मकवानपुर । नेपाली कांग्रेस मकवानपुरको सभापतिमा बुद्ध लामा चयन भएको घोषणा गरिएको छ। घोषणासंगै सभापतिका अर्का उम्मेदवार आनन्दराम पराजुलीले लामालाई बधाई दिएका थिए । पहिलो चरणको मतदान अनिर्णित बनेपछि नेताहरुबीच सभापतिमा लामालाई सर्वसम्मत चयन गर्ने सहमति भएको कांग्रेस मकवानपुरले जनाएकाे छ ।
पराजुलीले आफू सभापति नभए पनि सभापतिमा विजयी बुद्ध लामाको हरेक चुनौतीमा आफ्नो साथमा सधै रहने बताए ।
कांग्रेस केन्द्रीय सहमहामन्त्री महालक्ष्मी उपाध्याय ‘डीना’, बागमती प्रदेश सभापति इन्द्रबहादुर बानियाँ, सभापतिका उम्मेदवार लामा, आनन्दराम पराजुलीसहितको बैठकबाट लामालाई सभापति चयन गर्ने निर्णय बमोजिम लामालाई सभापती घोषणा गरिएको हो ।
सोमबार भएको पहिलो चरणको मतदानमा बुद्ध लामाले ५ सय ९२ मत प्राप्त गरेका थिए । दोस्रो स्थानमा रहेका आनन्दराम पराजुलीले ५ सय ४५ मत प्राप्त गरेका थिए । यस्तै अर्का आकांक्षी जयराम लामिछानेले ५ सय ३१ मत प्राप्त गरेका थिए । १ हजार ८ सय ५३ मतदातामध्ये १ हजार ७ सय ७५ प्रतिनिधिले मतदान गरेका थिए ।
- संप्रस पाैडेल
हल्लाखोर संवाददाता ।
नेपालमा एमसिसीको घिन्ताङघिसी निकै घम्साघसीमा पुगेको छ । यही बेला विज्ञान र गणितका अनेक सूत्र प्रयोग गरी हाम्रा संवाददाताले विशेष सूत्रबाट थुप्रै रहस्यहरू पत्ता लगाएका छन् । जसका लागि युट्युबे ज्योतिष र टिकटके स्टन्डबाज व्यूरोहरूले अहोरात्र समय दिनुपरेको थियो ।
स्वघोषित विद्वान राजनेता, सर्वोच्च नेता, आन्दोलन अधिकार समितिका महानायकहरू श्री घुएँत्रो आहाल, ढुंगामुढा लेपाल, लाठी लेउवा आदिका प्रवक्ता, वक्ताले खोक्ता, ठोक्ता प्राप्त शङकाका आधारमा प्राप्त प्रारम्भिक केही तथ्यहरू यस प्रकार रहेका छन्:
- नेपालमा जाइकाले बनाएको स्कुलका बिल्डिङमा चाँडै नै जापान सरकारले जापानी सेना राख्दैछ ।
- डानिडाको सहयोग पाएको स्कूलमा डेनमार्कले यथाशीघ्र स्थानीय सरकार गठन गर्दैछ ।
- निकट भविष्यमा शैक्षिक गतिविधीमा गरेक सहयोग अझै बढाउँदै युएसएआइडीले रोक लगाएर वडा कार्यालय गठन गर्नेछ ।
- समाचार व्यूरोको न्यूरो सर्जनअनुसार उनीहरू नेपाल बसेर हामीलाई अमेरिका, डेनमार्क, बेलायत खेद्नेछन् ।
- अन्तराष्ट्रियस्तरमा हाम्रो आन्दोलन पुग्नेछ । युएनका महासचिव हामीमाझ अन्दोलन फिर्ताको माग गर्नेछन् । हामी पश्चिमका बिर्ता पूर्वतिर फिर्ता गर्दै किर्था झैँ झ्याउँझ्याउँ कराउनछौँ ।
