मकवानपुर । त्रिदेशीय कप फुटबल अन्तर्गत आज नेपाल र बंगलादेश फाइनलमा भिड्दैछन् । नेपालले कीर्गिस्तानको यू-२३ र बंगलादेश गरि दुवै टिमसँग गोलरहित बराबरी खेल्दै फाइनलमा स्थान बनाएको हो ।
त्यस्तै नेपालसँग बराबरी खेलेको बंगलादेशले कीर्गिस्तान यू-२३ लाई भने १-० गोलले पराजित गरेको थियो । त्रिपुरेश्वरस्थित दशरथ रङ्गशालामा साँझ साढे ५ बजे फाइनल खेल हुने छ ।
यसै बीच प्रधानमन्त्री केपी शर्मा ओली आज दशरथ रंगशाला जाने भएका छन् । नेपाल र बंगलादेशबीच हुने त्रिदेशीय कप फुटबलअन्तर्गत फाइनल खेल हेर्न प्रधानमन्त्री ओली दशरथ रंगशाला जान लागेका हुन् ।

