मकवानपुर । बागमती प्रदेश सभा बैठक आज बस्ने भएको छ । चालु आथिक वर्षको लागि ल्याइएको बजेटमा सहमति अनुसारको कार्यान्वन नभएपछि बैठक बस्न सकेको छैन ।
गत असार २१ गते बजेट पास गरेर सकिएको बैठक भदौ १८ गतेको लागि आव्हान गरिएको थियो । बैठकको लागि दलीय सहमति नभएपछि बैठक नै नबसी २० गतेको लागि सारिएको थियो । तर बैठक २० गते पनि बस्न सकेन । त्यसपछि आज २४ गतेको लाग सभा आव्हान गरिएको छ ।
२ महिनापछि बोलाइएको बैठक १८ गते दिनभर दलको नेताहरुबीच सहमति हुन नसकेपछि २० बुधबारको लागि तय भएकोमा फेरि पनि सहमति हुन सकेन । दलहरुबीचको पछिल्लो सहमति अनुसार आज अपराह्न १ बजे बस्ने प्रदेश सभाका सभामुख भुवनकुमार पाठकले जानकारी दिए ।
सत्तापक्ष र प्रतिपक्ष दलका नेताहरुको सहमतिअनुसार आजको लागि बैठक सारिएको बताइएको भए पनि आज प्रधामन्त्री पुष्पकमल दाहाल प्रचण्ड र नेपाली काँग्रेस नेता शेखर कोइराला हेटौंडा आउने कार्यक्रम भएकोले आज पनि बैठक प्रभावित हुने अनुमान गरिएको छ । बैठकमा माओवादी र काँग्रेस साँसदहरु सभामा अनुपस्थित हुने अनुमान गरिएको छ ।

