मकवानपुर । नेपाली कांग्रेसका वरिष्ठ नेता शेखर कोइरालाले मकवानपुरको हेटौंडा ११ मा स्थापित विपी बाटिकामा निर्माण गरिएको प्रतिमा अनावरण गरेका छन्।
नेपाली कांग्रेसका संस्थापक एंव पहिलो जननिर्वाचित प्रधानमन्त्री विश्वेश्वर प्रसाद कोइरालाको ११० औं जन्मजयन्तीमा हेटौंडामा अर्थकदको प्रतिमा अनावरण गरिएको छ ।
विपी विचार समाज मकवानपुरको आयोजनामा गरिएको उक्त कार्यक्रममा नेता कोइरालाले विपी द्धार उद्घाटन गर्नुका साथै बाटिका परिसरमा वृक्षारोपण समेत गरेका थिए ।
समाजका अध्यक्ष विनोदचन्द्र कोइरालाको सभाध्यक्षता तथा नेता शेखर कोइरालाको प्रमुख आतिथ्यतामा कार्यक्रम गरिएको थियो ।
कार्यक्रममा कांग्रेस बागमती प्रदेश सभापति तथा प्रदेश सभा सदस्य ईन्द्र बहादुर बानियाँ सहित प्रदेश सभाका सदस्यहरु, जिल्ला सभापति बुद्ध लामा लगायत मकवानपुरका कांग्रेस नेता तथा कांग्रेसजनहरुको सहभागिता रहेको थियो ।
दुर्गा मन्दिर परिसरमा रहेको विपी बाटिकामा विपीको अर्थकदको प्रतिमा राखिएको हो । बागमती प्रदेश सरकारले बाटिका निर्माण, प्रवेशद्धार निर्माण र अर्थकदको प्रतिमा निर्माणका लागि दुई चरणमा गरि २२ लाख रुपैयाँ प्राप्त गरिएको समाजका अध्यक्ष विनोदचन्द्र कोइरालाले बताए ।
कोइरालाले हेटौंडामा कार्यकर्तालाई प्रशिक्षणात्मक मन्तव्य समेत दिएका छन् ।
मकवानपुर । नेपालका प्रधानमन्त्री पुष्पकमल दाहाल प्रचण्ड आज हेटौंडामा हुने सन्देश सभामा सहभागी हुन आउँदै छन् । उनीसँगै नेकपा एकीकृत समाजवादी अध्यक्ष माधवकुमार नेपाल, जसपाका अध्यक्ष उपेन्द्र यादव, नेकपाका महासचिव नेत्रविक्रम चन्द पनि हेटौंडा आउने कार्यक्रम रहेको छ ।
आज हेटौंडामा हुने चार दल सम्मेलित समाजवादी मोर्चाको सन्देश सभालाई सम्बोधन गर्न प्रधानमन्त्री दाहाल हेटौंडा आउन लागेका हुन् । नेकपा एकीकृत समाजवादी, बागमती प्रदेश कमिटी अध्यक्ष सावित्रा भुसालका अनुसार आज हुने सन्देश सभामा दाहालले दिउँसो १२ बजे सम्बोधन गर्ने कार्यक्रम रहेको छ ।
सभालाई नेकपा माओवादी केन्द्रका अध्यक्ष समेत रहेका प्रधानमन्त्री दाहाल, नेकपा एकीकृत समाजवादी अध्यक्ष माधवकुमार नेपाल, जसपाका अध्यक्ष उपेन्द्र यादव, नेकपाका महासचिव नेत्रविक्रम चन्दलगायतले सम्बोधन गर्ने कार्यक्रम रहेको छ ।
सभामा समाजवादी मोर्चाको अवधारणाबारे कार्यकर्तालाई प्रशिक्षण दिइने तथा समाजवादी मोर्चाको बागमती प्रदेश कमिटीको घोषणा गरिने बताइएको छ ।
यसैगरी अर्को छुट्टै कार्याक्रममा सम्बोधन गर्न नेपाली काँग्रेसका बरिष्ठ नेता शेखर कोइराला पनि हेटौंडा आउने भएका छन् । मकवानपुरको हेटौडा ११ स्थित वीपी वाटीकामा निर्माण गरिएको वीपीको प्रतिमा अनावरण कार्यक्रममा कोइराला हेटौडा आउन लागेका हुन् ।
