिच विक्रम बाबाको पूजा आराधना गरी मेलाको शुभारम्भ गरे । मेलाको शुभारम्भ गर्नुहुँदै नगर उपप्रमुख अधिकारीले विक्रम बाबा सबैको आस्थाको केन्द्र भएको बताए । `हिजोका दिनमा थारु समुदायले मात्रै मनाउँदै र मान्दै आएको यस पर्वलाई अहिले सबै जातजातिहरुले उतिकै महत्वका साथ मनाउँदै आएको पाइन्छ´ उप प्रमुख अधिकारीले भन्नुभयो `विक्रमबाबा हामी सबैको आस्था र धरोहर पनि हो ।´
चैते दसैँमा हजारौं भक्तजनले विक्रमबाबा दर्शन गर्ने र पशुपंक्षी वली दिने प्रचलन रहिआएको छ । मेलामा चितवन सहित नवलपुर, नवलपरासी, तनहुँ, लमजङ, गोर्खा, मकवानपुरलगायतका जिल्लाबाट दर्शनार्थी तथा भक्तजनहरु आउने गर्छन् । साथै छिमेकी राष्ट्र भारतबाट पनि दर्शनार्थी तथा भक्तजनहरु आउने गर्छन् ।
मन्दिरमा पूजा गर्नका लागि बिहान ६ बजेदेखि साँझ ५ बजेसम्म समय तोकिएको छ । साँझ ५ वजे पछि जंगली जनावारको चहलपहल हुने भएकाले सो समय निर्धाारण गरिएको निकुञ्ज प्रशासनले जानकारी दिएको छ ।
विक्रमबाबाको दर्शन गर्नाले सन्तान प्राप्ति, सुख शान्तिलगायतका मनोकांक्षा पूरा हुने जनविश्वास रहिआएको पाइन्छ । जानकारहरुका अनुसार वनाम गरेको आदीबासीहरुको (गुरौ) को बाघको आक्रमणबाट ज्यान गएको ठाउँमा पूजा गर्नाले मनले चिताएको पूरा हुन्छ भन्ने विश्वास पनि रहिआएको छ ।
चितवनको राप्ती पुलबाट करिब २ किलोमिटर निकुञ्ज भित्र विक्रमबाबाको दर्शन तथा पूजापाठ गर्ने गरिन्छ ।
मेलामा धुमपान तथा मद्यपानलाई पूर्णरुपमा निषेध गरिएको छ । त्यस्तै मेला परिसरमा सहायता कक्ष र हेल्थ डेस्क पनि राखिएको छ । भक्तजनहरूको स्वास्थ्य अवस्थालाई मध्यनजर गर्दै एम्बुलेन्स,भइपरी आउने दैवी प्रकोप तथा उद्धार को लागि दमकल पनि मेला अवधिभर मेला परिसरमा रहनेछ । विक्रमबाबा पूजा स्थल कसरा क्षेत्रको भित्री व्यवस्थापनको जिम्मा चितवन राष्ट्रिय निकुञ्जले गरेको छ भने बाहिरी क्षेत्रको मेला व्यवस्थापनको जिम्मा नगर प्रहरी बल, नेपाल प्रहरी र सशस्त्र प्रहरी बलले लिएको छ ।
झण्डै ७ लाख दर्शनार्थीहरुले मेला अवलोकन गर्ने अनुमान गरिएको कार्यसम्पादन समितिका सयोजक एवम् भरतपुर- २३ का अध्यक्ष दीपक दवाडीले जानकारी दिए ।
मकवानपुर । प्रथम अन्तर प्रदेश राष्ट्रिय खेलकुद प्रतियोगिता अन्तरगत भएकाे करातेमा ९ स्वर्णसहित १६ पदकका साथ बागमती प्रदेश प्रथम भएकाे छ ।
बागमती प्रदेशकाे चितवन जिल्ला भरतपुरमा जारी खेलमा बागमती प्रथम भएकाे हाे । चितवन जिल्लाकाे औद्योगिक प्रदर्शनी केन्द्रमा भएको तेक्वान्दो र कराते प्रतियोगिता बुधबार सकिएका छन् । करातेको दुई विधा ‘काता’ र कुमुते अर्थात् फाइटमा ९ स्वर्ण ३ रजत र ४ काश्य पदकसहित १६ पदकका साथ बागमती प्रदेश प्रथम भएको छ ।
४ स्वर्ण ३ रजत र २ काश्य पदकसहित कुल ९ पदकका साथ लुम्बिनी प्रदेश द्वितीय भयो भने ३ स्वर्ण २ रजत र ५ काश्यपदक सहित १० पदकका साथ सुदूरपश्चिम प्रदेश तृतीय हुन सफल भयो ।
कोशी प्रदेशले एक स्वर्ण ६ रजत र ६ काश्यपदक सहित कुल १३ पदक जित्न सफल भयो भने कर्णालीले एक स्वर्ण, ५ काश्य पदकसहित ६ पदक हात पार्यो । गण्डकीले एक रजत र ५ काश्यपदक पदकसहित ६ पदक, मधेश प्रदेशले पनि १ रजत र ७ काश्य पदकसहित ८ पदक जित्न सफल भयो ।
विजेताहरुलाई राष्ट्रिय खेलकुद परिषद्का पूर्व सदस्य सचिव एवं करातेका अध्यक्ष युवराज लामा, बागमतीका सांसद इश्वर सापकोटा, प्रदेश खेलकुद विकास परिषद् बागमतीका सदस्य सचिव सूर्य भण्डारीले पुरस्कार वितरण गरेका थिए ।
