मकवानपुर । मकवानपुर जिल्लाको हेटौंडा उपमहानगरपालिका ७ मा रहेको नागस्वती भेट्रान्स क्लबको आयोजनामा आज भएको खेलमा हेटौडा, अभिषेकचर्चा, कोटेश्वर र ठमेल चियापप बिजयी भएका छन् ।
प्रतियोगिताको आइतबार दिउँसो भएको खेलमा काल भैरव भेट्रान्स हेटौडाले अभिषेकचर्च भेट्रान्स नवलपरासीसंग हार बिहोर्नु परेको छ । खेलमा अभिषेकचर्च भेट्रान्सका तर्फबाट जर्सी नम्बर १० का मनोज लामाले खेलको २६ औ मिनेटमा गोल गरेका थिए भने खेलको २९ औ मिनेटमा जर्सी नम्बर १५ का तोयाराम भुजेलले गोल थप्दै टिमलाई अग्रता बनाएका थिए ।
खेलमा कालभैरब २ ० फरकमा हार बिहोर्न बाध्य भएको थियो । यो खेलको म्यान अफ द म्याच अभिषेकचर्च भेट्रान्सका तोयाराम भुजेल हुन सफल भएका थिए । यस्तै आजको तेश्रो खेलमा भने कोटेश्वर ११ भेट्रान्स र सिमरा भेट्रान्स बीच निकै रोमान्चक खेल भएको थियो । खेलको १३ औ मिनेटमा कोटेश्वर ११ भेट्रान्सका जर्सी नम्बर ८ का हरीहर थापाले पहिलो गोल गरेका थिए । खेलको २० औ मिनेटमा अनगोल हुन गई कोटेश्वरको सुसाईड गोल थप गोल हुन सफल भएको थियो । यस्तै खेलको ३८ औ मिनेटमा कोटेश्वरका तर्फबाट जर्सी नम्बर ११ का नारायण कार्कीले अर्को गोल गरेका थिए भने खेलको अन्तिम समयमा जर्सी नम्बर १० का शसी रिमालले गोल थप गर्दै टिमलाई बिजयी बनाउन सफल भएका थिए ।
यस खेलमा सिमारा भेट्रान्सका तर्फबाट जर्सी नम्बर ३७ का गोपीराम भटले खेलको १४ र १७ मिनेटमा २ गोल गर्न सफल भएका थिए । अन्तत यस खेलमा कोटेश्वर भेट्रान्स चार दुईको फरकमा बिजयीहुन सफल भएको थियो । उक्त खेलमा कोटेश्वर भेट्रान्सका हरीहर थापा म्यान अफ द मयाच हुन सफल भएका थिए ।
आजै भएको चौथो खेलमा ठमेल चिया पप भेट्रान्स बिजयी भएको छ । खेलमा वीरगञ्ज सिटी भेट्रान्सलाई चार सुन्यको फरक अन्तरालमा हराउन सफल भएको थियो । खेलको ९ औ र २१ मिनेटमा सुरज कार्कीले दुई गोल गरेका थिए । खेलको ३६ औ र ४० औ मिनेटमा लक्ष्मी याकाले २ गोल गर्दै टिमलाई चार सुन्यको अन्तरमा बिजयी बनाउन सफल भएका थिए । खेलको म्यान अफ द म्याच लक्ष्मी याका घोषित भएका थिए ।
सोमबार बिहान ७ बजे नाग्श्वती भेट्रान्स बि र बिरगंग एकेडेमी भेट्रान्स बिच हुनेछ भने दोश्रो खेल बिहान ८ बजे हेटौडा भेट्रान्स र बगरभाई खलक भेट्रान्स पोखरा बीच हुनेछ ।
आयोजकका अनुसार तेश्रो खेल बिहान ९ बजे चितवन भेट्रान्स र जोरपाटी भेट्रान्स बीच हुनेछ भने चौथो खेल दिउसो २ बजे अभिषेक चर्च भेट्रान्स नवलपरासी र सानो गौचरण नाईटकिग कलब भेट्रान्स बिच हुनेछ ।