कांग्रेस मकवानपुरको आयोजना तथा वीपी विचार समाज मकवानपुरको संयोजनमा वीपीको १ सय १० औं जन्मजयन्तीको अवसरमा प्रतिमा अनावरण कार्यक्रम राखिएको हो । कांग्रेस मकवानपुर सभापति बुद्ध लामाका अनुसार नेता डा कोइरालाले जिल्लाका नेता तथा कार्यकर्ताहरुलाई राष्ट्रिय राजनीति तथा कांग्रेसको पछिल्लो समयको रणनीतिको विषयमा जानकारी दिने छन् ।
मकवानपुर । बागमती प्रदेश सभा बैठक आज बस्ने भएको छ । चालु आथिक वर्षको लागि ल्याइएको बजेटमा सहमति अनुसारको कार्यान्वन नभएपछि बैठक बस्न सकेको छैन ।
गत असार २१ गते बजेट पास गरेर सकिएको बैठक भदौ १८ गतेको लागि आव्हान गरिएको थियो । बैठकको लागि दलीय सहमति नभएपछि बैठक नै नबसी २० गतेको लागि सारिएको थियो । तर बैठक २० गते पनि बस्न सकेन । त्यसपछि आज २४ गतेको लाग सभा आव्हान गरिएको छ ।
२ महिनापछि बोलाइएको बैठक १८ गते दिनभर दलको नेताहरुबीच सहमति हुन नसकेपछि २० बुधबारको लागि तय भएकोमा फेरि पनि सहमति हुन सकेन । दलहरुबीचको पछिल्लो सहमति अनुसार आज अपराह्न १ बजे बस्ने प्रदेश सभाका सभामुख भुवनकुमार पाठकले जानकारी दिए ।
सत्तापक्ष र प्रतिपक्ष दलका नेताहरुको सहमतिअनुसार आजको लागि बैठक सारिएको बताइएको भए पनि आज प्रधामन्त्री पुष्पकमल दाहाल प्रचण्ड र नेपाली काँग्रेस नेता शेखर कोइराला हेटौंडा आउने कार्यक्रम भएकोले आज पनि बैठक प्रभावित हुने अनुमान गरिएको छ । बैठकमा माओवादी र काँग्रेस साँसदहरु सभामा अनुपस्थित हुने अनुमान गरिएको छ ।
तिमल्सिनाकाे ‘हार्न नसक्ने मान्छे म’ मामाघरमा विमाेचन
Tags: No Comments
मकवानपुर । मकवानपुरे कवि गणेशकुमार तिमल्सिनाको ‘हार्न नसक्ने मान्छे म’ पुस्तककाे मामाघर नेपालमा विमाेचन गरिएकाे छ । तिमल्सिनाकाे कविता तथा गजल संग्रह ‘हार्न नसक्ने मान्छे म’ को शुक्रबार हेटौडा ११ स्थित मामाघरमा आश्रित ५ जना भान्जाहरुले विमाेचन गरेका हुन ।
पुस्तक विमाेचन पछि पुस्तकका सम्पादक कवि निमेष निखिलले तिमल्सिनाका कविता र गजलहरु उत्कृष्ट रहेको बताए । जीवन भोगाईका सुखदुखकाे अवस्था र अनुभूतिको अभिव्यक्ति नै तिमल्सिनाको कविताको मूल भाव रहेको उनले बताए । प्रतिकुल समयसँग पौँठेजोरी खेल्ने हिम्मत र बाटो बिराएको राजनीतिले सहि बाटो पहिल्याउनु पर्छ भन्ने सन्देश उनको कविता तथा गजलमा समेटिएको निमेषकाे भनाई थियो।
पुस्तक विमाेचन कार्यक्रममा कवि आरसी रिजालले तिमल्सिनाको कविता तथा गजलहरुले वर्तमान मानिसहरुको भावनालाई बोलेको बताए । लामो समयदेखि विभिन्न पत्रपत्रिकामा आफ्ना रचनाहरु प्रकाशन गर्दै आईरहेका तिमल्सिनाले कृति प्रकाशन मार्फत समाजमा भएको समसामयिक विषयलाई उजागर गर्न खोजेको रिजालले जानकारी दिए । कार्यक्रम अनलाईन मिडिया एसोसियसन (ओमान) का अध्यक्ष धर्मेन्द्र दाहालले तिमल्सिनाको कविता तथा गजल संग्रहले मकवानपुरे साहित्यमा थप योगदान दिएको बताए । तिमल्सिनाकाे कविता तथा गजल मार्फत समाजमा ब्याप्त असन्तोष, राजनीतिक खिचातानीलाई ब्याङ्ग्यात्मक शैलीमा उजागर गर्न खोजेको दाहालकाे भनाई थियो ।