- हामी हाम्रो सार्वभौमसत्ताको नारा न्यूयोर्कको माइतीघर, लण्डनको ससुरालीघर र कोपनहेगनको मीतबाको घरअघि पुगेर निर्णायक नारा लगाउँनेछौँ ।
- त्यतिखेर अमेरिकी सेना नेपालमा बुट बजार्दै अमेरिकामा हामीलाई स्यालुट गर्नेछ ।
- जापानी सेना हाम्रो कुटाकुट र लुटालुटको फुटाफुट देखेर लज्जित हुनेछ । त्यतिञ्ज्याल हाम्रा सहीदको तस्वीर टोक्योका बिजुलीका पोलमा सुसज्जित हुनेछ ।
- दिनभर नारामा, घरका काम झारामा । फलाना ठाउँमा घाम लागिसक्दा नि यो पारामा भन्दै खाटमै आएर बाले दुई लात्ती दिएपछी आफ्नो खास धरातलमा बल्ड्याङ खाई यो समाचारका सम्पादक दुबई, मलेसियामा कामदार चाहियो, विज्ञापन पढ्न पत्रिका किन्न जानेछ । जदौ ।
लेखक सिस्नुपानी मकवानपुरमा आबद्ध छन् ।
हेटाैंडामा ३ कविका २१ कविता
Tags: No Comments
मकवानपुर । हेटाैडामा ३ कविका २१ कविता सुनिएका छन् । साहित्य सङ्गम मकवानपुरकाे आयाेजनामा भएकाे कार्यक्रममा ३ कविले कविता वाचन गरेका हुन् ।
मकवानपुरे कवि जेनन नेपाल हाल अष्ट्रेलियाले प्रायाेजन गरेकाे कविता वाचन कार्यक्रम शनिबार हेटाैडाकाे माेटल एभाेकाडाेमा भएकाे हाे । मकवानपुरसहित माेरङ र बाग्लुङ जिल्लाका ३ जना समकक्षी कविले २१ कविता कार्यक्रममा वाचन गरेका थिए । मकवानपुरका कवि निमेष निखिल, माेरङका कवि ज्याेति जङ्गल र बाग्लुङका कवि भूपिन खड्काले आआफ्ना ७/७ कविता कार्यक्रममा वाचन गरेका हुन ।
कविता वाचन कार्यक्रमकाे पहिलाे चरणमा कवि भूपिनले चोरी एक तुलनात्मक अध्ययन, कुरुप कविता, चवालिस, तेइसौ सताब्दी शिर्षकका ४ वटा कविता वाचन गरेका थिए । कवि ज्योतिले बादशाहको चुम्बन, प्रेमी देश, आमाहरु, म कसैलाई सम्झिरहेको किन छु शिर्षकमा ४ वटा कविता सुनाएकी थिइन् । यस्तै कवि निमेषले ऐना अगाडी, शोक गीतको पोष्टमार्टम, समय र कवि, सम्बोधनमा मित्र राम विलास गरी ४ वटा कविता सुनाएका थिए ।
कार्यक्रमकाे दाेस्राे चरणमा कवि भूपिनले नोटको जिबनि, ढुङ्गा, बसुन्धरा शिर्षकका कवि ज्याेतिले लैजानु, काग अवतार, सिकाइ शिर्षकका र कवि निमेषले कविताका नाममा, क्रान्ति, स्वीकाराेक्ती शिर्षकका ३/३ कविता वाचन गरेका थिए ।
साहित्य संगम मकवानपुरका अध्यक्ष अनिता न्याैपानेकाे सभाध्यक्षतामा भएकाे कार्यक्रमा समाजिक विकास मन्त्रालय बागमती प्रदेशका मन्त्री कुमारी माेक्तानकाे प्रमुख आतिथ्यता संगम मकवानपुरका संस्थापक अध्यक्ष नवराज शर्मा विशिष्ट आतिथ्यता रहेकाे थियाे ।