यस्तै पाचौ खेल दिउसो ३ बजे नागश्वती भेट्रान्स ए र ठमेल चियापप भेट्रान्स बिच हुने तालिका रहेको छ भने अन्तिम तथा छैटौ खेल हेटौडा भेट्रान्स र बगरभाई भेट्रान्सको बिजयी टिम संग थापा गाँउ भेट्रान्सले खेल खेल्ने तालीका रहेको छ । सोमबारबाट क्वाटर फाईनल खेल सुरुहुने बताईएको छ ।
मकवानपुर । आसन्न प्रदेश सभा निर्वाचनको लागि नेकपा एमाले मकवानपुरका २३ जनाको नाम सिफारीस गरेको छ । जिल्लाको चार क्षेत्रको लागि २२ जनाको नाम सिफरीस गरेको हो ।
मकवानपुरको प्रतिनिधिसभा क्षेत्र १ नं क्षेत्रको प्रदेशसभा क बाट अणराज जर्गामगर, राजकुमार तिमल्सिना, दिलबहादुर घिसिङ्ग, कृष्णप्रसाद चालागाई, कमल विष्ट, नारायण सापकोटा, दिपक न्यौपाने , सीता बिष्ट सिफारीस भएका छन् ।
यसैगरी प्रदेशसभा ख बाट रघुनाथ खुलाल, श्रीधर पोखरेल, एकलाल श्रेष्ठ, भोजराज ढकाल, सम्राट तुम्बाहाम्फे, धुव्रप्रसाद चौलागाई, आरती पाठक, कुमार केसीको नाम सिफरीस भएको जिल्ला कमिटी सचिव नविन सिग्देलले बताए ।
यसैगरी प्रतिनिधिसभा २ नं क्षेत्रको प्रदेशसभा क को लागि बलराम बल, विष्णु ढकाल र चमेली बलको नाम सिफारीस भएको छ । प्रदेशसभा ख को लागि भने लालबहादुर थापा, सुरेन्द्र पाठक, श्यामप्रसाद ढकाल र पम्फा रोक्का सिफारिस गरिएको सिग्देलले बताए ।
चारै प्रदेशसभा निर्वाचन क्षेत्र समन्वय कमिटीको बैठक बसी केन्द्रीय, प्रदेश र जिल्ला कमिटीको परिपत्र अनुसार उम्मेद्वार सिफारिस गरिएको नेकपा एमाले जिल्ला कमिटीका सचिव सिग्देलले बताए ।
प्रदेशसभा निर्वाचन क्षेत्र समन्वय कमिटीले गरेको सिफारिसमा भाद्र १९ गते बस्ने जिल्ला सचिवालय र भाद्र २० गते बस्ने जिल्ला कमिटी बैठकले थप सुझाव सहित केन्द्रीय र प्रदेश कमिटी मार्फत केन्द्रीय कमिटीमा पठाईने छ ।
एमालले मकवानपुरले आज एकैदिन चारै प्रदेशसभा निर्वाचन क्षेत्र समन्वय कमिटीको छुट्टाछुट्टै बसेको बैठकले नाम टुङ्ग्याएको हो ।
बैठकमा केन्द्रीय कमिटीका सदस्य तथा जिल्ला ईन्चार्ज रामेश्वर राना, केन्द्रीय सदस्यहरू कृष्णप्रसाद दाहाल, जुनेली श्रेष्ठ, भारती पाठक, केन्द्रीय सल्लाहकार परिषद् सदस्य डोरमणि पौडेल, केन्द्रीय निर्वाचन विभागका सदस्य अनन्त पौडेल, प्रदेश कमिटी उपसचिव महेश बर्तौला, प्रदेश कमिटीका सदस्यहरू, जिल्ला पदाधिकारीहरूले सहजिकरण गरेका थिए ।