‘हार्न नसक्ने मान्छे म’ का सर्जक तिमल्सिनाले आफूले लामो समयदेखि साहित्यको क्षेत्रलाई नियालेको, विभिन्न सञ्चार माध्यममार्फत आफ्ना कविता, गजल सहितका साहित्यक विचारहरुलाई प्रस्तुत गर्ने गरेको बताए । “हार्न नसक्ने मान्छे म” पहिलो पुस्तक भएको भन्दै उनले आगामी दिनमा अन्य साहित्यिक कृतिको तयारी गरेको समेत बताए ।
मामाघर नेपालका सञ्चालक अर्पण पराजुलीको अध्यक्षतामा भएको पुस्तक विमाेचन कार्यक्रममा मकवानपुरका साहित्यकार, राजनैतिककर्मी तथा पत्रकारलगायतका उपस्थिति रहेकाे थियाे ।
मकवानपुर । अलाेरा अर्थात सपना, सुन्दर बन्ने सपना कसलाई हुन्न र ? भित्र सुन्दरतालाई आत्मबल थप्ने काम बाहिरी आवरणले गर्छ । मानवीय जीवनमा याे सवाल छालाकाे सुन्दरता अर्थात् छालाकाे सुरक्षासँग जाेडिन्छ ।
सेवाग्राहीहरुकाे सुन्दर बन्ने सपनासँग हातेमालाे गर्न हेटाैडा ४ कान्तिराज पथमा अलाेरा ब्युटी पार्लर खुलेकाे छ । पार्लरकाे उद्घाटन गर्दै बागमती प्रदेशकाे सामाजिक विकास मन्त्री कुमारी माेक्तानले महिलाहरुलाई सिप दिएर सक्षम बनाउन सकेमा महिलामाथी हुने हिंसा कम हुने अपेक्षा व्यक्त गरिन् ।
सिप सिकेर लामाे समय विभिन्न पार्लरमा काम गरेकाे १५ वर्षकाे अनुभव सहित साैन्दर्यकर्मी अञ्जु तुम्सिङ मगरले अलाेरा ब्युटी पार्लर एण्ड ट्रेनिङ सेन्टर सुरु गरेकी हुन् ।
छालाकाे उचित हेरचाहले बुढ्याैलीलाई छेक्नेमात्रै काम गर्दैन सँगसँग विभिन्न राेगबाट समेत बचाउँछ । पछिल्लाे समय ब्युटी पार्लर सुन्दरतासँग मात्रै हैन व्यवसायसँग जाेडिएकाे छ । सिप सिकेर आत्मानिर्भर बन्नकाे लागि दरीलाे व्यवसाय बनेकाे अञ्जु बताउँछिन । उनले हालसम्म ५ सय बढीलाई पार्लरकाे सिप सिकाएर स्वराेजगार बनाएकी छिन् ।

हेटौंडा उपमहानगरपालिका वडा नं ४ स्थित कान्तिराजपथ कुमारी बैंक नजिकै रहेकाे अलोरा ब्युटी पार्लर तथा ट्रेनिङ्ग सेन्टरमा सुरुवाती समयमा तालिमकाे लागि भर्ना हुने विद्यार्थीलाई बिशेष छुट सुविधा प्रदान गरिने अञ्जुले बताइन् ।
उद्घाटन कार्यक्रममा मन्त्री मोक्तानले सेन्टरले महिला दिदिबहिनीहरुलाई सीप सिकाई आत्मनिर्भर बन्न प्रेरित गर्न सफल हुने विश्वास व्यक्त गरिन् ।
समुद्घाटन समारोहमा मकवानपुर जिल्ला समन्वय समिती प्रमुख ललित घलान,बागमती गाउँपालिका प्रमुख सर्केश घलानलगायतको उपस्थिति थियो। आफूले सिकेकाे सिपलाई अन्यमा समेत ज्ञानकाे रुपमा दिने र आफ्नाे पार्लर खाेल्ने सपना अलाेराले पुरा गरेकाे बताउँदै अञ्जुले भनिन् ‘मेराे सपना पुरा भएकाे छ अब अरु बहिनीहरुमा सपना देख्नकाे लागि सक्षम बनाउने मेराे जिम्मेवारी हुनेछ ।‘ अञ्जु महिला सौन्दर्यको क्षेत्रमा सफल व्यवसायी हुन् ।
पार्लर संचालिका अन्जुसँगकाे कुराकानीः