भरतपुर । चितवनको कालिका नगरपालिकाको वडा नम्बर ९ मा अटो दुर्घटना हुँदा ४ जनाको मृत्यु भएकाे छ । कालिका नपा ९ स्थित भित्री सडक खण्डमा उपरदाङगढीबाट शक्तिखोर तर्फ आउदै गरेको बा प्र.०६–००१ ह ०३१५ नं. को अटो अनियन्त्रित भई नालामा पल्टिदा ४ जनाको मृत्यु र १ जना घाइते भएका हुन् ।
जिल्ला प्रहरी कार्यालय चितवनका अनुसार अटो चालक राप्ती ९ घर भएका ३९ वर्षीय पुर्ण विकको उपचारको क्रममा मृत्यु भएको छ । त्यसैगरि राप्ती नगरपालिका ८ बस्ने ५६ वर्षीय बिष्णु कुमारी तामाङ, राप्ती ९ की २२ वर्षीया बिनी तामाङ र सोही स्थानका ५५ वर्षीय तिलक तामाङकाे पुरानो मेडिकल कलेजमा उपचारकाे क्रममा मृत्यु भएको हो ।
सोही दुर्घटनामा घाइते भएकी राप्ती ९ बस्ने ५३ वर्षीय चिनीकुमारी गुरुङको भरतपुरस्थित पुरानो कलेज भरतपुरमा उपचार भइरहेको प्रहरीले जनाएको छ ।

