मकवानपुर । गत बैशाखबाट मकवानपुरमा लगाइएको निषेधाज्ञा गतसाताबाट फेरी कडाई गरिएको छ । निषेधाज्ञा कडाई गरेको भए पनि सरकारी कार्यालयहरुमा सेवाग्राहीको चाप भएपछि कोरोना संक्रमण फैलने दर उच्च रहने भन्दै आज आइतबारबाट अति चाप हुने सरकारी कार्यालय बन्द गरिएको छ ।
जिम्मेवार निकायहरुबाटै कोरोना संक्रमण फैलने संत्रास भए पनि जिल्ला प्रशासन कार्यालय मकवानपुरले एक सातासम्म कुनै “एक्सन” उठाएन । पछिल्लो साता दैनिक १ सयको हाराहारीमा नयाँ संक्रमितहरु पुष्टि हुन थालेका छन् । कोरोना नियन्त्रण लागि भन्दै विभिन्न व्यवसायहरू सञ्चालनमा निश्चित समय निर्धारण गरिए पनि संक्रमण दिनदिनै बढीरहेको छ ।
जिल्ला मालपोत कार्यालयमा सेवाग्राहीको अव्यवस्थित भीडले कोरोनाको हटस्पट नै मालपोत कार्यालय बन्ने जोखिम देखिपछि कार्यालय बन्द गरिएकाे हाे । कार्यालयमा दैनिक सेवा लिन सयौंको संख्यामा आउने सर्वसाधारणले सामान्य स्वास्थ्य मापदण्डसमेत पालना गरेका हुँदैनन् भने कार्यालयका कर्मचारीहरूले पनि यसको व्यवस्थापनमा ध्यान नदिएपछि सेवा नै रोक्नु पर्ने अवस्था आएको प्रमुख जिल्ला अधिकारी भरतमणि पाण्डेले बताए । ‘बाध्यभएर सेवा पूर्ण रुपमा बन्द गरेकाे उनले बताए ।
“सकेसम्म सेवा नै बन्द गर्नु नपरोस् भनेर ढीलाई गरेका थियौ, अवस्था भयावह हुने भएपछि आइतबारबाट एक साताको लागि बन्द गरेका हौ” प्रजिअ पाण्डेले भने । उनका अनुसार आज आइतबारबाट मालपोत कार्यालय र नापी कार्यालय बन्द गरिने भएको छ । प्रजिअ पाण्डेका अनुसार मकवानपुरको थाहा नगर स्थित मालपोत कार्यालय, शिखरकोट र नापी कार्यालय भने बन्द हुने छैन् ।
प्रशासनको सेवामा आलोपालो
जिल्ला प्रशासन कार्यालय मकवानपुरले आइतबारदेखि आलोपालोमा सेवा प्रवाह गर्ने भएको छ । जिल्लामा संक्रमण बढेको र संक्रमणको जोखिमलाई मध्यनजर गर्दै कार्यलयमा भिडभाडको साथै संक्रमण बढ्न नदिन नयाँ नागरिकता, प्रतिलिपि नागरिकता र राहदानी सेवा आलोपालो प्रवाह गर्न लागिएको बताए । उनले प्रशासनले एक हप्ता नयाँ नागरिकता र अर्को हप्ता प्रतिलिपि नागरिकता र राहदानी सेवा प्रवाह गर्ने बताए ।
प्रशासनले जारी निषेधाज्ञामा अत्यावश्यक उपभोग्य बस्तु खाद्यान्य, मान्छा,मासु, तरकारी, फलफुल, दुध, पानि अण्डा पसलहरु बिहान ५ बजे देखी बिहान १० बजे सम्म खोल्न पाईने र गरैखाद्यान्य तथा अन्य पसलहरु दिउँसो १२ बजे देखी बेलुका ४ बजे सम्म संचालन गर्न दिएको छ ।