मकवानपुर । आर्थिक वर्ष २०७८/०७९ मा मकवानपुर जिल्लामा ५० वटा बालविवाहका घटना दर्ता भएकाेमा ४४ वटा राेकिएका छन् । सिविन नेपालद्धारा सञ्चालित बाल हेल्पलाइनमा दर्ता भएका बालविवाहका उजुरीमध्ये ६ जनाले पुन विवाह गरेको पाइएको छ ।
बाल विवाहको घटना दर्ता भए पनि रोक्ने काम त्यति सहज छैन । विवाह रोकेकै कारण भविष्यमा हुन सक्ने संभावित दुर्घटनालाई समेत मध्ये नजर गर्नुपर्ने भएकोले केही समय प्रक्रियामा रहन्छ । यसरी प्रक्रियामा रहेकै बेला पुन विवाह भएका घटनाहरु पनि मकवानपुरमा छन् । अभिभावकहरुलाई भन्दा बालबालिका स्वयमलाई बुझाउन समस्या हुने गरेको छ ।
मकवानपुर जिल्लामा चालु आर्थिक वर्षको डेढ महिनामा पनि बाल विवाहको घटना बारे १० वटा उजुरी दर्ता भएका छन् जसमा ६ वटा रोकिएको छ । बाँकी ४ वटा प्रक्रियामा छन् ।
यसै क्रममा बालमैत्री स्थानीय तह घोषित मकवानपुरको मनहरीको बालक र कैलाश गाउँपालीकाको बालिका बिच हुन लागेको बाल विवाह रोकिएको छ । कैलाश गाउँपालिका पनि बालमैत्री घोषणाको तयारीमा लागि परेको स्थानीय तह हो ।
जिल्लाको मनहरी गाउँपालिका वडा नं ४ का १८ वर्षिय बालक र कैलाश गाउँपालिका वडा नं. ७ की १६ वर्षिय बालिका बिच हुन लागेको बाल विवाह लामो कसरतपछि रोक्न सफल भएको सिविन बाल हेल्प लाइन मकवानपुरले जनाएको छ ।
दुई दिनअघि विवाह हुन लागेको सूचना बालहेल्पलाइनको टोल फ्रि न १०९८ प्राप्त भए पश्चात विवाह रोक्ने कसरत सुरु गरिएको थियो ।
बालबालिकाको दुवै तर्फका अभिभावक, बालहेल्पलाइनका प्रतिनिधि र मनहरी गाउँपालिकाको उपाध्यक्ष सीता पुलामी मगर, वार्ड न ४ का वार्ड अध्यक्ष प्रकाश थापा, २ न. वार्ड अध्यक्ष राज कुमार पाख्रिन, सामाजिक विकास शाखा प्रमुख शैलस बास्कोटा सहितको टोली सक्रियताले बाल विवाह रोक्न सफल भएको सिविन नेपालद्धारा संचालित बालहेल्पलाइनका प्रवन्धक झबिन्द्र ज्ञवालीले जानकारी दिए ।
बालबालिकाको दुवै पक्षलाई बाल विवाहका असर तथा परिणाम, कानुनी व्यवस्था, यसबाट दीर्घकालिन असर लगायतका विषयमा सचेत बनाइ आगामी दिनमा यस्ता घटना नदोहोर्याउने प्रतिवद्धता गराइएको ज्ञावलीले बताए । उनीहरुले आफ्नो टोल समाजमा यस्ता घटना हुन नदिन समेत पहल बताएका छन् । गाउँपाालिका उपाध्यक्ष सीता पुलामी मगरले स्थानीय स्तरमा बालविवाह रोक्नको लागि सबैको ऐक्वबद्धता आवश्यक हुने बताइन् ।
