मकवानपुर । नेपाल कम्युनिष्ट पार्टी एमाले विकास प्रेमी पार्टी भएको पार्टी केन्द्रीय सल्लाहकार समिति सदस्य तथा बागमती प्रदेशका पहिलो मुख्यमन्त्री डोरमणी पौडेलले बताएका छन् ।
एमाले विकास प्रेमी पार्टी भएकै कारण जनताको रोजाइको पार्टी भएको उनले बताए । एमाले हेटौंडा ५ ले आयोजना गरेको आसन्न स्थानीय तहको निर्वाचन लक्ष्यित सभालाई सम्बोधन गर्दै पौडेलले यस्तो बताएका हुन् ।
उनले आगामी ३० बैशाखमा हुने स्थानीय तहको निर्वाचनमा नेकपा एमालेका उम्मेदवारहरुले दोब्बर मतका साथ बिजय हासिल गर्ने बताए । हेटौंडा ५ दक्षिणकालीमा भएको कोणसभामा बोल्दै पौडेलले भने “हामी हाम्रो प्रतिस्पर्धिको भन्दा दोब्बर मत ल्याएउने छौं ।”
एमालेको विजयले मात्र विकास सम्भव भएको भन्दै आफू प्रदेश सभाको निर्वाचनमा निर्वाचित भएपछि हेटौंडा प्रदेश राजधानी कायमदेखि नगरको सबै क्षेत्रमा उल्लेख्य विकास गरेको उनले बताए । अब सबै जनताले विकास गर्न एमाले नै आवश्यक भएको भन्ने कुरा बुझिसकेका छन पौडेलले भने ‘एमालेलाई पराजित गर्न योजना र सिद्धान्त नै नभएका दलहरु जनताको बिचमा भोटको लागि गैंडा र हात्ती लिएर आउन सक्ने हुँदा सजग रहन समेत आग्रह गर्छु।’

यस्तै आसन्न स्थानीय तहको निर्वाचनमा एमालेको जीतलाई रोक्न कसैले नसक्ने एमाले नेता तथा पार्टीबाट हेटौंडा उपमहानगरको मेयरका उम्मेदवार अनन्त पौडेलले बताए । विकास गर्ने, समृद्धि ल्याउने, देशलाई अगाडि बढाउने पार्टी नै एमाले मात्रै भएको जनताले बुझेकाले अब गठबन्धनको नाममा जसले जति भ्रम फैलाउने काम गरेपनि एमालेको जीत पक्का भएको मेयरका उम्मेदवार पौडेलले बताए ।

यसैगरी एमालेबाट हेटौंडाको उपमेयरको उम्मेदवार सुमित्रा काफ्लेले एमालेले जितेपछी सबैको भविष्य उज्वल हुने बताइन् । “हामीले सुमृद्धिको सूरुवात जन्मबाटै गर्नेछौ” काफ्ले भनिन् “नयाँ जन्मिने बच्चाहरुको उज्ज्वल भबिष्य बनाउने नीति एमालेले लिएको छ ।” हेटौंडा उपमहानगरपालिका भित्रका नागरिकको बच्चा जन्मिएपछी ३५ दिन भित्रमा जन्मदर्ता गरेमा उपमहानगरपालिकाले नै बैंक खाता खोलेर १ हजार रुपैयाँ जम्मा गर्ने नीति लिएका काफ्लेले बताइन् ।
घटना दर्तालाई सहज बनाउनका लागि काम गरिने, नागरिकलाई उपमहानगरपालिकासँग सहज रुपमा जोडिने माध्यम निर्माण गर्ने बताइन् । वडागत रुपमा भएको शहरी स्वास्थ्य केन्द्रलाई सुदृढीकरण गर्दै लैजाने, विद्यार्थीहरुलाई उच्च शिक्षा हासिल गर्न आवश्यक सहयोग गर्ने, युवा लक्षित कार्यक्रमहरु गर्ने जस्ता योजनाहरु एमालेले बनाएको काफ्लेले बताइन् ।

कार्यक्रममा हेटौंडा ५ को वडा अध्यक्षको उम्मेदवार शुसिल घिमिरेले वडाको समृद्धिको लागि आफूले योजनाहरु बनाएको बताए । बेरोजगार युवा तथा महिलाहरुलाई स्वरोजगार बनाउन तथा उद्यमसँग जोड्न सिपबिकास कार्यक्रमका आफ्नो योजनामा रहेको घिमिरेले बताए ।