जिल्लामा पछिल्लो ३ महिनादेखि निषेधाज्ञा जारी रहेको छ । यहाँ पछिल्लो पटक थप गरिएको निषेधाज्ञा आउँदो साउन ३२ गतेसम्म रहेको छ । प्रशासनले गएको सोमबारबाट निजि तथा सार्वजनिक सवारीमा जोरबिजोर प्रणाली,निषेधाज्ञाको अवज्ञा गर्ने पसलहरुलाई जरिवाना लगाउँदै निषेधाज्ञालाई कडाई गरिरहेको छ । जिल्ला स्वास्थ्य कार्यलय मकपानपुरका अनुसार जिल्लामा हाल १ हजार २ को हाराहारीमा सक्रिय संक्रमित उपचाररत रहेका छन् । जिल्लामा हालसम्म कोरोनाको कारण १ सय ५३ जनाको मृत्यु भईसकेको छ ।
मकवानपुर । कोरोना भाइरसकाे माहामारीका कारण विगत २ वर्षदेखि देशमा शैक्षिक गतिविधि प्रायः ठप्प झै रहेको छ । भाैतिक उपस्थितीमा कक्षा संचालन नभएकाे तथा शैक्षिक गुणस्तरीयता नभइरहेकाे बेला हेटाैडामा काेराेना भाइरस कोभिडका कारण शिक्षामा सृजना भएका चुनौती र अवसर विषयमा अन्तरक्रिया कार्यक्रम गरिएकाे छ ।
हेटौंडा क्याम्पसले कोभिड १९ का कारण शिक्षा क्षेत्रमा सृजित भएको अवसर र चुनौती विषयमा जिल्लाका प्रतिनिधि शिक्षक र पत्रकारहरु विच अन्तरक्रिया कार्यक्रम गरेको हाे । अन्तरक्रिया कार्यक्रममा राष्ट्रिय परीक्षा बोर्ड शाखा कार्यालय हेटौडाका प्रमुख कृष्णप्रसाद घिमिरेले शिक्षालाई व्यवस्थापन गर्न आर्थिक चुनौती रहेको बताए ।
कोरोनामय समयलाई अवसरको रूपमा लिई नीति, नियम बनाई अबको शिक्षाको कार्यदिशा बनाउनु आवश्यक मात्र नभएर अनिवार्य रहेको उनले बताए । यदि यस मोडमा पनि शिक्षा क्षेत्रमा परिवर्तन ल्याउन सकिएन भने हामीले ठूलो अवसर गुमाउनेछौँ । भावी सन्ततीहरूले समेत पुरानै शिक्षा प्रणालीमा अभ्यस्त भई नयाँ सम्भावनाका लाभबाट बन्चित हुने निश्चित रहेको उनले बताए ।
कार्यक्रममा हेटाैंडा १ अमर माविकी प्रधानध्यापक मालाती उप्रेतीले इन्टरनेटको माध्यमबाट शिक्षा प्रदान गर्ने भन्दा कसरी दिने कोतुहलता लाग्ने गरेकोमा काेराेना माहामारीले गर्दा शैक्षिक क्षेत्रमा आइटीको प्रयाेगले फरक पारेको बताइन् । इन्टरनेटको माध्यमबाट शैक्षिक गतिविधि सुचारु गर्न पाउनु पनि एक अवसर भएको उनले बताइन् । ‘कोरोनासँगै वैकल्पिक शिकाइकाे रूपमा अनलाइन कक्षाहरूको सञ्चालनलाई सकारात्मक प्रभाव मान्नुपर्ने हुन्छ’ उप्रेतीले भनिन् ‘अनलाइन शिक्षाका सीमितता छ, व्यवस्थापन गाह्रो छ, व्यवस्थापन भए पनि विद्यार्थी कक्षामा उपस्थित भएर अध्ययन गरेजस्तो यो प्रभावकारी हुँदैन ।