साथै मनहरी गाउँपालिका वडा नं. ४ का अध्यक्ष प्रकाश थापाले बालकको लागि पढ्न इच्छा जाहेर गरेमा अध्ययनमा सहयोग गर्ने र शीप सिक्न चाहेमा बार्ड कार्यालयले सहयोग गर्ने प्रतिवद्धता व्यक्त गरे ।
बालबालिकाहरुले समेत बीस वर्ष पूरा नभइ अब विवाह नगर्ने र अभिवकहरुले पनि यस विषयमा आफूहरु बालबालिकाको निगरानी गर्ने र यस्ता घटना दोहो¥याउन नदिने प्रविबद्धता गरेका गरेका छन । बालिकालाई थप परामर्शको लागिको लागि गाउँपालिकाले बाल हेल्पलाइनको संरक्षणमामा पठाएको जनाइएको छ ।
पछिल्लो समयमा बालविवाह बढनुको मुख्य कारणहरुमा अभिभावक र बालबालिका बिचमा सुमुधुर गाढा सम्बन्ध नहुनु, पारिवारिक विचलन हुनु, विविध कारणले विद्यालय छोड्नु, अभिभावकले बालबालिकाहरुलाइ मोवाइल उपलब्ध गराउनु जस्ता कारण रहेको ज्ञावलीले बताए ।
अभिभावक व्यस्त भएर बालबालिकाहरुलाई घरमा नराखी आफन्त वा होस्टल वा अन्य कतै राखी अध्ययन अध्यापन गराउने, बालबालिकाहरु बिच सानै उमेरमा प्रेम सम्बन्धका नाममा अनैतिक सम्बन्ध स्थापित गर्ने जस्ता कारणहरु रहेको बालहेल्पलाइनमा दर्ता भएका घटनाहरुले देखाएको उनले बताए ।
मकवानपुर । मकवानपुर जिल्लामा डेंगु संक्रिमितको सङ्ख्या ५ सय नाघेको छ । लामखुट्टेको टोकाईबाट हुने डेंगु संक्रमण बढेसँगै अस्पतालमा बिरामीको चाप समेत बढेको छ ।
स्वास्थ्य कार्यालय मकवानपुरका अनुसार मकवानपुर जिल्लामा साउन यता ५ सय ५८ जनामा डेंगु संक्रमण पुष्टि भएको छ । स्वास्थ्य कार्यालय मकवानपुरका सूचना अधिकारी लक्ष्मण घिमिरेले संक्रमितको सङ्ख्या बढीरहेकोले आवश्यक सतर्कता अपनाउन आग्रह गरे । मकवानपुर जिल्लाको हेटौंडा उपमहानगरपालिका–४ र ५ नंबर वडामा सबैभन्दा बढी संक्रमितहरु रहेको स्वास्थ्य कार्यालयले जनाएको छ । विद्यालयहरुको चौरमा समेत झाडी भएको कारण स्कुले बालबालिकाहरुलाई समेत डेंगुको संक्रमण हुने जोखिम बढेको छ ।
गत साउनको तेस्रो सातासम्म २८ जनामा देखिएको डेंगु ज्वरोको संक्रमितहरुको संख्या हाल ५ सय ५८ जना पुगेको छ । हेटौंडाका ४ र ५ नम्बर वडाका बढी ग्यारेजहरु धेरै रहेको तथा जनघनत्व समेत बढी भएको कारण यहाँ बढी संक्रमितहरु रहेको कार्यालयले जनाएको छ ।
डेंगुको कारण कसैको पनि ज्यान नगएको तर अस्पताल र मेडिकलहरुमा डेंगु बिरामीको चाप बढेको घिमिरेले बताए ।
जिल्लाको सरकारी अस्पताल हेटौंडा अस्पतालमा पछिल्लो दिनहरुमा डेंगीका लक्षणसहित ज्वरोका बिरामीहरुको संख्या पनि ह्वात्तै बढेको अस्पतालका मेडिकल सुपेरिटेण्डेन्ट डाक्टर रामचन्द्र सापकोटाले बताए ।
