मकवानपुर । मकवानपुरकाे हेटौंडामा खुला वक्तृत्वकला प्रतियोगिता हुने भएकाे छ ।
पारिजातको स्मृति दिवसको अवसरमा आँचल साहित्य कला पुञ्ज मकवानपुरले वक्तृत्वकला प्रतियोगिता आयोजना गर्ने भएकाे हाे । हेटौंडा उपमहानगरपालिका १० नम्बर वडा कार्यालयको सहयोग रहने उक्त कार्यक्रम ५ वैशाख २०८२ मा आयोजना गरिने आँचलकी अध्यक्ष भावना सापकोटाले बताइन् ।
‘सामाजिक रूपान्तरणमा राजनैतिक आन्दोलन’ विषयमा खुला वक्तृत्वकला प्रतियोगिता हुने उनले जानकारी दिइन् । पारिजानकाे स्मृति दिवसमा आँचलले हरेक वर्ष विभिन्न कार्यक्रम संचालन गर्दै आएको उनले बताइन् ।प्रतियोगितामा सहभागी हुने प्रतियोगीहरुकाे छनोट भर्चुअल माध्यमबाट हुने बताइएको छ ।
कार्यक्रममा सहभागी हुन २ वैशाख साँझ ५ बजेसम्म आफ्नो नाम र आवश्यक विवरण टिपाइसक्नु पर्ने उनले जानकारी दिइन् । प्रतियोगीतामा प्रथम, द्वितीय, तृतीय र सान्त्वना हुनेलाई क्रमशः १० हजार, ७ हजार, ४ हजार र १ हजार रुपैयाँ प्रदान गरिने छ ।