अनलाइन कक्षामा विद्यार्थीको उपस्थिति न्युन हुने गरेकाेले काेराेना माहामारीले शिक्षाको गुणस्तरमा प्रश्न उठाएकाे छ उनले भनिन् । उनले आजको पुस्तामा माहामारीले गर्दा पढाईप्रतिको आकर्षण कम भएको देखिने बताइन् । विद्यार्थीसंग मोवाइल फोन नहुने, इन्टरनेटको समस्या रहेको र विद्युतको सहजताले अनलाइन शिक्षा प्रदान गर्न कठिन रहेको उप्रेतीकाे भनाइ रहेका छ । ।
कार्यक्रममा जनता मावि फापरवारीका सहायक प्रधानध्यापक शंकर पराजुलीले कोरोना संक्रमण तत्काल हट्ने नदेखिएकाले अव नेपालको शिक्षा प्रणालिमा भौतिक रुपमा उपस्थित रहेर शिक्षा लिन लामो समय लाग्ने निश्चित भएकाे बताए । विद्यार्थीका अभिभावकले समेत आफ्नो बच्चाको लागि शिक्षामा लगानी गर्ने बेला भएको उनले बताए । उनले भने, ‘यस परिस्थितिमा हाम्रो जस्तो अल्पविकसित देशमा यो कोरोनामय समयमा र कोरोनापछिको समयमा शिक्षाको स्वरूप कस्तो हुन सक्छ भन्ने विषयमा गम्भीर बहस र व्यवस्थापनको जरुरी छ । विषम परिस्थितिमा अबको शिक्षालाई कसरी व्यवस्थापन गर्न सकिन्छ भन्ने चुनौती शिक्षामा सरोकार राख्ने सबैलाई भएको छ भने अर्कोतर्फ कोरोना आतङ्कले उत्तिकै रूपमा सम्भावनाकाद्वारहरू पनि खोलेको छ ।’ पराजुलीले भने ।

त्यस्तै बंशगोपाल मावि मकवानपुरगढीका प्रधानध्यापक लिलानाथ ढुङ्गेलले अहिले विद्यार्थीहरुमा पढ्दै नपढि पास भइने भनेर रमाइरहेको अवस्थामा हाम्रो शैक्षिक गुणस्तर कस्तो रहेको छ प्रश्न गर्न सकिने उनले बताए । आर्थिक स्थिति कमजोर रहेको साथै प्रविधि मैत्री हुन नसक्नु अहिलेको समस्या रहेको उनले बताएका हुन् । बाल जागृति इङलिस माविका प्रधानध्यापक विनोद सुवेदीले कोरोनाका कारण निकासाका कुरा भन्दा आशालाई हेर्न पर्ने बताए । उनले भने, ‘आज कोरोनाले हाम्रा विद्यालयलाई भर्चुअल कक्षाहरूमा जानै पर्ने पाठ सिकाएको छ । अब सरकार र विद्यालयहरूले प्रविधिलाई नकार्न नसक्ने भएका छन् । प्रभावकारिता कतिको भएको छ, त्यो बेग्लै कुरा भयो तर यस्ता कक्षाहरू सुरुवात गरिदिने कोरोन भाइरसले शिक्षामा नयाँ आयाम थपिदिएको मान्नुपर्ने हुन्छ ।’ आज शिक्षकहरू, विद्यार्थीहरू, अभिभावकहरू प्रविधिमैत्री भइरहेका छन् । अघिल्लो वर्ष भन्दा यो वर्ष केहि सहज भएको उनले बताए ।
