मकवानपुर । जिल्ला मकवानपुर हेटौडा उपमहानगरपालिका १५ र बारा जितपुर सिमरा उपमहानगरपालिका २२ चुरियामाई स्थित मकवानपुर र बाराकाे सिमाना पुर्व पश्चिम सडक खण्डमा सेना बोकेको ट्रक दुर्घटना भएको छ।
२ नम्बर राजदल गण तनहुँबाट धनुषा तर्फ जाँदै गरेको सेनाको ट्रक दुर्घटना भएको हो। दुर्घटनामा परि ३ जना गम्भीर र १३ जना सामन्य घाइते भएको जिल्ला प्रहरी कार्यालय मकवानपुरले जनाएको छ । ट्रकमा २२ जना सेना सवार थिए ।
उप सेनानी हर्ष बिक्रम अधिकारीको कमाण्डमा जादै गरेको ४ वटा नेपाली सेनाको ट्रक मध्ये लु १ ग २८० नं.को ट्रक सिमानाको पुल बाट अन्दाजी १२ फिट तल खोल्सामा खसेको थियो ।
घाइतेहरुलाई नेपाली सेनाकै सहयोगमा उद्दार गरी उपचारको लागी हेटौडा अस्पताल ल्याइएको मकवानपुर प्रहरी प्रवक्ता श्यामु अर्यालले बताए ।

