मकवानपुर । नेकपा एमालेले बागमती प्रदेशको राष्ट्रियसभा सदस्यको उपनिर्वाचनमा रामबहादुर थापा ‘बादल’लाई मत दिन ह्वीप जारी गरेको छ।
महासचिव ईश्वर पोखरेलले प्रदेशसभा सदस्य र बागमती प्रदेश अन्तर्गतका स्थानीय तहका प्रमुख र उपप्रमुखलाई पठाइएको पत्रमा भनिएको छ ‘बागमती प्रदेशको राष्ट्रियसभा सदस्य उपनिर्वाचनमा पार्टीको तर्फबाट आधिकारिक उम्मेदवार क. रामबहादुर थापा भएको जानकारी गराइन्छ । पार्टीको उम्मेदवारको पक्षमा निर्वाचन कार्यक्रम अन्तर्गत मिति २०७८ जेष्ठ ६ गते बिहान ९ बजे देखि दिउँसो ३ बजेसम्म हेटौँडामा हुने मतदानमा अनिवार्य उपस्थित भई पार्टीका उम्मेदवारको चुनाव चिन्ह सूर्यमा मतदान गर्नुहुन पार्टी निर्णयअनुसार निर्देशन गर्दछु।’
यसै बिच जेठ ६ गते हुने राष्ट्रियसभा सदस्य पदको उपनिर्वाचनमा राष्ट्रिय प्रजातन्त्र पार्टी राप्रपाले नेकपा एमालेको तर्फबाट उम्मेदवार बनेका रामबहादुर थापा बादललाई सहयोग गर्ने भएको छ ।
आफ्नो उम्मेदवारलाई मतदान गरी सहयोग गर्नका लागि एमालेबाट औपचारिक पत्र प्राप्त भएकाले राप्रपाले एमालेका उम्मेदवार बादललाई मतदान गर्ने निर्णय गरेको राप्रपाले जनाएको छ ।
राप्रपाले बादलको पक्षमा मतदान गर्न पार्टीका प्रदेशसभाका सदस्यहरु, गाउँपालिकाका अध्यक्ष तथा उपाध्यक्षलाई निर्देशन दिइसकेको छ । राप्रपाको प्रदेशसभामा २ सांसदको प्रतिनिधित्व छ । स्थानीय तहतर्फ धादिङको रुबिभ्याली गाउँपालिकाका अध्यक्ष र उपाध्यक्ष मतदाता हुन् ।
यस्तै राष्ट्रियसभाको उपनिर्वाचनमा मतदान गर्न हेटौँडा आउने प्रदेशसभा सदस्य तथा स्थानीय तहका जनप्रतिनिधिलाई आवास र खानपानको व्यवस्थापनका लागि होटल संचालन गर्न दिइने भएको छ ।
सोमबार जिल्ला प्रशासन कार्यालय मकवानपुरले राष्ट्रियसभा उपनिर्वाचनमा मतदान गर्न हेटौँडा आउने मतदाताहरुका लागि आवास र खानपानको प्रबन्ध मिलाउन होटल संचालन गर्न दिने निर्णय गरेको हो ।
जेठ ६ गते विहान ९ बजेदेखि सुरु हुने मतदानका लागि हेटौँडा उपमहानगरपालिका वडा नम्वर ४ स्थित भुटनदेवि माद्यमिक विद्यालयको भवनमा ३ वटा मतदान केन्द्र स्थापना गरिएको र आवश्यक शान्ति सुरक्षाको समेत व्यवस्थापन मिलाइएको जिल्ला प्रशासन कार्यालय मकवानपुरले जानएको छ ।
निर्वाचनमा बागमती प्रदेशसभाका १ सय ९ जना सांसद्, प्रदेशका १ सय १९ स्थानीय तहका प्रमुख र उपप्रमुखसहित २ सय ३८ जना गरी कुल ३ सय ४७ जना मतदानमा सहभागि हुनेछन् ।
रिक्त राष्ट्रियसभाको १ पदको उपनिर्वाचनमा एमालेबाट थापा, माओबादी केन्द्र सहितको दलको समर्थनमा प्रदेश नीति तथा योजना आयोगका पूर्व अध्यक्षसमेत रहेका डा. खिमलाल देवकोटा र नेमकिपाका कृष्णबहादुर तामाङ उम्मेदवार रहेका छन ।
मकवानपुर । मकवानपुरमा पछिल्लो २४ घन्टामा १ सय ७२ जनामा कोरोना संक्रमण पुष्टि भएको स्वास्थ्य कार्यालय मकवानपुरले जनाएको छ ।