हेटौंडा क्याम्पसका क्याम्पस प्रमुख डाक्टर देवचन्द्र मानन्धरले अवको समय कोरोना महामारीले शिक्षाको सिकाइ पद्धति मूल्याङ्कनलगायत सम्पूर्ण आयाममै आमूल परिवर्तन गरिदिएर हाम्रो शिक्षालाई नयाँ उचाइमा पुर्याउने सम्भावना पनि त्यतिकै रहेको बताए । कोरोना निर्मूल भएर हामी पहिलेकै अवस्थामा फर्किने सम्भावना कम देखिन्छ बरु हामीले हाम्रा बानी व्यवहारहरू, नीति, नियमहरू कोरोना सापेक्ष बनाउनु जरुरी देखिन्छ । जसले गर्दा सल्लाह सुझाबका लागि अन्तरक्रिया कार्यक्रम राखिएको बताए । हेटौंडा क्याम्पसले लगातार अनलाइनबाट विद्यार्थीलाई माहामारीको समयमा समेत शिक्षा प्रदान गर्दै आइरहेको बताए । उनले अव हेटौंडा क्याम्पस प्राविधिक र बहुमुखी भएको समेत जानकारी दिए । हेटौंडा क्याम्पसमा आर्थिक स्थिति कमजोर भएकै कारण शिक्षा लिनबाट बन्चित हुन नपर्ने उनले बताए । क्याम्पसले गरिव जेहेन्दार विद्यार्थीलाई छात्रबृद्धि प्रदान गर्ने गरेको समेत बताए ।
मकवानपुर । मकवानपुरगढीकाे ज्यामिरेखोला पक्की पुलको उद्घाटन् शनिबार गरिएकाे छ । मकवानपुरगढी गाउँपालिका वडा नम्बर–५ ज्यामिरेखोलामा निर्माण गरिएको पक्की पुलको बागमती प्रदेशका मुख्यमन्त्री डोरमणि पौडेलले गरेका हुन् । पुल गाउँपालिका, संघीय सरकार र प्रदेश सरकारको ३ करोड ११ लाख रुपैयाँ लगानीमा निर्माण गरिएको हाे ।
उद्घाटन कार्यक्रममा बोल्दै मुख्यमन्त्री पौडेलले हाल सम्म प्रदेश सरकारले ६२ वटा पुल निर्माणको काम गरिसकेको बताए । ‘साढे तीन वर्ष अगाडी स्थापना भएको प्रदेश सरकारले चार सय किलोमिटर पक्की सडक निर्माण गरिसकेको छ । विकासका काम भनेको कहिले पनि ढुङ्गीदैन । ठुला मुलुकमा पनि विकासको काम सकिएको छैन’ पाैडेलले भने ।
कार्यक्रममा मकवानपुरगढी गाउँपालिकाका अध्यक्ष बिदुर हुमागाईले पुल निर्माण पछी यस क्षेत्रका स्थानीय बासिन्दालाई सहज हुने बताए । कार्यक्रममा जिल्ला विकास समिति मकवानपुरका पूर्व उपसभापति बद्री लंसाल, मकवानपुरगढी गाउँपालिका वडा नम्बर–५ का अध्यक्ष जितबहादुर घिमिरे, वडा नम्बर–६ का अध्यक्ष टिका दाहाल लगायतकाले मन्तव्य व्यक्त गरेका थिए ।
ज्यामिरेको पक्की पुल संघिय सरकारबाट ८९ लाख ६४ हजार ३१९, प्रदेश सरकारबाट ३० लाख अनुदान र गाउँपालिकाको आन्तरीक श्रोतबाट २ करोड १८ हजार १६९ गरी कुल ३ करोड १९ लाख ८२ हजार ४ सय ८८ रुपैँया लागतमा निर्माण भएको गाउँपालिकाका अध्यक्ष हुँमागाईले जानकारी दिए । पुलको लम्बाइ २६.६५ मिटर र चौडाइ ७.२० मिटर छ ।
पुल निर्माणपछि गाउँपालिकाका वडा नं. ५ र ६ का बासिन्दा बढी लाभान्वित हुने भएका छन् । पुल नहुँदा वर्षायाम स्थानीयवासी ज्यामिरे खोला जाेखिम माेलेर वारपार गर्ने गर्दथे । उक्त क्षेत्रमा बर्षाकाे समयमा ज्यामिरेखाेलाले जन धनकाे समेत क्षती पुर्याउँदै अाएकाे थियाे । पुल निर्माण भएसँगै स्थानीयबासीलाई खाेला वारपार गर्न जाेखिम कम भइ सहज हुने भएको छ ।
