मकवानपुर । बागमती प्रदेश सरकारले दस लाख रुपैयाँ वा सो भन्दा कमका बजेट तथा कार्यक्रमहरू कार्यान्वयन नगर्नु भनी मन्त्रालयहरू तथा कार्यालयहरूमा पठाएको विषयप्रति राष्ट्रिय अपाङ्ग महासंघ नेपाल बागमती प्रदेशले गम्भीर ध्यानाकर्षण भएको जनाएकाे छ ।
प्रदेश सरकारकाे गत ५ असोजकाे निर्णय तथा २३ असोजकाे मातहतका निकायलाई गरिएकाे पत्रले विभेद गरेकाे भन्दै महासंघले प्रदेश सरकारकाे ध्यानाकर्षण गरेकाे हाे । अपाङ्गता भएका व्यक्तिहरुकाे हक अधिकार सुनिश्चित नहुने भन्दै महासंघले ध्यानाकर्षण गरेकाे जनाएकाे छ ।
‘नेपालको संविधान २०७२ को धारा १८(३) ले सबै नागरिकलाई समानताको अधिकार सुनिश्चित गर्दै राज्यले कुनै पनि आधारमा विभेद गर्न नपाउने व्यवस्था गरेको छ’ महासंघकाे ध्यानाकर्षणमा भनेकाे छ ‘धारा ४२(१) ले अपाङ्गता भएका व्यक्तिलाई समान अवसर, पहिचान र सहभागिताको हक सुनिश्चित गरेको छ ।’
हेर्नुहाेस ध्यानाकर्षण पत्र