मकवानपुरका कवित सुवास खनालले कार्यक्रममा सुनिएका कविताका कविहरुकाे बारेमा संक्षेपमा परिचय गराएका थिए । संगम उपाध्यक्ष सानु खनालले स्वागत मतव्य राखेर शुरु भएकाे कार्यक्रम संगमका सचिव डीवी बर्ताैलाले संचालन गरेका थिए ।
मकवानपुर/ हेटौंडा उपमहानगरपालिकाले आर्थिक समृद्धिका लागि कृषिमा लगानीलाई उच्च प्राथमिकता दिंदै आएको छ ।
कृषिलाई निर्वाहमूखीबाट व्यवसायिक बनाउन नगरपालिकाले विभिन्न कार्यक्रम सञ्चालन गर्दै आएको हो । विपन्न कृषकहरुलाई अनुदान तथा बिउ पुँजीको कार्यक्रम सञ्चालनार्थ सहयोग गरेपछि लक्ष्यित वर्गको जीवनस्तरमा समेत सुधार आएको पाइएको छ । नगरपालिकाले उन्नत प्रजातिको बाख्रा पालन, पाडापाडी पालन, तरकारी खेती, माछा तथा हाँस पालन, पशुहरुमा लाग्ने आकश्मिक रोग विरुद्धको खोप कार्यक्रमले ल्याएपछि कृषकलाई निर्वाहमूखीबाट व्यवसायिक रुपमा काम गर्न धेरै राहत मिलेको हो ।
नगरपालिकाले उन्नत बाली विकासको लागि विभिन्न बालीको बीउ ३ हजार ४०० केजी र मौसम अनुसारका तरकारीको बीउ १ हजार ५ सय पकेट वितरण गरिएको जनाएको छ । मुल्य श्रंखला कार्यक्रम अन्तरगत कार्यक्रम लागु भएका हेटौंडाको वडा नंम्बर १७ र १९ का दुई वटा साना किसान कृषि सहकारीमा आवद्ध समुहका सदस्यहरुलाई मागमा आधारित २ वटा आयोजना संचालनका लागी सम्झौता सम्पन्न भएको आर्थिक महाशाखा प्रमुख गंगा चौलागाईंले बताइन् ।

यसैगरी नगरपालिकाले प्रधानमन्त्री कृषि आधुनिकीकरण आयोजना अन्तरगत स्थानीय तहबाट संचालन गर्नेगरी संघीय सरकारबाट प्राप्त सशर्त अनुदानबाट गत बर्षबाट संचालनमा आयका एक एक वटा मेवा पकेट क्षेत्र र तरकारी पकेट क्षेत्रका लागि चालु आर्थिक वर्षमा प्राप्त कार्यक्रम निरन्तरताको लागि सम्झौता सम्पन्न भइसकेको छ ।
नगरको गौरवको आयोजनाको रुपमा बागमती प्रदेश सरकारसंगको लागत साझेदारीमा हेटौंडा ११ को थानाभ¥याङ्गमा प्रादेशिक फलफूल तथा तरकारी थोक केन्द्र निर्माणको लागि ठेक्का सम्झौता भई निर्माणको कार्य सुरु भएको छ ।
उक्त निर्माण कार्य चालु अवस्थामा रहेको आर्थिक महाशाखा प्रमुख चौलागाईंले बताइन् ।
तरकारी तथा फलफूल कृषकलाई आत्मनिर्भरता र व्यवसायिकीकरणको लागि नगर क्षेत्रमा आवश्यक पर्ने अनुदानको रासायनिक मल वितरण गर्न ३५ वटा कृषि सहकारीहरुलाई विक्रेताको लागि कार्य क्षेत्र सहित किटान गरी रसायनिक मल वितरण गर्ने व्यवस्था मिलाइएको उनले बताइन् ।