मकवानपुर । हेटाैडामा भएकाे खुल्ला दाैड प्रतियाेगितामा महेश माेक्तान प्रथम भएका छन् । अन्तर्राष्ट्रिय युवा दिवसको अवसरमा शनिबार भएकाे ५ किलोमिटर पुरुष खुल्ला दौड प्रतियोगितामा हेटौंडाका मोक्तान प्रथम भएका हुन ।
अन्तराष्ट्रिय युवा दिवस २०२१ को अवसरमा प्रदेश युवा परिषद् बागमती प्रदेशको सप्ताहव्यापी कार्यक्रम अन्तर्गत जिल्ला खेलकुद विकास समिति मकवानपुरको समन्वयमा दौड प्रतियोगिता भएको हाे । प्रदेश युवा परिषद्ले अन्तर्राष्ट्रिय युवा दिवस २०२१ को अवसरमा साताव्यापी कार्यक्रम आयोजना गरि दिवस मनाइरहेका छ । अगष्ट १२ बाट सुरु भएको सप्ताहव्यापी कार्यक्रम गर्न ५१ सदस्यीय मुल आयोजक समिति बनाइएको छ ।
शनिबार भएकाे दौड प्रतियोगितामा ४० जनाले सहभागि रहेको जिल्ला खेलकुद विकास समिति मकवानपुरका अध्यक्ष सानु लामाले बताए । हेटौंडाको बुद्धचोकबाट सुरु भएको दौड प्रतियोगिता पिप्लेपुगी पुनः बुद्धचोकमा अाइ समापन भएको थियो । प्रतियोगितामा हेटौंडा १३ वनस्पतिका मोक्तानले १६ मिनेट ३४ सेकेन्डमा दौड पुरा गरि प्रथम भएका थिए । त्यस्तै प्रदेश प्रहरी कार्यालयका सुरेश साह द्वितीय भएका छन् । उनले १७ मिनेट २६ सेकेन्डमा दौड पुरा गरेका थिए । प्रदेश प्रहरी कार्यालयकै एजिन राईले १७ मिनेट ३६ सेकेन्डमा दौड पुरा गरि तृतीय भएका छन् ।
साताव्यापी कार्यक्रमको पहिलो दिन बागमती प्रदेशका मुख्यमन्त्री डोरमणि पौडेलको प्रमुख आतिथ्यता र सामाजिक विकासमन्त्री सरस्वती बस्नेतको विशेष आतिथ्यतामा प्रदेश युवा परिषद्को हेटौंडास्थित कार्यालयको उद्घाटन गरिएको थियो । त्यस्तै साउन २९ गते जिल्ला युवा समिति मकवानपुरको समन्वयमा रक्तदान कार्यक्रम सम्पन्न भइसकेको छ भने साउन ३० गते जिल्ला खेलकुद विकास समितिको समन्वयमा ५ किलोमिटर दौड कार्यक्रम शनिवार भएको छ ।
साताव्यापी कार्यक्रम अन्तर्रगत साउन ३१ गते बाल कल्याण समाज मकवानपुरको समन्वयमा कोभिड–१९ संक्रमणको परिवेशमा बालबालिकालाई बालश्रमबाट जोगाँउ भन्ने नाराका साथ कार्यक्रम आयोजना गरिने भएकाे छ । साउन ३२ गते शिक्षाका लागि राष्ट्रिय अभियानको समन्वयमा अन्तरक्रिया कार्यक्रम संचालन गरिने छ । भदौ १ गते हेटौंडा लेडी जेसिसको समन्वयमा वक्तृत्वकला प्रतियोगिता संचालन गरिने तथा भदौ २ गते कार्यक्रम समापन गरिने जनाइएको छ ।
