मकवानपुर । साहित्य संगम मकवानपुरले यसवर्ष साहित्य क्षेत्रमा क्रियाशील १० जना स्रष्टालाई सम्मान तथा पुरस्कार प्रदान गर्ने भएकाे छ । मकवानपुरकै अग्रणी साहित्यिक साहित्य संगमको शनिबार बसेको बैठकले १० वटा विभिन्न विधामा सम्मान तथा पुरस्कार प्रदान गर्ने निर्णय गरेको हो । सम्मान तथा पुरस्कार २०७८ वैशाख ११ गते संगमको नियमित सन्ध्यामा आयोजना गरिने विशेष साहित्यिक कार्यक्रममा प्रदान गरिने अध्यक्ष निमेष निखिलले जानकारी दिए ।
साहित्य संगमले गोपालप्रसाद रिमाल स्मृति सम्मान कवि, नाटककार गोपाल पराजुलीलाई दिने निर्णय गरेको छ । काठमाडौं निवासी पराजुलीलाई संगमले २० हजार नगदसहित सम्मानपत्रले सम्मान गर्ने संगमले जनाकारी दिएकाे छ । उनको ‘नयाँ इश्वरको घोषणा’ पुस्तकले मदन पुरस्कार प्राप्त गरिसकेको छ । यो सम्मान नाटकका, साहित्यकार गोपालप्रसाद रिमालको स्मृतिमा रिमालकै परिवारले स्थापना गरेको हो । यसअघि गोपालप्रसाद रिमाल स्मृति सम्मानबाट साहित्यकार नाटककार सरुभक्त, अशेष मल्ल, तुल्सी थापा सम्मानित भइसकेका छन् ।
मकवानपुर साहित्य श्री सम्मान अप्सरा तिम्सिना लम्साललाई प्रदान गरिने भएको छ । संगमले उनलाई मरणोपरान्त मकवानपुर साहित्य श्रीबाट सम्मानित गर्न लागेको हो । साहित्य संगम मकवानपुरले स्थापना गरेको याे सम्मानबाट तिम्सिनालाई सम्मानपत्रसहित १५ हजार ५ सय ५५ रुपैयाँ प्रदान गर्न लागिएको हो । स्वर्गीय तिम्सिना साहित्य संगमको उपाध्यक्ष तथा आँचल साहित्य कला पुञ्ज मकवानपुरको संस्थापक उपाध्यक्ष रहेका उनकाे पुञ्जकाे अध्यक्ष पदमा रहँदा निधन भएको थियाे ।
यस्तै पारिजात स्मृति सम्मान डा. अरुण उप्रेतीलाई प्रदान गर्ने निर्णय गरेको छ । हेटौंडा–१० स्थित आदर्श टोल विकास संस्थाले स्थापना गरेको सम्मानको राशी १५ हजार ५ सय ५५ रुपैयाँ रहेको छ । साहित्यकार पारिजात निकट रही साहित्यमा सेवा पुर्याएवापत डा. उप्रेतीलाई यो सम्मान प्रदान गर्न लागिएको जनाइएको छ ।
श्यामप्रसाद शर्मा स्मृति साहित्य सम्मान मकवानपुरे व्यंग्यकार आरसी रिजाललाई प्रदान गरिने भएको छ । मकवानपुरे साहित्यको संस्थागत विकासमा समेत टेवा पुर्याउँदै आउनुभएका रिजाललाई नगद १५ हजारसहित सम्मानपत्रले सम्मानित गर्ने संगमका सचिव डीबी बर्तौलाले जानकारी दिनुभयो । यो सम्मान हेटौंडा उपमहानगरपालिका वडा नम्बर ४ को कार्यालयले स्थापना गरेको हो ।
भैरव स्मृति सम्मान वीरगञ्जका साहित्यकार व्यंग्यकार गणेश लाठलाई प्रदान गरिने भएको छ । उनलाई सम्मानपत्रसहित २१ हजार १ सय ११ रुपैयाँ राशीले सम्मान गरिने सगमलले जनाएकाे छ ।व्यंग्यकार भैरव अर्यालको स्मृतिमा उहाँको परिवारले यो सम्मान स्थापना गरेको हो । यो सम्मानबाट धुर्मस सुन्तली फाउन्डेसन, राजकुमार लामिछाने, चट्याङ मास्टर, मनोज गजुरेललगायतका स्रष्टा सम्मानित भइसकेका छन् ।
