मकवानपुर। मकवानपुरको हेटौंडामा पिकअप गाडी र माेटरसाइकल एकआपसमा ठोक्किंदा १ जनाकाे मृत्यु भएकाे छ । हेटौंडा उपमहानगरपालिका–१ सामरीस्थित हेटौंडा–भैंसे सडकखण्डमा पिकअप र मोटरसाइकल ठोक्किंदा हेटौंडा – १० का विनोद लामाकाे मृत्यु भएको हाे।
आइतबार अपराह्न करिब ४ः५० बजेकाे समयमा हेटौंडाबाट भैंसेतर्फ जाँदै गरेको खुर्सानी बोकेको बा.प्र.०१–०३२ च ०१४१ नम्बरको पिकअप र विपरीत दिशाबाट आउँदै गरेको बा ४७ प ८४६१ नम्बरको मोटरसाइकल एक आपसमा ठोक्किएकाे जिल्ला प्रहरी कार्यालय मकवानपुरले जनाएकाे छ । दुर्घटनामा घाइते भएका मोटरसाइकल चालक हेटौंडा उपमहानगरपालिका–१० बुद्धचोकका ४२ वर्षीय लामाकाे हेटौंडा अस्पतालमा उपचारकाे क्रममा मृत्यु भएकाे थियाे ।
दुर्घटनामा संलग्न दुवै सवारीसाधन र पिकअप चालकलाई जिल्ला प्रहरी कार्यालय मकवानपुरले नियन्त्रणमा लिएको छ।

