मकवानपुर । मकवानपुरको भीमफेदी गाउँपालिका–८ इपाको देउरालीमा बसको ठक्करबाट एक महिलाको मृत्यु भएको छ । मृत्यु हुनेमा स्थानीय ५८ वर्षीया लीला खत्री रहेकी छन् ।
जिल्ला प्रहरी कार्यालय मकवानपु्रका अनुसार इपाबाट भीमफेदी हुँदै हेटौंडातर्फ आउँदै गरेको बा २ ख ९४३० नम्बरको बसबाट ओर्लिएर सडक पार गर्ने क्रममा खत्रीलाई उक्त बसले ठक्कर दिँदा उनको घटनास्थलमै मृत्यु भएको हो । मृतक खत्रीको शव पोस्टमार्टमका लागि हेटौंडा अस्पताल ल्याइएकाे छ ।
बस चालक भीमफेदी ७ काेगटे बस्ने ४३ वर्षीय राजु आचार्य सम्पर्कमा रहेकाे बताइएकाे छ । दुर्घटनाकाे सम्बन्धमा प्रहरीले आवश्यक कानुनी प्रक्रिया अघि बढाएको छ ।

