‘अनुमति लिएर राहत वितरण गर्नु पर्ने’
Tags: No Comments
मकवानपुर । कोरोना संक्रमणकाे बेला संक्रमित तथा परिवारलाई राहत वितरण गर्दा अनुमित लिएर मात्र विरतर गर्न जिल्ला प्रशासन कार्यालय मकवानपुरले आग्रह गरेको छ । २८ गते शुक्रबारकाे जिल्ला काेभिड व्यवस्थापन समितिले निर्णय गरेर राहत वितरण गर्ने व्यक्ति तथा संस्थालाइ सम्वन्धित स्थानीय तह, जिल्ला प्रशासन कार्यालयसँग अनुमति लिएर मात्र राहत वितरण गर्न भनेकाे हाे ।
शुक्रबार सुचना जारी गरी जिल्लामा पछिल्लो समय राहत सामग्री आफु खशी ढंगबाट वितरण भएको जनगुनासो बढेकोले राहत बितरण गर्न इच्छुक व्यक्ति वा संस्थाले स्थानियतह तथा कोभिड व्यवस्थापन समिति, मकवानपुरबाट अनुमति लिएर मात्रै राहत सामग्री वितरण गर्न गराउन भनिएको छ । प्रशासनले आफूखुसी राहत बितरण नगर्न आग्रह गर्दै अनुगमनको क्रममा अनुमति बेगर राहत सामग्री वितरण गरिएको पाईएमा प्रचलित कानुन बमोजिम कारवाही समेत गरिने सूचनामा उल्लेख गरिएको छ ।
जिल्ला काेभिड व्यवस्थापन समितिका निर्णयहरू:-
- उद्योग तथा प्रतिष्ठानहरूमा कार्यरत मजदूर कर्मचारीहरू कोभिड-१९ बाट संक्रमित भएमा उद्योग प्रतिष्ठानले आफैले स्थापना गरेको आइसोलेशसन सेन्टर वा संस्थागत आइसोलेशसन सेन्टरमा निजहरूलाई राख्ने व्यवस्था उद्योग संघ, मकवानपुरले मिलाउने ।
- कोभिड-१९ बाट संक्रमित भई संस्थागत आइसोलेशन तथा होम आइसोलेशनमा बसिरहेकाहरूलाई एकीकृत ग्रामीण विकास सेवा, मकवानपुरले सम्बन्धित पालिकासँग समन्वय गरी मनोसामाजिक परामर्श प्रदान गर्ने ।
- कोभिड-१९ बाट संक्रमितहरूको उपचार गर्ने सन्दर्भमा हेटौडा अस्पतालले बालबालिका मैत्री संरचना समेत तयार गर्ने ।
- आगामी दिनमा हुनसक्ने कोभिड-१९ को तेस्रो लहर र बालबालिकाहरूलाई हुनसक्ने सम्भावित जोखिमलाई मध्यनजर गर्दै हेटौडा अस्पतालले आवश्यक पूर्वतयारी एवं स्रोतसाधनको आँकलन सहित जिल्ला कोभिड व्यवस्थापन समितिको आगामी बैठकमा योजना पेश गर्ने ।
- स्वास्थ्य कार्यालय, मकवानपुर र सबै स्थानीय तहहरूले कोभिड-१९ को परीक्षणको दायरा एवं संख्या बढाउने ।
- कोभिड-१९ बाट संक्रमित एवं प्रभावित परिवारलाई राहत सामग्री वितरण गर्ने सम्बन्धमा कतिपय व्यक्ति तथा संघ संस्थाले सम्बन्धित निकायबाट अनुमति नै नलिई राहत सामग्री वितरण गरिरहेको सूचना एवं गुनासो प्राप्त भएको सन्दर्भमा राहत सामग्री वितरण गर्न इच्छुक व्यक्ति तथा संघ संस्थाले सम्बन्धित स्थानीय तह वा जिल्ला कोभिड व्यवस्थापन समितिबाट अनुमति लिई मात्र राहत वितरणको कार्य गर्ने, गराउने ।
