मकवानपुर । सिमसार क्षेत्र पुनर्स्थापना र नारायणी तटीय सामूहिक प्रयास तथा कार्ययोजना अन्तरगत मकवानपुरका सरोकारवालाहरूले सिमसार क्षेत्र संरक्षणबारे कार्ययोजना निर्माण गरेका छन् ।
सिमसार क्षेत्र पुनर्स्थापना र नारायणी तटीय सामूहिक प्रयास तथा कार्ययोजना माथि छलफल गर्दै आगामी कार्ययोजना बनाएको हो ।
डब्ल्यु डब्ल्यु एफको सहयोगमा सहमतिले कार्यक्रम गरेको थियो । डब्लु डब्लु एफको साझेदारीमा सञ्चालित ” Wetland- Restoration and Basin Collective Action plan for Narayani. River परियोजना अन्तरगत Validation of collective Action Plan कार्यक्रम अन्तरको बहस यस अघि पनि मकवानपुरमा भएको थियो ।
मकवानपुर जिल्लाका जिल्ला समन्वय समिति प्रमुख ललितबहादुर घलानको प्रमुख आतिथ्यतामा भएको छलफल कार्यक्रममा जिल्लाको सरोकारवाला सरकारी तथा गैरसरकारी संस्थाका प्रमुख तथा प्रतिनिधिहरूको उपस्थिति रहेको थियो ।
कार्यक्रममा जिसस प्रमुख घलानले जलाधार क्षेत्र संरक्षणमा स्थानीय तहहरूसंग समन्वय गर्ने बताए । जलाधार जीवनको आधार भएकोले यसको संरक्षणमा समन्वय सहकार्य र लगानी आवश्यक भएको घलानले बताए ।
यसअघि गत असोज २ गते हेटौंडामा नै भएको सर्वपक्षीय बैठकबाट प्राप्त मस्यौदालाई मुल्यांकन र प्रमाणीकरणको लागि समूह छलफल गरिएको थियो ।

छलफलबाट प्राप्त निर्णयलाई आगामी दिनमा लक्ष्यित क्षेत्रमा सरकारी तथा गैरसरकारी संस्थाहरूले आफ्नो कार्ययोजना भित्र समेटेर काम गर्ने परियोजना प्रमुख दिनेश बस्ताकोटीले बताए । सहभागीहरू झण्डै ३ दर्जन प्रश्नमाथी छलफल गरि कार्ययोजना बनाएका थिए ।
डिभिजन वन कार्यालय मकवानपुरका बसन्तराज गौतम, जिल्ला वनस्पति अनुसन्धान केन्द्रका रघुराम पराजुली, परियोजना सल्लाहकार दया सागर सुवेदी, मकवानपुर जिल्लाका विभिन्न स्थानीय तहहरूको प्रतिनिधिहरूको उपस्थिति रहेको थियो ।
पर्यटन प्रवर्द्धनार्थ बैकुण्ठमा ल्होसार मनाउने तयारी
Tags: No Comments
मकवानपुर ।तामाङ समुदायको नयाँ वर्ष अर्थात सोनाम ल्होसारको अवसरमा डाँफेमुनाल पार्क बैकुण्ठमा पर्यटन प्रवर्द्धन गर्ने उद्देश्यले ल्होसार मेला आयोजना गरिने भएको छ ।
कैलाश गाउँपालिका वडा नम्वर २ मा रहेको बैकुण्ठमा माघ ८ गते ल्होसार पर्व मनाउने तयारी थालिएको हो ।
स्थानीय विनोद मुक्तानको संयोजकत्वमा ल्होसार संयोजन समिति निर्माण गरिएको वडाध्यक्ष राजेन्द्र घिसिङले जानकारी दिए । मेलामा स्थानीय जनप्रतिनिधिको उपस्थितिमा राष्ट्रिय कलाकारको प्रस्तुति रहनेछ ।
मेलामा स्थानीय तामाङ समुदायको संस्कार र सँस्कृतिसँग सम्बन्धित लामा, बोम्बो, लब्तावालगायतका झाँकिहरुको प्रस्तुती रहनेछ ।
ग्रामिण पर्यटनको विकास, स्थानीय तामाङ समुदायको सँस्कृतिको जगेर्ना, भाषा, भेषभुसा र कलाको संरक्षणमा मद्दत पु¥याउने उद्देश्यले मेला आयोजना गर्न लागिएको अध्यक्ष घिसिङको भनाई छ ।
