मकवानपुर । मकवानपुरकाे हेटौंडा उपमहानगरपालिकामा चट्याङ लागेर १ जनाकाे मृत्यु भएकाे छ । शुक्रबार राती हेटौंडा –१५ कमेरोपानीमा चट्याङ लागेर हेटौंडा–१६ सानो आकाशधाराका ३७ वर्षीय बुद्ध बहादुर प्रजाकाे मृत्युकाे मकवानपुर प्रहरीले जनाएकाे छ ।
मकवानपुर जिल्ला प्रहरी कार्यालयका प्रवक्ता श्यामु अर्यालका अनुसार चट्याङ लागेर हाल बारा निजगढ नगरपालिका–१३, बस्ने प्रजाको घटनास्थलमा नै मृत्यु भएको हो । स्थानीय धनबहादुर स्याङतानले सञ्चालन गरेको किराना पसलमा दैनिक उपभोगका सामान खरिद गर्न गएका बेला चट्याङ लागेर उनकाे मृत्यु भएको हो । प्रहरीका अनुसार शव परीक्षणका लागि हेटौंडा अस्पताल ल्याइएकाे छ ।

