मकवानपुर । राष्ट्रिय प्रजातन्त्र पार्टी (राप्रपा) मकवानपुरको जिल्ला अधिवेशन आगामी १३ गते हुने भएको छ । अधिबेशनलाई सम्बोधन गर्न राष्ट्रिय प्रजातन्त्र पार्टी (राप्रपा) का अध्यक्ष तीनै जना हेटौंडा आउने पक्का भयको राप्रपा मकवानपुरले जनाएको छ । राप्रपा अध्यक्ष कमल थापा, पशुपतिशमशेर राणा र डा प्रकाशचन्द्र लोहनी आउँदो १३ गते हुने जिल्ला अधिवेशनलाई सम्बोधन गर्न हेटौंडा आउने भएका हुन् । पार्टीका कार्यबाहक जिल्ला अध्यक्ष शिबराम थापाको अध्यक्षतामा बसेको बैठकले अधिवेशन तयारीको निमित्त विभिन्न समितीहरु गठन गरि जिम्मेवारी तोकेको छ । शिबराम थापाको अध्यक्षतामा मुल आयोजक समिति गठन भएको छ भने, आर्थिक ,कार्यक्रम तयारी तथा ब्यबस्थापन, अनुगमन,जनपरिचालन, प्रचार-प्रसार, आवास-भोजन,मंच ब्यबस्थापन तथा सजावट, स्वागत लगायतका समिति गठन भएको बताइएको छ।
बैठकले संघीय क्षेत्र नम्बर १ र प्रदेश क,ख को परिषद् बैठक आगामी चैत्र ९ गते तथा संघीय क्षेत्र नम्बर २ र प्रदेश क,ख को चैत्र १० गते गर्ने निर्णय गरेको छ ।
बैठकमा पार्टीका कार्य सम्पादन समितिका सदस्यद्वय मधु अधिकारी , राजाराम बर्तौला केन्द्रिय सदस्यद्वय नबराज बिष्ट ,गणेश थापाको उपस्थिति रहेको थियो। अधिवेशनको उद्घाटन रोयल पाटी प्यालेसमा हुने राप्रपा मकवानपुरकाका युवा संगठनका हेटौंडा नगर अध्यक्ष भृगु कार्किले जानकारी दिए ।
मकवानपुर । हेटौंडामा जारी स्थानीय तह शहीद स्मृती राष्ट्रिय गोल्डकप तेस्रो संस्करण’ को विहिबार भएको दोस्रो सेमिफाइनलमा त्रिभुवन आर्मी क्लबले विदेशी टोली क्यामरुनको अफ्रिकन रुट्स एशोसिएसन (अरास) लाई हराउँदै फाइनलमा पुगेको छ ।
रक्षात्मक खेलेको आर्मीको लागि खेलको ६८ औं मिनेटमा आशिष शाक्यले गाेल गरेका थिए । शाक्यले गरेको गोल नै निर्णायक गोल बनेको हो । आर्मीको तुलनामा विदेशी टोली अरासले बलियो प्रदर्शन गरेता पनि फिनिसिङमा चुक्दा अरासले फाईनलको यात्रा गुमाउन पुगेको हो ।
यस अघी बुधबारकाे सेमिफाइनलमा लिग विजेता मछिन्द्रलाई हराउँदै आयोजक रिगल रिर्सोट मकवानपुर ११ फाईनलमा पुगेको छ । खेलमा ४–३ को गोल अन्तरले मछिन्द्रलाई हराउँदै मकवानपुर ११ ले घरेलु मैदानमा फाईनल खेल्ने पक्का भएको हो । चैत ७ गते शनिबार हुने फाइनलमा मकवानपुर ११ र त्रिभुवन अार्मी क्लब बीच स्पर्धा हुनेछ ।
प्रतियोगिताको विजेताले उपाधिसहित १० लाख तथा उपविजेताले ५ लाख पाउनेछ । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोत्कृष्ट हुने खेलाडी बुलेट बाईक प्राप्त गर्नेछन् । सर्वोत्कृष्ट खेलाडीको लागि नेपालमा गरिएको प्रतियोगिताहरुमा सबैभन्दा ठुलो राशीको पुरस्कार रुपमा बुलेट बाईक भएको आयोजकले दाबी गरेको छ ।
मकवानपुर । हेटौंडामा जारी स्थानीय तह सहिद स्मृति गोल्डकप फुटबल प्रतियोगितामा आज बुधबारबाट सेमिफाइनलको खेल सुरु हुँदैछ । प्रतियोगिताको पहिलो सेमिफाइनलमा साबिक विजेता रिगल हेटौंडा रिसोर्ट मकवानपुर–११ र ए डिभिजन लिग विजेता मछिन्द्र क्लबबिच फाइनल प्रबेशका लागि खेल हुँदैछ ।
यसअघिको खेलमा मकवानपुर–११ले नवजनजागृती युवा क्लबलाई ४–१ गोल अन्तरले पराजित गरेको थियो भने मछिन्द्रले संकटा क्लबलाई १–० ले पराजित गर्दै सेमिफाइनल प्रवेश गरेको थियो । आजको खेलको विजेताले फाइनलमा भाेली चैत ५ गते हुने सेमिफाइनलकाे दाेस्राे खेल विभागीय टोलि त्रिभुवन आर्मी क्लब र अफ्रिकन रुट्स एशोसिएसन (अरास) डुवल क्यामरुनबिचको विजेतासंग उपाधिको लागि भिड्ने छन् ।

