मकवानपुर । मकवानपुर जिल्लाको राक्सिराङ गाउँपालिकामा प्रहरीले एक थान कटुवा पेस्तोलसहित त्यसमा लाग्ने ५ राउण्ड गोली बेवारिसे अवस्थामा फेला पारेको छ ।
राक्सिराङ गाउँपालिकामा- १, ढुंगेनमा शनिबार राती बेवारिसे अवस्था रहेको उक्त पेस्तोलसहित गोली र २ किलो ४८० ग्राम अफिम बरामद भएको जिल्ला प्रहरी कार्यालय मकवानपुरले जनाएको छ ।
स्थानीय चन्द्रलाल मोक्तानको बारीमा रहेको आँपको फेदमा प्लाष्टिकमा सेतो बोरामा बेरी राखेको पेस्तोल, गोली र अफिम बरामद भएको प्रहरी जनाएको छ ।

