सरस्वती पौडेल
गजल
माया गर्छु भन्ने समाचार आयो सिमराबाट ।
सम्झेर तिमी आउने भए आउ पोखराबाट।
सुख्खा छु, रुखो छु भनेको पनि वर्षौं भयो,
भिजाईदिउँला नहरले मनको गराबाट ।
हुन देउ, आजाद हुन देउ प्रेमको आँकुरालाई,
कोहि अझै रोइरहेछ यहाँ प्रेमकै पिँजराबाट ।
हिजो मसाल उठाएर शहर उज्यालो बनायो,
आज त्यै टुकी निभ्यो त्यो गाउँको टहराबाट ।
फूलको बागबाट एक तिमी मुस्कुराउ यसैगरी
अर्को आमा मुस्कुराउँछिन घरको ओसराबाट।
भरतपुर