- निषेधाज्ञाको प्रभाव एवं आगामी रणनीतिका सम्बन्धमा जिल्ला कोभिड व्यवस्थापन समितिका सदस्यहरू (आमन्त्रित समेत)ले क्षेत्रगतरूपमा आ-आफ्ना राय आगामी बैठकमा पेश गर्ने ।
मकवानपुर । मकवानपुरमा थप २ सय ६९ जना कोरोना संक्रमणमुक्त भएका छन् । पछिल्लो २४ घण्टामा २ सय ५६ हाेम आइसोलेस र १३ जना संस्थागत आइसोलेसबाट काेराेना निकाे भएका स्वास्थ्य कार्यलय मकवानपुरले जनाएको छ । यो संगै मकवानपुरमा कोरोना जित्नेको संख्या ८ हजार ९ जना पुगेका छन् ।
यसैगरी जिल्लामा पछिल्लो २४ घण्टामा पीसीआर परीक्षणबाट ४४ जना र एन्टीजेन परीक्षणबाट ३१ जना गरी थप ७५ जनामा कोराना पुष्टि भएको छ । यो संगै जिल्लामा कोरोना पुष्टि हुनेको संख्या ९ हजार ७ सय १६ पुगेको छ ।
जिल्लामा हाल १ हजार ५ सय ८२ जना सक्रिय संक्रमित रहेका छन् भने हालसम्म कोरोना संक्रमण पुष्टि भएका १ सय १० जनाको मृत्यु भएको छ ।
अर्पण योन्जन(पारिजात)
प्यारो मान्छे
अनि सानो मान्छे
तर गृहिणी जस्तै
परिपक्व शालिन मान्छे
आजभोलि गहकिला
तिम्रो बिचारहरुमा
म बिस्तारै तिमीभित्र
निर्लज्ज तर प्रेमिल भएर
समाहित हुदैछु
समुन्द्रमा ती हिमनदिहरु झै ।
हो प्यारो मान्छे
छपक्क रात झरेपछि
ताराहरु ओर्लिए जस्तै
म तिम्रो अन्जान शहरमा
तिम्रो शब्द शब्दको बाटो हुँदै
तिम्रो परेलिको आँगनमा
सामिप्यता पोखेर
असरल्ल पोखिदैछु ।
बिस्कुन झै सपना हरु
तिम्रो पछ्यौरिमा !
प्यारो मान्छे !
भग्नाबसेस बनिसकेका
मुर्छित रहरहरु,
तिम्रो आगमनपछि
युद्धको सिपाही झै
लामबद्ध छन् आजभोलि
अनि आतुर छन् परेड खेल्न
तिम्रो आत्मिय बगैंचामा
र,त आजभोली मलाइ
ती नागीडाडाहरुमा
बुकि, चाँप र सुनखरीहरु,
फुल्न नपाउदै
बसाइ सर्ने वसन्त जस्तो हैन
भुइ कुहिरोसंगै हराउने
भेडीगोठहरुसंग मीत लाएर
लोकसेवा भिड्ने सपना तुहिए जस्तै
सेन्मिखाको कथा हुनुछैन ।
त्यसैले तिमीसँगै
तिम्रा सुकोमल औलि हरु चिमोट्दै
जिन्दगीको उकाली
उक्लिरहन मन लागेकोछ
मेरो प्यारो मान्छे ।
हो साच्चै प्यारो मान्छे
तिम्रो निस्चल मन भित्र
दुनियाँसँग बेखबर भएर
तिम्रो चिसो सम्झनाले
आफैलाइ चिमोट्न नपरोस
तिम्रो अभावमा घरीघरी
पाइलाहरु मुर्छित हुननपरोस
साच्चै नै प्यारो मान्छे ।
अबत जुनिभर तिम्रै भएर
जुनिजुनी बाचिरहनु परोस
यदि यो लिला समाप्त हुन खोजे
तिम्रो न्यानो काखमा
मधुर ध्वनीहरु सुन्दै
सँधैलाइ यी परेलिहरु
सुस्त चिरनिन्दमा
निदाइ रहन परोस
मेरो प्यारो मान्छे
प्यारो मान्छे ।
११ जेठ २०७८