यस्तै शुभद्रादेवि मदन मुडवरी स्मृति सम्मान साहित्यकार राम बर्तौला ‘आँशु’ लाई प्रदान गर्ने निर्णय भएको छ । मकवानपुरको पालुङ निवासी बर्तौलालाई नगद १० हजार राशीसहित सम्मानपत्र प्रदान गरिने जनाइएको छ । हाल अमेरिका निवास मकवानपुरे साहित्यकार दीपक मुडवरीले मातापिताको स्मृतिमा यो सम्मान स्थापना गरेकी हुन् ।
मंगलादेवि श्रेष्ठ स्मृति नारी सम्मान महाकाव्यकार मुना अर्याललाई प्रदान गरिने भएको छ । शिक्षा तथा साहित्यसेवी देव श्रेष्ठले आमाको नाममा स्थापना गर्नुभएको उक्त सम्मानको राशी ७ हजार ७ सय ७७ रुपैयाँ रहेको छ । यो यसवर्षबाट प्रदान गर्न लागिएको संगमले जनाएको छ ।
त्यसैगरी भेषनाथ अधिकारी स्मृति सम्मान साहित्यकार भुवनहरि सिग्देललाई प्रदान गरिने भएको छ । संगमका कार्यसमिति सदस्य विशाल अधिकारी ‘आशुतोष’ ले पिताको स्मृतिमा स्थापना गरेकाे यो सम्मान काठमाडौं निवासी सिग्देललाई नगद १५ हजार राशीसहित प्रदान गर्न लागिएको हो । यो सम्मानको राशी अघिल्ला वर्षमा १० हजार रुपैयाँ रहेको थियो यस वर्षबाट यसको राशी १५ हजार पुर्याइएको छ ।
यस्तै शेषजंग स्मृति कथा पुरस्कार चन्द्रोदय माविमा अध्ययनरत् छात्र उज्वल बराललाई प्रदान गर्ने निर्णय भएको छ । हेटौंडा– ८ मा रहेको चन्द्रोदय माविमा कक्षा १० मा अध्ययनरत् बराललाई २ हजार ५ सय राशीसहित यो पुरस्कार प्रदान गर्न लागिएको हो । शिक्षासेवी डेण्डीजंग शाहले छोराको स्मृतिमा यो पुरस्कार स्थापना गरेका हुन् । जिल्लाका माध्यमिक तहमा अध्ययनरत् विद्यार्थीबीच कथा लेखन प्रतियोगिता मार्फत् उत्कृष्ट एकजनालाई यो पुरस्कार प्रदान गर्ने गरिएको छ ।
णकुमारी साहित्य पुरस्कार प्रशन्ना चौलागाईंलाई प्रदान गरिने भएको छ । व्यंग्यकार आरसी रिजालले माताको स्मृतिमा स्थापना गरेको यो पुरस्कारको राशी ५ हजार रहेको छ । यो पुरस्कार जिल्लाका माध्यमिक विद्यालयमा अध्ययनरत् छात्राहरु बीच साहित्यका विभिन्न विधामा प्रतिस्पर्धा गराई उत्कृष्ट एकलाई प्रदान गरिँदै आएको छ ।
सम्मान तथा पुरस्कारहरु सम्बन्धित स्रष्टाको स्मृतिमा प्रदान गरिँदै आएकोमा कोरोना भाइरसको संक्रमणका कारण यसवर्ष एकैपटक प्रदान गर्न लागिएको सगमका उपाध्यक्ष अनिता न्याैपानेले जानकारी दिइन् ।