यसैगरी पशुपन्छी विकास तर्फ यस वर्ष ८०/२० को लागत साझेदारीमा साना किसान सहयोग कार्यक्रम अन्तर्गत काउम्याट वितरण गरिएको कृषि महाशाखाका अधिकृतस्तर आठौ दुर्गाप्रसाद न्यौपानेले बताए । पाडापाडी अनुदान, युवा लक्षित अनुदान, माछा तथा हाँस पालन अनुदान बंगुर पालन अनुदान, व्यबसयिक फर्म प्रोत्साहन कार्यक्रम गरि १ सय ११ जना किसानलाइ अनुदान सम्झौता सुरु भएको न्यौपानेले बताए ।
विगत वर्षहरुदेखि संचालन हुदै आएको पशुको कृतिम गर्भाधान कार्यक्रम चालु आ।व। मा समेत संचालन भइरहेको उनले बताए । यसैगरी नगरका ४ वटा सेवा केन्द्रहरु मार्फत पशुमा लाग्ने विभिन्न रोगको लागि आवश्यक औषधीहरु निःशुल्क वितरण कार्य गरिएको उनले बताए ।
‘मौसम अनुसारको घाँसको बीउ सेवा केन्द्र मार्फत वितरण भईरहेको छ’ न्यौपानले भने ‘पशुहरुमा आकस्मिक रुपमा लाग्ने खोरेत, पीपीआर, भ्याकुते रोगहरुको नियन्त्रणको लागि खोप लगाउने कार्य आवश्यकता अनुसार लगाउदै आएको छ ।’
टनेल खेतीलाई प्रोत्साहन
नगरपालिकाले चालु आर्थिक बर्षमा कृषि उत्पादनलाई व्यबसायिक बनाउने अभिप्रायले २५ वटा टनेल निर्माण कार्य, प्लास्टिक पखरी ४ वटा, १० वटा साना सिचाई आयोजना संचालनका लागि सम्झौता सकिएर चालु आवस्थामा रहेको छन्।

कृषक समूह तथा सहकारीमा आबद्ध किसानहरुलाई कृषि पेशामा उत्साहित गराउन ५० प्रतिशत अनुदानमा साना ठुला गरी २४ वटा कृषि यान्त्रिक उपकरण उपलब्धताको लागि सम्झौता भएको छ । संघिय सरकारको सशर्त अनुदान मासु मिसन कार्यक्रम अन्तर्गत पाडा पालन कार्यक्रमका लागि १५ वटा समूह छनोट भई कार्यक्रम चालु अवस्थामा रहेको आर्थिक महाशाखा प्रमुख गंगा चौलागाईले बताइन् । साविक जिल्ला विकास समितिमा दर्ता भई हाल नगरपालिका कार्यालयमा नवीकरणका लागि आएका घ वर्गको निर्माण व्यवसाय इजाजत मध्ये चालु आर्थिक आर्थिक वर्षमा २ सय १६ वटाको
नविकरण तथा १ वटाको ठाँउसारी, ३ वटाको नामसारी र ४ वटाको नयाँ इजाजत जारी गरिएको उनले बताइन् ।
चालु आर्थिक वर्षबाटबाट स्थानीय तह मार्फत संचालन भईरहेको गरिवी निवारणको लागि लघु उद्यम विकास कार्यक्रम अन्तर्गत उद्यम विकास समूहगठन भई एच्ब्, क्थ्द्यए, उद्यमशिलता विकास तालीम सम्पन्न भएको छ । उपमहानगर क्षेत्रबाट संचालनमा रहेका सहकारीहरुलाई नजिकको सम्पर्क विकास गरी नियमित गर्ने कार्य हुदै आएको न्यौपानेले बताए ।
यस अवधिमा एक नयाँ दर्ता, एक एकीकरण र ३ वटा विनियम संशोधन भएको न्यौपानेले बताए । प्रधानमन्त्री रोजगार कार्यक्रम अन्तर्गत बेरोजगार सूचीमा सुचिकृतहरुलाई लक्षित गरी नगरका सबै वडामा कार्यान्वयन हुने गरि आयोजना छनोट गर्ने कार्य प्रक्रियामा रहेको महाशाखाले जनाएको छ ।