उनले अस्पतालमा दैनिक एक सय माथि ज्वरोका बिरामीहरु उपचारको लागि आउनेमा डेंगु परीक्षणको लागि सिमित किट रहेको बताउँदै डेंगु परीक्षणको लागि बाहिरी मेडिकल पठाउनु परेको समेत बताए । जिल्लामा सरकारी अस्पताल,स्थानीय पालिकाहरु स्थित स्वास्थ्य संस्था तथा बजार क्षेत्रका निजी स्वास्थ्य क्लिनिकहरुमा डेंगु परीक्षण हुँदै आएको छ ।
तर स्थानीय तहले डेंगु नियन्त्रणको लागि खासै पहल कदमी चालेको छैन । एक महिना अघि केही स्थानमा हेटौंडा उपमहानगरपालिकाले लामखुट्टे नष्ट गर्नको लागि स्प्रे गरेको भए पनि हाल नगरपालिकाले त्यसतर्फ चासो नै दिएको छैन । विभिन्न अनावश्यक निर्णय गरेको कारण विवादमा मुछिएको तर स्थानीयवासीको स्वास्थ्य सवालमा भने नगरपालिकाले सरोकार नराखेजस्तो व्यवहार गरेको भन्दै स्थानीयले गुनासो गरेका छन् ।
गएको आर्थिक वर्ष २०७८÷०७९ मा जिल्लामा १९५ जनामा मात्र संक्रमण देखिएको थियो । तर चालु आर्थिक वर्षको दुई महिनामै उक्त संख्या झण्डै तेब्बरले भएको छ । डेंगु संक्रमण फैलाउने लामखुट्टेले दिउँसो टोक्ने भएकोले घर, विद्यालय तथा कार्यालय वरपर लामखुट्टे बस्न झाडीहरु तथा जमेको पानीहरु हटाउन स्वास्थ्यकर्मीहरुले आग्रह गरेका छन् ।
मकवानपुर । आसन्न प्रतिनिधि सभा र प्रदेश सभा निर्वाचनको लागि नेपाल कम्युनिष्ट पार्टी एमालेले आज मकवानपुर जिल्लाबाट हुने उम्मेदवारको सिफारिस टुङ्ग्याउने भएको छ ।
प्रदेशसभामा मकवानपुरका चार निर्वाचन क्षेत्रबाट उम्मेदवार हुनको लागि पार्टीले सिफारिस गर्न लागेको छ । “चार वटै निर्वाचन क्षेत्रमा को को सिफारिस हुने भन्ने बैठकले आजै टुङ्गो लगाउने छ” पार्टी अध्यक्ष एकालाल श्रेष्ठले बताए ।
मंसिर ४ गते हुने प्रतिनिधिसभा र प्रदेशसभा निर्वाचनका लागि उम्मेदवार सिफारिस गर्ने कार्यतालिका अनुसार आज बैठक बसेर पहिलो चरणबाट सिफारिस गर्न लागिएको हो । आजको बैठकबाट सकेसम्म सर्बसम्वत रुपमा उम्मेदवार सिफारिस गर्ने तयारी गरिएको नेकपा एमाले मकवानपुरका अध्यक्ष श्रेष्ठले बताए ।
मकवानपुर क्षेत्र नम्बर–१ को ‘क’, ‘ख’ र क्षेत्र नम्बर–२ को ‘क’ को उम्मेदवार सिफारिस गर्नका लागि अहिले पार्टी कार्यालयमा बैठक बसिरहेको छ । क्षेत्र नम्बर–२ को ‘ख’ को बैठक भने मनहरी गाउँपालिकाको रजैयामा बसेको छ ।
क्षेत्रबाट सिफारिस भएकालाई जिल्लाले फेरी बैठक बसेर उम्मेदवार थपघट गरेर पनि सिफारिस गर्न सक्ने प्रावधान समेत रहेको अध्यक्ष श्रेष्ठले बताए ।