२ सय ७९ जनाको पिसिआर परीक्षण गर्दा १ सय ५२ जना र ४७ जनाको एन्टीजिन परीक्षणमा २० जना संक्रमित थपिएका हुन् । यो समेत मकवानपुर जिल्लामा कोरोना संक्रमितको संख्या ६ हजार ७ सय १९ पुगेको छ । आज कोरोना पुष्टि हुनेमा हेटौंडा उपमहानगरपालिका भित्रका १ सय ५२ जना छन् ।
थाहा नगरपालिकामा २ जना, बागमती गाउँपालिकामा २ , मनहरीमा १०, भीमफेदीमा ५ र राक्सिरांगमा १ जना कोरोना संक्रमित थपिएका छन् । स्वास्थ्य कार्यालयका अनुसार पछिल्लो २४ घण्टामा ९६ जना डिस्चार्ज भएका छन् ।
आज सस्थागत आइसोलेसनबाट ९ जना र होम आइसोलेसनबाट ८७ जना डिस्चार्ज भएको बताइएको छ ।
यसैगरी नेपालमा आज थप ५ हजार ६ सय ६७ जना कोरोना संक्रमण मुक्त भएको स्वास्थ्य मन्त्रालयले जनाएको छ । यो संगै नेपालमा कोरोना ३ लाख ४५ हजार ५ सय २३ पुगेको छ ।
यसैगरि आज थप ९ हजार २ सय ४७ जनामा कोरोना पुष्टि भएको छ । यो संगै नेपालमा कोरोना पुष्टि हुनेको संख्या ४ लाख ६४ हजार २ सय १८ पुगेको छ ।
यसैगरि पछिल्लो २४ घण्टामा नेपालमा २ सय १४ जनाको मृत्यु भएको छ । यो संगै नेपालमा कोरोनाबाट मृत्यु हुनेको संख्या ५ हजार २ सय १५ पुगेको मन्त्रालयले जनाएको छ ।

मकवानपुर । बागमती प्रदेशभित्र निर्माण भएका पुल र झोलुङ्गे पुलको आज बाट एकै साथ उद्घाटन् गरिएको छ । १० वटा पक्की पुल र १ वटा झोलुङ्गे पुलको मुख्यमन्त्री डोरमणि पौडेलले भर्जुअल माध्यमबाट आज हेटौंडामा एक साथ उद्घाटन् गरेका छन् ।
भौतिक पूर्वाधार विकास मनत्रालय बागमती प्रदेशको आयोजनामा भएको उद्घाटन कार्यक्रममा सिन्धुपाल्चोक मेलम्ची चोक्यु पुल, भक्तपुरको महादेब खोला पुल, सिन्धुपाल्चोकको याम्वालिंग झोलुङ्गे पुल, भक्तपुरको मजुवा खोला पुल, काठमाडौको बिष्णुमति खोला पुल र धोबी खोला पुल, चितवनको भवानीपुर उत्तराखण्ड भण्डार सडक पुल र चानौनी अमृतनगर दाद्रेनी पुल, नुवाकोटको ढुंगे खहरे कल्भर्ट लिखुखोला पुल, धादिङको डुडुरे खोला पुल र पलाखु खोला पुल निर्माण सकिएपछी आज एकै साथ उद्घाटन् गरिएको हो ।
३ सय ९७ मिटर लम्बाइको एक दर्जन पुल निर्माण गर्नका लागि प्रदेश सरकारको २५ करोड ३८ लाख ५३ हजार रुपैयाँ खर्च गरेको छ ।

पुल उद्घाटन् गर्दै प्रदेशका मुख्यमन्त्री पौडेलले प्रदेश सरकारको तीन वर्षको अवधिमा ४४ वटा पुल निर्माण गरिसकेको बताए । बागमती प्रदेशका अस्पतालमा अक्सिजनको ब्यवस्थापन, एच.डि.यु र आइसियुको ब्यबस्थापनमा प्रदेश सरकार २४ घण्टानै लागिपरेको भन्दै उनले प्रदेश सरकार जनस्वास्थ्यप्रती अत्यन्तै गम्भिर रहेको बताए ।
कार्यक्रममा भौतिक पूर्वाधार विकास मन्त्री रामेश्वर फूयालले कोरोनाको महामारीको समयमा समेत बिकास निर्माणका कामहरु भइरहेको बताए। ५ वर्ष भित्रमा १ सय वटा पुल र सय वटा ठुला महत्वका सडक निर्माण गरिएको उनले बताए।
मकवानपुर । मकवानपुरमा थप ९२ जना कोरोना संक्रमण मुक्त भएका छन् । पछिल्लो २४ घण्टामा जिल्लामा संस्थागत आइसोलेसनमा रहेका ७ जना र होमआइसोलेसनमा रहेका ८५ जना संक्रमण मुक्त भएकाे स्वास्थ्य कार्यलय मकवानपुरले जनाएको छ । यो संगै मकवानपुरमा कोरोना संक्रमण मुक्त हुनेकाे संख्या हालसम्म ४ हजार ३ सय ७२ पुगेका छन् ।
