मकवानपुर । मकवानपुर जिल्ला भीमफेदी गाउँपालिका–६ जुरीखेत सडक खण्डमा सुमो दुर्घटना हुंदा ६ जनाको ज्यान गएको छ ।
दुर्घटनाबाट ४ जनाको घटनास्थल मै ज्यान गएको प्रहरीले जनाएको छ । अर्को २ जनाको उपचारको क्रममा हेटौंडा अस्पतालमा ज्यान गएको हो । अन्य ३ जनाको हेटौंडा अस्पतालमा उपचार हुंदैछ ।
स्थित भीमफेदी–कुलेखानी–काठमाडौँ सडक खण्डमा काठमाडौँबाट हेटौंडातर्फ आउँदै गरेको सुमो सांझ दुर्घटना भएको थियो ।
आईतबार साँझ काठमाडौँबाट हेटौंडातर्फ आउँदै गरेको ना १ज १७७८ नम्बरको सुमो सडकबाट करिब १०० मिटर तल खोल्सामा खस्दा दुर्घटना भएको जिल्ला प्रहरी कार्यालय मकवानपुरले जनाएको छ ।
सुमोमा ६ जना पुरुष, १ महिला, १ बालिका र १ बालक रहेका थिए । मृतक तथा घाईतेहरुको सनाखत हुन बाँकी रहेको जिल्ला प्रहरी कार्यालय मकवानपुरले जनाएको छ।

