मकवानपुर । लोक सेवा आयोगले खरिदारको आन्तरिक प्रतियोगिता र दोस्रो चरणको परीक्षा स्थगित गरेको छ ।
२०७८ साल वैशाख ६ गते देखि वैशाख १० गतेसम्म संचालन हुने आन्तरिक प्रतियोगिता र बैशाख ११ गते हुने दोस्रो चरणको परीक्षा तालिका सार्वजनिक गरेको आयोगले सोमबार परीक्षा स्थगित भएको जानकारी गराएको हो ।
‘राजपत्र अनङ्कित द्वितीय श्रेणी (अप्राविधिक) खरिदार वा सो सरह पदको आन्तरिक प्रतियोगितातर्फको परीक्षा कार्यक्रम र सोही पदको मिति २०७८ वैशाख ११ गते सञ्चालन हुने गरी तोकिएको दोस्रो चरणको परीक्षा कार्यक्रम अर्को सूचना प्रकाशन नभएसम्मका लागि स्थगित गरिएको छ ।’ आयोगले सूचना प्रकाशित गरि जनाएको छ ।
चैत ६ गते बसेको आयोगको बैठकले परीक्षा स्थगित गर्ने निर्णय गरेको आयोगले परीक्षा स्थगित हुनुको कारण सूचनामा खुलाएको छैन ।


