मकवानपुर । मंसिर ३ गते बुधबार रातको ११ः५९ बजेदेखि वर्षे अधिवेशन अन्त्य गर्न बागमती प्रदेश सरकारले प्रदेश प्रमुख समक्ष सिफारिस गरेको छ ।
बागमती प्रदेशसभाको वर्षे अधिवेशन अन्त्य गर्न प्रदेश प्रमुख समक्ष सिफारिस गरिएको हो । प्रदेश सरकारको बुधबार बसेको मन्त्रिपरिषद् बैठकले यस्तो सिफारिस गरेको हो । बैठकले प्रदेश सभाको चालु वर्षे अधिवेशन अन्त्य गर्न प्रदेश प्रमुख दीपकप्रसाद देवकोटा समक्ष सिफारिस गर्ने निर्णय गरेको सरकारका प्रवक्ता एवम् आर्थिक मामिला तथा योजना मन्त्री प्रभात तामाङले जानकारी दिए ।
नेपालको संविधानको धारा १८३ को उपधारा २ बमोजिम मंसिर ३ गते बुधबार रातको ११ः५९ बजेदेखि अधिवेशन अन्त्य हुने गरी सिफारिस गर्ने निर्णय गरेको उनले बताए । सरकारले अब छिट्टै विधेयक केन्द्रित हिउँदे अधिवेशन बोलाउने तयारी गरेको उनले बताए ।