कोरोना मुक्तहुनेमा ८१ जना हेटौंडा उपमहानगरपालिकाका, ३ जना मनहरी गाउँपालिकाका, २/२ जना थाहा नगरपालिकाका,भीमफेदी,बागमती र मकवानपुरगढी गाउँपालिकाका गरी ८ जना रहेकाे छन् ।
यसैगरी जिल्लामा आइतबार थप १ सय ३९ जनामा कोरोना पुष्टि भएको छ । पछिल्लो २४ घण्टामा २ सय १६ जनाकाे पिसिआर र एन्टीजेन परीक्षणमा थप १ सय ३९ जनामा संक्रमण पुष्टि भएकाे स्वास्थ्य कार्यलय मकवानपुरले जनाएको छ ।
कार्यलयका अनुसार पष्टि हुनेमा हेटौंडा उपमहानपालिकाका १ सय २१ जना, मनहरीका ४ जना, कैलाश, राक्सिराङ र भीमफेदी गाउँपालिकाकाका ३/३ जना, थाहा नगरपािलका २ जना, मकवानपुरगढी गाउँपालिकाका २ जना र बागमती गाउँपालिकाका १ जना रहेका छन् । यो संगै मकवानपुरमा कोरोना पुष्टि हुनेको संख्या ६ हजार ५ सय ४७ पुगेको छ ।
यस्तै हेटौंडामा थप ४ जना कोरोना संक्रमितको मृत्यु भएको छ । पछिल्लो २४ घण्टामा थप ४ जना संक्रमितको हेटौंडा अस्पतालको कोभिड उपचार कक्षमा मृत्यु भएको हेटाैडा अस्पतालले जनाकारी दिएकाे छ । मृत्यु हुनेमा ३ जना मकवानपुर जिल्लाका र एक जना जिल्ला बाहिरका रहेका छन् ।
मृत्यु हनुेमा हेटौंडा-१४ की ७४ वर्षीया महिला,हेटौंडा-८ की ६१ वर्षीया महिला,हेटौंडा-२ का ६४ वषीय पुरुष र जिल्ला बाहिर बाराका ४६ वर्षीया महिला रहेकी छन् । यो संगै मकवानपुरमा कोरोनाबाट हालसम्म मृत्यु हुनेको संख्या ६१ पुगेको छ ।
२ हजार १ सय १७ जना संक्रमित उपचाररत
जिल्लामा आज दिनमा २ हजार १ सय १७ जना सक्रिय संक्रमित उपचाररत रहेका छन् । जसमा २ हजार १२ जना संक्रमित घरमा र १०५ जना आइसोलेसनमा उपचाररत रहेका छन् ।
आइसोलेसनमा उपचाररत हुनेहरुमा हेटौंडाको हेटौंडा अस्पतालको कोभिड कक्षमा ४५ जना,गौरिटार आइसोलेसनमा ३२ जना,सहकारी अस्पतालमा ५ जना,चुरेहील अस्पतालमा ४ जना रहेका छन् ।
यसैगरी बागमती गाउँपालिकाको आइसोलेसनमा ८ जना,मनहरी र भीफेदी गाउँपालिकाको आइसोलेसनमा ५/५ जना र राक्सिराङ गाउँपालिकाको आइसोलेसनमा १ जना सक्रिय संक्रमित उपचाररत रहेको स्वास्थ्य कार्यलय मकवानपुरले जनाएको छ ।
मकवानपुर । मकवानपुर प्रहरीले अबैध भरुवा बन्दुक २ नाल बरामद गरेकाे छ । भिमफेदी ईलाका प्रहरी कार्यालयले भिमफेदी गाउँपालिका वडा नं ६ स्थित स्याउली बनको रुखको चेपमा बेवारिसे अवस्थामा रहेको अबैध भरुवा बन्दुक २ नाल बरामद गरेको प्रहरीले जनाएकाे छ ।
शनिवार ईलाका प्रहरी कार्यालय भिमफेदी मकवानपुरबाट प्रहरी निरीक्षक सुरेन्द्र श्रेष्ठको कमाण्डमा खटिएको प्रहरी गस्ती टोलीले भिमफेदी गाउँपालिका वडा नं ६ स्थित स्याउली बनको रुखको चेपमा बेवारिसे अवस्थामा २ नाल भरुवा बन्दुक भेटेकाे थियो । लुकाई छिपाई राखेको १ नाले भरुवा बन्दुक थान २ फेला परेकोसंगै उक्त बन्दुक को कसको हो भन्ने सम्बन्धमा थप अनुसन्धान कार्य भईरहेको जिल्ला प्रहरी कार्यालय मकवानपुरले जानकारी दिएको छ ।