अन्तर्राष्ट्रिय युवा दिवस विश्वका विभिन्न मुलुकमा सन् २०२० र नेपालमा सन् २००४ देखि मनाउन सुरु गरिएको हो ।
मकवानपुर । हेटाैडामा ‘कास्ट अन म्याथम्याटिक्स’ कार्यक्रम भएकाे छ । हेटौंडाकाे नवोदय शिशु सदन अङ्ग्रेजी विद्यालयमा ‘कास्ट अन म्याथम्याटिक्स’ कार्यक्रम शुक्रबार भएको छ । भर्चुअल माध्यमबाट नवोदय म्याथ क्लवको आयोजनामा ‘कास्ट अन म्याथम्याटिक्स’ कार्यक्रम भएकाे हाे ।
कार्यक्रममा कक्षा ४ देखि कक्षा १० सम्मका विद्यार्थीहरुले विद्यालयमा छलफल भएका गणित विषयका विषयवस्तुहरु स्लाइडमार्फत कक्षागत रुपमा प्रस्तुत गरेका थिए ।कार्यक्रममा कक्षागत रुपमा प्रस्तुत गरिएकाे विषयवस्तुकाे आधारमा कक्षा ७ लाई उत्कृष्ट समूह घोषणा गरिएकाे छ । भोटिङ र विद्यार्थीले दिएका प्रस्तुतिका आधारमा कक्षा ७ लाई उत्कृष्ट समूह घोषणा गरिएको हो । कार्यक्रममा म्याथ काउन्सिलका अध्यक्ष धनिकलाल शाह र नेपाल शिक्षक महासङ्घ नगरसमिति हेटौंँडाका अध्यक्ष दीपक अधिकारीले निर्णायक रहेका थिए ।
कार्यक्रममा बोल्दै हेटौंँडा क्याम्पसका क्याम्पस प्रमुख डा. देवचन्द्र मानन्धरले भावी दिनमा इन्टरनेशनल कन्फ्रेन्सको कार्यक्रममा सहभागिता जनाउनमा यसले ठूलो भूमिका निर्वाह गर्ने
बताएका छन् । ‘नवोदयले राम्रो कार्यक्रम सुरुवात गरेको छ । आउने दिनमा नयाँ योजना सहित नयाँ खोज र अनुसन्धान गरी कार्यक्रमलाई परिस्कृत गर्दै कार्यक्रमलाई निरन्तरता दिनुपर्दछ’ उनले भने ।
यसैगरी म्याथ काउन्सिलका अध्यक्ष शाहले यस्ता कार्यक्रमले गर्दा विद्यार्थीहरुको सिर्जनशीलतामा विकास हुने बताए । यसैगरी नगरसमिति हेटौंडा अध्यक्ष अधिकारीले गणित विषय विषयमा मात्र सीमित नभई यसले जीवन उपयोगी कार्यमा पनि जोडिने गरेको बताए । ‘क्रियटिभ कामले विद्यार्थीलाई उत्प्रेरित गर्नुका साथै गणित विषयलाई सरल र सहज बनाउने छ’ उनले भने ।
म्याथम्याटिक्समा उत्पन्न भएका समस्यालाई कसरी समाधान गर्ने भन्ने विषयवस्तु कार्यक्रमले समेटिएको गणित शिक्षा विषयका अनुशन्धान कर्ता टीकाराम पोखरेलले बताए । ‘म्याथम्याटिक्स विषय धेरै कठिनाई र गाह्रो भएको अभिभावकबाट गुनासो सुनिन्छ ’ पाेखरेलले भने –‘गणित विषयलाई सजिलो बनाउन र धेरैकुरा सिक्नमा यस्ता कार्यक्रमले मद्दत पु¥याउँदछ ।’
गणित विषयप्रति विद्यार्थीको दृष्टिकोण सकारात्मक होस् भन्ने हेतुले कार्यक्रम आयोजना गरेको कार्यक्रम संयोजक आरती उप्रेतीले जानकारी दिइन् । नवोदय म्याथ क्लवका अध्यक्ष ईशान शर्माको अध्यक्षतामा कार्यक्रम भएको हो ।