जिल्ला फुटबल संघ मकवानपुरको आयोजना भएको प्रतियोगिताको बिजेता टोलीले ट्रफिसहित नगद १० लाख प्राप्त गर्नेछ भने उपविजेता हुने टोलीले ट्रफिसहित नगद ५ लाख प्राप्त गर्नेछ ।प्रतियोगिताको सर्बोउत्कृट खेलाडीले रोयल इन्फिल्ड बुलेट बाईक हात पार्नेछन् । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताको फाइनल खेल चैत ७ गते हुने आयोजकले जनाएको छ ।
मकवानपुर । मकवानपुर प्रहरीले सुनकाे गहना चाेरी गर्ने २ जनालाइ पक्राउ गरेकाे छ ।
गत माघ २३ गते बकैया गाँउपालिका वडा नं. ३ हात्तिसुडे स्थित न्यु सुन चाँदी पसलबाट गरगहना चाेरी गर्ने बकैया ३ बस्ने दिपेश वि.क. र बकैया २ का गणेश बहादुर स्याङतानलाइ पक्राउ गरेकाे जिल्ला प्रहरी कार्यालयले जनाएकाे छ ।
हेटाैडा १७ का संगम विकले बकैया ३ का पुषपराज गाैतमकाे ङरमा संचालन गरेकाे उक्त सुनचाँदी पसलबाट गरगहना चाेरी भएकाे निवेदनकाे अाधारमा प्रहरी चौकी हात्तीसुडे मकवानपुरबाट खटिएको प्रहरी टोलीले चैत १ गते अाइतबार विक र स्याङतानलाइ चोरी भएको सुनका गरगहना मध्य सुनको तिलहरी सहित बकैया ३ बाट पक्राउ गरिएकाे जिल्ला प्रहरी कार्यालयका प्रवक्ता प्रहरी नायव निरीक्षक जयश्वर रिमालले जानकारी दिए ।
मकवानपुर /सुरक्षित सिकाई वातावरण बारे प्रदेश स्तरीय नीतिगत संम्बाद कार्यक्रम हेटौंडामा भएको छ ।
बिद्यालयमा सुरक्षित सिकाई वातावरण बारे बागमती प्रदेशको धादिङ जिल्लाको १३ वटा बिद्यालयमा पाईलट परियोजना सन्चालित छ । बालबालिकाहरुलाई घरबाट बिद्यालय र बिद्यालयबाट घरसम्म कसरी सुरक्षित राख्न सकिन्छ भन्ने बारे बहस आवश्यक भएको सहभागीहरुले बताएका थिए ।
बिगत ९ महिनादेखि सन्चालित यो कार्यक्रम अन्तरगत बिद्यालयहरुको बिद्यालय प्रशासन र व्यवस्थापनलाई सुरक्षित वातावरणको लागि उत्तरदायी बनाउने, शिक्षकहरु बिच सुरक्षित व्यबहारका लागि प्रेरित गर्ने, हिंसा, उत्पीडित तथा बदमासीको बारेमा सीप र ज्ञान वृद्धि गर्ने, लैङ्गक तथा गुनासो सम्बन्धी घटनाको तथ्यांक सुरक्षित राख्ने जस्ता कार्य गरिएको कार्यपत्र प्रस्तोता बसन्त पराजुलीले बताए ।
कोभिडको कारण फिल्डमै पुगेर काम गर्न समस्या भएको र पछिल्लो ३ महिना सम्बन्धित बिद्यालयमा नै पुगेर कार्यक्रम गरिएको अर्का कार्यपत्र प्रस्तोता सन्तोष महतोले बताए । छात्रछात्राहरुले सिकाइको क्रममा भएका समस्या बारे गुनासो पेटिका मार्फत उजुरी गर्ने गरेको पराजुलीले बताए । भिएसओ नेपालको सहयोगमा आस्मान नेपाल र शिक्षा पत्रकार समाजको आयोजनामा भएको सुरक्षित सिकाई सम्बन्धि प्रदेश स्तरको कार्यशाला मंगलबार हेटौंडामा भएको थियो ।
बागमती प्रदेशमा प्रदेश स्तरको शैक्षिक नीति लागू भएको छैन । शिक्षा नीतिबारे अझै पनि सुझाव ग्रहण गर्ने सकिने भएकोले यो अवसरलाई सदुपयोग गर्न सामाजिक विकास मन्त्रालयका शाखा अधिकृत श्रीकृष्ण आचार्यले बताए । बिद्यालयको सिकाइलाई प्रभावकारी र सुरक्षित गर्न अभियान नै सुरु गरिएको उनले बताए । प्रदेश सरकारले प्रदेशको २ सय ५९ बिद्यालयमा बिद्यालय नर्स कार्यरत रहेको उनले बताए । बिद्यालय नर्सको कारण पनि छात्रछात्रालाई मनोसामाजिक परामर्श हुने गरेको आचार्यले बताए ।
बिद्यालय सिकाइको वातावरणलाई सुरक्षित राख्न अभिभावक शिक्षा कार्यक्रम ल्याईएको प्रदेश शिक्षा निर्देशनालय शारदा कुमारी मैनालीले बताइन् । छात्रछात्रालाई हिंसा र उत्पीडितबाट बचाउन महिला शिक्षकको भूमिका महत्वपूर्ण हुने बताइएको थियो । महिला शिक्षकको सक्रियतामा छात्राहरूमा हुने संभावित हिंसा कम हुने शिक्षा पत्रकार समाजका बागमती प्रदेश संयोजक वसन्त पराजुलीले बताए ।