मकवानपुर । मकवानपुरकाे हेटौंडामा २ जना कविलाई सम्मान गरिएकाे छ । शनिबार बागलुङका कवि भूपिन र काठमाडौंका कवि तथा समालोचक डा.विन्दु शर्मालाई एकै मञ्चमा सम्मान गरिएको हो ।
साहित्य सङ्गम मकवानपुरको शनिबार भएकाे ३६० औँ साहित्य सन्ध्यामा “डम्बर पूर्णमाया स्मृति कविता सम्मान” २०८० बाट बागलुङका कवि भूपिन र २०८१ बाट काठमाडौका कवि शर्मालाई सम्मानित भएका हुन् । कवि जेनन नेपाल संस्थापक रहेकाे उक्त सम्मानकाे राशी जनही २२ हजार २२२ रुपियाँ रहेकाे छ । कार्यक्रममा पुरस्कार संस्थापक नेपालकाे विशेष कविता वाचन समेच गरेका थिए ।
उक्त अवसरमा ‘काठमाण्डु प्याराडाइज’ नियात्रा सङ्ग्रहकाे गृह विमोचन तथा परिचर्चा समेत गरिएको छ । हेटौंडा–११ निवासी नियात्राकार राजाराम बर्तौलाको उक्त नियात्रा संग्रहकाे गृह विमोचन गरिएको छ । संगम अध्यक्ष डीबी बर्तौलाको सभाध्यक्षता तथा साहित्यकार डा. निमेश निखिलको प्रमुख आतिथ्यतामा कार्यक्रम भएकाे हाे ।

