मकवानपुर । मकवानपुर जिल्ला प्रतिनिधि सभा क्षेत्र २ युवा नेता महेशकुमार बर्तौला विजयी भएका छन् ।
उनले ३४ हजार ९१६ मत प्राप्त गरी विजयी भएका हुन् । नेकपा एमालेका युवा नेता बर्तौलाले सत्ता गठबन्धनका उम्मेदवार बिरोध खतिवडालाई पराजित गरेका हुन् । नेकपा एकीकृत समाजवादीका नेता तथा संघीय सरकारका पूर्व स्वास्थ्य मन्त्री खतिवडाले ३० हजार ३९६ मत प्राप्त गरे । खतिवडा ४ हजार २२० मतले पछि परेका हुन् ।
यस क्षत्रमा प्रतिष्पर्धामा उत्रेका राष्ट्रिय प्रजातन्त्र पार्टीका भरत पराजुलीले १२३९ मत पाएका छन् । कुल ८६ हजार ६ सय ५२ मत खसेकोमा ८६ हजार ३ सय ३ गन्दा बर्तौलाले उक्त मत पाएका हुन । मकवानपुर २ मा ४ हजर १०२ मत बदर भएको छ । आयोगले आधिकारिक बिजयि घोषणा गर्न बाकी छ ।
मकवानपुर । मकवानपुर जिल्ला प्रतिनिधि सभा क्षेत्र २ अन्तरगत प्रदेश सभा २ मा सत्ता गठबन्धन विजयी भएको छ ।गठबन्धनको तर्फबाट उम्मेदवार बनेकी नेपाली काँग्रेसका नेता इन्द्रबहादुर बानियाँले नेकपा एमालेका उम्मेदवार लालबहादुर थापालाई पराजित गरेका हुन् ।
बानियाँले १ हजार ७८२ मतान्तरमा एमालेका उम्मेदवार थापालाई पराजित गराएका हुन् । बानियाँले १८ हजार ७१७ मत ल्याउँदा थापाले १६ हजार ९३५ मत ल्याएका थिए । नेपाली काँग्रेस बागमती प्रदेश सभापति रहेका बानियाँ यसअघि पनि बागमती प्रदेशका सांसद हुन् ।
निर्वाचन कार्यालयले आधिकारी घोषणा गर्न बाकी रहे पनि गणना सकिएको कारण गणना स्थलमा समर्थकहरुले विजय जुलुस सुरु गरी सकेका छन् । यहाँ कुल ४० हजार ५९९ मत खसेको थियो । १३० मत बदर भएको निर्वाचन अधिकृतको कार्यालयले जनाएको छ ।
मकवानपुर । मंसिर ४ गते सम्पन्न प्रतिनिधि सभा र प्रदेश सभा निर्वाचनको मतगणना जारी छ । हालसम्म बागमती प्रदेशमा प्रतिनिधि सभातर्फ १४ वटा सिटको अन्तिम टुङगो लागेको छ ।
जसमा नेपाली काँग्रेस ८ सिट सहित अग्र स्थानामा रहेको छ भने राष्ट्रिय स्वतन्त्र पार्टी ४ सिट सहित दोस्रो स्थानमा रहेको छ ।
यसैगरी नेकपा एमाले २ सिट सहित तेस्रो स्थानमा रहेको छ । मतगणना जारी रहदा हालसम्म प्रतिनिधि सभातर्फ बागमती प्रदेशमा कुन पार्टीले कुन जिल्लाको कुन क्षेत्रमा जित्यो ?
नेपाली काँग्रेस
काठमाडौं क्षेत्र १ प्रकाशमान सिंह
काठमाडौं क्षेत्र ३ सन्तोष चालिसे
काठमाडौं क्षेत्र ४ गगन थापा
काठमाडौं क्षेत्र ५ प्रदीप पौडेल
काठमाडौं क्षेत्र १० राजेन्द्र कुमार केसी
ललितपुर क्षेत्र १ उदय समशेर राणा
रसुवा क्षेत्र १ मोहन आचार्य
राष्ट्रिय स्वतन्त्र पार्टी
ललितपुर क्षेत्र ३ तोषिमा कार्की
काठमाण्डौ क्षेत्र ७ गणेश पराजुली
काठमाण्डौ क्षेत्र २ साेबिता गाैतम
काठमाण्डौ क्षेत्र ८ विश्वभक्त श्रेष्ठ
नेपाल कम्युनिष्ट पार्टी एमाले
ललितपुर क्षेत्र २ प्रेमलाल महर्जन
काठमाण्डौ क्षेत्र ९ कृष्णगाेपाल श्रेष्ठ
मकवानपुर । जारी मतगणनामा मकवानपुर २ प्रदेश सभा १ मा कुमारी मोक्तानले अग्रता बढाएकी छिन् ।
कुल २९ हजार १० मतगणना हुंदा गठबन्धनकि उम्मेदवार माओवादीकि मोक्तानले १३ हजार ३० मत प्राप्त गरेकी छन्की
नेकपा एमालेका उम्मेदवार विष्णु प्रसाद ढकालले भने १२ हजार ५ सय ४० मत प्राप्त गरेका छन् । हिजो सम्म ढकाल अघि थिए भने आज भने मोक्तान अग्रता बढाएकी हुन् । मतगणना जारी छ ।
राप्रपाका रामकुमार घले १ हजार ८०२ मतसहित तेस्रो स्थानमा छन् ।
मकवानपुर । मकवानपुर जिल्लाको २ वटा प्रतिनिधि सभा क्षेत्रमा एमाले र सत्ता गठबन्धनले एक एक क्षेत्रमा अग्रता लिएको छ ।
प्रतिनिधिसभा क्षेत्र नम्वर– १ मा गठवन्धनका उम्मेदवार महालक्ष्मी उपाध्याय डिनाले मतान्तर फराकिलो बनाउँदै लगेकी छन्, भने मकवानपुर २ मा एमालेमा उम्मेदवार महेशकुमार बर्तौलाले अग्रता काम राखेका छन् ।
पछिल्लो अपडेट अनुसार क्षेत्र १ मा भएको ३१ हजार ९४६ मतगणना हुंदा डिनाले मतान्तर बढाउँदै लगेकी छिन् । उनले ११ हजार ९३५ मत पाएकी छिन् । त्यस्तै यो क्षत्रमा एमालेका उम्मेदवार रहेका राप्रपा नेपालका अध्यक्ष कमल थापाले ९ हजार ४७१ मत पाएका छन् ।
यता मकवानपुरमा प्रतिनिधिसभा क्षेत्र नम्बर–२ मा नेकपा एमालेका युवा नेता महेश बर्तौलाले अग्रता लिएका छन् ।
सत्तारुढ गठबन्धनका उम्मेदवार विरोध खतिवडालाई पछि पार्दै बर्तौलाले अग्रता लिएका हुन ।
बर्तौलाले १ हजार ७५१ मतले गठवन्धनका उम्मेदवार बिरोध खतिवडालाई पछि पारेका छन् । मकवानपुर–२ मा कुल ३६ हजार ५ सय ७४ मत गणना हुँदा महेश बर्तौलाले १४ हजार ८ सय ९८ मत प्राप्त गरेका छन् । त्यसैगरी सत्ता गठवन्धनका उम्मेदवार बिरोध खतिवडाले भने १३ हजार १ सय ४७ मत प्राप्त गरेका मुख्य निर्वाचन अधिकृतको कार्यालयले जनाएको छ । मत गणना जारी छ ।