वडा समितिले घरदैलाेपछी काेणसभाकाे आयाेजना गरेकाे सचिव सुरेश लामाछानेले बताए। ‘हामीले घरदैलाे भेटघाटमा धेरै सकारात्मक उर्जा पाएका छाै’ सचिव लामीछानले भने ।
मकवानपुर : नेकपा एमालेको तर्फबाट हेटौंडा उपमहानगरपालिकाको उपमेयर पदकी उम्मेदवार सुमित्रा काफ्लेले एमालेले जितेपछी नव विवाहिता दम्पतीले ३५ दिनभित्र विवाहदर्ता गरेमा १/१ हजार दिने बताउनु भएको छ । यसैगरी बालबालिकाको जन्म दर्ता गर्दा पनि ३५ दिनभित्र गर्दा १ हजार दिने उहाँले बताउनुभयो । बालबालिकाको उज्ज्वल भबिष्य बनाउने नीति निर्माण गरिने बताउनुभएको छ ।
हेटौंडा-६ र ७ नम्बर वडामा भएको चुनावी सभामा बोल्दै उपमहानगरपालिका भित्रका नागरिकको बच्चा जन्मिएपछी ३५ दिन भित्रमा जन्मदर्ता गरेमा बच्चाको उज्ज्वल भबिष्यको लागि उपमहानगरपालिकाले नै बैंक खाता खोलेर १ हजार रुपैयाँ जम्मा गर्ने नीति निर्माण गरिने उहाँले बताउनुभयो ।
उहाँले सामाजिक घटना दर्तालाई सहज बनाउनका लागि काम गरिने, नागरिकहरुलाई उपमहानगरपालिकासँग सहज रुपमा जोडिने माध्यम निर्माण गर्ने, वडागत रुपमा भएको शहरी स्वास्थ्य केन्द्रलाई सुदृढीकरण गर्दै लैजाने, विद्यार्थीहरुलाई उच्च शिक्षा हासिल गर्न आवश्यक सहयोग गर्ने, युवा लक्षित कार्यक्रमहरु गर्ने जस्ता योजनाहरु एमालेले बनाएको जानकारी दिनुभयो ।
बेरोजगार युवा तथा महिलाहरुलाई स्वरोजगार बनाउन तथा उद्यमसँग जोड्न सिपबिकास कार्यक्रमका साथै सहुलियत ऋण उपलब्ध गराउने, कृषियोग्य जमिनमा कृषि गरेर आत्मनिर्भर बनाउन पहल गर्ने साथै आवश्यक सुबिधा प्रदान गर्दै आत्मनिर्भर बनाउनेतर्फ एमालेले काम गर्न प्रतिबद्ध भएको काफ्लेले बताउनुभयो ।
मकवानपुर । स्थानीय तह सदस्य निर्वाचन मिति नजिकिदै गर्दा राष्ट्रिय प्रजातन्त्र पार्टी (राप्रपा) मकवानपुरका नेता तथा पूर्व केन्द्रीय सदस्य मधु अधिकारीले राप्रपा परित्याग गरेका छन् ।
आज एक विज्ञप्ती जारी गर्दै उनले राप्रपा परित्याग गरेको जानकारी दिएका छन् । उनले पछिल्लो समयमा राप्रपामा सामन्ती र सर्वसत्तावीदी प्रवृत्तिको हावी भन्दै राप्रपाबाट अलगिएको जनाएका छन् । हेटौंडा उपमहानगरपालिकाको मेयरका आकाक्षि अधिकारीलाई पार्टी अन्तिम समयमा आएर पन्छाउंदै दीपक बहादुर सिंहलाई मेयरको उम्मेदवार बनाएपछी उनी रुस्ट भएका थिए ।
विगतमा राप्रपामा कृयाशिल भई जीवनका उर्जाशिल समय ब्यतित गरेको उल्लेख गर्दै अधिकारीले भावी दिनमा राप्रपा सम्बद्ध कोहि सङ्ग पनि गुनासो नरहने बताएका छन् । उनी ३२ बर्ष राप्रपामा सक्रिय भएर काम गरेका नेता हुन ।
यस्तो छ विज्ञप्तीको पुर्णपाठ:
पार्टी स्थापनाकाल देखीको ३२ बर्ष राप्रपालाई मुलुकको राष्ट्रिय राजनितीमा स्थापित गर्न तल्लो तहमा नै बसेर अनबरत रुपमा रगत पसिना बगाईरहे । सकेको बल,बुद्धि,श्रम,सीप लगाईरहे । आफ्नो क्षमता अनुसार सकेको आर्थिक लगानी परि गरिरहे । निष्ठा,सिद्धान्तलाई केन्द्रमा राखिराखे ।पार्टिमा बिभिन्न उतारचढाव आयो,शंधर्ष र कठिन दिनहरू पार गरे।यो बिचमा पार्टि सुन्य अवस्थामा पुग्यो यस्तो कठिन, असहज र चुनौतीपुर्ण अवस्थामा पनि पार्टीलाइ स्थापित गर्न सकिन्छ भन्ने आत्मविश्वासका साथ अघि बढे। पार्टीलाई सकेको योगदान दिने कुरामा जहिल्यै अग्रसर भैरहे । पार्टीलाई विधि र प्रद्धतीमा अगाडि बढाउन प्रयास गरिरहे । वास्तवमा मेरो ३ दशक लामो राजनीतिक यात्रामा मैले कमाएको सम्पत्ति भनेको ईमान्दारिता, नैतिकता र जनताको स्नेह हो। मैले आफ्नो राजनैतिक जिवन भरी निष्ठाको राजनिती गरे कुनै लाभको पदमा बसेर फाईदा लिएको थाहा छैन, बरू सधै कठिन परिस्थितिमा दुख कष्ट गरे। तर पार्टी भित्र “काम गर्ने कालू, मकै खाने भालु” प्रवृत्ति मौलायो। पछिल्लो समय अनुकुलताको राजनिती , मौसमी राजनीति, सामन्ती र सर्बसत्ताबादी चिन्तन अनि प्रवृत्ति हाबी भयो । तेहि प्रवृत्तिसङ्ग केन्द्रीय नेतृत्व नतमस्तक भयो। नयाँ पुस्ताको भजन गाएर नथाक्ने पार्टीका नेतृत्व र शिर्ष नेताको निर्णय अदुरदर्शि, अपरिपक्व र अन्यायपुर्ण देखियो । नेतृत्वले गर्ने मुल्य,मान्यता र आदर्शको कुरा ढोङ्ग सिवाय केही होइन भन्ने घटनाक्रमले चरितार्थ गर्यो । कुनै कार्यकर्ताको मेहनत र लगनको मुल्यांकन त परै जावोस् , उल्टै हुर्मत लिने र तेजोबध गर्ने काममा नेतृत्व तह हतियारको रुपमा प्रयोग भयो ।कस्ले दुख गरेको छ,कस्ले मेहनत गरेको छ,हेक्का राख्न नसक्ने लाचार निरिह नेतृत्व संग बसेर एउटा स्वाभिमानी व्यक्तिले कसरि काम गर्न सक्छ? राप्रपा भित्र योगदान दिने व्यक्तिको मुल्यांकन नहुने, र पछिल्लो समयमा काहिकतै भुमिका निर्वाह नगरेको व्यक्तिले मौका पाउने परिपाटी अस्वीकार्य छ। सधै कठिन घडीमा पार्टीलाइ थाम्ने काम गरे तर सहज र अनुकूल वातावरणमा एउटै व्यक्तिले मात्र अवसर पाउने प्रवृत्ति पार्टीमा हावि भयो। पछिल्लो कालखण्डमा पार्टीमा योगदान गरेर राप्रपा मकवानपुरको अस्तित्व जोगाउन सफल भएर एउटा भुमिका बनाएको व्यक्तिको मान मर्दन गरियो। हामीले बनाएको जग र मेहेनतलाई अवमूल्यन गरियो। अराजक र अवसरवादीहरूले भोलि पार्टीलाई नै आफनो स्वार्थ पुर्तिको लागि जे पनि गर्न सक्ने सम्भावना टडकारो छ। पार्टी नेतृत्व पनि त्यस्मा संलग्न भयको देखिन्छ। यसले एउटा स्वाभिमानी राजनितीक ब्यक्तिको निष्ठा र आत्मसम्मान माथी गम्भीर प्रश्न उठाएको छ । अपमानित ,अपहेलित भएर स्वाभिमान माथी प्रश्न उठिसकेको अबस्थामा पनि अन्यायको विरुद्धमा बिद्रोह नगरि निरीह भई त्यसकै साक्षि बस्नलाई यो आत्माले स्वीकृत दिएन । अन्यायको विरुद्धमा सतिसाल बनेर खडा हुने निष्कर्षमा पुगेको छु । मेरो निर्णय सहि या गलत भन्ने निर्क्यौल भबिष्यलाई छोडेको छु । यसलाई अबसर नपाउदाको पीडा वा रोदनको रुपमा मात्रै नबुझियोस् । मेरा यी भनाई कुनै आग्रह वा पुर्बाग्रह प्रेरित छैनन् । मेरो कोहि कसै प्रती कलुशित भावना