तामाङ समुदायको सबैभन्दा ठुलो सांस्कृतिक पर्व २८५९औँ सोनाम ल्होछार २०७९ ह्योई ल्हो (बिरालो वर्ग) को अवसरमा तामाङ समुदायको बाहुल्यता रहेको बैकुण्ठमा पहिलो पटक मेला हुन लागेको हो । यस वर्ष बाघ वर्षलाई बिदाइ गर्दै बिरालो वर्षलाई स्वागत गर्दै ल्होछार मनाउन लागिएको हो ।
मकवानपुर । पछिल्लो समय आयुर्वेद उपचारमा आकर्षण बढेको छ ।
मकवानपुरको हेटौंडा स्थिति आयुर्वेद केन्द्रबाट आर्थिक बर्ष २०७८/०८९ मा १५ हजार जनाले सेवा लिएका छन् । आर्थिक बर्ष २०७६/०७७ मा ८ हजार जनाले सेवा लिएकोमा २०७७/०७८ मा १२ हजारले सेवा लिएका थिए ।
सेवाग्राही बढेसंगै आयुर्वेद चिकित्सा पद्धतिलाई अझै प्रभावकारी बनाउन स्वास्थ निर्देशनालय बागमती प्रदेशले विशेष पहल गरेको स्वास्थ निर्देशनालय निर्देशक महेश्वर श्रेष्ठले बताए ।
जिल्ला आयुर्वेद कार्यालय मकवानपुरले आयोजना गरेको पत्रकार अन्तरक्रिया कार्यक्रममा निर्देशक श्रेष्ठले यस्तो बताएका हुन् ।
यसैगरी मकवानपुर जिल्लाका प्रमुख जिल्ला अधिकारी राजेन्द्र देब पाण्डेले आयुर्वेद उपचार पद्धति धेरै महत्त्वपुर्ण भएको बताए । प्राणायाम, योग, अभ्यासमा ध्यान दिंदा जीवन स्वास्थ हुने पाण्डेले बताए । हाल कोरोनाको प्रभाव बढ्दो रहेकोले अनावश्यक भिडभाड कम गर्न र स्वास्थ सावधानी अपनाउन प्रजिअ पाण्डेले आग्रह गरे ।
जिल्ला आयुर्वेद स्वास्थ केन्द्र मकवानपुरको आयोजनामा भएको आयुर्वेद सेवाको प्रवर्द्धन गर्न स्थानीय तहका पत्रकारसंग अन्तरक्रिया कार्यक्रममा यस्तो बताइएको हो ।
कार्यक्रम आयुर्वेद पन्चकर्म कन्सल्टेन्ट आयुर्वेद बिज्ञ डाक्टर साइरस न्यौपाने र आयुर्वेद चिकित्सक ललिता पाण्डेले आयुर्वेद केन्द्रले प्रदान गर्दै आएको सेवा र उपचार पद्धतिका बारेमा कार्यपत्र प्रस्तुत गरेका थिए ।
हाल हेटौंडा स्थित आयुर्वेदबाट विशेषज्ञ बहिरगं सेवा, निशुल्क योग परामर्श सेवा, निशुल्क औषधी वितरण, सशुल्क फार्मेसी संचालन पुर्वेकर्म, पंचकर्म सेवा जेष्ठ, नागरीक सेवा, स्तनपायी कार्यक्रम, ल्याब सेवा, फिजियोथेरापी सेवा अकुपञ्चर सेवा क्षारसुत्र सेवा जस्ता सेवाहरू संचालित रहेको चिकित्सक पाण्डेले बताइन् ।
अन्तरङ्ग सेवाको लागि अस्पताल निर्माण हुदैछ । यसको लागि ४ करोड बजेटमा भवन निर्माणको तयारी भएको छ ।
कार्यक्रममा जिल्ला आयुर्वेद स्वास्थ केन्द्र मकवानपुरका अध्यक्ष मधु बजगाईले स्वास्थ सेवा मौलिक हक भएकोले यसलाई जनताको अधिकारको रूपमा स्थापित गर्न आफूहरू अभियानकै रूपमा लागेको बताए । आयुर्वेद उपचार बारे अन्तरक्रियादेखि सचेतना कार्यक्रममा आफूहरू लागिरहेको अध्यक्ष बजगाईले बताए ।
मकवानपुर । बागमती प्रदेश सरकारको दोस्रो कार्यकालको ११ औ बैठकको पहिलो सेसन सोमबार बसेको छ ।
बैठकले ५ वटा अध्यादेश जारी गरेको छ । बैठकले प्रदेशसभा नियमावली २०७४ (पहिलो संशोधनसमेत) लाई अंगिकार गरि बैठक संचालन गर्ने प्रस्ताव बहुमतले पारित गरेको छ।
