मकवानपुर । मकवानपुरको मनहरी गाउँपालिकामा चट्याङ लागेर एक जनाको मृत्यु भएको छ । मंगलबार दिउँसो मनहरी–६,हाङलाङमा चट्याङ लागेर एक जनाको मृत्यु भएको प्रहरीले जनाएकाे छ ।
चट्याङ लागेर मनहरी–६, दैलीडाँडाका ४२ वर्षीय विशालको घटनास्थमै मृत्यु भएको जिल्ला प्रहरी कार्यालय मकवानपुरले जनाएको छ । यसैगरी चट्याङ लागेर ७ जना घाइते भएका छन् । घाइते हुनेमा मनहरी ६ का १२ वर्षीया वर्षा घलान, १२ वर्षीय सुजन घलान, १६ वर्षीय सन्तोष घलान, ३८ वर्षीया शान्ति तितुङ, ३४ वर्षीय प्रेम बहादुर घलान, ३७ वर्षीय राजकुमार घलान छन् यसैगरी चितवन जिल्लाको राप्ति नगरपालिका–११ का ४७ वर्षीय पान बहादुर मोक्तान समेत घाइते भएका छन् ।
घाइतेहरुकाे अवस्था सामान्य रहेकाे प्रहरीले जनाएकाे छ । घेवा (किरिया) भइरहेकै ठाउँमा परेको चट्याङका परेकाे बताइएकाे छ । प्रहरीका अनुसार घाइतेहरुको उपचार मनहरी अस्पतालमा भइरहेकाे छ ।