बक्सिङतर्फ विभिन्न तौल समूहका क्वाटरफाइनल तथा सेमीफाइनलका खेलहरु सम्पन्न भएका छन् । यस्तै चित्रवन रंगशालामा एथलेटिक्सका खेलहरु सम्पन्न भएका छन् । पुरुष तथा महिला भलिबल भरतपुर–१०, स्थित गेष्टहाउस चौर जारी छ ।
ब्याडमिन्टन भरतपुर कवर्डहलमा भइरहेका छन् । ब्याडमिन्टनमा पुरुष टिम इभेन्टमा कोशी प्रदेश प्रथम भएको छ भने बागमती द्वितीय, कर्णाली र लुम्बिनी प्रदेश तृतिय भएका छन् ।
त्यस्तै महिला टिम इभेन्ट तर्फ पनि कोशी प्रदेश नै प्रथम भएको छ कर्णाली प्रदेश द्वितीय , गण्डकी र बागमती प्रदेशले तृतीय स्थान हासिल गरेको छ । अन्य इभेन्टका फाइनल खेलहरु बुधबार हुनेछन् । बखान स्मृति रंगशाला जारी महिला फुटबलतर्फ मंगलबार क्वाटरफाइनल चरणका खेलहरु सम्पन्न भए ।
मकवानपुर । सडक निर्माण तथा मर्मतकाे काम जारी रहेकाेले मकवानपुरकाे हेटौँडा–काठमाडौँ जोड्ने छोटो दूरीको मार्ग अन्तर्गत कुलेखानी–फाखेल–फर्पिङ सडक आजबाट बन्द हुने भएको छ ।
मकवानपुर हुँदै काठमाडौँ जोड्ने कुलेखानी–फाखेल–फर्पिङ सडकको फर्पिङ–टल्कु–हुमाने सडक खण्ड अन्तर्गत लामा गाउँदेखि टल्कु बोसिन्डोलसम्मको भागमा कालोपत्रेको क्रममा कुलेखानी–फाखेल–फर्पिङ सडक बन्द भएको हो । 
दक्षिणकाली नगरपालिकाले कुलेखानी–फाखेल–फर्पिङ सडकको लामा गाउँदेखि टल्कु बोसिन्डोलसम्मको तीन किलोमिटर सडक कालोपत्रे गर्ने कार्य आजबाट सुरु गर्न लागेको जनाएको छ ।
दक्षिणकाली नगरपालिकाकाे लामा गाउँदेखि टल्कु बोसिन्डोलसम्मको सडक कालोपत्रेको क्रममा अर्को सूचना नभएसम्मका लागि उक्त सडक बन्द गरिएको प्रहरीले जनाएकाे छ । अर्को सूचना जारी नभएसम्मको लागि उक्त सडक भएर गुड्ने सवारी साधनहरू वैकल्पिक सडक प्रयोग गर्नुहुन आग्रह गरिएकाे छ ।
उक्त सडक खण्डको हुमाने भन्ज्याङदेखि लामा गाउँ पीपलबोटसम्म यसअघि कालोपत्रे गर्ने कार्य सम्पन्न भएकोमा दोस्रो चरणको लामा गाउँदेखि टल्कु बोसिन्डोलसम्मको सडक कालोपत्रे गर्न लागिएको हो ।
बालमैत्री गीत प्रतियोगितामा निशा प्रथम
Tags: No Comments
मकवानपुर । मकवानपुरको हेटौंडा उपमहानगरपालिकाले गरेको बालमैत्री स्थानीय शासन सम्बन्धी गीत प्रतियोगीमा निशा कट्टेल प्रथम भएकी छिन ।
प्रतियोगिताको लागि प्राप्त ६ जनाको गीत मध्ये कट्टेलको गीतले प्रथम स्थान हासिल गरेको हो । प्रथम हुँदै उनले नगद १५ हजार रुपैयाँ नगद सहित प्रमाणपत्र प्राप्त गरिन । यस्तै प्रतियोगितामा ओकिलराज बानियाँको गीत द्वितीय र कृतिका लौडारीको गीतले तृतीय स्थान हासिल गरेको हो । बानियाँ र लौडारीले क्रमशः नगद १० हजार र ८ हजार हात पारे ।
महिला तथा बालबालिका शाखाले सोमबार हेटौंडामा बालमैत्री स्थानीय शासन सम्बन्धी आयोजना गरेको कार्यक्रममा प्रतियोगी गीत वाचन/गायनसहित पुरस्कार प्रदान गरेको हो । उनीहरुलाई बालमैत्री स्थानीय शासन तालिम राष्ट्रिय संयोजक बिष्णु प्रसाद चौबे, महाशाखा प्रमुख बिष्णु कुमारी लामिछाने, महिला बिकास अधिकृत शान्ती विश्वकर्मालगायतले पुरस्कार प्रदान गरे ।
गत फागुन १० गते उपमहानगरपालिकाले बालमैत्री स्थानीय शासन सम्बन्धी गीत प्रतियोगिताको लागि १५ दिन अबधी तोकी सूचना प्रकाशित गरेको थियो ।
हेटौडा उपमहानगरपालिकाले बालमैत्री स्थानीय शासन अवलम्बन तथा घोषणाको तयारी गरीरहेको सन्दर्भमा बाल अधिकारको संरक्षण, सम्बर्द्धनलाई उत्प्रेरित गर्ने, बालमैत्री स्थानीय शासनमा व्यक्ति, परिवार र बालबालिकाको भूमिका दर्शाउने, बालमैत्री भाव झल्किने बालमैत्री स्थानीय शासन सम्बन्धी गीत प्रतियोगिता गरिएको महिला बिकास अधिकृत शान्ति विश्वकर्माले जानकारी दिइन् ।