प्रदेशसभाको पहिले बैठकको अध्यक्षता ज्येष्ठ सदस्य राप्रसाद ढुंगानाले गरेका थिए । बैठकमा आन्तरिक मामिला तथा कानुन मन्त्री कृष्ण प्रसाद शर्मा खनालले प्रदेश निजामती सेवाको गठन , संचालन र सेवाका सर्तहरु सम्बन्धमा व्यवस्था गरेको बनेको अध्यादेश ,२०७९ र स्थानीय तहका सेवाको गठन तथा संचालन सम्बन्धमा व्यवस्था गर्न बनेको अध्यादेश ,२०७९ टेबल गरेका थिए।
त्यसैगरि, संस्कृति तथा पर्यटन मन्त्री दिपेन्द्र श्रेष्ठले प्रदेश स्वास्थ्य सेवा ऐन , २०७५ लाई संसोधन गर्न बनेको अध्यादेश टेबल गरेका थिए । बैठकमा कृषि तथा पशुपन्छी विकास मन्त्री बसुन्धरा हुमागाईले प्रदेश कृषि विकास सम्बन्धमा व्यवस्था गर्न बनेको अध्यादेश ,२०७९ पेश गरेका थिए।
यसैगरि, उद्योग वाणिज्य तथा आपुर्ति मन्त्री मिलनबाबु श्रेष्ठले प्रदेश हस्तकलाग्राम स्थापना तथा संचालनको सम्बन्धमा व्यवस्था गर्न बनेको अध्यादेश २०७९ टेबल गरेका थिए।
बैठकमा प्रदेशसभा नियामावाली पहिलो संसोधन २०७४ को नियम ११ उपनियम १ बमोजिम सभामुख र उपसभामुखको अनुपस्थितमा बैठकको अध्यक्षता गर्न प्रदेशसभाको सदस्यहरु उर्मिला नेपाल , भारती पाठक, ठाकुर प्रसाद ढकाल , लक्ष्मी घिमिरे , राजेन्द्रमान श्रेष्ठलाई मनोनित गरेको छ।
आजको बैठकले प्रदेशका सभामुख र उपसभामुखको चयनका लागि यहि पुष २९ गते शुक्रवार बिहान ११ बजे निर्वाचन गर्ने कार्यतालिका सार्वजनिक गरेको छ।
मकवानपुर । घटना १, भारत मध्यप्रदेश जिल्ला भुपालथाना गोबिन्दपुरा घरभई मकवानपुर जिल्ला बकैया गाउँपालिका ५ तिनतलेमा बस्ने २९ वर्षीया जिया उदासी हत्याको आरोपमा प्रहरीले ०७९ वैशाख १२ गते ३० वर्षीय पति गगन कुमार सोनीलाई गिरफ्तार ग-यो ।
आरोपितले ०७९ बैशाख ११ गते तिनतलेस्थित लालबहादुर स्याङ्बोको घरमा डेरामा पत्निको घाँटी थिची हत्या गरेको भनी पीडितपक्षले बैशाख १२ गते जिल्ला प्रहरी कार्यालयमा उजुरी दिए । शवको पोष्टमार्टम वैशाख १२ गते हेटौंडा अस्पतालमा भयो । पोष्टमार्टमपछि शव परिवारले बुझी राप्ती किनारमा सदगद गरे । पीडितपक्षको उजुरीका आधारमा प्रहरीले आरोपी पतिलाई गिरफ्तार गरी कर्तव्य ज्यान कसुरमा ०७९ बैशाख १६ गते मकवानपुर जिल्ला अदालतमा मुद्दा दर्ता गयो । जिल्ला न्यायाधिस डिल्लीरत्न श्रेष्ठको इजलासले ०७९ जेठ १४ गते आरोपिलाई पुर्पक्ष थुनामा पठायो ।
घटना २
लैङ्गिक तथा अल्पसङ्ख्यक समुदाय २७ वर्षीय तेस्रोलिङ्गी कल्पु कुमारी गुरुङलाई ज्यान मार्ने उद्धेश्यले घाइते बनाएको आरोपमा हेटौंडा १२ का ३२ वर्षीय सुनिल कुमार साहलाई प्रहरीले ०७९ साउन ९ गते गिरफ्तार गयो ।
आरोपित साहले साउन ७ गते हेटौंडा ९ पशुपतिनगर नजिक पीडितलाई ज्यान मार्ने नियतराखी ढुङ्गा र दाउराको चिरपटले प्रहार गरी घाइते बनाएको भनी पीडितले साउन ८ गते जिल्ला प्रहरी कार्यालय मकवानपुरमा उजुरी दिइन् । घाइतेको हेटौंडा अस्पतालमा उपचार गरी साउन ९ गते डिस्चार्ज भयो । पीडितको उजुरीका आधारमा प्रहरीले आरोपिलाई गिरफ्तार गरी ज्यानमार्ने उद्योग कसुरमा साउन १२ गते मकवानपुर जिल्ला अदालतमा मुद्दा दर्ता गर्यो । जिल्ला न्यायाधीस मनकुमारी जिएमको इजलासले भदौ ५ गते आरोपितबाट धरौटी माग गरेको छ ।