थियन, छैन र कहिल्यै रहदैन पनि । राप्रपाको बिचार बोकेका कारण तिरस्कृत भएको अपहेलित भएको मात्र होइन मृत्यु सङ्ग नजिकै पुगेको त्यो कारुणिक दृश्य अहिले सम्झिदा भावुक हुन्छु । राप्रपामा कृयाशिल भई जिबनका उर्जाशिल समय ब्यतित गरे । भाबी दिनमा राप्रपा सम्बद्ध कोहि सङ्ग पनि गुनासो रहने छैन । पार्टीमा काम गर्ने क्रममा धेरै साथिहरु सङ्ग नजिक भए। माया गर्ने, सम्मान गर्ने अनि मन मिल्ने मनग्ये साथिहरु छन् । सबैलाई सम्झेको छु । गलत प्रवृत्तिसङ्ग कुनै मुल्यमा सम्झौता नगर्ने दृढताका साथ अत्यन्तै भारी मनले राप्रपाबाट अलग हुने निर्णय लिएको छु ।
आसन्न स्थानीय तहको निर्वाचनको तयारीमा उम्मेदवारहरु अहिले घरदैलोमा व्यस्त छन् । निर्वाचनमा प्रतिनिधिको उम्मेदवार बनेकाहरुसँग प्रतिवद्धता लिन हामीले म बनाउँछु मेरो वडा/पालिका स्तम्भ सुरु गरेका छौ । यसै अन्तरगत हेटौंडा उपमहानगरपालिका वडा ५ मा एमालेबाट वडा सदस्यको उम्मेदवार भगवती बिकसँग सोधेका छौं तपाईलाई नै किन जिताउनु पर्ने, वडाको विकासमा तपाईको संकल्प के छ ?
म दलित समूदायको प्रतिनिधित्व गरेर वडा सदस्यको रुपमा उठेको छु । अघिल्लो कार्यकाल पनि मैले यही समुदायबाट निर्वाचन जितेको थिए । वडावासीलाई अघिल्लो मौकाको लागि हाद्र्धिक धन्यवाद । मैले अघिल्लो कार्यकालमा पनि सकेको काम गरेको छु, यो कुरा वडावासीहरु जानकार नै हुनुहुन्छ ।
तर मैले जुन समुदायको प्रतिनिधित्व गरेर गएँ, त्यो समूदायमा धेरै कामहरु बाँकी नै छन् । हाम्रो वडाको दलित समूदायमा अझै सशत्तिकरणको काम भएकै छैन । वडाले दिने सेवा सुविधा लिन आउनुहोस् भन्दा समेत वडामा आउन सक्ने हुनुहुन्न उहाँहरु । सेवा लिन झण्झटिलो छ बरु नलिने भनेर पछि हट्नुहुन्छ दलित समूदायका व्यक्तिहरु उहाँहरुलाई उहाँहरु बस्नुभएकै टोलबाट सशक्त बनाउनु जरुरी देखेको छु मैले ।
हामी स्थानीय सरकारमा वडाको प्रतिनिधि सबैभन्दा नजिक छौ, तर दलित समूदाय वडैसम्म पनि पहुँच छैन, अब हाम्रो टीम ले जितेर आएपछि दलित समूदायलाई उहाँहरुकै घरघर र आँगनमा सेवा प्रदान गर्ने छौ । उहाँहरुको आवाजलाई स्थानीय सरकारको हैसियतले सम्बोधन गर्ने छौ । सरकारले प्रदान गरेको समाजिक सुरक्षाको सेवा लिनदेखि उहाँहरुको सामाजिक हैसियत उकास्नको लागि म र मेरो टीम लाग्ने छ ।
यि त भए दलित समूदायको कुरा ।
नेकपा एमालेले उठाएको हाम्रो टीमले जितेर आएपछि हामीले यो ५ वर्षको कार्यकालमा के के गर्ने भनेर योजना बनाएका छौ, हामी ति सबै योजनाहरु क्रमैसँग पुरा गर्दै जाने छौ । महिला तथा बालबालिकाको लागि पनि हामीले दीर्घकालीन योजनाहरु बनाएका छौ । महिलालाई उद्यमशिलता प्रवद्र्धनका लागि विभिन्न ब्यवसायिक तथा सिपमुलक तालिमहरु प्रदान गर्ने र घरेलु उद्यमको विकास गर्ने योजनाहरु छन् । महिलाहरुबाट उत्पादित सामग्रिहरु विक्रि वितरणको उपयुक्त ब्यवस्था गर्न सहजीकरण गरिने, उद्यमि महिलाहरुको अनुभव आदानप्रदान तथा अभिप्रेरणा कार्यक्रम संचालन गरि अन्य महिलाहरुलाई व्यवसायमा जोडिन प्रेरित गरिनेछ ।