मकवानपुर । मनमाया स्मृति गजल पुरस्कार, २०७७ सम्पूर्णा ढकाललाई प्रदान गरिएको छ । गजल मञ्च मकवानपुरले हेटौंडा–११, नवलपुरस्थित त्रिभुवन माविमा १० कक्षामा अध्ययनरत छात्रा ढकाललाई २ हजार ५ सय राशीको पुरस्कार शनिबार प्रदान गरेको हो । गजल मञ्च मकवानपुरका पूर्वअध्यक्ष दीपक गौतमले आफ्नी हजुरआमाको स्मृतिमा पुरस्कार स्थापना गरेको पुरस्कार मञ्चको १ सय ७६ औं गजल यात्राको अवसरमा प्रदान गरिएको हो ।
मावि तहमा अध्ययनरत विद्यार्थीबीच प्रतियोगितात्मक गजल लेखन तथा प्रस्तुती गराएर उत्कृष्ट सहभागीलाई पुरस्कार प्रदान गरिएको हो । गजल मञ्च मकवानपुरले सहभागिताका लागि आव्हान गर्दा १६ जना सहभागी भएका थिए । १६ जनामध्ये उत्कृष्ट ५ गजल छनोट गरेर शनिबार गजल वाचन समेत गराई उत्कृष्ट छनोट गरिएको हो । गजल मञ्च मकवानपुरका सचिव केशव समर्पण र सहसचिव विशाल अधिकारीले निर्णायकको भूमिका निर्वाह गर्नुभएको थियो ।
सम्पूर्णासँगै मकवानपुर बहुमुखी क्याम्पसमा कक्षा १२ मा अध्ययनरत छात्रा ममता अगस्ती, बकैया गाउँपालिका–४ स्थित महेन्द्र माविमा कक्षा ९ मा अध्ययनरत छात्र भोजराज बोलखे, हेटौंडा–५, भैरवरोडस्थि जीएस निकेतन माविमा कक्षा १० मा अध्ययरत निश्चल राज गौतम र रोशनी चौलागाई उत्कृष्ट पाँचमा छानिएका थिए । प्रतियोगितामा सहभागी भई उत्कृष्ट ५ मा पर्न सफल विद्यार्थीलाई गजल संग्रहसमेत उपहारस्वरुप प्रदान गरिएको छ ।
गजल यात्राकै अवसरमा साहित्यकारहरुले गजल वाचन गरेका छन् । गजल मञ्च मकवानुपरका अध्यक्ष देवराज तिवारीको अध्यक्षता तथा अग्रज साहित्यकार आरसी रिजालको प्रमुख आतिथ्यमा नियमित गजल यात्रा भएको हो । कार्यक्रममा साहित्यकारहरु रमेश मोहन अधिकारी, निमेष निखिल, तुल्सी घिमिरे, गणेश पौडेल, सुवास खनाल, राजकुमार लामिछाने, पुरुषोत्तम आचार्यको पनि उपस्थिति रहेको थियो ।
मकवानपुर / नारायणी यातायात व्यवसायी संघको रुपान्तरित कम्पनी तथा नारायणी संघको वार्षिक साधारणसभा शनिबार हेटौंडामा भएको छ । नेपाली काँग्रेस मकवानपुर सभापति तथा बागमती प्रदेश संसदीय दलका नेता इन्द्रबहादुर बानियाँको प्रमुख आथित्यमा कार्यक्रम भएको हो ।
कार्यक्रम नेता बानियाँले यातायात क्षेत्रको समस्या समाधान गर्ने सरकार उदासिन रहेको बताए । विकासको मेरुदण्ड यातायात भएको भन्दै सरकारले यातायात क्षेत्रको समस्यालाई बेवास्ता गर्न नहुने बानियाँले बताए ।
सरकारले साना लगानीका यातायात व्यवसायीलाई एकोहोरो पेलाईमा राखेको कारण व्यवसाय खस्किंदो रहेको संघका अध्यक्ष हिरालाल श्रेष्ठले बताए । सवारी दुर्घटनामा चालकलाई बढी दोषी देखाउने प्रवृत्तिप्रती संघको आपत्ति रहेको उनले बताए । ‘कतिपय दुर्घटनामा चालक स्वयमको मृत्यु हुनेगरेको छ,आफूले आफैं गुमाउन को चाहन्छ ‘ श्रेष्ठले भने ‘दुर्घटना न्यूनीकरण गर्न राजमार्गको मर्मत तथा लाईसन्स वितरण प्रक्रियामा सुधार ल्याउनु पर्छ ।’