यि दुई प्रतिनिधि घटनामात्रै हुन् । सन् २०२२ को जनवरीदेखि डिसेम्बरसम्म अर्थात २०७८ पुसदेखि हालसम्मको अवधिमा मकवानपुर जिल्लामा मानव अधिकार उल्लङ्घन तथा ज्यादतीका ७० वटा घटना भएका छन् ।
जसमा राज्यपक्षबाट ७ जना र अन्यपक्षबाट ६६ जना मानिस पीडित भएका अनौपचारीक क्षेत्र सेवा केन्द्र इन्सेक बागमती प्रदेश कार्यालयले जनाएको छ । जसमध्ये ५० जना महिला, २२ जना पुरुष र १ जना लैङ्गिक तथा अल्पसङ्ख्यक समुदायको व्यक्ति पीडित भएको इन्सेकले जनाएको छ । बाल अधिकारका घटनामा २५ जना बालिका पीडित भएकोमा २१ जना बलात्कारमा परेका छन् भने ३ जना यौन दुर्व्यवहारका घटना र १ नवजात शिशु हत्याको घटनामा भएको थियो ।
जस अन्तरगत २५ वटा घटनामा महिला अधिकारका हनन् भएको थियो । २५ जना महिला पीडित भएकोमा १० जना बलात्कारबाट, ४ जना बलात्कारको प्रयासबाट, ४ जना बहुबिबाह र १ जना बेचबिखनको घटनामा पीडित भएको इन्सेकमा अभिलेख भएको छ ।
यस अवधिमा ८ ओटा हत्याका घटना भएकाछन् । जसमा ३ जना महिला र ५ पुरुष छन् । यस्तै १४ वटा हत्या प्रयासका घटनामा ३ महिला १० जना पुरुष र १ ज लैङ्गिक तथा अल्पसङ्ख्यक महिला पीडित भएको इन्सेकमा अभिलेख भएको छ ।
यस वर्ष परिवारजनबाट ४ जना बालिका सहित ५ वटा बलात्कार, १ यौन दुर्व्यवहार, १ बलात्कार प्रयास र १ नवजात शिशु छोरी सहित ६ वटा हत्याको घटना इन्सेकमा अभिलेख भएको इन्सेक जिल्ला प्रतिनिधि पुष्पराज अधिकारीले बताए ।
इन्सेकको अभिलेखालयमा गतबर्ष सन् २०२१ मा मानव अधिकार उल्लङ्घन तथा ज्यादतीका ७८ वटा घटनामा अन्य पक्षबाट ७८ जना मानिस पडित भएका थिए । जसमध्ये ७३ जना महिला र ५ जना पुरुष पीडित भएका थिए । बाल अधिकारका घटनामा ३४ जना बालिकामा २८ जना बलात्कार, ५ जना यौन दुर्व्यवहार र १ जना बेचबिखनको प्रयासबाट पीडित भएका थिए । उक्त समयमा महिला अधिकारका घटनामा ३३ जना पीडित भएकोमा २१ जना बलात्कार, ५ जना बलात्कार प्रयास, १ जना यौन दुर्व्यवहार र ६ जना बहुबिबाहको घटनामा पीडित भएको इन्सेकमा अभिलेख भएको प्रदेश कार्यालयका प्रमुख गणेश भण्डारीले बताए । त्यस अवधिमा १० वटा हत्याका घटना भएका थिए । जसमा ५ जना महिला र ४ पुरुष थिए एक कुटपिटको घटना इन्सेकमा अभिलेख भएको छ ।
यसैगरी सन् २०२० मा मकवानपुरमा ६२ वटा मानव अधिकार उल्लङ्घन तथा ज्यादतीका घटनामा ५० जना महिला, १२ जना पुरुष र एक लैङ्गिक तथा अल्पसङ्ख्यक महिला पीडित भएको तथ्याङ्क छ । गतबर्षको तथ्याङ्कसंग यस बर्षको घटना तुलना गर्दा जिल्लामा मानव अधिकार उल्लङ्घन तथा ज्यादतीका घटनामा खासै अन्तर नभएको देखिन्छ। अनौपचारीक क्षेत्र सेवा केन्द्र इन्सेकले प्रकाशन गर्दै आएको नेपाल मानव अधिकार वर्ष पुस्तक २०२३ प्रकाशनका लागि आयोजना गरिएको पुर्व समिक्षा कार्यक्रममा यस्तो तथ्याङ्क सार्वजनिक गरिएको हो ।