किशोरीहरुलाई किशोरी शिक्षा तथा जीवन उपयोगी सिप विकास कार्यक्रम संचालन गरिनेछ । साथै, सेल्फ डिफेन्स तालिमहरु प्रदान गरिनेछ । निरक्षर वा अर्ध साक्षर महिलाहरुलाई साक्षरता कक्षा संचालन गरी पुर्ण साक्षर बनाईनेछ । यसैगरी यस वडालाई बाल श्रममुक्त क्षेत्र बनाईनेछ । यस वडामा निर्माण गरिने हरेक पुर्वाधारहरु बालबालिका र अपाङग मैत्री बनाउने हाम्रो टीमको योजना छ ।

वडावासीलाई हाम्रोलाई माया गरेर मतदान गरिदिनुहुन विनम्र अनुरोध गर्दछु । मसंगै मेरो टीममा रहनु भएका अध्यक्षका उम्मेदवार सुशिल घिमिरे र सदस्यहरु ज्ञानबहादुर थापा, रामबहादुर राई, रञ्जिता सिलवाललाई जिताइदिनु हुन मेरो अनुरोध छ ।
मकवानपुर । हेटौंडा उपमहानगरपालिकामा उपमेयरको उम्मेदवार सुमित्रा काफ्लेले घटना दर्तालाई प्रभावकारी बनाउन प्रोत्साहन गरिने नीति एमालेले लिएको बताइकी छिन् ।
३५ दिनभित्र जन्मदर्ता गर्नेलाई एक हजार प्रोत्साहन रकम प्रदान गरिने संकल्प एमालेले गरेको काफ्लेले बताएकी हुन् । आसन्न स्थानीय तह सदस्य निर्वाचनको चुनावी कार्यक्रममा बोल्दै आज हेटौंडा १६ हटीयामा उनले यस्तो बताएकी हुन् ।
घटना दर्ताले स्थानीय तहको मात्रै नभइ राष्ट्रिय विकास निर्माणको लागी नीति बनाउनसम्म गहिरो अर्थ राख्दछ । समयमै घटना दर्ता दर्ता नीति तथा योजना बनाउन तथ्यगत आधार तय हुन्छ ।
नेकपा एमालेबाट हेटौंडाको उपमेयरको उम्मेदवार रहेकी काफ्ले हटीयाको कृषिभूमिमा अत्यधिक संभावना रहेको बताउँदै भनिन् “यही भूमीलाई नीतिगत रुपमा व्यवस्थित गर्दै आय आर्जन र उद्यममा जोडेर समृद्धि ल्याउन सकिन्छ, हामीले यसको लागि पनि योजना बनाएका छौ ।”
महिलालाई उद्यममा जोड्न सिप क्षमता विकास र सशत्तिकरणमा ध्यान दिने उनले बताइन् । समाजलाई समृद्धि बनाउँन, समाजिक क्षेत्रको विकास गर्न, साँस्कृत धरोहरहरुको संरक्षण र सम्बद्र्धन गर्न एमाले सरकाले ध्यान दिने उनले बताइन् । यसको लागि हेटौंडा नगरमा एमालेले नेतृत्व पाएपछि स्थानीयवासीकै सहकार्य र सल्लाह बमोजिम अघि बढ्ने उनले बताइन् ।
“उपमहानगरको समृद्धिले ५ वर्षपछि महानगरको लागि आधार तय गर्नेछ” काफ्लेले भनिन् “हामी महानगरको संकल्प पनि अहिले नै बोकेर हिडेका छौ, जसले आधार बनाउने छ भोलीको लागि ।”
कृषिजन्य उत्पादनमा जोडिएर १ जनाले उद्यम गर्दा १०/१५ जना अरुले रोजगारी पाउन सक्ने संभावनालाई व्यवहारमा उतारेर देखाउने तागत एमालेमा रहेको उनले बताइन् । यसै गरी टोल र घर छेउको सामुदायिक विद्यालयको गुण्स्तर विकासको योजना पनि एमालेले बनाएको उनले बताइन् । “हामीले शहरी स्वास्थ्य केन्द्रलाई अझै व्यवस्थित बनाउने छौ” काफ्लेले भनिन् “शहरी स्वास्थ्य केन्द्रमा चिकित्सक तथा ल्याबको व्यवस्था गर्नेछौ ।”