कार्यक्रममा संघका प्रबन्ध सञ्चालक सरोजकुमार खनालले चालकलाई अनुमाती पत्र दिनुपुर्व कम्तिमा ३ महिना प्राविधिक शिक्षा दिनुपर्ने बताए । यातायात क्षेत्रको दीगो विकास, व्यवस्थापन तथा प्रवर्द्धनका लागि अधिकार सम्पन्न राष्ट्रिय यातायात प्राधिकरण गठन गरिनुपर्ने खनालले बताए । कार्यक्रममा बागमती प्रदेश सभा सदस्यहरु मुनु सिग्देल, प्रेमबहादुर पुलामी, संघका पुर्व अध्यक्ष बद्री चौलागाईंलगायतको उपस्थिति रहेको थियो ।
मकवानपुर । हेटौंडामा जारी स्थानीय तह शहीद स्मृति गोल्डकप फुटबल प्रतियोगिताको उपाधिका लागि आज साविक विजेता रिगल हेटौंडा रिसोर्ट मकवानपुर–११ र विभागिय टोलि नेपाल आर्मी क्लब भिड्ने भएका छन ।
बिहिबार भएको दोस्रो तथा अन्तिम सेमिफाइनल खेलमा अफ्रिकन रुट्स एशोसिएसन (अरास) डुवल क्यामरुनमाथि जित निकाल्दै आर्मीले मकवानपुर–११ सँगको उपाधि भिडन्त पक्का गरेको हो । प्रतियोगिताको साविक विजेता मकवानपुर–११ बुधबार भएको पहिलो सेमिफाइनल खेलमा शहिद स्मारक एडिभिजन लिग विजेता मछिन्द्र क्लबलाई ४–३ ले पराजित गर्दै फाइनलमा प्रवेश गरेको थियोे ।

हेटौंडास्थित वनविज्ञान अध्ययन संस्थानको खेल मैदानमा बिहिबार भएको खेलमा १–० गोल अन्तरले पराजित गर्दै आर्मी अन्तिम दुईमा स्थान सुरक्षित गरेको हो ।
जिल्ला फुटबल संघ मकवानपुरको आयोजना भएको प्रतियोगितामा मोफसलका ३ टिम, ६ राष्ट्रिय टिम र एक बिदेशी टोली सहित १० टिमको सहभागिता रहेको थियो । प्रतियोगिताको बिजेता टोलीले ट्रफिसहित नगद १० लाख प्राप्त गर्नेछ भने उपविजेता हुने टोलीले ट्रफिसहित नगद ५ लाख प्राप्त गर्नेछ ।
प्रतियोगिताको सर्बोउत्कृट खेलाडीले रोयल इन्फिल्ड बुलेट बाईक हात पार्नेछन् । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् ।
मकवानपुर । मौसम पूर्वानुमान महाशाखाका अनुसार आज शनिबार देशभर आंशिक देखी सामान्य बदली रहने छ । शनिबार बिहानै देखि देशमा स्थानीय वायुसँगै पश्चिमी वायुको समेत प्रभाव रहेको महाशाखाले जनाएको छ । शनिबार दिउँसो देशभर आंशिक देखी सामान्य बदलीको सम्भावना रहेको छ। देशको प्रदेश १, बागमती प्रदेश, गण्डकी प्रदेश, कर्णाली प्रदेश, सुदुरपश्चिम प्रदेशका थोरै स्थानमा र प्रदेश २ का एक-दुइ स्थानमा मेघगर्जनसहित पानी पर्ने सम्भावना रहेको छ ।
त्यस्तै शनिबार राति प्रदेश १ अन्तर्गतका पहाडी भू-भागहरुमा आंशिक देखी सामान्य बदली रही एक दुई स्थानमा मेघगर्जन र चट्टयाङ सहित पानी पर्ने सम्भावना रहेको महाशाखाले जानकारी दिएको छ ।