मकवानपुर । बागमती प्रदेश सभाको बजेट (आठौ)ं अधिवेशन आह्वान गरएिको छ । प्रदेश प्रमुख विष्णु प्रसाद प्रसाईले आगामी जेठ १६ गते आइतबारको लागि नेपालको संविधानको धारा १८३ को उपधारा १ बमोजिम बजेट अधिवेशनको आह्वान गरेका छन् ।
शुक्रबारको प्रदेश मन्त्रिपरिषद्को बैठकले १६ जेठमा आठौं अधिवेशन आह्वान गर्न प्रदेश प्रमुखलाई सिफारिस गरेको थियो । सोही अनुसार प्रदेश प्रमुख प्रसाइले बैठक आह्वान गरेका हुन् । आठौं वजेट अधिवेशनमा आगामी आर्थिक वर्षको २०७८/०७९को नीति तथा कार्यक्रम र प्रि बजेट छलफलका लागि बैठक आह्वान भएकाे प्रदेश प्रमुखकाे कार्यालयले जनाएकाे छ ।
प्रमुख प्रतिपक्षी दल नेकपा माओवादीले विद्युतीय बस खरिद गर्नुअघि चार्जिङ सेन्टरलगायत पूर्वाधार निर्माण हुनुपर्ने विषयमा सरकारको जवाफ मागे पनि चित्तबुझ्दो जवाफ नआएको भन्दै संसद बैठक पटक पटक अवरुद्ध गरे पछी प्रदेशसभाको ७ औं अधिवेशन गत बैशाख ९ गते अन्त्य गरिएको थियो ।