मकवानपुर । मकवानपुरगढी गाउँपालिकाको आयोजनामा १ महिने अनलाइन तालिम सञ्चालन गरिएको छ। शिक्षकहरुको क्षमता बृद्धि गर्ने उद्देश्यले तालिम सञ्चालन गरिएको हो ।
शिक्षक तालिम अन्तरगत प्राथमिक तहमा अङ्ग्रेजी बिषयको तालिम बिहान १० बजेदेखि १२ बजेसम्म, निमावि र माध्यमिक तहमा गणितसंग सम्बन्धित तालिम १२ बजेदेखि २ बजे सम्म, प्राविधिकसंग सम्बन्धित तालिम २ बजेदेखि ४ बजेसम्म संचालित हुने मकवानपुरगढी गाउँपालिकाका स्रोत शिक्षक इन्द्र बहादुर कार्कीले बताए ।
तालिमको मुख्य उद्देश्य शिक्षकहरुको क्षमता बृद्धि गर्ने रहेको छ । तालिममा संगम चौलागाई, जंगनाथ सिंह कार्की र सवण कुमार श्रेष्ठले प्रशिक्षण दिने गाउँपालिकाका स्रोत शिक्षक कार्कीले बताए ।
तालिम कार्यक्रमको प्रमुख अतिथि मकवानपुरगढी गाउँपालिका अध्यक्ष विदुर हुमागाईं,उद्घाटन समारोहका संञ्चालक मकवानपुर गढी गाउँपालिकाका स्रोत शिक्षक इन्द्र बहादुर कार्की तालिमको सभाअध्यक्ष गढी गाउँपालिकाका स्रोत शिक्षक दासरथी उपाध्याय, अथितीमा सामाजिक विकास संयोजक जित बहादुर घिमिरे, प्रमुख प्रशासक्रिय अधिकृत राम कुमार पुडासैनी रहेका थिए। तालिममा १ सय २१ जना शिक्षकहरू सहभागी रहेकाे स्रोत शिक्षक कार्कीले बताए ।
मकवानपुर । मकवानपुरमा थप १ सय ४२ जना कोरोना संक्रमणमुक्त भएका छन् । पछिल्लो २४ घण्टामा होम आइसोलेसनबाट १ सय ११ जना र संस्थागत आइसोलेसनबाट ३१ जना गरी १ सय ४२ जना कोरोना निकाे भएका स्वास्थ्य कार्यलय मकवानपुरले जनाएको छ । यो संगै मकवानपुरमा कोरोना संक्रमण निकाे हुनेकाे संख्या ७ हजार ७ सय ५३ पुगेको छ ।
यसैगरी जिल्लामा थप ६२ जनामा कोरोना संक्रमण पुष्टि भएको छ । पछिल्लो २४ घण्टामा १ सय ६० जनामा पीसीआर र एन्टीजेन परीक्षणमा थप ६२ जनामा संक्रमण पुष्टि भएको कार्यलयले जनाएको छ । यो संगै मकवानपुरमा कोरोना पुष्टि हुनेको संख्या ९ हजार ६ सय ४१ पुगेको छ । जिल्लामा हाल १७ सय ३० जना संक्रमित घरमा र ९४ जना आइसोेसनमा गरी १ हजार ८ सय २४ संक्रिय संक्रमित उपचाररत रहेका छन् ।
यस्तै काेराेना संक्रमण पुष्टि भएका मकवानपुरमा थप १ जनाको मृत्यु भएको छ । मृत्यु हुनेमा मनहरी गाउँपालिका वडा नंबर ९ की २२ वर्षीया महिला रहेकी छन् । उनको गएराति हेटौंडा अस्पतालमा उपचारको क्रममा मृत्यु भएको स्वास्थ्य कार्यलय मकवानपुरले जनाएको छ । उनमा जेठ १९ गते कोरोना पुष्टि भएको र साेहि दिन हेटौंडा अस्पतालमा भर्ना गरिएको थियो । यो संगै मकवानपुरमा कोरोनाको कारण मृत्यु हुनेको संख्या १ सय ९ पुगेको छ ।