मकवानपुर । मकवानपुरको मनहरी ज्यामिरेमा सवारी दुर्घटना हुँदा १ जनाको मृत्यु भएको छ ।
आइतबार दिउँसो मनहरी ९ ज्यामिरे स्थित पुर्व पश्चिम सडकखण्डमा हेटौडा बाट चितवनतर्फ जादै गरेको ना ४ ख ८९२१ नम्बरको ट्रक र मनहरीबाट ज्यामिरे तर्फ जादै गरेको ना ४६ प ६०२८ नम्बरको मोटरसाइकल ठोकिएर भएको दुर्घटनामा मोटरसाइकल चालक सुर्य बहादुर मोक्तानको मृत्यु भएको हो ।
उक्त दुर्घटनामा मोटरसाइकल चालक मनहरी ७ बस्ने ४० वर्षीय मोक्तान घाइते भएकोमा पुरानो मेडिकल कलेज भरतपुर चितवनमा उपचारको क्रममा मृत्यु भएको जिल्ला प्रहरी कार्यालय मकवानपुरले जनाएको छ । घाइते मोक्तानलाई मनहरी अस्पतालमा सामान्य उपचार पश्चात थप उपचारको लागि भरतपुर रिफर गरिएको थियो ।
दुर्घटना भएको स्थानमा बाटो अवरोध नभएको तथा मोटरसाइकल ट्रक र ट्रक चालक हेटौडा ११ थानाभर्याङ बस्ने ५४ वर्षीय बुद्धि बहादुर स्याङतानलाई इलाका प्रहरी कार्यालय मनहरीले नियन्त्रणमा लिएको बताइएको छ ।

